سوالف طلبات النت (( مكياج و أغراض تنظيم المكياج ))

[{ سحر الوَرد *]

من TiffanyD - - لونها في الباليت Eiffel - الأسود أول واحد من اليسار ​

​

​

​

​

​

​

لوك سوته بالباليت Parisian Smokey Eye​

Parisian Smokey Eye

​

​

 

[مراوي22]

الصفحه الي قبل مادري ليش طالع لي إكسات مافي صور بس الصفحه إلي فيها لوك تيفاني عجيب الباليت حبيتوووووووو إن شاء الله بطلبه لين نزل

 

[عسوله ودلوعه]

واااااااااااااي مراوي روعه الباليتات

 

[نسكافه]

هلوووو شخباركم بنات احلا تجمع
انا صارلي يومين مايفتح عندي المنتدى مدري ليه
المهم شوفوا اخر اوردر طلبت كفرات للايفون
الاول حق الكرف وصدق صدق لولا هالكفر كان من زمان ايفوني مودع الدنيا
لان انا دايم الايفون ينزلق من يدي وولدي الله يهديه انا وياه ضرابه
على الايفون يبي يشوف حلا الترك باليوتيوب ولو مافتح معه الرابط فر الايفون طررررراخ
ههههههه هذي ثاني مره اطلب هالكفر طلبت اللون الاحمر لي والازرق لزوج خالتي لان عجبنه خخخخخ

http://blog.atlanticexpressinc.com/2010/09/03/otterbox-defender-iphone-4-case

http://www.macnn.com/reviews/otterbox-iphone-4-defender-series-case.html

http://www.amazon.com/OtterBox-Univ..._17?s=wireless&ie=UTF8&qid=1336576150&sr=1-17

حشى صاير درع مو كفر خخخخخخ

وطلبت اثنين حق الكشخه

http://www.luxaddiction.com/shop-by-designs/style-393-bling-case-for-all-phone-device-models.html

http://www.luxaddiction.com/shop-by-designs/style-391-bling-case-for-all-phone-device-models.html

شوفوهم بالفيديو شلون يبرقون ذكروني بميكب ستوري تحب البرقه هههههه

http://www.youtube.com/watch?v=4DGQgGIQwT8&list=UUsaEl9Gu19Sgq3pFgkOrnxQ&index=34&feature=plcp

 

[نسكافه]

من TiffanyD - - لونها في الباليت Eiffel - الأسود أول واحد من اليسار ​

​

​

​

​

​

​

لوك سوته بالباليت Parisian Smokey Eye​

Parisian Smokey Eye

​

​

حلو الباليت يجنن :rerrerek::rerrerek:

 

[نسكافه]

_03ba:




فهمتو صح




فديت إلي يفهموني من غير ماتحجى :eh_s(22):

_shh_:

مراوي ماله داعي تطلبين باليت ذا بلام احسه اكثر من عادي مافي شي مميز فيه
وانتي قصدج ان باليت نيكد وهذا يتشابهون كثير صح

 

[نسكافه]

سحر الورد
افتكر تقصدين هالشي الرااااااااائع اللي من قلب عجيب حطيه بشنطتج حسيتي شعرج نافش اخذي شويه على الطراف اصابعج وعدلي الخصله وبث وعادي شحنته اراميكس لانه مو سائل مثل لكريم الابيض النااااااااااشف حده يعني بحرارة يدج يسيح
تفضلي هذي اسمه وبنات نصيحه اخذوه اينن
kenra platinum working wax mold & modify 15 hair styling waxes
وهذي شكل العلبه

ضماي
شصار وياج مع هالعين اعوذ بالله
انا تصير معاي مرات اكره احوس ادور واتشرا بس بصراحه ماطول
حدي شهر بالكثير وارجع اخس من اول
انتي شكله مو عين يمكن تشبع ههههه
المهم شرايج بهالمنتج الي حطيتيه مايدهن الشعر او يلزق او يخلي الشعر يابس

 

[نسكافه]

خوووش لستة الصراحة يمي ههههه

عليييج بالعااافية

بشرري وصلت ولا للحين؟

انا ترى ماعندي منظف البيوتي بليندر

عشان جذي نصحتكم تاخذونه! لان اللي عندي اذبحها بالتنظيف وانقعها وبعد يتم فيها اثر
يقولون المنظف الخاص هو الوحيد اللي ينظفها عدل

انا اوردي استهلكت وحدة والثانية توني بديت استخدمها

فاذا استهلكتها ورجعت اطلب باخذ المنظف مرة وحدة

اما ماكروون مراوي حصلته ببانكوك.. احنا جاري البحث للحين

والفرشة طبعا كلنا انا وانتي وآيمي تكيسلنا وراحت علينا

وكولكشن ماك اي ترى انا مثلج

اصباغ ماك ماتجذبني

انا احب china glaze & opi
هم التوب عندي

بس تعرفين انا الفوشي من الواني المفضلة

وغيرل اباوت تاون معروف من احلى الفوشيات

فقلت بطقم معاه القلوس والصبغ دامهم نفس اللون والاسم وجذي

ونوردستروم منزلين الـ 7 الوان مال امريكا بس

الكولكشن كامل بيكون موجود في سايت ماك بس

<<< بطلب بولش واحد على مسئوليتج لوول

ترى اكثر من مرة اقول بقوي قلبي مثلج بس اخر شي اتردد

وهالمرة طلبت الجل بتهور بدون تردد ووقفت شحنتي بسبته لووول

اما القلوسات انا احب قلوسات ريفلون نفس اللي طلبتيهم..

جربت منهم الوان وايد يمكن 6

وشكلي بطلب الوردي والبرتقالي اللي ضافوهم عقب مع البنفسجي الفاتح

ترى تغليف بيوتي نفس مستوى دراق ستور
اذكر من فتر ةوحدة بالمشتريات حطت صور طلبية منهم كانت طالبة عن طريق تاجرة تطلب لها
وصلها بلاشر كارغو الدائري مفتت.. اعتقد اثنين بعد مب واحد

لكن اظن ضماي انت من قبل كلمتهم لايف جات اول ماسويت الاوردر وقبل مايشحنونه علشان يزيدون التغليف ويغلفون كل شي عدل

ا هلين سحوره حياتي
شفتي لستتي مخاسير على سنع بس نسيت احط كود التخفيض يله ان شاء الله المرات الجايه
والبيوتي بلندر شكلي بطلب المنظف مالها اذا انتي ذبحتيها تنظيف وماراح منها الميكب
امممم ايوه اطلبي من نودستروم على مسئوليتي ولايهمك لان تغليفهم روعه يلفون كل غرض لوحده بورق
اعتقد الارامكس مافيهم حيل يفكون ويفتشون هههههه يله قوي قلبج واطلبي يالخوافه
تذكريني بدعايه( ديو قوي قلبك ) ههههههههه
وشحنتك ماعتقد توقفت بسبت الجل يمكن السبراي لان السبراي فيه مواد قابله للاشتعال
وعن المغامرات اوووه لوتشوفين كم غامرت مدري ليه احس بحماس اكثر خخخخخ
مره طلبت عطرين من ايفون تعمدت اطلبهم رخاص عشان لو كسروهم ماانقهر
وارسلو لي ايميل يقولون ممنوع واتصلوا وانا حاقرتهم ولا عبرتهم تالي جابوهم هههههه
تصدقين اول مناكير شاينا جليز كنت اطلبهم كلوكشن كامل وكانوا يوصلون
ماعدا مرتين الارامكس مامشوهم لي ومره طلبت مناكير كوندا تبع الرسم ومامشوه حدي انقهرت
عليهم لان صدق احتاجهم وهنا غاليين لو كان حقرتهم مارديت كانوا مشوهم بس زوجي الله
يهديه اتصلوا عليه قالهم كسروهم بدون مايخبرني بغيت اكله من القهر ههههه
وشاينا جليز احبها بعد مثلج تجنن انتي حطي لي الوانج المفضله منها
وحطي بعد اللوان الجلوسات هههههه عادي لو تحطين لستتج كامله مافي مانع
وخسااااااااره بيوتي تغليفهم نفس دراج ستور صدق مايستحون عندهم ماركات غاليه
مايغلفونهم عدل هذول يبي لهم زف محترم كنت بطلب بلشرات تارت منهم بس هونت
مابي اقهر عمري
وااوردري وصل بس للحين بالارامكس مارحت استلمه مشغوله ومنطقتنا مايوصلون للبيت
قلت بخليه شوي لين توصل باقي الاغراض واروح استلمهم مره وحده مافيني كل يومين
اضرب مشوار عشان بوكس واحد

 

[! Miss.Q8 !]

تسلمين مراوي على المعلومات ان شاء الله بسجل بالباي بال شكله ماكو الا هالطريقة

باليت سيجما اليديد في الوان وايد حلووة وشكله يشوووق كنت بأجل طلبيتي للفرش لما ينزل

بس قلت لي اللحين مو متأكده اذا يسووه ولا لا انا شوقوني البلوقر في وايد منهم احبهم وقلت اكيد بينزلون شي عليه القيمه

مع ان عندي اكتفاء بالشدوات اكوود الوان وما استخدم الا النيكد ودرجاته بس حاطته باللسته بطلبه مع جم فرشه

بس بنطر ريفيوز اكثر من النااس على امل اني اهووون عنه ^_^

 

[Sparkle]

هممم ما أدري شتحبون بل باليت
شفت السواتشز له من
http://www.xsparkage.com/?p=5126

أنصح كل مدمنة ماك تشوف كولكشنها حق الألوان الي بقولها

Eiffel- MakeupByTiffanyD
شوفوا شادو من ماك اسمه Black tied

Seine- Group Effort
شادو Deep truth

Louvre- Petrilude
ما لقيت الوحيد الي حط لون مميز دائما مبدع أنا شايفته بس اب باليت (1st edition (120

Orsay- MacNC40
هذا مكس شادو Aquadiasiac ويا شادو Humid أو Swimming أردلكم خبر النتيجه

Elysees- DulceCandy87
شادو Sketch

Notre Dame- XTeener
وايد قريب حق شادو Shale

وشادو شانيل اسمه Fauve

Triomphe- FrmHeadToToe

شادو Club من Mac

وبيجمنت Blue brown من ماك أو شادو #12 من Makeup forever


Versailles- xSparkage
همم لونه ذهبي وابيض عندي لون من باليت Wonder woman يذكرني شووي فيه لما أسويله سواتش

بقوول شادو Nylon يمكن مخلون ويا شوي شادو أبيض شيمر

أو شادو من Ben Nye اسمه Ice gold
هذا سواتش له

 

[alroza]

سحر الورد

الله يعافيج حبيبتي

جوفي حسبتهم لي

اما الشحن الاقتصادي انا بالاول قلت خلني اجرب فطلبت فرش سيقما وباليتات Z بما انهم اول شي اوصلو فحسبوهم لي 2Lb وطلع عليي 33 دولار مع تغليف زيادة وتأمين يعني زين خمس ايام ووصلوا لي

بالنسبة حق الفرشة المشطوفة هاذي من

http://www.tmart.com/ هو free shipping

طلبت من عندهم سيت فرش بس طلعو وايد خشنين وطلبت مقالم للميكب عجبوني زينين وكنت طالبة air swimmer جان عرفتيها السمجة اللي بروموت وطلبت فلاش ميموريز وايد زينين وعندهم اشكال حلوة
عندهم شحن دولي يوصل خلال اسبوع واذا البوكس كبير يروح للبريد ويتصلون لج وتروحين تستلمينه واذا الغرض صغير يوصل للبيت تغليفهم زين بعد بس ترا ماعندهم يعني اشياء وايد في الميكب يعني اذا تبين تاخذين اشيه للبيت وهاسوالف يعني زين

اما السليك خذتهم من

http://www.pauls-hair-world.co.uk/​

بس تغربلت معاهم انا مادري شللي خلاني اطلب من عندهم تخيلي وصلتني الاغراض ناقصة بوايد والتغليف كللش سيء حتى باليتين منهم كانو المراية مالتهم مكسورة بعد زين مو الشدو نفسه فالحمدلله كنت دافعة بالباي بال ولا جان بيروح حقي، طرشت حق الباي بال قصتي كلها معاهم واخر شي رجعوا لي باقي المبلغ تقريبا اربعين دينار وشوي
فما انصحكم فيه

*

 

[مراوي22]

واااااااااااااي مراوي روعه الباليتات

يعني جنج جنج تشجعيني آخذهم :eh_s(22):

مراوي ماله داعي تطلبين باليت ذا بلام احسه اكثر من عادي مافي شي مميز فيه
وانتي قصدج ان باليت نيكد وهذا يتشابهون كثير صح

لا إلا قصدي أبيهم إثنينهم :krkrkr:

ذا بالم حبيته من إيمي 83 إلي عندها جانل باليوتيوب أحب لوكاتها وكل شي تقول عنه حلو أكتشف إنه المفضل عندي فوايد أحب ذوقها لأني أحسها قاعده تتكلم عني غريبه هالانسانه وسوت لوك بهالباليت وإهي تحب الالوان البرغنديه نفسي وآنه عادي آخذ هالباليت بكبره عشان هاللون البرغندي الجميل

تسلمين مراوي على المعلومات ان شاء الله بسجل بالباي بال شكله ماكو الا هالطريقة

آنه مشجله فيه بس لين ألحين ماجربته إلا مرتين يمكن لأنه أغلب المواقع ماتطلب الدفع بالباي بال بس إحتايط شجلي عشان إذا بغيتي تطلبين من موقع يطلب منج الدفع بالباي بال تكونين مجهزه نفسج

باليت سيجما اليديد في الوان وايد حلووة وشكله يشوووق كنت بأجل طلبيتي للفرش لما ينزل

أمس جفت ريفيوهات أكثر عنه على أمل أغير رايي وما آخذه وإكتشفت إنه بالنظر وايد يتشابهون بس لمن تجربينهم وايد في فرق في الالوان

وإختي أنقذتني إهي من زمان قايله تبيني أطلب لها النيكد1 فقالت لي أطلب نيكد 2 وأجوف أي واحد أبيه وأعطيها الثاني ياخوفي أطلب الثاني وبعدين أتليوس وآخذهم إثنينهم

بس قلت لي اللحين مو متأكده اذا يسووه ولا لا انا شوقوني البلوقر في وايد منهم احبهم وقلت اكيد بينزلون شي عليه القيمه

مع ان عندي اكتفاء بالشدوات اكوود الوان وما استخدم الا النيكد ودرجاته بس حاطته باللسته بطلبه مع جم فرشه

بس بنطر ريفيوز اكثر من النااس على امل اني اهووون عنه ^_^

جوفي بعطيج رايي إنتي أول أوردر طلبي شي بخاطرج مثال تبين النيكد أنصحج تطلبينه من سيفورا في أمازون لو تبين اللنك بحطه لج إبتدي بموقع أمازون لأنه من أسهل المواقع وجوفي الخطوات بنفسج

أو طلبي من سليك وحطي عنوانج في السعوديه المهم إنج أول مره تجربين بشي بسيط لازم تجربين بنفسج عشان تعرفين حق الطريقه

وبعدين لمن تخلصين الاوردر راح تدخلين معانه مصحة الادمان أون لاين :ggdw: أهلاً وسهلاً بك نياهاهاهاها


سوسو

تصدقين كل شادوهات ماك عندي إياهم وراكنتهم صار لي مده مافتحت باليت ماك من خذيت سليك ركنت باقي الباليتات

تعرفين الادمان بعيد عنج كل شي يديد نبيه :eh_s(16):

 

[فواصل]

صباحو

عليكم بالعافية على مشترياتكم الحلوة

مراوي

مشكورة على الشرح المفصل

المفروض يكون في بداية الموضوع علشان مب كل وحدة تجي تسأل نفس السؤال كل مرة

وبخصوص باليتات

اصوت لنيكيد اما ذا بالم نسخة منه بالضبط

اما باليت باريس انا مع سباركل الوانه مكررة

 

[alroza]

مراوي


نيكد 2 احس ماله داعي لان الوانه وايد متقاربة مع الاول انتي بروحج كنتي تقولين قبل ، الا اذا العلبة عاجبتج مثل ماهي عاجبتني وthe balm اشقصته ناويه عليه:eh_s(10):
​

 

[alroza]

بنات

سليك نزلوا باليتULTRA MATTES هجووووووووم​

:eh_s(9):

 

[! Miss.Q8 !]

يعني جنج جنج تشجعيني آخذهم :eh_s(22):



لا إلا قصدي أبيهم إثنينهم :krkrkr:

ذا بالم حبيته من إيمي 83 إلي عندها جانل باليوتيوب أحب لوكاتها وكل شي تقول عنه حلو أكتشف إنه المفضل عندي فوايد أحب ذوقها لأني أحسها قاعده تتكلم عني غريبه هالانسانه وسوت لوك بهالباليت وإهي تحب الالوان البرغنديه نفسي وآنه عادي آخذ هالباليت بكبره عشان هاللون البرغندي الجميل



جوفي بعطيج رايي إنتي أول أوردر طلبي شي بخاطرج مثال تبين النيكد أنصحج تطلبينه من سيفورا في أمازون لو تبين اللنك بحطه لج إبتدي بموقع أمازون لأنه من أسهل المواقع وجوفي الخطوات بنفسج

أو طلبي من سليك وحطي عنوانج في السعوديه المهم إنج أول مره تجربين بشي بسيط لازم تجربين بنفسج عشان تعرفين حق الطريقه

وبعدين لمن تخلصين الاوردر راح تدخلين معانه مصحة الادمان أون لاين :ggdw: أهلاً وسهلاً بك نياهاهاهاها


سوسو

تصدقين كل شادوهات ماك عندي إياهم وراكنتهم صار لي مده مافتحت باليت ماك من خذيت سليك ركنت باقي الباليتات

تعرفين الادمان بعيد عنج كل شي يديد نبيه :eh_s(16):

انا بديت اول طلبيه من سيجما طلبت لي فررش

وطلبت من امازون من قبل يعني لي تجارب بس مو وايد

والنيكد عندي 1 و 2 يايبينهم لي من لندن

انا كنت اطرش ريلي لانه يسافر وايد فأغلب الاشياء اهو ايبها لي من برى

بس بعد لما اشوف واختار بروحي بالنت وايد اريح وعن حنته بسج مكياج :eh_s(16):

طلبيتي من سيجما وصلت بريدي بامريكا ولما توصل لي الكويت بحط لكم الصور هني

وببدي ادمان الطلب من النت رسمي معاااكم :eh_s(9)::eh_s(22)::eh_s(15):

 

[مراوي22]

بنات

سليك نزلوا باليتULTRA MATTES هجووووووووم​

:eh_s(9):

أمس سحوره إكتشفت وخبرتني بس للأسف مايصير نطلبهم شكله في خلل أو مخلص أهو يعطيج إنه موجود بمجرد ماتحطينه عشان تدفعين تعلق الصفحه حظ موفق إذا صار معاج إخذي لنه آنه وسحوره :eh_s(22): بندفع لج أكيد :eh_s(22):

 

[مراوي22]

صباحو

عليكم بالعافية على مشترياتكم الحلوة

مراوي

مشكورة على الشرح المفصل

المفروض يكون في بداية الموضوع علشان مب كل وحدة تجي تسأل نفس السؤال كل مرة

وبخصوص باليتات

اصوت لنيكيد اما ذا بالم نسخة منه بالضبط

اما باليت باريس انا مع سباركل الوانه مكررة

آنه بعد أقول جذي بخبر سباركل إذا تقدر تعدله لأنه بضيف خطوات الحين بعد ياريت تحطه في البدايه

 

[مراوي22]

وايد بنات يطرشون لي رسايل يسألون عن الخطوات

راح أحطها إهني عشان الكل يجوف مدى سهولة الطلب أون لاين

بسوي الطريقه على موقع Sleek بما إنه يشحن دولي فما تحتاجون صندوق بريد في بريطانيا أو أمريكا

بس تحتاجون الفيزا طبعاً

بسم نبدأ

وإلي بترجع تسأل مره ثانيه :23_asmilies-com: فتحو عيونكم


:krkrkr: أتغشمر طبعا

هاي الموقع

http://www.sleekmakeup.com/

















إهني تختارون نوع البطاقه إلي عندكم وتضغطون عليها وراح يدخلكم على هالصفحه



تملونها مثل ما آنه كاتبه فوق

والبوست كود وايد يسألون عنه قبل كنت أحط فتح خط البحرين صندوق بريد الشغل والصراحه ماتفرق ويمشي الاوردر عادي بس في بنات مايصير لهم فالاحسن إنكم تحطون 000

البوست كود أتوقع مسوينه حق الدول العوده إلي فيها مدن وولايات يعني الرمز ذي يكون ككود يتعرفون فيه عالمناطق أتوقع جذي

وبجذي أكون خلصت أول درس وإن شاء الله المره اليايه أحط عن موقع أمازون وأي وحده بتظيف من عندها بعد تحط أحس تصويري مو واضح ولا إشرايكم :eh_s(10):

أهم شي إنه هالفورمه تملونها صح بمعلوماتكم عشان كل مره بتطلبون بعدين العنوان بيكون مسجل عندهم مجرد إنج تختارين إلي تبينه يعني مو كل مره بتكتبين لهم العنوان يعني لمن تملون هالفورمه لاحظو إشلون كاتبه آنه البايانات

وأي خطأ بيصير راح يعطيكم بالاحمر فوق الصفحه إنه الخطأ في الخانه الفلانيه

 

[دلوعة العايله]

يعطيج الف الف عاااااافيه مراااوي قمة الذوق منج والله انج عطيتينا من وقتج عشان هالشرح المفصل الدقيق المرتب


ثانكس حبيبتي وماقصرتي