كيف تتعاملين مع الشخص اللَي تغير عليك فجاءه

[زوجة عبودي]

خواتي خلونا نتناقش بالموضوع هذا
شنو رايكم بالحرمه اللَي تتغير عليك فجاءه على ان قبل لاتتغير كنتوا سمن على عسل وانت اللَي بادرتي وسالتي عنها وسالتيها ليش متغيره وتقولك ماتغيرت وحطت ان انت اللَي تغيرتي عليها وانت طيبه وعلى نياتك تتواصلين معااها وهي ساحبه عليك واذا سولفتي معاها يالله تتكلم بالغصب وتظل ساكته لما تسالينها انتي تجاوب
وقبل لاتتغير ماكانت كذا كانت تسولف وهي اللَي تبدا بالسوالف والضحك واللحين لا كانها مغصووووبه
انتم ايش رايكم كيف تتعاملوووون معاهم وهل التطنيش هو الحل بِــ̯͡سّ اذا شفتها سلام وبس ولا وش رايكم

 

[منو انت]

دام سالتيها وقلتي لها ليش متغيره يعني سويتي اللي عليج

واهم شي انج واثقه ماغلطتي بحقها خليها بكيفها تبي ترد لج وتقول والله يافلانه السبب وتذكره او ماتشوف شر يعني شنو المطلوب العمر كله تقعدين تراضين فيها والاخت ساحبه

انا عني صارلي جذي موقف بس مافكرت اسال مااحب اهم شي انا واثقه ماسويت شي غلط واهي ماتشوف شر تبي ترد حياها الله ماتبي ترد مادريت عنها

 

[شادن33]

زوجه عبودي
اصادف ناس جذي
انا مااعور راسي اتعامل معها بالطيب والاخلاق وبس
وما انتظر منها رضت علي ولا لاء
كيفها يمكن في شي بنفسها الله اعلم وانا مااعرفه ولا احط في ذمتي

 

[روان المطيري]

حبيبتي اللي مايبيني ما يشوف شر ما توقف حياتي عليه
وبعدين انا ما غلطت بحقها ولا قصرت معاها واحبها واهتم فيها خلاص ليش انا اشيل همها
اذا تغيرت ولا اذا زعلت بدون سبب كيفها هذا دليل ان معدنها مو صافي ولا كفو اصلاً اضيع وقتي
بتفكير فيها حتى لو دقايق !!

 

[زوجة عبودي]

الله يجزاكم الجنه ولا يحرمكم ‏​منَ كل غااالي ويعطيكم العاافيه
والله انكم صادقين ليش ادور رضااها بِـس اناا على نياااتي الله يعين

 

[pink_girl]

انا برايي العب نفس الدور اللي تسويه عشان اشككها بنفسها وتندم على الحركه البايخه انا اسويها غريبه وكاني ماعمري سولفت وياها عشان هي تحاول ترجع العلاقه مثل قبل

 

[زوجة عبودي]

الله يجزاك كل خيررر

 

[زوجة عبودي]

وينكم بنـْْات ابغى ارائكم

 

[ذات الهمة العالية]

أنا صادفت جذية - والمشكلة البنات ملتزمات وحدة سوت حركة وتركتها بعدين ردت بس سويت فيها تطنيش وبعدين اهى معترفة وسامحتها وردت بعد مدة صار موقف وحسبتها متعمدة وبعدين شفتها آثارينى أنا الغلطانه بإسائت الظن والمهم رجعت العلاعة الحين ردت نفس موقف اول عاد لا يلدغ المؤمن من جحر مرتين


الثانية لما صادقتها اهى حساسة صار موقف خفت عليها وشديت محبة لها واهى فهمتنى ان المفروض ابين لها بطريقة ثانية وهى صاجة بس من خوفى عليها - المهم ردت العلاقة وبعد فترة تغيرت اسالها تقول ما فينى شى وتمر سنة واهى على هالحالة وآخرتها تقول فى موقف اخطات بحقها انزين سألتك ليش ما تقولين تقول المفروض تعرفينه من نفسه ( بالله هذا كلام ) تركتها من غير تحسر اهى الخسرانة

وفى ثنتين بعد عاد ابداع فى ابداع الحمد الله الذى عافانى ممن ابتلاهم به ربى

 

[Hand]

انا صارت وياي كثير هالمواقف

بالبدايه كنت ازعل واسال وشذيه وبعدين صرت اطنش

لانه الي مايسال ومايبيني انا ماابيه ودام اني ماسويت شي غلط خلاص ليش اهتم واعور راسي

الله يسعدك حبيبتي

 

[حجيه هيونه]

انا متغيره على وحدة بقولكم وجهت نظري


كنت واااااااااااااايد زينة معاها الى اقصى درجة

بس

عرفت انها متكلمة عني من وراي وشي موثوق مو بس تخمين\

فقررت اتغير واخف علاقتي معاها

سألتني شفيج

ما جاوبتها لسبب اني مابي ادخل بنقاش ماله داعي وانا متاكده من الي سمعته لانه موقف ما يحتمل انه احد يجذب وجزء منه صار فعلا
فليش ادوخ راسي بنقاش وحلفان عقيم

طاف

 

[فوشيه 24]

دام أني ماغلطت عليها ولاضايقتها كيفها ماتعب نفسي وراضيها​

 

[المرتاحة]

مثل ما قالوا البنات انتي اللي عليج سويتيه و سالتيها خلاص خليها براحتها

اللي ما يبينا ما نبيه

 

[زوجة عبودي]

الله يجزاكم كل خييييير ويعطيكم ربي العافيه ولايحرمكم ‏​مٍْن كل غاااالي
والله صادقين لَيـش اعوور راسي علشان ناس ماتستاهل

 

[ماركة انثى‘]

وآلله عن نفسي آكبر طـــــــآآآآآآآآف آعطيهم

 

[yam_yam]

اللي يتغير عليج فجاة و انتي عارفه انج ماسويتي شي خليه عنج
صدقيني لاتعورين راسج معاه

 

[ذات الهمة العالية]

انا متغيره على وحدة بقولكم وجهت نظري


كنت واااااااااااااايد زينة معاها الى اقصى درجة

بس

عرفت انها متكلمة عني من وراي وشي موثوق مو بس تخمين\

فقررت اتغير واخف علاقتي معاها

سألتني شفيج

ما جاوبتها لسبب اني مابي ادخل بنقاش ماله داعي وانا متاكده من الي سمعته لانه موقف ما يحتمل انه احد يجذب وجزء منه صار فعلا
فليش ادوخ راسي بنقاش وحلفان عقيم

طاف

لا غلطانة

ليش تسمعين من طرف واحد

انا مرة صار لى هالموقف ان وحدة تكلمت عنى وتغيرت عليها وبعدين دقت كلمتها بس اهى حاسة فى شىء
ولما سألتنى جاوبتها باللى سمعته

لقيت نفسى ظلمتها لن قالت لى ليييش ما قلتيلى وليش ما سمعتى بعد منى وطلعت اللى موصله الكلام فى شىء غلط

والحين هذى اهى قريبة منى واللى انقلت لى الكلام ما اتطابق معاها لأختلاف شخصيتها وغرابتها


مو شرط بس حاولى تكونين محايدة ما تظلمين
ولا تكررين اللى انا طحت فيه

ومو تنقيص باللى نقلت لك بس هم عطى فرصة يدافع الشخص عن نفسه وتفهمين هل قاصدة وغلا انفهم موقفه خطأ

 

[زوجة عبودي]

الله يعطيكم العافيه ويجزاكم الجنه يارب

 

[PuPa^^SWeeT]

وايد جذي


اما يتغيرون لأنه اتكونين انتي تصرفتي بحسن نية و اهيا فسرت غلط



او من غير قصد اذيتيها



او انها اهي شافت لها شوفة ثانية ( صديقة ثانية جو ثاني ) او فكرت انها ماراح تستفيد منج بشي



او اتكون وحدة تبي اكشن و تبي تقهرج



دام سالتيها و قالت انتي متغيرة و ماحددت لج شي يعني اهيا من الانواع الاخيرة

 

[زوجة عبودي]

الله يجزاك كل خير
وين البنات الباقين نبي ارائكم