يومياتنا بالصور للتخلص من ال10كيلو الباقية / ج2

[نارنجه]

مشتاقة

الدكتورة نصحتني بماي بارد دايما

و خاصة ع الريق و واحد فيهم اعصر فيه ليمونه


قبل كل وجبة قلاصين ماي
و قبل كل سناك قلاص ماي

و بالنسبة للحبوب مو ضرورية اذا ماتحبين
بس المهم ملتي فيتامين لازم تاخذينه الصبح

وفعلا الرجيم قاسي و يبيله ارادة مو دلع

 

[سأكون يوما ما أريد]

ما شاء الله نارنجه وصلت لوزني ربي ينحفك بصحه وعافيه

انا كليت بطاط ابو الوجوه كيسين للاسف وكيكه صغيره
خلاص ماكو عشا بس جاي اخضر

 

[نارنجه]

ما شاء الله نارنجه وصلت لوزني ربي ينحفك بصحه وعافيه

انا كليت بطاط ابو الوجوه كيسين للاسف وكيكه صغيره
خلاص ماكو عشا بس جاي اخضر

ايه تتذكرين بدينا التجمع واحنا اوزانا متقاربة
وان شاااء االله نحقق الي نبيه

اشرايج نتحدى لين اخر الشهر هذا
من تسبق الثانية وتوصل 60

مابقى الا اسبوعين تقريبا
بسرعه طار الشهر جنه امس كان 1 :/

يالله شدي حيلج

ولايهمج التخربط الي صار معاج
كانه ماصار
لازم في وجبه فري مرة كل اسبوع اعتبريها جذي

اليوم الحمدلله
مشيت تقريبا ساعه ع الجهاز
احسه انجاز
من زمان عايفه المشي

انا معاج ما علينا خوف من ناحية الاكل
بس نحتاج نشجع بعض بالرياضة
عشان النزول يصير سريع

 

[مشتاقه للحب]

مشاء الله عليك نارنجه

ومبروك النزول

والله يعطيك العافيه علي تعبك

والله يجعله في موازين اعمالك

أنا خايف اسوي رجيمك ويزيد الهبوط عندي

الله نارنجه أتمني اوصل ٧٠

وانا بصحه وعافيه

وزني ثبت علي ٧٣ موراضي يتغير

الحمدلله
*

 

[مشتاقه للحب]

اليوم اول ماصحيت شربت قلاصين ماي

وفطوري


٢توست ولبنه وزيت زيتون

 

[نارنجه]

تسلمين مشتاقة

الحين جم صار وزنج ؟

و الله انا بعد هاليومين لما اقوم لصلاة الفجر تلف فيني الدنيا و حتى لما اصلي
كأني بأيام الحمل :/
بس الحمدلله متاكدة اني مو حامل
على اني اكل فاكهه بس يمكن عشان الخبز؟

شوفي الاسبوع الاول من النظام مقدور عليه
الريوق و العشا ضيفي لهم خس و خيار الكمية الي تحبين
و سوي لفائف خس بدال الخبز يعني
وان حسيتي بالجوع زيدي الجبن او البيض او المورتديلا

او

جربي رجيم ربيعه القاسي
اهو موقاسي لكنه يكسر ثبات الوزن

او

خلي العشا خفيف

روب وخيار
و حبتين كيوي او اناناس

ومتاكدة بتشوفين النتيجة الي ترضيييج

 

[نارنجه]

امس طبعا حالة ضياع من غير المنتدى

ريوقي ٣ حبات تمر + حليب خالي الدسم

سناك
شرايح ليمون+ماي حار

الغدا
سلطة + ٤ ملاعق رز + روب خالي الدسم

سناك
عصير (كيويتين + عصير اناناس جاهز حطيتهم بالخلاط )

العشا
تبولة



والحمدلله مشيت ساعه ع الجهاز

 

[سأكون يوما ما أريد]

هلا نارنجه أوكي أنا قابله التحدي وأحنا قدها
الريق ما شتهيت شي كليت حبتين تمر
الغدا صحن مع كرونه صغير وزبادي
وبحاول امشي نص ساعه ع الجهاز
موقفين بنات

 

[سأكون يوما ما أريد]

بنات خلينا نسوي تحدي منو تمشي اكثر ع الجهاز
وتسجل جم كيلو وجم دقيقه مشت شرايكم ​

 

[مشتاقه للحب]

هلا فيكم


أنا الحين وزني ٧٣ مايتغير

الحمدلله

بس بصراحه جسمي ترتب اكثير عن اول

الحمدلله


مشكوره نارنجه كلامك ديم يشجعني


ساكون يوما ان بدش معكم التحدي


اليوم مشيت ٤٥ دقيقه حوالي ٣ كيلو

نارنجه خليك معنا في التحدي

 

[مشتاقه للحب]

اليوم فطوري حليب مع شابوره

وغداي رز اشوي مع سمك وزبادي


السناك كليت قطعة كيكه

العشا

بخليه زبادي مع حبتين فاكهه


نارنجه بسوي بنصيحتك


ونشاالله بعد اسبوع يتغير وزني

وكلنا بصحه وعافيه

 

[بسبوسة الرياض]

وزني اليوم ولله الحمد 65.5

الحمدلله ماشية ع الدايت
بس مو بحذافيره


فعلا الاسبوع الثاني متعب حيل عشان جذي رحت للدكتورة وغيرته لي
عطتني مثل ماكتبت لكم رجيم يشبه رجيم ربيعه القاسي
بس العن شوي مافي فاكهه بالغدا

طبعا مالي شغل فيهم مشيت ع رجيم ربيعه ^^

وماني مراجعة الا عقب اسبوع
بشوف نتيجة تسوى


وعلى فكرة
ماسويت عندهم تحليل دم و هالسوالف
ولا يطلبونه
جهاز هم يفحص الوزن و الدهون و الاملاح و البروتينات يعني العضل


يعني بلا عيارة

اخيرا فتتتح طفشششششششششششششششششششششششششششني
صار عله ويطول لين يفتح:rgewrg::rgewrg:



ماشاء الله :rerrerek:
ممتاز توني اقول لصديقتي بمشي على الربيعه القاسي اونس

انتي مثلي ادوخ ثاني اسبوع بالنظام
مدري ليش مع انه سلطات وفاكهه
الله يعينااا

 

[بسبوسة الرياض]

مشاء الله عليك نارنجه

ومبروك النزول

والله يعطيك العافيه علي تعبك

والله يجعله في موازين اعمالك

أنا خايف اسوي رجيمك ويزيد الهبوط عندي

الله نارنجه أتمني اوصل ٧٠

وانا بصحه وعافيه

وزني ثبت علي ٧٣ موراضي يتغير

الحمدلله
*

ان شاء الله توصلين للي تتبينه :eh_s(7):

 

[بسبوسة الرياض]

بنات خلينا نسوي تحدي منو تمشي اكثر ع الجهاز


وتسجل جم كيلو وجم دقيقه مشت شرايكم ​

بحاول اني امشي 30-40 بس هاذا حدي
يوميا ان شاء الله
امشي بس مو يوميا

 

[نارنجه]

ساكون يوما

ان شاااء الله :***

الله يوفقنااا

وبالعافية ما اكلتي





مشتاقة للحب


هانت كلهاا ٣ كيلوو
و بتودعين عالم السبعيناات

ساعات الوزن يثبت بس القياسااات تتغير
عشان الجسم قاعد ينلم و ينششد

انا اكثر شي الاحظه الزنود و الخصرر :]

و كلنا بالتحدي

نبيها رياضة

:****



/


مدام بسبس

حي الله هالطلة

نبي علومج
شنو اخر تخبيصااااتج

بايت للحين مامشيتي على اي نظام مو :/

يبيلج ترجعين للفرن هههههههههه

وتقولين ليش وزني ثابت مايتغير
يالبوتمبه
انتي رجيمج بالنية

 

[نارنجه]

يومي

ريوقي
ثلاث تمرات و قلاصين ماااي

مافي سناك لاني صحيت متاخرة


الغدا
سلطة
روب خالي الدسم
شوية صدر دياي

سناك
تمرة + قهوة عربية
شاي اخضر


العشا
ان شااء الله
كيوي + روب و خيار

والحمدلله عالنعمة


الرياضة

ان شااء الله عقب صلاة المغرب بمشي ع الجهاااز



وعلى فكرة
مومهم جم كيلو تمشين << المسافة
المهم الوقت الي تمشينه و تتحركين فيه و اشكثر تعرقين

يعني اقل شي ٣٠ واكثر شي ساعه

 

[سأكون يوما ما أريد]

هلا حبوبات مشيت نص ساعه ما يعادل ٣ كيلو

 

[كيكه توفي]

بالتوفيق

 

[نارنجه]

ساكون يوما

عفية ع الرشيقه
حلوين ٣ كيلو

انا مشيت تقريبا ساعة ع الجهاز
خمسه كيلو و شوي
على التعب الي حسيته
بس حسيت برشاقة ولياقه هههههههه
اللهم لك الحمد

صج الموضوع يصير غير لما يصير فيه قروب ونتشارك بالموضوع
الحين احس همي الرياضة اكثر من الاكل
ضروري نلتزم
دام كل وحده فينا ماسكه نظام مختلف بالاكل

على الاقل يصير حمااااس و منافسة
وان شااء الله كلنا فايزيين
مابينا خسرانه :****

 

[نارنجه]

كيكة توفي

تسلمين
و الله يوفقج حبيبتي