السلام عليكم
الصيف و اليمعات و الاجازه
معاها رمضان الله يبلغنا اياه وياكم
نحتاج اطباق حلوه منوعه
علشان جذي سويت لكم هالفايل فيه حلويات
مشروبات - سلطات - معجنات
الي نلاقيه حلو و غريب و لذيذ
نوتيلا براوني بالبريتزيل
مقادير الكرست ( الطبقه الأولى )
نص كوب بريتزيلز ( البسكوت المالح المشربك مثل الصوره )
ثلث كوب سكر اسمر
3 ملاعق كبيره زبده مذوبه غير مملحه
الطريقه :
( الكرست )
جهزي الفرن 350 درجه
دهني القالب
في الخلاط كسري البسكوت لين يصير مطحون نااااااعم + سكر + الزبده
صبي الخليط بالقالب و ضغطي عليه بخفه و دخليه الفرن من 12 - 15 دقيقه ( الاطراف تحمر )
مقادير البراونيز
اصبع زبده غير مملح
كوب سكر
بيضتين
ملعقة شاي فانيليا
ثلث كوب كاكاو بودر مر
نص كوب طحين
ثلث كوب نوتيلا
ربع ملعقة شاي ملح
ربع ملعقة شاي بيكنغ بودر
على الوجه
نوتيلا
بريتزيلز
طريقة البراوني :
نخلط الزبده المذوبه السايحه مع السكر
نضيف على السابق البيض بالتدريج
نضيف الفانيليا
في طبق آخر نخلط المقادير الجافه ثم نضيفها بالتدريج على خليط البيض
نصب الخليط على القالب الي مسوين فيه البسكوت
بالفرن 35 الى 40 دقيقه او انج تغرسين عود اسنان و تسحبينه نظيف
خليه يبرد 45 دقيقه قبل لا تدهنين الويه بنوتيلا و تحطين بسكوت
تابعوني :eh_s(7):
