ورشة مصورآت كويتيآت ( درس و تطبيق ) - متجدد

[ற!ŚŚ 7ŎǾř]

يعطيكوؤم الع ـآفيـه بنــآت ..
آآمممم روعه فكره الورشه الثالثه واحب هالنوع من التصوير ..
مستر ناصر راح ادز لج مشآركتي ..
ومشاركتي مصوؤرتها من زمان ومو وايد عاجبتني بس كانت اول تجربه لي بالسبلاش ..

 

[Mrs Al-Nasser]

حياكم بنات
وميس حور وصلتلي مشاركتج يعطيج العافيه حبيبتي

 

[عواار قلب]

ماشاءالله
عالنشاط بالتصوير
موفقين
مشكورة mrs-al-Nasser

 

[Mrs Al-Nasser]

حياكم حبيباتي
عوار قلب العفو حبيبتي ولو

وينكم ياللي اخترتو السبلاش مادزيتولي صوركم
ناطره مشاركاتكم بنوتات :*

 

[SHS photography]

مشاركتي بالورشه 3 السبلااش

 

[Mrs Al-Nasser]

SHS photography

حبيبتي مشكوره على مشاركتج
راح اعرضها بعد ويا مشاركات البنات

بنوتات يَ حلوين
يومين وبعرض المشاركات
اللي مادزتلي مشاركتها يَ ليت تسرعون شويه :$

 

[منيرة@]

ان شاءالله اليوم الاقي متبرع

ههههههههههههههههههههه

 

[Mrs Al-Nasser]

نتايج ورشة السبلاش

وايد بنات قالو لي السبلاش صعب و انهم حاولوا يصورون بس ماظبطت وياهم
وانا كتبت فـ بداية الورشه انها صعبه عالمبتدئين بس شسوي هذا اختياركم
الورشه اليايه انشالله بختار شي سهل عشان الاكثر يشاركون ويانا

يالله نبدي

منيرة ام راكان

ற!ŚŚ 7ŎǾř

SHS photography

مشاركتي
Mrs Al-Nasser

هذي النتيجه النهائيه


وهذوله النتايج الاخرى الفاشله نوعاً ما



ومني وراء الكواليس
قبل لاينقطون



الاعدادات المستخدمه :
ISO 400
70 mm
f\5
1\60

انا كنت بستخدم اعدادات ثانيه
بس للأسف توقيتي كان غلط كان قبل لا يأذن بشوي فالاضاءه ماكانت كافية
اظطريت استعمل هالاعدادات حق الاضاءه

يالله تقييمكم :eh_s(7):
وكونو بـ انتظار الورشة الياية
واتمنى اتمنى بنوتات الورشه اليايه تسوون نفسي تدزون لي صورة وراء الكواليس
وتكتبون لي الاعدادات :eh_s(7):

​

 

[عواار قلب]

يعطيكم العافيه بنات
صراحه جربت وتجاربي فاشله كلش ماتصلح تنعرض
تقيمي
منيرة ام راكان
الاولى حلوة والاخيرة مضبوطين لوما الاقتصاص بس تبقى تجربه موفقة

miss 7oor
حلوين والسبلاش بطل بس اقتصاص عندج :/ وااضاءه تحتاج
يعطيج العافيه

shs photograpy
حلوووين ماشاءالله الثانيه بطلة
استممري

mrs-al nesser
بطله ي حلوة
الاولى موفقه والسبلاش طالع شكله حلو
يعطيج العافيه الجهد ..
فكرة طرح صور خلف الكواليس 100%

 

[Mrs Al-Nasser]

مادري وين اختفت صورة مس حور
هذي الصوره




يعطيج العافيه عوار قلب
الورشه اليايه لازم تشاركين ويانا

تقييمي للعضوات

منيره ام راكان
حلوين بس عندج اقتصاص من تحت
بس وايد وايد حلوين

Miss 7oor

حلوه بس حسافه الفوكس مو مظبوط القطرات مو مبينه عدل ويبيلها اضاءه
بس كـ تجربه وايد حلو السبلاش مظبوط

SHS
وايد حلوين بس الاضاءه وايد قويه والتحديد شوي زايد
بس حلوييين

يعطيكم العافيه بنات خوش تجااارب

 

[شادن33]

خوش صور <<<< داخله اطمش
مس الناصر
ذاك اليوم ولدي حاط قوطي البيبسي تحت الحنفيه يحليله يجرب
وخذا لقطه حلوه وفرحان حاطها بالدي بي بتلفونه
لما شفتها لالالا لك مستقبل مو خساااره فيك الكاميرا خخخخ

 

[SHS photography]

مشكوووورين كل اللي مدحوني و يعطيكم العافيه خواتي عالصور العجييبه

ناطريييين الورشه اليااايه طاااطاا بطااطا

 

[Mrs Al-Nasser]

خوش صور <<<< داخله اطمش
مس الناصر
ذاك اليوم ولدي حاط قوطي البيبسي تحت الحنفيه يحليله يجرب
وخذا لقطه حلوه وفرحان حاطها بالدي بي بتلفونه
لما شفتها لالالا لك مستقبل مو خساااره فيك الكاميرا خخخخ

هلا بيج هلا
لوووول يالله زين عاد ورينا الصور خل نشوف ابداعات ولدج :rerrerek:
حياج حبي :eh_s(7):

 

[Mrs Al-Nasser]

الورشة الرابعه
أبيض وأسود

بما ان وايد عضوات استصعبو الورشه اللي طافت
قررت اخلي هالورشه تكون سهله على الكل :eh_s(15):
ما يبيلها أي شي
مجرد إن الصوره تكون أبيض وأسود
وتقدرون بعد يكون " سيبيا "

• نبذه صغيره :

عرف فن التصوير في بداياته لونين وهما الابيض والاسود (والسيبيا)
وهما العنصرين الذين اعتمد عليهما التصوير من سنة 1840 تقريبا الى تطور التصوير
وظهور الالوان في سنة
1861 ولكن الظهور الاول للتصوير هو الاجمل عند الكثير من المصورين ولهذا ازداد حب الناس شغفا به لانه
يعطي للتفاصيل قوه (كونتراست) فيمكنك النظر الى صور الاشخاص لترى الفرق ويبدأ الاحساس يشغلك
بمعانى وتفاصيل الوجوه وخاصة العمال والمزارعين
فتصوير الابيض والاسود اصبح بما يسمى بالتصوير الكلاسيكي واصبح مصوروه يعتبرون نفسهم انهم الافضل
والارقى عن زملاءهم مصوري الالوان وبعد التطور في انواع الكاميرات والمعدات وعصر الديجيتال اثرت شركات
التصوير الى دخول هذا المجال واضافت خيار الابيض والاسود الى قائمة الخيارات في مواصفات الصوره

ولبرامج التعديل حصه ايضا من اضافات وفلاتر للوصول الى نفس النتيجه المطلوبه الا وهي الصوره ذات الابيض
والاسود

بعض النصائح
الوقت الذي يستحسن التصوير فيه هو غروب الشمس.
-الجو الذي يستحسن التصوير فيه هو الجو الكئيب و المغيم.
- تخفيض Iso عند التصوير سيأتي بصور واضحة.
-إذا كانت الصورة تحتوي على مشاعر أو عاطفة فالأفضل إختيار الأسود و الأبيض.
-التصوير بالأبيض و الأسود في البورتريهات أيضا رائع من خلال مراعاة لون البشرة , الرموش , البقع , الظل تحت العينين.
-تستطيع بواسطة الأبيض و الأسود إخفاء تجاعيد الوجه و لكنك لا تستطيع إخفاء المشاعر.
-الإضاءة الجانبية في بعض الأحيان تكون جيدة خاصة عندما تصنع الظلال لكن في بعض الأحيان تلعب على تشتيت النظر. ​

صور توضيحيه

المشاركه متاحه للكل
وبليز يرجى عرض اعدادات التصوير او ارفاقها مع الصورة للتوضيح بأي نوع من العدسات والاعدادت والكاميرا المستخدمة :eh_s(7):

بانتظار مشاركاتكم ع الخاص :eh_s(17):

​

 

[ற!ŚŚ 7ŎǾř]

مشكوؤرين بنات على الانتقادات :$

 

[SHS photography]

اللللللللللللللللللللللللللللللللللله جاااااري التصوييييييييير حددددده عجبتني سالفة الابيض والاسود

 

[SHS photography]

واااي بس دخت من الساعه 12 وانا اصور هههه جم صورة اقدر اشارك فيها ؟

 

[عواار قلب]

يعطيج العافيه
mrs-al-naseer
من عيوني بشارك وياكم

 

[هدوء العالم]

تمت المشاركة غلاتي
ولو إني خائفة
بس حتى لو أنا خائفة أبي ملاحظاتكم الحلوة

 

[Mrs Al-Nasser]

حياتي مشكورين على مشاركاتكم
shs عادي حبيبتي جم صوره تبين ٤ ٥ كيفج :*