فرصة لأول ثلالثة مشاركين: تصميم كامل للغرفة!

[البرنسيسه77]

اب

اب

اب

 

[tattoma]

مشكوره يعطيييييج الف عافيه اولا علي الاهتمام بتصميمي وثانيا علي الشغل المبدع وياريت لم تدزين التصميم من الجهه الثانيه تشرحيلي التصميم مشكوووووره حبيبتي

العفو حياج الله

الجهة الثانية للأسف خذت وقت طويل عشان توضح الصورة ويحتاج تقريبا ساعتين زيادة عشان تصير أوضح بس ما قدرت أنطر لأن عندي مشاريع ثانية، أتمنى تكون هالدرجة واضحة:



حطيت أرفف مثل اللي بقهوة كوستا، وتكون من بداية الطوفة لـما مدخل الـمغاسل، وارتفاعها اللي يناسبج، وخليت مسافة تقريباً 60 سم من الأرفف لما الطاولة مالت الخدمات عشان تقدرين تطوفين داخل..

الحين نشرح الطوفة اللي بالويه:


تم تقسيمها إلى 3 أقسام: الطوفة اليمين واليسار نفس الشي ولكن الأرفف الخشب موزعة، شي فوق وشي تحت، أما الطوفة اللي بالنص طلعتها شوية لـما برا، مسافة 5 سم فقط لأن الغرفة صغيرة وخليتها حجر وعليها تلفزيون بلازما

ونفس الطوفة (اللي بالويه) ننزل شوية تحت عند الكاونتر:


نبدأ من اليمين، عندنا رف عرضه متر (على كبر الطوفة اليمين) وارتفاعه 5 سم أو ممكن أكثر اللي يريحج، وعمقه 30 سم وهالمسافة كافية تحطين عليها مكاين القهوة والأكواب مثلاً

أما تحتها الكاونتر عرضه مترين تقريباً والمسافة من الكاونتر لـما الطوفة أقل من نص متر (46 سم) عشان تدخلين وممكن تدنينها جدام إذا تبين الفتحة أكبر..

ومن داخل الكاونتر حطي أرفف تحتاجينهم للصحون أو الصواني

أتمنى يكون التصميم عملي. خليته نظام سبعينات أو تقريباً كاونتري، ولاحظي ما حطيت مغسلة لأنها تحتاج تمديدات بس إذا انتي حابة ممكن تحطينها بأي مكان عالطاولة

 

[tattoma]

يعطيك العاااافيه ع الفكره
ويجزاك كل خير

الله يعافيك ما تقصرين

 

[tattoma]

تمتوماااا فديتك والله
من جد فقدت الامل بس ما خيبتي ظني ربي يخلي لك احبابك
يب يب مثل ما قلتي المنطقه اللي عليها اكس هي المقصوووده
انتظر ابداعااااتك
لاهنتي

أنا ما نسيتك وإن شاء الله راح أخلصه وأحطه

 

[tattoma]

واااااااااااااااااااااااو روووووووووووووووووعه انا ابيج تساعديني ^_^
غرفتي قياساها 4 ب5
لووون الطوفه وردي غامج وعندي طوفتين يمم بعض ابي اصبغهم لووون ثاني غير الوردي يعني ابي غرفتي تعطي لونين
طوفتين وردي غامج وطوفتين مادري للحين
والاثاث ابيض

ما أنصح تخلين ألوان الحوائط غير عن بعض أبداً..

لازم كلهم نفس الشي.. وإذا مو عاجبج الوردي غيري لون الغرفة كلها

 

[~OM~]

مرحبا. شقتي في بيت حمولتي صاله وداخلها غرفه
انا صالتي قياسها 6 .4.5 بالطول
وجهة 4.5 في شباك
والجهة الثانيه 4.5 فيه باب عرضه 90 تقريبا وصاير يسار الصاله

وجهه وحده من 6 فيها باب بطرف اليمين يدخل حق غرفة نومي
يعني طوفه وحده فاضيه

 

[tattoma]

حبيبتي الف شكر على الخدمة الروعه

اذا ممكن تصميم لغرفة مكتبي بالعمل .. الغرفة صغيرونه مصبوغه بابيض والمكتب لونه بني فاتح خشبي .. الغرفة عرضها وطولها 2*2 والارتفاع يمكن 3 م
مافيها باب ولا دريشه ههههههههه امزح اكيد فيها باب على زاوية وعرض الباب تقريبا متر

اتمنى المعلومات كلها وافيه

انا حابه اصبغ جدار واحد فيها بلون مختلف و3 جدران اخليها ابيض اشرايج؟ واي لون اصبغ لو كنتي مؤيدة لفكرة تغيير لون جدار واحد بس طبعا الالوان لازم تكون رسمية لانه مكان عمل يعني نووو فوشي نووو احمر ^_^ عشان ماتنقلب غرفة نوم

أولاً: من أكبر الأخطاء الاعتقاد إن الأحمر والفوشي مناسب لغرف النوم!
غرف النوم لازم تكون ألوانها مريحة وتساعد على الاسترخاء بينما هاللونين يعطون طاقة ونشاط

ثانياً: اختيار صبغ غرفة الـمكتب:




الشرح: بما إن الغرفة صغيرة جداً اخترت اللون البيج لصبغ الغرفة كاملة، أما الطوفتين اللي عالجانب خذيت منهم نص متر فقط (50 سم) وحطيت ورق جدران منقش لونه بيجي

بسيط ورسمي..

 

[tattoma]

مرحبا. شقتي في بيت حمولتي صاله وداخلها غرفه
انا صالتي قياسها 6 .4.5 بالطول
وجهة 4.5 في شباك
والجهة الثانيه 4.5 فيه باب عرضه 90 تقريبا وصاير يسار الصاله
وجهه وحده من 6 فيها باب بطرف اليمين يدخل حق غرفة نومي
يعني طوفه وحده فاضيه

القياسات واضحة.. بس أحتاج رسم

 

[أدريانا.]

ممتاز أنتي مستمره هَ مع البنات ححللو ..

 

[البرنسيسه77]

مشكوره حبيبتي ويعطيج الف عافيه وجزاااااج الله الف خير

تصميمج روعه وجاي رايت علي ذوقي صراحه بدعتي بس انا راح الغي التلفزيون لاني حاطته بالغرفه الثانيه

ولازم احط مغسله في الكونتر ضروري

عساج علي القوه

 

[om-3abood]

كويتيات رد: فرصة لأول ثلالثة مشاركين: تصميم كامل للغرفة!

ألسلام عليكم
الله يجزاج خير
عندي صالتي طولها 14 وعرضها7،5المدخل الرئيسي طرف اليمين والصاله تصير يسار بالطول وقدام المدخل الدرج على الطوفه اليمين وفي باب على الحوش على اليسار في وصط الطوفه وقدام الدرج

انا للحين على الديكورات وما عندي تصور شنو راح اسوي بالجرانيت وطريقة الاثاث ياريت تساعديني :
الارتفاع 3.4
ما ادري اذا تقدرين تساعديني:eh_s(7):

 

[tattoma]

مشكوره حبيبتي ويعطيج الف عافيه وجزاااااج الله الف خير
تصميمج روعه وجاي رايت علي ذوقي صراحه بدعتي بس انا راح الغي التلفزيون لاني حاطته بالغرفه الثانيه
ولازم احط مغسله في الكونتر ضروري
عساج علي القوه

العفو أفا عليج وحياج الله

المهم يساعدج التصميم في الأفكار وممكن تزيدين عليه أو تشيلين.. حسب احتياجج

وممكن بدال التتلفزيون تحطين سماعات بالطوفة بس تحتاج شوية تكسر.. وتشتغل السماعات بالـcd

 

[tattoma]

كويتيات رد: فرصة لأول ثلالثة مشاركين: تصميم كامل للغرفة!
ألسلام عليكم
الله يجزاج خير
عندي صالتي طولها 14 وعرضها7،5المدخل الرئيسي طرف اليمين والصاله تصير يسار بالطول وقدام المدخل الدرج على الطوفه اليمين وفي باب على الحوش على اليسار في وصط الطوفه وقدام الدرج
انا للحين على الديكورات وما عندي تصور شنو راح اسوي بالجرانيت وطريقة الاثاث ياريت تساعديني :
الارتفاع 3.4
ما ادري اذا تقدرين تساعديني:eh_s(7):

وعليكم السلام

أختي أحتاج رسم الله يعافيج

 

[tattoma]

مرحبا. شقتي في بيت حمولتي صاله وداخلها غرفه
انا صالتي قياسها 6 .4.5 بالطول
وجهة 4.5 في شباك
والجهة الثانيه 4.5 فيه باب عرضه 90 تقريبا وصاير يسار الصاله
وجهه وحده من 6 فيها باب بطرف اليمين يدخل حق غرفة نومي
يعني طوفه وحده فاضيه

هلا حبيبتي.. قبل لا أصمم أحتاج تأكيد إذا صح هذا الرسم المبدئي أم لا

أنا مصورة المنظر من باب الصالة واقفة

 

[مواصله]

ماشاءالله عليج مبدعه

يعطيج العافيه

 

[Reham 84]

مجهود تشكرين عليه
يعطيج العافية

 

[KOKO_284I]

حيل عجبتني الفكرة

غرفة نومي ميته ومو عارفه أسنعها ولا عارفه أشلون أغير فيها

 

[jeenan-77]

يعطيج العافية موضوع حلو ومجهود رائع

 

[tattoma]

ماشاءالله عليج مبدعه

يعطيج العافيه

الله يعافيج مشكورة

 

[tattoma]

مجهود تشكرين عليه
يعطيج العافية

الله يعافيج يا رب ما تقصرين