تجاااااااااربـــكم؟

[قيروان الزمان]

السلام عليكم ورحمة الله وبركاته
أول شي الحمدلله على نعمة الصحة والعافية
والحمدلله على جميع النعم..

خواتي أنا عندي مشكلة ألا وهي:
تساقط الشعر..ومو بس جذي
يعني شعري صار واااايد خفيف
وصار فيه فراغات بقمة راسي من جدام
يعني صرت لما أسمت شعري مرات تبين فروة الرأس!!

وأبي وحدة جربت شي طيب
1- وقف التساقط
2-كثّف شعرها
وركزوا على رقم 2 جزاكم الله خير يعني أبي شي ينبت
يعني مكان ما كان فيه شعر طلعلج فيه شعر نبت صغير وطال
لأن صج أبي شي يسوي شعري كثيف..ينبت شعرررر

ومابي تقولون "يقولووون" لأن وايد أشياء يقولون زينة بس ما تييب نتيجة :eh_s(2):
أبي تجاااااااااااااااااركم انتوا..أو تجربة شخص عشتي معاه شفتيها يعني


عشان كلنا نستفيد والحمدلله مرة ثانية ويعطييييكم العااااااااااااااافية :eh_s(7):

 

[Kirsten storms]

حبيبتي الرابط راح يفيدج بس أدعييييييلي

http://www.q8yat.com/t1048082.html

​

 

[تبيني آرضى عليك]

آآآآآآآآآآآآآآآآآآب

 

[اوبراا]

تعب

 

[ام عبد العزيز م]

انشالله تلقين الحل حبيبتي

 

[قيروان الزمان]

حبيبتي الرابط راح يفيدج بس أدعييييييلي ​

http://www.q8yat.com/t1048082.html​

حبيبتي يزاااج الله خير بس حابة أسألج..انتي شعرج من الاساس كثيف ماشاءالله؟ ولا كثف مع الخلطة؟ وهل فعلا شفتي ان في اماكن ما كان فيها شعر وطلع فيها شعر؟ يعني لاحظتي إن أماكن فيها شعر صغييييير (معناته توه طالع)؟؟؟
وشكثر استمريتي على الخلطة حتى كثف شعرج؟؟؟ ومااااا قصرررررررررتي


ومشكورين كلكم خواتي:eh_s(7):

 

[أحلى من الورد]

حبوبه استخدمي زيت النارجيل مع الجرجير والخروع والسمسم 3 مرات بالاسبوع وحطي حنه مع كثيره ومحلب وحلبه مطحونين واعينيها بجاي غامج ثقيل وبعد 2 ساعتين حطيها 4 ساعات جربي لمدة شهرين راح تشوفين الفرق والاستمرار مهم وتحياتي

 

[قيروان الزمان]

حبوبه استخدمي زيت النارجيل مع الجرجير والخروع والسمسم 3 مرات بالاسبوع وحطي حنه مع كثيره ومحلب وحلبه مطحونين واعينيها بجاي غامج ثقيل وبعد 2 ساعتين حطيها 4 ساعات جربي لمدة شهرين راح تشوفين الفرق والاستمرار مهم وتحياتي

حبيبتي جزااااااااج الله خير بس ممكن الطريقة بالضبط لأن شوي ما فهمت
أول شنو زيت النارجيل؟ وشلون الطريقة يعني شكثر أحط منه والجرجير زيت ولا انا اطحنه ولا شلون الطريقة بالضبط؟؟؟
ونفس الشي بالنسبة للطريقة الثانية يعني شكثر الكمية؟
وشنوو قصدج بعد ساعتين أحطها اربع ساعات؟؟؟؟؟
آسفة أدري وايد سألت بس شوي ما فهمت هههه وتسلمين ما قصرتي

 

[رانيا6]

إن شاء الله البنات يفيدونج

 

[دروبك يالسهر]

عليج بالحنه حبيبتي والله ماتسنع شعري الا مع الحنه لاخلطات ولا زيوت

 

[RO0O7Y KUWAITYA]

حبيبتي سويلج
١- خلطه زيوت تكثف { زيت السمسم + زيت النارجيل + زيت بارشوت + زيت الخروع للشعر } نقعي فيه حليه ومسمار ومحلب
٢- حنه يوم بالاسبوع حطي فيها ماي البصل والثوم وحطي فيها بيضه ومايونيز وروب وحلبه وحبه سوده ومحلب
٣- سدر حطي معاها ماي الجرجير واللي تبينه او ترتاحين له مع السدر
٤- ماسكات طبيعيه ماساكات انجل كات تهههههههههبل
٥- التمشيط يوميا يوميا لاتخلينه واقري المعوذات عليه وسمي بالله وقولي لاحول ولاقوه الا بالله تبارك الرحمن وادعي قولي يارب اشفيني ودلكي فروه الرأس
والاستمرار اهم شي
تعالي لي بعد اربع شهور من الاستمرار باذن الله وقولي روحي ماقالت شعرج بيتغير ومابي منج الا دعوه بظهر الغيب ����

 

[قيروان الزمان]

يزاااااااااااااااج الله خييييييييييير وما قصرتي
بس وين أحصل ماسكات أنجل كات؟؟؟

 

[RO0O7Y KUWAITYA]

حبيبتي الله يسلمج
ادخلي بروفايلها وتلقين كل ماسكاتها

 

[شيما الكويت]

حبيبتي استخدمييي زيت الارت بالفيتامينات الاصليي تلاقينه بالسعوديهه من عطارة القصيم الحفر و حبوب زيت السمك حللوات مو بس حق الشعر حتى الاظاافر

 

[قيروان الزمان]

جزاااكم الله خييير

 

[عمر الهنا]

حبيبتي للتكثيف عليك بماسك الجرجير
حطي بالخلاط
جرجيرـ زيت سمسم ـ وشوي موية
وحطيه على شعرك من 2ـ3 ساعات
يجنن ويكثف حتى منابت الشعر يبدا يطول فيها الشعر ​

 

[مني يغارون]

شوفي يالغلا زيت الجرجير مشهووووود له انه يطول الشعر وينعمه بفترة اسبوعين سوي سيرش بقوقل وشوفي تجارب البنات

تبدين تلاحظين فرق وخصوصاً على الشعر القصير ويكثرررر الشعر بإذن الله راح تدعين لي

اشتري زيت الجرجير الاصلي اللي من وادي النحل او من اللحيدان

واذا جيتي تمشطين شعرك سمي بالله وابدي مشطي جهة اليمين وعلى فكره الزيت لازم ياخذ وقت على شعرك يعني حاولي مايقل عن

6 ساعات عشان يستفيد زين وممكن تضيفين زيت جوز الهند الاصلي ترا كلهم يطولون وينعمون وان شاءالله يكثر شعرك ويرجع احسن من اول

ودعواتك اجيب معدل زين يااااااارب

 

[اوبراا]

اب اب