تجمع للبنات اللي يلبسون عباية ويعشقون العباية ويفنتقون بالعباية

[دانه الخليج]

مساكم ورد ........... يسلمووووو بنات

 

[الجود*2]

المحل الي اتعامل معاه دايما ريم الفحيحيل ورومانتك

 

[elcadbury]

خووووش موضوع يعطيكم العافيه بنات

 

[shadows]

هلا حبيبتي عيونج الحلوه انا كل عباياتي بسلمان الدبوس الفحيحيل ارتاح لهم ولاسعارهم وعلي فكره انا شمريه نفسج

حبيبتي ماعليج امر بجم فصلتيها يعني جم اسعارهم وشسم المحل ومالهم فرع ثاني الفحيحيل شوي بعيد علي

 

[اسطوووره]

اول موديلات حقق العبي تنزل بالسعوديه بعدين الامارات بعدين احنا
وانا ما اشتري الا من السعودي وبسسسس
حتى العبايه الغاليه يقولج لا تاخذينها خامتها مو شي يعني مو نصابين
واقوى الخامات عندهم ورخاص نفس الوقت
الجديد عندنا قديم عندهم
وتوني من شهر رايحه عند اهلي و خميت جم من عبايه والله كل ما اروح مكان الكل يسألني من وين ماخذتها
اغلى عبايه بالسعويه على 200 يعني 14 دينار ويه الشيله
في محلين معروفين نصابين بالسعوديه بوكنان وفي واحد ثاني
المهم محد يشتري منهم ليش انه ارقى الخامات موجودين بالمحلات العاديه والغاليه

واذا بتسيرون على الدمام والخبر
وتبون عبي سنعه
روحو سوق الحب بالدمام
او سوق سويكت بالخبر وبسسسسس انا سعوديه واظمن لكم واسألو عن خامة الذهب الاسود وراح تدعون لي


وشكرا

حبيبتي انا سعوديه ومن جد شفت في اكثر من اسواق بره عبي وما لقيت موديلات مثل السعوديه بس ترا مو كل الاماكن في محلات راااقيه ومحلات نص كم ومحلات بااااايخه

بس اسعار العبي عندك مي صحيحه تغلي عبايه توصل ل 3000 واكثر حبيبتي والسعر المتوسط للعبايه العاديه او اللي فيها شغل خفيف 500 ريال والساده تلاقين علي ميتين او اكثر وتكون مع طرحتها بس انا من جده وما قد شفت عبي الدمام والخبر بس اتوقع بتكون نفس الموديلات

 

[اسطوووره]

اي صح انا توني داخله التجمع والمفروض اسلم هههههههههه

هلا حبيباتي انا بدخل معكم بالتجمع الحلو فكرته تجنن خصوصا اننا بالسعوديه ما عندنا خيار هي العبايه ما غيرها

شوفو اليوم ما رح انزل صور بس بقلكم عالاشياء اللي طالعه وبعدين باخدكم جوله وافرجكم علي عباياتي

طالع بقوه الشغل عالاكتاف تطريز بالاسود او الوان قويه
ومررره موضه العبايه البشت اللي هي من زمن ستي وسيدي بس راجعه بقوه
كمان موضه الحين العبايه اللي يكون قماشها كانه مطاط مخرم وتيجي بقصه الوطواط هادي عندي منها وباوريكم هيه
طالعه قصه الكم اللي مررره واسعه مو فرنسي لا تيجي مربعه مدري اذا فهمتوني وهادي كمان عندي منها باوريكم هيه بالصور
هيا ونفس العبايه تجي فيها حركه ان الكم المربع يجي من ورا مطرز او مشغول من الكم الين الكم التاني فهمتوني؟؟؟؟ يعني الكم والكتف بعرض الكم والكم التاني بس من ورا
طالعه كمان موضه العبي الملونه

بالنسبه لمحلي المفضل اللي اشتري منه عبي فانا اجيب من محلين فقط واحد اسمه سيده الرياض خاماتهم تجنن وشغلهم رووووووعه واي شي تبينه يصلحونه لكي
الثاني اسمه زينتي وكمان شغله مررره حلو وشيك

مدري بس اذا عندكم اي استفسارات تخص العبايات السعوديه وموديلاتها تفضلو

ومره تانيه مرررررررررررررره نايس موضوع

 

[om rona]

الله يعاطيكم العافيه
كثروا من صوة العبي اللي عليهم حركه علي الكتف

واي حلوين اللي دزيتوهم

 

[ملوكـه]

يبيله قعده هالموضوع

 

[دانه الخليج]

صباح الخير بنات حياكم الله بنات للي دشوا التجمع حديثا والله يجمعنا علي الخير اسطورة حبيبتي انا احب واموت علي عبي السعوديه واتمنا تنزلين لنا صور من بعض عبيج او صور من العبي الهبين فيهم حاليا عندكم جزاج الله خير

 

[الجود*2]

حبيبتي ماعليج امر بجم فصلتيها يعني جم اسعارهم وشسم المحل ومالهم فرع ثاني الفحيحيل شوي بعيد علي

حبيبتي العبايه بروحها فصلتها ب20مع الشيله طبعا والكلفه بروح ب10دنانير و لاوالله جنه ماعندهم فرع ثاني و اسعارهم ماتتعدا ال30 او ال25.

انتي اختاري موديل يناسبج وركبي عليه يصير لمستج الخاصه انا دايما احط شي من نفسي لوووووووووول امي معلمتنا

 

[الجود*2]

صباحكم ورد بنات مبروك رحاب والجود علي عبايتكم وايد حلووووة عليكم بالعافيه ملبوس العافيه

حبيبتي تسلمين عيونج الحلوه

 

[جارة القمر]

موضوع روووووووووووووووعه


متابعتكم

 

[al-musk]

up up

 

[يآلبى ضحكتي:$$]

آسطورة آنآ آمووووووووووت بآلعبي آلسعوديه ذوووووق حدكم :**** نبي آنشوف لآني مو قآدره آتخيلهم وآحسهم روعه وغريبين

 

[الأميرة ريماس]

آناا جفت بنتين بآلافنيو من الرياض عبيهمممم روعة وخامتهم مو خامة عادية لااء صائرة متعفسة بسس علىئ ذوق وسالتهم عطوني رقم وحدة سعودية (مصممة) هي اللي مسؤية هالعبي بسس هم بصراحة غالين تقوول سعرهم ب60 ماأدري 50

 

[دانه الخليج]

مساءكم الله بالخير .... اميره ريماس ممكن تعطينا رقم المصممه الي بالرياض ماعلييييييج امر ..........

 

[شمواه ديزاين]

مشكورين على الموضوع
حلو ومفيد

 

[كادياا]

خووووووش موضوووع

متااااابعه لكم ؛)

 

[ليتني مـآ كبرت]

أبي أسم أحسن المحلات بالخبر لعبايات الكتف

بلييييييييييييز بنات بعد أسبوع يمكن أروح الخبر

مابي أحوس هناك و أدور عطوني بالأسم سيدا أروح بدال ماضيع وقت

 

[Dalo3h]

صباح الخير

حيالله بنات السعودية

ممكن تفيدونا باسامي الخامات الحلوه والمحلات الحلوة احتمال ازوركم بس للحين مو مبين اذ نروح الخبر ولا الرياض فياليت تعطوني اسامي

وحبيت اسال اذ في فروع للعبي الشرقية غير مكة

ماتسوى عليكم قلتوا من السعوديه اكلتكم اسأله هههههههههه

*