الاطفال الرضع .. وين تطلعونهم معاكم ؟؟؟؟

[om MaRyooM]

السلاااااااااام





بنتي عمرها 9اشهر الله يحفظها وغلطتي يمكن اني مااطلعها .. والنتيجة: كل ماتشوف بني ادم غيري انا وابوها وخدامتي تبجي وتستغرب
جنها شايفة كائن فضائي ههههههههه


الحين متحسفة وخاطري اطلعها واعودها عالطلعات وعلى الناس .. بس بصراااحة انا وحدة مالي خلق حنة اليهال وطلعتهم

بس شرايكم
وين تطلعون عيالكم وشنو تاخذولهم وشلون تتصرفون بكل شي بشكل عاام ؟؟؟؟

ومشكورين

 

[MARIAM79]

انا معاج ان الطلعة مع اليهال حوسة وعوار راس ونقلة بس مو ان ما نطلعهم كلش حرام لازم يتعودون يغيرون جو ويشوفون ناس يعني بنتج الله يحفظها عمرها تسع شهور تقدرين تاخذينها وياج مجمعات طبعا مع عربانتها وشنطة صغيرة إذا الطلعة قصيرة ما تتعدى ساعتين ثلاث حطي في الشنطة بدلة وحفاضة او ثنتين احتياط مع رضاعة وحليب وماعون يكون فيه أكلها إذا كان وقت وجبة (غدا أو عشا).. بس نصيحة اول طلعة خليها قصيرة ما تععدى الساعة بعدين شوي شوي طوليها.. وإذا كنتي تحاتين تبديل الحفاضة عند اللزوم فالمولات كلها الحين موفرين فيها غرف لتبديل الرضع.. وسلامتج

 

[iLLuMinaTion]

قدرنا

 

[om MaRyooM]

قدرنا

سوري
مافهمت عليج

 

[om MaRyooM]

انا معاج ان الطلعة مع اليهال حوسة وعوار راس ونقلة بس مو ان ما نطلعهم كلش حرام لازم يتعودون يغيرون جو ويشوفون ناس يعني بنتج الله يحفظها عمرها تسع شهور تقدرين تاخذينها وياج مجمعات طبعا مع عربانتها وشنطة صغيرة إذا الطلعة قصيرة ما تتعدى ساعتين ثلاث حطي في الشنطة بدلة وحفاضة او ثنتين احتياط مع رضاعة وحليب وماعون يكون فيه أكلها إذا كان وقت وجبة (غدا أو عشا).. بس نصيحة اول طلعة خليها قصيرة ما تععدى الساعة بعدين شوي شوي طوليها.. وإذا كنتي تحاتين تبديل الحفاضة عند اللزوم فالمولات كلها الحين موفرين فيها غرف لتبديل الرضع.. وسلامتج

عدل كلامج
مشكورة ياقلبي

 

[shai6ona19]

انا بعد بنتي عمرها تسع شهور
طبعآ كل جم يوم لازم اطلعها حرام يضيق خلقها حبيبتي من الشقه من الصبح لليل
ف لازم تطلع تغير جو
منها تستانس ومنها ابيها اتعود ع الناس وماتكش من الناس الغريبه

اوديها سوق او حديقه او جمعيه

واخذ معاي عربانتها وشنطه صغيره فيها اغراضها حليبتها وحفاضتها وبدله اضافيه اذا وصخت بدلتها واذا بطول اخذ عشاها معاي صحن وقفشه وعلبة السيريلاك

وتعرفين الجاهل ملوول مايحب يطول بالعربانه وانا عشان ماتمل اجيب جم لعبه تلعب فيهم او بسكوته فارليز تقرمش فيها فديييييتهاااا

وبس

انتي جربي اطلعي معاها ،،،، اول شي بتحسين انها صعبه بس مع الوقت بتعودين وحتى بنتج اتعود ع الطلعات وماتستغرب

والله يخليها لج يارب

 

[ام دندوونه]

ماقصروا البنات وفعلا اول طلعه خليها ماتطول يعني حديقه عشان تتعود علي الطلعه وبصراحه أنا لما أخذ بنتي معاي ارتاح نفسيا واخذ راحتي بالطلعه ما احاتي ان بنتي عند الخدامه ومنها تتعود علي الطلعات

 

[Om_Ksha]

امس طلعت بنتى اول مره لماجيك بلانت بعد عمري استانست على انها صغيره ومالعبت شي بس تشوف اليهال تستانس

 

[opera]

ولدي العود بو ٤ سنوات من اول مانولد كنت اطلعه معاي كل مكاااان لين صار مايستاحش الناس وعاااادي جدا يختلط بالغرب ويسولف ويسلم ومايخاف من احد وحسيت انها هذي غلطه لانه لمن اوديه بيت ناس او احد يزورني عادي الوضع عنده يتشيطن ويسوي كل شي غير عن اليهال الثانيين اللي يتخششون ويستحون

الحين هذا بو سنه غيرت النظام معاه بس اوديه معاي الزوارات ويوم بالاسبوع اوديه الالعاب مع اخوه يلعبون ويستانسون ،،، بشوف شلون بيطلع

 

[ام الحوراء زينب]

اهلين ام مريوم
انا عن نظامي علاوي اول بيبي فمن اول يوم اربعين اقز وياه لي الحين وطبعا من داومت صار يطلع ويانا يوميا الصبح ويروح ويا ابوه بيت يده يقعدون لي الظهر ياخذوني من المدرسه ونرد البيت
وبالويك اند الازم اطلعه وياي يوميا انطلعه اي مكان عادي حتى لو جمعيه او مجمع او زواره
الاغراض اللي ناخذها عربانه وديكور ما يقعد فيها بس جذي ناخذها وجنطه فيها ماي حار وبارد ومميه وفرشة التبديل وحفاظات ولبس
وماشاءالله عليه مايستغرب من الناس الا اللي مايحبهم خخخخخ

 

[قطوووة]

ياحياتي

اخذيهم مشوار بو ساعتتين

 

[noo7a]

بكل طلعاتي معاي من اول ما يبته
ماعدا الجامعه لوول
جنطته فيها حليبته وماي و حفاظات و لعبه

 

[worood82]

الياهل إلي إلي يرضع من الممه كل مكان تقدرين اتودينه ما تحتارين فيه المشكله بالياهل إلي يرضع من صدر امه اشلون اترضعه أمه جدام خلق الله اهني الوهقه

 

[مواصله]

معاي كل مكان من اول ماولدته حتى مواعيدي بالمستشفى اخذه لان ماقدر اخليه وماعندي خدامه

اخلي خواته اذا اضطريت بس اهو ماخليه بيبي توه

اصلا صار بس يشوفني لابسه عبايتي يفرفش بيدينه يعني شيليني هههههه

يحب الطلعه فديته

شنطته :تبديلات ومطارة ماي دافيه وحليب ولعبه وبطانيه


وساعات الجهال حتى اللي متعودين ع الطلعه والدواره تجيهم عرّه ويبجون بشكل مو طبيعي

بدون سبب ويخربون عليج مزاجج وطلعتج عادي طولي بالج الحياه سعيده خخخ

والله يخليلج مريوم والصغيرونه ماعرف اسمها ويهديهم

 

[%F&R%]

انا بناتي كل مكان اروحه اخذهم معاي عادي من اول ما اطلع من الاربعين اطلعهم

 

[om MaRyooM]

مشكورين بناااات





ماقصرتو والله

 

[جذابه بنت ذيابه]

الصراحه بنتي يوم كانت صغيره ما كنت اخذها مكان الحين عمرها سنه و 4 شهور اخذها بس بيت اهلي و اذا بطلعهم يوم بالاسبوع مخصص اها اهي واخوها للالعاب )0( من كثر طلعاتي عاد هههههه

 

[نـعـومـه]

انا بنتي للحين ماكملت 6 شهور وكل مكان طلعتها مجمعات مطاعم مشاوير لان ماقدر كل طلعه اخليها عند امي بجذي اوديها معاي وفوق كل هذا اذا زارت بيت يدها تبجي وتخاف منهم شلون لو ماطلعها كلش !!

 

[روح الأحزان]

حبيبتي عادي اخذ عيالي معاي ماحب اخليهم عند احد الا اذا اضطريت وعادي حتى الياهل اللي متعود على الطلعة تييله مرات يبجي حتى من ناس يعرفهم

 

[Winter Q8]

ولدي بعمر بنتج ..
بس كل ما طلعته معاي و احطه بالعربانه بس يبجي و يصرخ و يفشلني و الناس ما تصدق خبر هدوا اللي بايدهم و ماعندهم الا طماشة فيني و بولدي زين ياهل و بجى شنو المشكلة و يحسسوني اني فاشله ما اعرف اتعامل مع ياهل:eh_s(11): .. و اهو عسارته زايدة عن باجي اليهال الله يصلحه ..

و ذيك اليوم لعبته بالدوارف و النطاطية بيتنا حسيته متقبلهم و قلت بوديه العاب بس مسكين تعب صار له اسبوعين و ما وديته مكان ..