** تجمع الي مسوين جراحة الفك**

[Esraa.a]

بنات بالامانه بالامانه بالامانه


مين الفك العلوي كان عندها بارز ورجعته وتغير شكل عينها ؟؟؟؟؟؟؟؟؟؟؟؟؟؟؟؟؟؟؟؟؟


كثير هالموضوع مخوفني وكثير يقولون عينا تغيرت....


بليززززززززززز بنات جاوبوني ع هذا السؤال


هالأمر جدا جدا مخوفني وموترني

مادري والله



أنا عن نفسي عيني ما تغيرت الحمدلله

 

[Esraa.a]

بنات وين اسراء كان نفسي تدخل وتعطيني رأيها بصوري؟؟؟
رأيها يهمني جدا

حبيبتي والله آسفة >> الظروف أشغلتني شوي :hjy5jewf:


الحين أشوف صورج

 

[Esraa.a]

السلام عليكم ورحمة الله وبركاته ,,
كيفكم اخوااتي
انا عضوة جديدة من جدة . والصراحة سجلت فالمنتدى بسبب ذا الموضوع
استفدت مرررة كثير من خبراتكم وردودكم واتحمست اني ابدا واصلح فنفسي

انا سويت تقوييم لاسناني واستمر سنتين و شلته ليا سنة
وبدات اسناني تتفرق وترجع لاني اهملت وما استخدمت الريتيرنر لانه ضاع
فيبغالي ارجع اسوي ريتيرنر من جديد هذا واحد

وثاني شي ,,
عندي قمي سمايل لان اسناني صغرة ووحدة من زميلاتي عندها نفس المشكلة وسوت عملية تطويل اسنان وحكت اللثة وتطلعت تجنن ,,

واخيرا فكي السفلي او الدقن راجع شوي ونفسي اقدمه ,, بس ما ادري اش المفروض اسوي تقديم بالسيلكون ولا جراحة بالفك..

ولما قريت كلامكم وردودكم قررت اني لازم استشيير دكور جراح للفك اول وبعدها ابدا اضبط وضعي ..
وان شاء الله اخبركم بالمستجدات

يعطيكم العافيه جميعااا

إذا عندج قمي سمايل وأسنانج صغيره >> مشكلتج ببساطه تنحل عن طريق قص اللثة
يعني ما تحتاجين عمليه للفك العلوي .. في حال إذا مافيه بروز طبعا


لكن من كلامج عندج مشكله تراجع بالمنطقة السفليه من الوجه

بهالحال لازم تعرفين إذا التراجع بالفك السفلي أو بالذقن


هل تطابق الأسنان عندج سليم ؟؟؟


إذا تطابق الأسنان سليم ومافيه مشاكل.. يعني انتي مشكلتج تراجع الذقن

تطابق الأسنان السليم مو شرط تكون أسنان الفك العلوي متطابقه تماما مع أسنان الفك السفلي .. عادي يكون فيه تقدم أو تراجع بنسبة بسيطه >> أهم شي ما يأذيج أثناء الأكل او يكون فيه ألم لا سمح الله أو تكون فيه طقطقه ( يطلع أصوات إذا تثاوبتي أو فتحتي فمج بقوه) أو يكون فيه ميلان ( وضعيته غير سليمه)


وعملية الذقن عملية بسيطة ما تتقارن بجراحة الفك .. مدتها ساعه إلى ساعتين بغرفة العمليات وتقدرين تطلعين بنفس اليوم من المستشفى أو بالكثير ليله وحده



لكن إذا التراجع بالفك السفلي .. يعني انتي تحتاجين عملية تقديم الفك السفلي
وجراحة الفك إنتي عارفه وقاريه معاناتها والآثار الجانبيه تبعها


طبعا هذا كله كلام تقدريري لا تاخذين عليه .. لااااااااازم تسوين أشعه وقياسات

ويبين بعدها إذا عندج مشاكل بالفك وتحتاجين جراحة او لأ

 

[Esraa.a]

توتة. ليس الكل ينظف بحذر أنا انظف عادي بالفرشاة.
رابطين أسنانج بالمطاطات ولا. السيو. ؟

تنظفين بحذر لأنه اللثة مخدره ما تحسين فيها .. ممكن أقل شي تجرحينها ويصير نزيف لا سمح الله

ولاتنسين الخيوط والغرز



هالمنطقة ما فيها أحساس .. لازم تنظفينها شوي شووي وبحذر >> حتى الفرشة لازم تكون فرشه صغيره وناعمة soft ( فرشة أطفال)

 

[Esraa.a]

بس في شي واحد مب عايبني ما اقدر اتكلم مثل قبل ... الدكتور قالي هالشي عادي ولازم اتعود و اتكلم 24 ساعه .. الحين احاول اتكلم بس اللي يسمعني ما يفهم علي :eh_s(16):

ايييييييييييييي والله فعلا هالشي مزعج


ومشكله إنه ممكن يطول الكلام على ما يرجع طبيعي


أنا ليلحين أحس مخارج الحروف فيها بلا عندي مع إنه صارلي أربعة أشهر
خصوصا بحرف السين والصاد

لا أقووول كلمه فيها حرف السين أو الصاد مكرر >> يااااااااااااااااااااااااابوووووووووووووووي :krkrkr:

ذاك اليوم متصله على الشؤون الإدارية عندنا أقولها أختي حابة أستفسر عن شغله
هههههههههههههههههههههههههههه

أحسها ما فهمت الكلمه مسكينه .. عدتها بصيغة ثانيه .. قلتها أختي حابة أسأل عن شغله



يعني مرقعه الموضوع مع ويهي .. ما طاح إلا انبطح :dddds: :dddds:

 

[Esraa.a]

مرحبا بناااااااااااااااااااااااات​

مثل ما وعدتكم اني راح انزل صوري قبل و بعد العملية الصور يمكن ما تكون واضحة لاني مصورة من موبايلي​

العملية كانت بتاريخ 11-4-2012 يوم الاربعا في مستشفى خليفه ابوظبي عند الدكتور ميشيل و كانت للفك العلوي و السفلي مع زرع عظم من الحوض في الفك العلوي عشان تبرز اسناني اكثر​

​

هو لحد الحين انا النتيجه عايبتني الحمدلله بس صج معاناة و لوعة جبد بس النتيجة في النهاية حلوة كلهم قالولي تغيرتي للأحسن و شكلي بين اصغر ​

بصراحة لولا هالمنتدى و تجارب البنات مثل اسراء و غيرها ما تشجعت و سويت العملية ... الف شكر لكل البنات اللي عرضوا تجاربهم و شاركوا في الموضوووع​

ألف مبرووووووووووووووك عالنتيجة الحلوه :ggdw:


وأبشرج راح تحلو أكثر وأكثر :rerrerek:




لأنه الورم ما زال موجود خصوصا بمنطقة أسفل الخشم ,, كل بين فتره وفتره راح تشوفين ويهج يهدا ويفش إلى ما يستقر عالنتيجة النهائيه


لاتحكمين عالنتيجة إلا بعد 6 أشهر إلى سنه



بس دام النتيجة المبدئية حلوه وعاجبتج الحمدلله عيل أبشري بالنتيجة النهائيه :eh_s(15):

 

[Esraa.a]

من اول ماقالي الدكتور على سالفه العميله وانا شغاله بحث ولقيت موضوعكم والحمدلله اني مسجله :d


انا الحمدلله ظاهريا ابد مو مبييييين ان فيني حاجه الحمدلله

لكن كانت اسناني واللثه متقدمه بس مو مررره وسويت تقويم وفكيته من 6 سنوات والحمدلله النتيجه مررررررررضيه

ومن اربع شهور لاحظت انه بدت تطلع فراغات بس بين سن واحد ولما راجعت الدكتور سوالي شد على الريتنر ومع الشد صار السن يتخلخل :eh_s(11):وقال خلاص لاعاد تلبسيه لحد مانسوي قياس ثاني وقلتله انا مو مشكلتي بالقياس انا ابي اسناني ترجع مثل الاول


لكن صدمني لان مو هو اللي قرر التقويم .. الدكتور اللي ركبه لي استقال وصرت ارجع عند هذا بعد مافكيته

قال انتي مشكلتك باللثه متقدمه شوي وعندي القمي سمايل مبين شوي

فعلى كلامه ان التقويم الاول كانت الاسنان داخله على جوى فأنا كنت أشوف اسناني بيرفكت ومع الوقت لازم ترجع تكون اقل حاجه متساويه مع اللثه وهذا اللي راح يخلي الفراغات تظهر طبعا الحل الوحيد استمر على الريتنر كل العمر :eh_s(11):

قال لو حابه تسوي عمليه للفك منها عشان اللثه ترجع لورى ومنها تكون الابتسامه افضل

محتاره ودي اسويها عشان مشكله القمي سمايل واخاف اسويها وتكون النتيجه عاديه ماتسوى التعب او يكون لها سلبيات او يخرب الانف واطلع من شي واخرب شي اصعب
وخاصه ان الشكل الظاهري الحمدلله مو ملفت بشي

بس لان سمعت من وحده تقول تحسيه عادي لكن لو سويته راح تفرقييين كثيييييير للاحلى طبعا حتى لو مو مبين وتحمست لرأيها

محتاااااره

قبل كل شي وقبل لا تروحين للدكتور وقبل لا تاخذين قرارج صلي استخااااااااااااره

الاستخاااااره ثم الاستخاااااااااااااره ثم الاستخااااااااااااااااااااااره

دام بتسوين جراحة الفك للقمي سمايل >> حطي ببالج إنه خشمج راح يخترب حتى لو بنسبة بسيطه


وهالنسبة البسيطه ممكن تأثر على شكلج الظاهري .. وتضطريين تسوين تجميل خشم مثل ما بعض البنات اضطروا يسوون

طبعا كل ما القمي سمايل عندج كبيره كل ما نسبة تغيير الخشم تزيد ويفرش .. يعتمد على الدكتور كم ميللي راح يقص
وطبعا أكييييييد يعتمد على شكل خشمج الطبيعي قبل الجراحة شلون شكله كبير صغير عريض مفروش ملموم ...إلخ

كل هالعوامل لها تأثير بشكل الخشم بعد الجراحه

 

[Esraa.a]

بنات اقدر اطلب من الدكتور التقنيه الي يسويها ويطلع شكلي التقريبي بعد العمليه كيف راح يكون؟؟

مو كل الدكاتره يسوون هالتقنيه

البرنامج استخدامة صعب مو أي أحد يعرف يستخدمه

يستخدمه بعض الدكاتره الأجانب .. ما مر علي دكتور عربي يستخدمه

و البرنامج موجود بالنت تقدرين تنزلينه >> أذكر مره حطيت اللنك حق اللي يبي ينزله بس محد عرف يستخدمة من البنات
ما أذكر شنو اسم البرنامج بصراحه



بس ترى البرنامج يعطيج شكل تقديري بعيد عن الواقع .. خوفج تتخيلين شي والنتيجة تطلع شي ثاني
فلو ما تسوين أحسن

لأنه الدكتور وقت العملية ممكن تصيرله ظروف يغير شووي من القياسات

الشغل العملي غييييير والشغل النظري غييير

الكلام سهل لكن وقت ما يقص الدكتور الفك ويشتغل فيه يصعب عليه الأمر نوعا ما .. ومكن تواجهه مشاكل أو ظروف غير متوقعه بالعمليه

أعطيج مثال

أنا قالي الدكتور راح تحتاجين عظم صناعي للفك والذقن وجهز كل شي الدكتور عالخطة اللي راسمها لي لكن الحمدلله وقت العمليه ما احتجت .. والعكس صحيح صار مع بعض البنات ما احتاجوا بخطة العلاج لكن وقت العمليه احتاجوا


يعني باختصار مو شرط الكلام اللي يقوله الدكتور حرفيا ممكن يطبقه وقت الجراحه .. وبجراحة الفك الفك مللي واحد ممكن يأثر على شكلج



وممكن يكون شكلج حلو عقب الجراحة لكن لما تقارنينه بشكلج التقديري مال البرنامج ممكن ما يعجبج شكلج ,, لأنج راسمة صوره ذهنيه ببالج إنها تكون وااااااااااااو .. فماراح تتقبلين إنها تكون أقل من الوااااااو حتى لو بشوي

أي اختلاف عن الصوره اللي راسمتها لج ممكن يسبب لج احباط



لهالسبب شيلي فكرة البرنامج من بالج

 

[Esraa.a]

مرحبـــــــــــــــــــــــــــــــــــا بنات اخباركم من زمــــــــــــــان عنكم لكم وحششه
انا الحمدلله صارلي شهرين و24يوم والاحساس الحمدلله بداء يرجع بسأل اسسسراء انوسسس او البنات اللي سووا العمليه متى بديتوا تمضغون؟؟انا للحين ابلع ؟

بعد الشهرين إلى 3 أشهر قدرت أمضغ لكن شوووي شوووي مضغ خفيف




بس مازلت الجزر والتفاح والخيار والمكسرات ....إلخ ما أقدر أمضغهم عدل

 

[Esraa.a]

بنات وينكم؟

انا جدا محتاجه ارائكم ماعندي احد استشيره ومتعقده من نفسي ابي حل
حاليا انا بعيده مسافره وقريب برجع واسوي عند الدكتور موعد ثاني للعمليه وحاليا اصلا مقدر اسويها لاني اخذ كورس حبوب روكتان حقت حب الشباب(مشاكل بكل شي):eh_s(2):
انا متعقققققققققققققققققققققققققققققققده من شفتي ودقني والبروز في المنطقه حتى شفتي افكر اسوي فيها تصغير
حتى روج مستحيل أحطه مستحيل ما احس نفسي بنيه

بنات شوفوا صوري هنا وقولوا رأيكم ...شنو احتاج وما احتاج؟
علما باني مركبه تقويم وبشيله لان دكتور قبل قال مشكتلج مو التقويم مشكتلج الفك
وانا بعد مسوية عملية لدقني بس الدكتور يقول غلط ومو ناجحه:eh_s(2)::eh_s(2):
يعني ناويه على فك مع دقن

ادري الصور فجيعه اعذروني :eh_s(2)::eh_s(2)::eh_s(2):تدرون تصوير الموبايل(عذر:krkrkr

مشكلتج شكليا بسيطة مو حيل قووويه وتقدرين تتعايشين معاها



لكن انتي مشكلتج نفسيا بالدرجة الأولى >> مو مقتنعة بشكلج بتاتا .. والدليل سويتي ذقنج و واضح إنج مسويه خشمج والحين ناوية على شفايفج وناويه عالفك


ما ودي أحبطج بس هم مااااااا رااااااااح يعجبج شكلج عقب الجراحة .. وقولي إسراء ما قالت

ما أقصد شكليا ,, أقصد قناعاتج الشخصية




انتي لو تقتنعين بشكلج >> كااااااااااااافي .. هذا بروحة علاج



ما أحس النتيجة اللي راح تاخذينها عقب جراحة الفك تسوى التعب وتسوى المبلغ اللي راح تقطينه وتسوى المعااااااااناة والآثار الجانبية اللي راح تشوفينها لأنه مثل ما قلتلج مشكلج بسيطة
ومن ناحيتي أشوف إنها وراثية


أخوانج أو خواتج نفس شكل فكج وشفايفج ؟؟




بعدين الحيييييييين البنات يدرون شي يكبر الشفايف .. يروحون يحقنون إبر بس علشان يكبرون شفايفهم وانتي تبين تصغرينهم !!


فعلاااااااااااا بني آدم محد راضي بحاله وبشكله

وأنا أولكم لا تخافون :krkrkr:


نشوووووووف هالفنانين وهالفنانات ونبي نصير مثلهم .. حتى لو شكلنا ما فيه شي ودنا نجرب أي شي في سبيل الجمال


والمشكله إذا جربتي عملية تجميل وحده >> تسهل عليج بااااااااااااقي العمليات


عملية ورا عملية ورا عمليه >> يصير فيج هوس .. شي يجر شي







المهم ما علينا نرجع لمحور حديثنا الأساسي >> الكلام بهالموضع مااااااااله نهاية



بالصور اللي انتي حاطتها أنا أشوف شكلج ما يحتاج كثير .. شي بسيط وما يسوا


علشان ما أحكم عليج بشكل نهائي أنا ما شفت شكل فكج وأسنانج وانتي تضحكين ( الضحكة مهمة علشان نشوف مقدار البروز) >> الكلام اللي قلتلج إياه تقديري بناء على الصوره اللي انتي حاطتها


إ

ذا مصرة تسوين شي >> سوي ذقنج


الحلو بعملية الذقن إنه يحدد الوجه ويبرزه لكككككككككككككككككككن وماااااااا أدرااااك ما لكن


العيب الوحيد اللي فيها إنها """تطول الوجه """"


فيه ناس تشوفها عيب وفيه ناس تشوفها ميزه >> مقاييس الجمال تختلف من شخص لآخر


يعني إذا انتي بالأساس وجهج طويل ما أنصحج تسوينها



أنا كان وجهي قصير بس لما سويت الذقن طال شوووي .. وأنا نوعي ما أحب الوجة الطويل

هالشي الوحيييييييد اللي ما حبيته بشكلي عقب الجراحة


عالجنب شكله واااااايد حلو محدد ومرتب ومتناسق لكن من الأمام تحسين الوجه طويل




صايرة الحين إذا بصور كل الصور تكون على جنب .. ما أحب أصور سيده








نصييييييييييييحه مني

زيدي ثقتج بنفسج وراح تعيشين مرتاحة طول عمرج

 

[morningtulips]

اسراء حطمتيييييييييييني...

رحت لافضل الاطباء وكلهم أقروا اني احتاجها..

اخواتي مو مثلي ابدا للاسف..بالعكس ماعندهم البروز الي عندي..انا مابي اسوي شي للشفايف بس الفك ارجعه بشكل بسيط بسيط

انا احس لو سويتها بتتحسن المنطقه عندي لانه مافيه تناسق بين الجزء العلوي والسفلي بوجهي
يعني تشوفيني من فوق بس ماتتوقعين ان انا من تحت جذي..عرفتي؟

والله مو نفسية ابدا كثر ماهو شي مو حابته بنفسي لانه عيب واضح وبارز

مو حابه البروز الي فيني


يعني خشمي بعد العمليه صار طويل وصغير وعيني واسعه
وفجاة الجزء الاسفل من وجهي مختلف فهمتي؟؟؟

سؤال خارج عن الموضوع خشمي واضح جدا اني مسويه؟مثل الفنانات يعني؟

 

[Esraa.a]

أسرااااااااااااااااء

وبناااااااات المنتدى ، بسئلكم سؤال

في حد من اهلكم ما عجبة التغيير؟


خوااااااااتي ما عجبهم التغيير إلا ثنتين،
حرمة اخوي تقولي انت رديتي نفس اول بالضبط ولا كأنك مسوية عملية

بس رايي انا اشوف اني تغيرت واايد، للأحسن طبعاً، صح خدودي شبه راحن، بس بصراحة ناوية اضرب ابر اذا الخدود راحن بالمرة

ايييييي والله أنا


نص أهلي عندهم إنه التغيير للأسوأ أولهم أمي >> عندهم قبل أحلى


ما ألومهم لانهم متعودين على شكلي القديم .. فلما أطلع بشكل جديد أكيييد راح يستنقدونه

يبيلهم وقت على ما يتعودون على الشكل الجديد



إذا تعودوا على شكلج الجديد ( أقل شي سنه) وراويتيهم بعدين صورج قبل العمليه .. راح يلاحظون الفرق إنه بعد العملية أحلى


انتي مالج شغل بكلام الناس لا تسمعين لهم >> أهم شي ثقتج بنفسج .. دام تشوفين انج تغيرتي للأفضل هذا أهم شي :rerrerek:

 

[Esraa.a]

اسراء حطمتيييييييييييني...

رحت لافضل الاطباء وكلهم أقروا اني احتاجها..

اخواتي مو مثلي ابدا للاسف..بالعكس شفايفهم حلوه

انا احس لو سويتها بتتحسن المنطقه عندي لانه مافيه تناسق بين الجزء العلوي والسفلي بوجهي
يعني تشوفيني من فوق بس ماتتوقعين ان انا من تحت جذي..عرفتي؟

والله مو نفسية ابدا كثر ماهو شي مو حابته بنفسي لانه عيب واضح وبارز

مو حابه البروز الي فيني


يعني خشمي بعد العمليه صار طويل وصغير وعيني واسعه
وفجاة الجزء الاسفل من وجهي مختلف فهمتي؟؟؟

سؤال خارج عن الموضوع خشمي واضح جدا اني مسويه؟مثل الفنانات يعني؟

مووووووو قصدي أحطم والله :dddds:



خلاااااااااص إذا الدكاتره أقروا بحاجتج لها سويها


وإذا انتي من داخل بخاطرج تسوينها وتحسين إنج محتاجتها سويييييييييييييييييييييها


أنا الله يسلمج الدكاتره أقروا إني ما أحتاجها لكن كنت مصررره إني أسويها >> وسويتها


قلتلج الصور مو واضحه وانتي مسكره شفايفج .. لازم صورة أسنانج واضحه وانتي تضحكين فيها علشان يبين مقدار البروز


خلاااااااااااص سويها دام إنج تعانين هالكثر >> توني حسيت بمعاناتج من ردج




بالنسبة للسؤال اللي خارج نطاق الموضوع ههههههههههههه


مادري إذا نفس الفنانات أو لأ .. التصوير مو واضح ( مصورته من تحت انتي) شكله ككل مو مبين

أنا لاحظت أثر القص والخياط أسفل الخشم

 

[Esraa.a]

اعذريني اسراء يابعد عمري انا ماقريت الصفحات الموضوع يفحط هههههههههههه

انشغلت بالدوام وماكانت عندي انترنت واانا الان داشه من الجوال

فالسموحه
لكن ابشركم تطابق اسناني ميه ميه ماشاءالله وكمان وجهي قصر وصرت اتق بنفسي لمااضحك وشفايفي تغيرت
بحاول اني ماانقطع كثير واتواصل معاكم دووم
مايوحشكم غالي حبيباتي

معذوووووورة يا قلبي


أهم شي ان شكلج صار فعلا سمنة ع عسل عقب الجراحة :ggdw:


إسم على مسمى

 

[Esraa.a]

بنات

عادي تحسين بوخز في مكان الجرح؟؟

الي مسووووووين تبيض قوالب>> وش رايكم فيه؟؟ لان اسناني مره اصفرت بعد التقويم والعمليه
لانهم سكرو ا فمي 4 اسابيع

وكم اسعارها>> للي سووها في الرياض

اييييي ايييييييي عاااااااادي جداااا الشعور بالوخز مكان الغرز والخياط >> شي طبيعي



بالنسبة لتبييض القوالب >> أنصحج فيه نتيجته واااايد حلوه


طبعا تبييض القوالب انتي تتحكمين بدرجة التبييض من خلال عدد مرات الاستخدام .. كلما زاد كلما زادت درجة التبييض

بس لا تكثرين منه لأنه الماده اللي فيه مو زينه على مينا الأسنان

يعني خلي درجة التبييض طبيعيه لا تخلينها أوفر


و روحي عيادة مضمونه علشان تضمنين صلاحية وقوة وجودة المادة المستخدمة للتبييض لأنه المواد تختلف من عيادة لي عيادة

 

[morningtulips]

حياتي يا اسراء شكرا شكرا

عن جد ترى انا ماعندي احد استشريه اخواتي ماعندهم خبره ابدا
ومالي غيركم

الله يجزاكم الف خير

 

[Esraa.a]

ههههههههههه اسراء عدل كلامج والله
بصراحة حتى الشفايف انا احس فرقت معاي صارو حلووووووين وايد
بس دام بيمدحون فيني خل يقولون لي ما يشبعون ههههههههههههه

اييييي والله مالج بالناس

قالوها بالأغاني >> شعلي أنا من الناس وشعلى الناس مني



تصدقين أنا شفايفي صغروا عقب العمليه !!

 

[Esraa.a]

حياتي يا اسراء شكرا شكرا

عن جد ترى انا ماعندي احد استشريه اخواتي ماعندهم خبره ابدا
ومالي غيركم

الله يجزاكم الف خير

حبييييييييييييبتي والله

لا شكر على واجب



احنا موجودين هني لخدمتكم ومساعدتكم بحكم تجربتنا :hjy5jewf:

 

[reematy]

هلا بناااات
اخباركم،

صارلي الحين من سويت العملية تقريبا 56 يوم

تخيلوووو رحت فحصت فيتااامين د طلع واااااايد نااااااااقص 30%

حد صارله نفسي

وشو سويتو علشان يرجع

 

[reematy]

ايييييي والله أنا


نص أهلي عندهم إنه التغيير للأسوأ أولهم أمي >> عندهم قبل أحلى


ما ألومهم لانهم متعودين على شكلي القديم .. فلما أطلع بشكل جديد أكيييد راح يستنقدونه

يبيلهم وقت على ما يتعودون على الشكل الجديد



إذا تعودوا على شكلج الجديد ( أقل شي سنه) وراويتيهم بعدين صورج قبل العمليه .. راح يلاحظون الفرق إنه بعد العملية أحلى


انتي مالج شغل بكلام الناس لا تسمعين لهم >> أهم شي ثقتج بنفسج .. دام تشوفين انج تغيرتي للأفضل هذا أهم شي :rerrerek:

عذروني على التاخير انشغلت وااايد

طمنتيني واااايد اسراء

وبصراحة بديت اقتنع بشكلي ،

وعيوني ردن نفس أول بس راح الجحوظ إلي كان فيهن قبل العملية

والحمدالله انا على بعضي صرت أمورة