حجزت عمليتي بلبنان وخايفه اروح شسوي ؟

[ام-حمودي]

مرحبا بنات شلونكم

انا حجزت عند دكتور ايلي غاريوس عشان اسوي
خشمي عنده على شهر 8 بالعيد انشالله
كل شي حجزت الفندق والطيران وموعد واللحين على حظي
الاوضاع الامنيه بلبنان متأزمه
حدي منقهره لاني كنت مرتاحه لهالدكتور وايد

تتوقعون راح تهدى الاوضاع مني لي شهر 8 ؟
ولا اروح ادورلي على دكتور ثاني

ومنو احسن دكتور تجميل انف بالكويت او دبي
او اي ديره ثانيه غير ايران

اتمنى انكم تردون علي وتريحوني عشان نفسيتي تعبانه ماصدقت لقيت دكتور سنع الا طلعتلي سالفه السياسه بالموضوع

 

[ناتشوو]

اكيد خيرة
وماتدرين ع شهر 8 تهدي الاوضاع
وتقدرين تروحين

 

[لوليا]

آمممممم انا توني راجعه من لبنان ومسويه عند دكتور ايلي غاريوس قبل 10 ايام بالضبط وكنت موجوده بلبنان اثناء

الاوضاع اللي صايره عندهم هههههه وبما اني اكرة السياسه تخيلي اني ماكنت عارفه ان الوضع متكركب عندهم

اللهم شكيت بالمطار صاروا يسألون اسئله غريبه ماهو سبب وجودك وين ساكن وشغلات هيك ... عاد يوم سئلت سواق التاكسي

قالي عادي عشان صايره مشاكل بالشمال عندهم الموهم دكتورايلي غاريوس عيادته بسن الفيل مو حول هالقرقعه

 

[ام-حمودي]

ناتشو مشكوره ياقلبي على الرد

لوليا حبيبتي ريحتيني عسى ربي يريحج دنيا واخره يارب
بس ممكن اسالج انتي مسويه خشمج عنده ؟ وشلون شكل خشمج الحين عاجبج ولا لا ؟

 

[ام-حمودي]

توني الحين دقيت على عياده الدكتور وكلمت السكرتيره
قالتلي مافي شي بلبنان مادي ليش مكبرين الموضوع
تقول الاوضاع زينه ومافي مشاكل صوبهم كلش

وايد استانست بس اتمنى اني ماستانس على الفاضي يارب

 

[شيهانه الشعلان]

مااادري انا كاني من فرفرتي بالمنتدى لاحظت كانهم مايمدحون نادر صعب او ايلي غاريوس والله اعلم بس انا افضل تحوسين عدل بتجارب البنات قبل لاتروحين له اما بالديره لاحظت انهم يمدحون حسام فوده

 

[أبلة فاتن]

الله يعينج حبوبه بس الاوضاع الحين كلش ما تساعد انج تروحين اهناك ،، عموما الله يهون عليج ويقومج بالسلامه

اذكر المذيعه ندى دبوق قبل يوم سألوها نبي رقم جراح تجميل انف شاطر قالت اللي عدل لها فتحت خشمها لان كانت مو مضبوطه

وحطت رقمه اذكر سجلته وفي بعد واحد ثاني جنه اسمه حسام ماذكر من زمان على قناة الجرس لمن كانت تطلع

اذا لقيتيها بتويتر كلميها ترى حييل حبوبه وتساعد مو نحيسه

 

[أبلة فاتن]

اقوى عمليات التجميل

لندن ولبنان هذا كلام البنانيات


بس لندن غاليه فيروحون لبنان


وشكرا​

 

[لوليا]

ناتشو مشكوره ياقلبي على الرد

لوليا حبيبتي ريحتيني عسى ربي يريحج دنيا واخره يارب
بس ممكن اسالج انتي مسويه خشمج عنده ؟ وشلون شكل خشمج الحين عاجبج ولا لا ؟

ايوه حبيبتي أنا سويت خشمي عنده قتلك اليوم العاشر بالضبط من العمليه ماقدر اقولك عاجبني او لا

اممممم بصراحه يعني هو منتفخ ولسى جواته خيوط اكيد البنات اللي عاملين صارلهم فترة يفيدونك اكثر انا مستغربه من كثر مااقرأ ردود البنات ان خشومهم تنتفخ وتفش ويوم حلوة ويوم بشعه

مدري خشمي كل يوم يصغر عن اللي قبل ويفش بس شاكه بنفسي من كلام البنات اقول يمكن اتخيل

وهو قالي كل اسبوع بتلاحظي الفرق احلى وبصراحه ماكذب لكن عاد هو ماغير شكل خشمي عدل

الاغلاط فقط وللمعلوميه مالمس العظم لأنه عدل كان شغله بالغضروف وووو نحت عالأطراف

 

[ام-حمودي]

مشكورين بنات على الردود

لوليا حبيبتي
الله يقومج بالسلامه ويطلع خشمج حلو يارب
بس يمكن عشان انتي ماعندج مشكله بالعظمه
عشان جذي مانحت لج العظم مع ان في بنات يقولون ان الدكتور ينحت بزياده

انا خشمي في عظمه بارزه وراح اطلب منه ينحت بس مووايد ويصغر خشمي ويعدل العيوب

 

[$نرجس$]

رررررررررررررررفع

انا اشووف ال بي سي اللبناانيه مافيهاا شي حول بيرووت كاهم برنامج يومي مبااشر على البحر وسواالف وضحك وعرض ازيااء الله يسهل اموورج

 

[lamar is smart]

لا ان شا الله مني لذاك الوقت بتهدي الاوضاع زين بنات حبايبي اللي جربو العمليه واللي حجزوا وكل شي بس باقي يسافرون شكثر تكاليف السفرة كلها و شلون اتواصل معاه غير التلفون لان جربت ايميله اللي طلعته من النت مو شغال شلون طرشتوا اصور وتفاهمتوا ومشكورين وعساكم عالقوة اتمنى تقولولي عشان ايمع لها واحسب حسابي

 

[ام-حمودي]

لمار حبيبتي انا راسلته بنفس الايميل اللي في موقعه ورد علي مرتين على طول
وقالي سعر العمليه 1800 دولار يعني 500 دينار
والتذاكر طلعوا علي 238 على الشرق الاوسط حق شخصين
والفندق كوزموبليتان قريب من العياده ب 168 حق 5 ايام

والمصروف بيكون 500 دينار لانه ماعتقد بطلع وايد وبس

انشالله البنات اللي سوها وخلصوا يقولون لنا تجربتهم والمصاريف وتكلفه السفر 

 

[lamar is smart]

مشكووورة حبيبتي ما قصرتي بس اذا ما عليج امر تعطيني الموقع و اكون شاكرة لج :***

 

[ام-حمودي]

هذا موقعه

http://www.drgharios.com/

 

[$نرجس$]

الحيين امنعوو الرووحه حق لبناان يقوولوون الاوضااع خطره ان شاءالله تعدي الازمه واتسهل اموورج

 

[ام-حمودي]

عندي احساس ان الاوضاع مارح تتحسن مادري ليش ?
ريلي يقول في ارهابيين يخططون يخطفون خليجين هناك ويودونهم سوريا يذبحونهم
مومتأكده من هالمعلومه بس قريت مقاله بجريده تقول جذي. الله يستر وتهدى الاوضاع يارب ياكريم واسوي عمليتي بكل سهاله

 

[sweet lady]

حبيبتي مافي الا العافية المشاكل عندهم بالشمال يعني بعيد عن بيروت
واهل ريلي وريلي بيروحون اخر الاسبوع بيصيفون هناك
واذا متردده وخايفه في دكتور لبناني يجي زياره بالكويت روجيه خوري هو سوا لاخوي بالكويت
واختي راحتله لبنان وسوتها بس عجيييب شغله ونظيف ومرتب ولا يبين تجميل نفس نانسي وغيرها
روجيه ماعلية كلام *