معلمة وأحب طالبه

[نسمات 26]

تحبينها

وتقولين تدرين انه غلط !!!!!

اذا تحبينها حب بريئ وين الغلط ؟؟؟

أو في حلقة ضايعة بالموضوع

 

[أإلع ـشق دلع ـهـأإ]

اي حبيبتي اللي تسوينه غلط كبير بعد

نحب الناس في الله والبنت والبنت يكون بينهم حب في الله فقط

اما الحب يكون بين البنت وزوجهآ ..

واللي يطلع عن الشي هذآ شآذ

انتي عندج بناات شلون ترضينهآ ؟؟؟

فكري وانصحج تغيرين خطج زتنتقلين مدرسه ثآنيه

البنت باجر بتتخرج وبتنساااج وبتعقل وبتتزوج وبتحب زوجهآ

وانتي اكليهآ عآد

 

[جنون العاطفه]

الله يهديج ي رب
تغيروا المدرسات عن اول ​

 

[ms_kakawa]

لآ حوول الله ولا قوه الا بالله .. شسالفه شهالانحراف الزايد اللي فيكم .. حتى الابلات صاروا قليلات ادب .. سامحيني بس كل هذا اللي قلته صح

مافي حب بين البنات اوكي ؟؟ نخلص من البويات عاد اسستلم واحد واحد

 

[سمسمة كويتية]

أكيد المدرسات غير عن أول
أول كانو الي يدشون تربية يحبون التدريس و يبون صج يصيرون مدرسات
بس الحين يصيرون مدرسات عشان الفلوس

الله يستر علينا و يحفظنا

 

[Môre N!Ce]

هذا وانتِ مُعلمة مُربية أجيال !!!

أقرأي قرآن تقربي من ربج ، استغفري ..

شهالحـــــال !

 

[برنسيسة2007]

حبيبتي
انتي متخبطه اذا حبيتيها نفس اختج الصغيره او بنتج عااادي حتى لو اهتمامج عااالي فيها عادي
لكن اذا تقصدين شي ثاني وااااا على الدنيا السلام


بعدين كلام الحب شنو تقصدين فيه اذا غزل خافي الله في بناتج. لايبلاج الله بلوه تندمين عليها طول عمرج

 

[ماركة انثى‘]

لاحول ولاقوة الابالله



لاتعليق

 

[ســديم]

انا يوم كنت طالبه وفي معلمات وطالبات اشوف بينهم شي , وتلاقين المعلمه تميز هالطالبه عن غيرها مع انها مو شرط متميزه البنت,,وكنا صغار بس نستحقر هالمعلمات اللي من هالنوع ونتكلم عليهم,, لان كلش واضح ومكشوف,,

ولما صرت بالكليه وقت التطبيق خلوني اطبق بنفس المدرسه اللي درست فيها, لما شفت المعلمات اللي كانوا على علاقات مع طالبات والله حسيت نفس قبل استحقرررتهم,,مافي احترام لهم يعني,,

فانتي الحين وش الزم عليك؟؟
كرامتك وسمعتك اللي بتبقى معك طول العمر... والا علاقه عابره بعدين بتندمين وتستحقرين نفسك عليها؟؟

 

[تبسم لمغليك]

ترضين بنتك يصير لها مثل البنت الي تحبينها اوكي اذكريها بعدين لحبت بنتك معلمتها وتكلمها بالفون ووو الله يعينك شكلك تو متخرجه من الجامعه وتوك تدرسين وهي البنت مايفرق بينكم عمر حبيبتي هذه حالة البويات والشواذ وانت المفروض واعيه وماتطيحين بالسوالف هذه الله يصلحك ويهداك ويهدينا اتقي الله واستغفري ربك الله يغفرلك

 

[rose2012]

ento m9d8een el film??
hatha ryaaaaal o mayet '97k 3la rdodkm
3yona tdm3 o ohwa y8ra

 

[نسيانك صعب]

استغفرالله اصاير بالدنيا
اظاهر اندرس بناتنا بالبيت وايد احسن من المدارس اذا معلمه جذيه شخلت للمراهقات
لاحول ولا قوه الا بالله اتقي الله واتركي البنت بحالها

 

[مسك العطور]

لا حول ولا قوه الا بالله

مدرسه ومتزوجه وام يعني عمرج ان كنتي صغيره 25 وطايحه كلام وسخ مع بنت مراهقه يمكن ما كملت
17 سنه تبين تخربينها تمشينها وتعلمينها طريق ...... استغفر الله
طيب بالله البنت انصادت تكلم بنت ثانيه وهاوشها ابوها وعلمت عليج شبيكون موقفج ؟؟؟ فضيحه علي مستوي
الكويت يارب سترك

شلون نأمن علي بناتنا من المدرسات الحين شككتينا فيهم بصراحه ؟
استغفري ربك وحذفي رقمها ولا تكلمينها ولا كلمه وعامليها عادي ان جتج قوليلها انج مشغوله وخل تنتبه
لدراستها خافي ربك بالبنت وبزوجج وبناتج وبنفسج

الي تسوينه شي عظيم حرام عليج شنو كلام حب وحب صافي تنطرين لين تسوون شي حرااااااااااااااااااااااام ؟؟؟
الله يهديج ويهديها ويهدي بنات المسلمين

 

[مس تسذآ]

دايما قولي هالدعاء اذا شغلج شي بالدنيا و تحاولين تبعدين عنه : ( اللهم زدني تعلقا و إقبالا عليك ) .... و ان شاء الله بمحاولاتج انتي بعد اعتمادج على الله راح تقدرين تبعدين عنها ' الله يصلح حال الجميع ي رب : )

 

[є 3 τ и α q]

ي بناتتَ ليه الهجوممَ وهي جآيه تبي النصيحه ومعترفه بَ انها تسوي غلط ؟! :/
الله المستعانَ .. الانسآن مو معصوممَ من الغلط لكن الغلط الاستمرار فيه ..


آختِ اذا انتِ عارفه ان اللي تسوينه غلط
فَ يلزمك انك توقفين نفسك عند حدهآ ..
غير كذا تتقربين من الله اكثر واكثر ..


وحآولي انكَ تحولين مشآعركك اتجاههَ ل صداقه او اخوةَ ..
وانتِ واضح عليك تحبينها وتخافين عليها فَ استخدمي هالحب في الخير


وحآولي ان تخلين علآقتكم في الله ولله ..
وعسى الله يستر عليكك ويسآعدكَ ..


_


والله الحآفظ
اما بعض الاخوآتتَ ارجوآ منكم النصح بَ بالحسنى​

 

[أحلى البشر]

تطلعينها من حصصها عشان تقولين لها كلام حب وتغازلينها خوش والله خوش هذا وانتي مره عوده ومتزوجه وام
انتي المفروض اعدام لان اللي تسوينه حراام وعار عليج والمصيبه انج معلمه!

 

[M!Ss Un!VerSe]

انا اتوقع مشكلتج بريلج

خواتي يمكن مشكلتها ان ريلها مو رومانسي

ولا في بينهم علاقه حميمه او فتوور بعلاقتهم

فتتوجه للبنت لمن تحبها وتمدحها يكمل النقص اللي سواه ريلج

عزيزتي مافي حب بين البنت والبنت هذا يتسمى شذوذ

وجهي حبج ورومانسيتج لريلج ابو عيالج

وتجاهلي البنت وعطيها بلوك بتلفونج وتعوذي من الشيطان

ترا المبرر اللي قلته مو عذر بس قلت يمكن اهو السبب بالمشكله

عشان افتح عيونج بالخلل الللي فيج عشان تتداركينه

والله يهدينا ويهديج

 

[الدلع والزين1]

سبحان الله وبحمده سبحان الله العظيم

 

[شوشو الشقيه]

الحب بينكم ما فيها شيء
بس لازم يكون حب بين الام و بنتهاااااااااااا
انا ما انكر انا لما اشوف اولاد صغار يجن جنوني عليهم
بس احبهم كحب الام لولدها
يكون خاطري امتلك ولد مثله اربيه

مو احبه كحب الحبيب لحبيته
لا لا يا اختي هذا غلط

 

[om MaRyooM]

ento m9d8een el film??
hatha ryaaaaal o mayet '97k 3la rdodkm
3yona tdm3 o ohwa y8ra

كل شي جاايز


بس المفروظ يتسكر الموضوع خلص صراحة:rgewrg: