معلمة وأحب طالبه

[نونه المنكوشه]

الله يهديج

 

[عيوون ابووي]

مع احترامي هذا من قله الوازع الديني والمفروض لما شفتي البنت تلحقج ومعجبه ماتعطينها ويه زياده وبعدين اهي مراهقه يعني انتي تسببتي عليها وعلقتيها فيج المفروض اول ماعرفتي تنصحينها وتنبهينها انه هذا غلط الله يهدي بنات وشباب المسلمين اللهم انا نستودعك ديننا واماناتنا وذرياتنا وامه الاسلام يامن لاتضع ودائعه

 

[هدوووشه]

انا يوم كنت طالبه وفي معلمات وطالبات اشوف بينهم شي , وتلاقين المعلمه تميز هالطالبه عن غيرها مع انها مو شرط متميزه البنت,,وكنا صغار بس نستحقر هالمعلمات اللي من هالنوع ونتكلم عليهم,, لان كلش واضح ومكشوف,,

ولما صرت بالكليه وقت التطبيق خلوني اطبق بنفس المدرسه اللي درست فيها, لما شفت المعلمات اللي كانوا على علاقات مع طالبات والله حسيت نفس قبل استحقرررتهم,,مافي احترام لهم يعني,,

فانتي الحين وش الزم عليك؟؟
كرامتك وسمعتك اللي بتبقى معك طول العمر... والا علاقه عابره بعدين بتندمين وتستحقرين نفسك عليها؟؟

وربي نفس اللي كنت بقوله بس انا لما كنت بالثانوي
وعندهم طبيعي كل معلمة تحب طالبة !!! حمدلله والشكر >> طبعا موا الكل
المشكلة يشووفوون المنكر وساكتييين ولا الوحدة سووت شي قامت عليها بالدين والمثالية قوولي حق نفسك اوول شي بعدين تعالي تفلسفي ع راسي الله لايبلانا

صاحبة الموضووع اذا حب صافي ماشووف فيها شي ولا ينحط له موضووع من الاساس
ااما حب المراهقة لاتعليق

 

[ryoonah]

الله يشفيج والله يستر علي بناتنا حبي بناتج وايد احسن

 

[* قمر الكويت *]

موتقولين اول شي بينكم مسجات وكلام حب


واخير شي كتبتي حب صافي وماكوو شي

شلون يعني ؟!




وبعدين غلط الي قاعده تسوينه جذي تهزين هيبتج واحترامج عند البنات


احنا نعاتب البنات وصلت ليه المعلمات


حاولي تتركين البنت وترديت طبيعي انتي ابله والبنات طلبه ومثل بناتج

الله يهديج حبيبتي

 

[عسل:$]

يا ايتها المربية الفاضلة:
في مجتمع مغلق على الاناث وهو المدرسة وفي سن معين للفتاة تحدث ظاهرة التعلق واسميها ظاهرة لأنها كثيرة الانتشار وقد يكون البعض مر بها في فترة النمو او شاهدها . لنكن غير متحاملين وننظر الى المسألة بواقعية وتعقل . الفتاة ايتا المربية الفاضلة توجه عاطفتها الفوارة تجاه من تجد لديه ميلا قلبيا
وقد تكون تعاني من نقص الحنان في البيت كفقد ام او تحكم زوجة اب .. او... أو أسباب كثيرة فتبحث لها عن منفذ يعوضها وتكون الابلة التي احبتها تمثل لها الام والاخت والعاطفة المحيرة عندها .. لابأس أن تحبيها كأم او كأخت كبيرة وتتابعين مشكلاتها وتساعديها ولكن لاتجعلي عاطفتك تنجرف وراء المحظور وانت ام لاترضين لبناتك مثل هذه الاتجاهات وطبعا انت نزهت نفسك عن الدنايا ولكن اختي كلامك معها عن المحبة يسمى انحراف وانجراف عاطفي
يجر في اسهل الاحتمالات الى عاقبة وخيمة كضياع الفتاة في دراستها واستقرار نفسيتها وقد يؤثر عليك وعلى حياتك الاسرية .
انت العاقلة وهي في طور التكوين العقلي والعاطفي . وعليك الرجوع الى الله والاقرار اولا مع نفسك بخطؤك ثم معاهدة الله ثم نفسك على وضع حد وذلك
يكون بالتدريج حيث تفهم الطالبة وتقتنع لانها تحبك واذكري لها من امور الدين مايوقظ لديها حس الايمان ويزودها بالقوة وسوف تنالين المغفرة وبعدها الاجر لو وصلت بها بر الامان ولا تفكري بنفسك فانت كبيرة بما يكفي لتتغلبي على شعورك وعدلي مسار هذه المشاعر واهتمي بعيالك وصبي حنانك عليهم
ولتكن لديك النية الصادقة وحسن التوكل . وحاولي ان يكون هذا احد دروس الحياة . الله يهديك للصواب

:eh_s(15)::eh_s(15)::eh_s(15)::eh_s(15):

رد جميل ووافي ، بس ياليت *البعض* ما يعمم على المعلمات !! وراحوا الطيبين @@ و ماكو ممعلمات سنعات والله يستر على عيالنا !! رجاءا لحد يعمم !! قدروا الناس اللي تخاف ربها اللي تكرف علشان عيالكم واللي تعطي كل ماعندها وفوق طاقتها علشان ربها اولا وعلشان تحلل معاشها ! وبعد كل اللي تسويه الأبلة = = = > ماكو تقدير :krkrkr::yaaaaaarb: :eh_s(4): اجرنا عالله :eh_s(8):

 

[WAAAW]

كاااااااااااااااك والله عبط ............. على الدنيا السلام

 

[بطوووطة$بيضة]

انا اقول حسافة عالكادر اللي عطوكم اياه

 

[السعوديه20]

اعوذ بالله

الله لايبلانا ويسستر علينا

ويهديك يآاختي !

 

[جلكسي بالمكسرات]

يا حبيبتي أنا مابي اهجم عليج ولا أتطاول
أنتي جايه تبين العون
شوفي :
الشيطان أقسم بعزة الله أنه بيغوينا صح ؟
طيب
يعني أنتي ضحية أبليس و نفس امارة بالسوء
وأكيد أكيد انتي هالفترة ألي طحتي فيها وتولعتي ما كنتي قريبة من الله
بقولج شي مهم مهم مهم :
والله والله والله هالعلاقة السخيفه ما تسوى لسعات جهنم ..!
مين يسوى تنغمسين في جهنم عشانه ..!!
ربي عطاج المال و الوظيفه و الزوج والذرية ليش ما تكونين من الشاكرين ؟
حبيبتي والله طيعيني : إّذا الشيطان يبيج من أهل جهنم خلج أقوى منه وأشتري الجنة
أنتي اقطعي كل سعي ورا هالعلاقة المحرمه
وجاهدي نفسج , اذا حسيتي أنج مشتاقه جاهدي . اذا حسيتي أنج ضعيفه جاهدي نفسج
وكل جهادج أجر وثواب ما يضيع
وأستعيني بالكريم

 

[وردة الدوحه]

ذكرتيني بأبله كانت ويانا لما كنت بالاعدادي
للاسف كانت متدينه جدا وتلبس عباة راس وقفازات ونقاب بس كانت عانس
كانت ويانا فالصف بنت مش بويه ..
دفشه سبورتيه على قولتهم وجنها صبي كنا في ثالث اعدادي
من تشوفها هالابله تتدوده ويصيديها هيجان غير طبيعي وتضيع الحصه كلها في كلمات المدح لهالبنت
وتقعد تمسكها على جنب وماتخليها فالفرصه تختلي معاها طول الفرصه
عزلتها عن ربعها
صراحه الكل احتقرها ولين الحين هالابله لي صادفتها بمكان ما اقدر اشيل هالصورة اللي رسمتها عنها من بالي
مع الموضوع يمكن من 14 سنه

 

[тεķάηαн]

حمدالله و الشكر
هذآ و آنتي الأبلة , الكبيرة , الفاهمه , العاقله , الدارسه :\
الله يستر دآم جذي مربيآت الآجيآل ××"
والفآجعه الكبرى آنج متزوجه !! وعندج عيآل
وين قآعدين ؟!!
خآفي ربج و خآفي الله فيها , هالبنت بتخرب دآم تفتحين عيونهآ على هالسوآلف !
والله الصرآحه مآدري شقول , لوعتي جبدي !
​

 

[غرومه غنوجه]

اذا حبج من باب الخوف والاحترام ولا يزيد ؟؟
فهميني شحقه طلعينها من حصصها حتى لو مو اساسيه ؟؟
شحقه تخربين نظرة المجتمع لهل طالبه ...!!
قنعيني الطالبات والمعلمات من يشوفونكم مع بعض بيقتنعون انه شي عادي

يااختي قولي حب صداقه حب اخوه احبها لله

مو اطرش مسجات حب تكفين شظل تمرضين وتمرض لا شفتو بعض؟؟؟
وبعدين تعالي انتي متزوجه واهيه بنيه ودققي على هل موضوع هل حب زايد ماشوفه طبيعي
حتى لو اهيه مافكرت غلط انتي بييج التفكير الغلط لا وتقضون وقت مع بعض (( كل اثنين ثالثهم شيطان ))
وكيفج اذا بتزعلين

انتي فيج نقص وحاله نفسيه والله مفروض تعالجين بالطب نفسي
بس اهيه مراهقه ومستانسه مدرسه تحبها عالاقل تنرشد ولو مااعتقد
باجر اي شذوذ تعرض لها الطالبه بتكون برقبتج لان انتي شجعتيها على هل شي

وربي مادري اشلون وزارة تربيه ترضا بهل مدرسين يدرسون

 

[برستيجي مآركة]

وينها المعلمه الفاضلة تجي ترد ع العضوات علامها تشفرت؟؟؟

اذا البنت مراهقة ونقول ظاهرة منتشرة وعمرها وعقلها لسى صغير
بس انتي يالام يامربية الاجيال وين عقلج ابي اعرف؟؟؟

يمكن لو درى ريلج احتقرج بتصرفاتج الله المستعان بس...

 

[فديت غلاي]

حًيياْٺۓِ اذا مُ'ٌٓـــَڼْ السنه الماضيه تعرفينها وبينكم كلام حب ..
اذا زادت السنين شنو بيكون بينكم ؟؟!
تعوذي مُ'ٌٓـــَڼْ ابليس واذكري ربح والزمي الاستغفار
الي تسوينه غلللط
لحقي علا عمرج قبل لاتكبر المصيبه
لاتستهينين بالسالفه
انتقلي مُ'ٌٓـــَڼْ المدرسه الي آْنَـỳǑŲـْتي فيها
وبعدين اذا كنتي تقولين انج اذا غبتي اهيا تمرض
نصيحه ترا مرضهها هذا احسن لها مُ'ٌٓـــَڼْ ذبحتها
يعني غيبي عنها مُ'ٌٓـــَڼْ المدرسه الي اهيا فيها وخليها ترض
احسن مُ'ٌٓـــَڼْ انج تستمرين وياي والنهايه تكون ذبحتها
لاتستهينين بكلامي
لاني اعرف سوالف واااجد
فكري بربج الي اغضبتيه بهالشغله
فكرري بزوجج الي راح تطيحين مُ'ٌٓـــَڼْ عينه اذا عرف
فكري بعيالج الي ممكن مع الوقت يصير يحبون مدرسه ويمرون بمرحلت البنت الي تحبج
كما تدين تدان
يمكن كلامي شوي قاسي وكلام خواتي بعد
بَـßÊـسّ احنا لو مانحبج مانصارحج
نبيلج الخير
وهذا الصج
انتقلي وغيري رقم تلفونج
وخليها بحال سبيلها
خليها تستمر بدراستها
تراها مراهقه وتفكيرها لازم يصير غلط
والمفروض انج كمعلمه تساعدينها
لاكن للأسف زدتي الطين بله
بدال لاتساعدينها ضريتيها
الله يكون بعونج علا مصيبتج

 

[هيبة كلامي]

شكرا لكل الردود
وانا الحمدالله اتبعت الخطوات وقدمت نقل
وابتعدت والله يوفق الجميع

 

[مريم القلاف]

الله يهديج أنشالله
وزين سويتي قدمتي نقل وابتعدتي
وعرفتي غلطتج
واتمنالج التوفيق والهدايه
​

 

[أورآق الصفصآف]

الحمدللله الله هداج

 

[نسمات 26]

زين سويتي

والله يهديج ويهدينا وياج ِ

 

[nono93]

لاتعليق