اانقبلت في الهيئة العامة للشباب و الرياضة

[رشيقة خانم]

السلام عليكم يا حلوين

بسألكم منو مهندسة و متوظفة في الهيئة العامة للشباب و الرياضة
حصلت على قبول مناك و مترددة اقبل لانه اخاف ما يتناسب مع شهادتي و حدي ما ودي اندفن مناك
خو وظيفة العمر

 

[kanoosha]

مبروووك الله يوفقج يارب

 

[رشيقة خانم]

الله يبارك بعمرج حبيبتي

 

[رشيقة خانم]

يا جماعة الموظفة مناك او لها معارف يشتغلون مناك لا تبخل علي بمعلومات عن المكان هذا و ان شاء الله يجعله بميزان أعمالكم لأني فعلا ودي احصل معلومات عن الهيئة العامة للشباب و الرياضة و مالي الا الله و اني اسأل الي يعرف علشان تتكون عندي صورة عن المكان

و جزاكم الله خير

 

[رشيقة خانم]

شدعوه بنات ولا وحده من الي دشت عندها معلومه حتن لو شي بسيط

 

[الهاوية]

والله يا اختي اللي سمعته ان المكان زيييين حتا انا اخترت الشباب والرياضه من ضمن رغباتي بس ما توظفت .. عموما المكان مختلط يعني ..

 

[رشيقة خانم]

مشكورة يا الهاوية الله يجبر بخاطرج

شنو الزين فيه؟

بصراحة توقعت تفاعل اكثر من الموجودين

 

[الهاوية]

العفووو ياقلبي .. انا اللي اقصده ان قاالو زين ان الشغل خفيف والمكان زين مرتب .. موعفسه ولويه عرفتي حبوبه .. اللي اعرفه ان زين والله يوفقج يارب ويرزقج ان شالله ..

 

[kuwaitya-frawla]

المكان زين و مافي دوام وايد و لا كراف

 

[أبلة فاتن]

والله يمدحونه ماشفت تذمر منه مكانهم صاير بالرقعي صح بس اخره

حلو مكانه قريب من كل شيء لووول


بس انتي مهندسه يعني مو ادارية !!


مادري انشاءالله البنات يفيديونج يارب​

 

[رشيقة خانم]

الهاوية

ما تقصرين يا قلبي الله يوفقج دنيا و اخره على معلوماتج

 

[رشيقة خانم]

المكان زين و مافي دوام وايد و لا كراف

مشكورة ما تقصرين

 

[رشيقة خانم]

والله يمدحونه ماشفت تذمر منه مكانهم صاير بالرقعي صح بس اخره​

حلو مكانه قريب من كل شيء لووول​

بس انتي مهندسه يعني مو ادارية !!​

مادري انشاءالله البنات يفيديونج يارب​

مشكورة ما تقصرين و الله انا بالنسبة لي درب
فودي اتاكد اذا يسوى المكان التعب و الدرب امسك ارضي
و مو عارفة هل المهندسة مرتاحه مناك و الا لا

 

[91 hellokitty]

اهوا المكان حلو بس شلون الشغل وطبيعة العمل ابدا ماعندي فكره
واقترح عليج انج تروحين تشوفين المكان زياره روحي وكلمي الموظفات اهناك الي نفس تخصصج
موفقه حبيبتي

 

[رشيقة خانم]

اهوا المكان حلو بس شلون الشغل وطبيعة العمل ابدا ماعندي فكره
واقترح عليج انج تروحين تشوفين المكان زياره روحي وكلمي الموظفات اهناك الي نفس تخصصج
موفقه حبيبتي

حبيبتي مشكورة
انا رحت لهم من جم يوم
المكان صح حليو و تعرفت على الموظفات الي نفس تخصصي و عرفوني بالشغل
حسيته نفس الشغل باي وزارة حكومية ما فيه فرق اللهم انه متعلق بالملاعب و النوادي الرياضية
بس الغالب منهم متوظفين من زمان و ما شفت اليدد بعدي
برايي الشخصي القسم الهندسي افضل من القسم الاداري
يعني الي ممكن تتعين مناك بالادارة يمكن ما ترتاح لانهم ما شاء الله لجه و لوية

 

[أبلة فاتن]

^^

اكيد القسم الهندسي افضل من الاداري ،،


طيب ما ياخذونج المطار وناسه​

 

[91 hellokitty]

موفقه حبيبتي

 

[LoLaTi]

مووفقه
ياليت انقبل هناك

 

[جنوني نور عيوني]

آه ي قلبي بس ليت الايام ترد ورى واقعد في البيت ولااتوظف بهالمكان >> للمهندسه هذا المكان مقبره

 

[تومه العسل]

الله يوفق الجميع