معااااااشج يا مدرسه ماخذة زوجج

[الكويتية28]

مااقول الا اذا طعتي البنات بتطلقين. وايد مدرسات أعرفهم بطاقتهم عند ريلهم وعايشين احسن عيشه ويجذبون ان يت وحده وقالت عند ريلي بطاقتي تقوم عليها ليش وليش. نصيحه تفاهمي معاه وان عزم علي رايه ماباليد حيله انتي ااتمنتيه علي نفسج وعيالج والحين عشان فلوس تخربين كل شي. والله اعرف وحده من اشتغلت بطاقتها عنده وبعدين قالت عطني ياها مارضي قامت تصرف كل اللي فيها عليها وعلي عيالها وتخش شوي عند امها

 

[البيررق]

البطاقه من حقج .. اذا هو ناويه يخليها عذر للطلاق
للاسف اقولج منتي غاليه عنده ..
لان بكل بساطه كانه يقولج ادفعي لي والا بطلقج ..!

وانتي سمحتي له بالشي هذا من البدايه .. ارفضي وقولي
لا .. يمكن بتمشكلون بالبدايه ويتنح .. بس بالاخير بترتاحين
لانج ماراح تنقهرين علا هالشي .. والقهر شي مو هين يقصر العمر ..!

وترا المره الي تتنازل عن ابسط حقوقهآ للرجل .. بياكلها لحم ويقطها عظم

صح كلامها
انا من رايها

لازم تاخذينها بيزعل يزعل مو لازم يرضى
لاتنسين بعدين تصير مناسبه او تروحين سوق و خاطرج باشياء و لا يعطيج

الله يعينج
لاتسكتين
ابسط شي روحي البنك و قولي ظاعت و طلعي جديده خليها عندج مو بكيفه وين قاعدين احنا اي قانون هذا
بفلوسج يستانس و انتي تموتين من القهر!!!!!!!!!!!!!!!!!!!!:eh_s(14):

 

[مطيريه ماركه]

ريآجيل آخر زمــن !
مو قصدي آضآيقج بس آلله يعينج !

 

[Om_RaYomaH]

احسن حل تروحين تسوين استقطاع بالبنك ثلاثة ارباع المعاش وخلي البطاقة عند امج وقولي له ترا الفلوس اللي استقطعتها لايوي يبيها واللي معاك ترا مصرفي
كككككك هل تنفعه البطاقة

 

[كرستاال]

شرايكم بالي يقول علي الحرام و الطلاق اذا خذيتيها
انازهقانه منه حتا السوق بالسنه مرة ومتبخليني اروح مع خواني لو خواته يقولي خلاص انا وديتج مرة كافي خلصي شغلج لي سنه جدام
والله تعبت انا كلش مو عاجبني بس اهو مقتنع ان هذا دوره كزوج بما ان زوجي ياخذ المعاش و البطاقة وعلي كيفه يمشيني والله حتا طلعه ما اطلع كله بالبيت

 

[ليدي دانة]

الله يعينج تفاهمي معاه بهدوء يمكن يقتنع

 

[السحابيه]

والله مثل زوجي بالضبط من جذي كرهت كل رياييل الكويت وياريتني ماتزوجت كويتي

ما يبي يصرف علي خير شر يقول بس اهو مسؤول عن الاكل بس والباجي مو مسؤول عنه من ملابس وكلشي .

ولا يبي يوقف معاي بشي ولما شركه وافقت علي وعطوني راتب 250 دينار رضيت على نفسي بالمعاش القليل على الرغم ان انا مهندسه بس قلت على الاقل اكافح

جان قالي من وين لج المواصلات فاضطريت اخذ تكسي يوديني واييبني يوميا وقالي بياخذ مني 130 دينار شهريا للمواصلات بعد قلت اوكي ..

250-130 يعني الباقي من الراتب 120 دينار قلته انييب خدامه علشان تقعد مع الياهل قال تبين بفلوسج وهم يبت وحده تشتغل تاخذ شهريا 60 دينار علشان بس بتقعد مع ولدي من الصبح الين العصر من ايي تمشي

يعني إللي يبقى لي 60 دينار ؟؟ تتوقعون قال شي ؟ قالي إللي بيبقى من راتبج اخذيه حق ملابس لج واذا بسافرين لاهلج وفاتوره التلفون .
ومو جذي وبس يقولي بس تحصلين الجنسيه وتتوظفين بالوزاره تساعديني باجار الشقه وتتحملين مصاريف الاكل وولدج مادري اهو متزوج ليش . وكل ما اقوله من حقي الشرعي انك تصرف علي وعلى ولدك يقول لا مو مجبور اذا بسوي شي بسويه برضاي وبكيفي . واذا ما ابي اسوي شي ما اسويه .



خلوها على الله لين قلت افنش واقعد مع ولدي ولا هالبهذله وحسبنا الله ونعم الوكيل

 

[*مطبخ الذواقة*]

هذا اكبر ظلم يرتكبه الزوج اللي مايخاف من ربه

مال الزوجه حق لها ...



والبعض يقول له حق دام تطلع من البيت وتقصر في تواجدها معاه او مع عياله

وانا اقول لهم :

استريحوا زين ..

يعني لو بتقعد بالبيت بيقعد عشانها


خل تطلع وتمارس دورها كمعلمة ..

انا ولية امر افضل ان بنتي او ولدي يتعلم على ايدين بنات ديرتي



مع احترامي لباقي الجنسيات






والله يقووووووووووم بالعوووووون

 

[ناتشوو]

شرايكم بالي يقول علي الحرام و الطلاق اذا خذيتيها
انازهقانه منه حتا السوق بالسنه مرة ومتبخليني اروح مع خواني لو خواته يقولي خلاص انا وديتج مرة كافي خلصي شغلج لي سنه جدام
والله تعبت انا كلش مو عاجبني بس اهو مقتنع ان هذا دوره كزوج بما ان زوجي ياخذ المعاش و البطاقة وعلي كيفه يمشيني والله حتا طلعه ما اطلع كله بالبيت

شوفي حبيبتي
اذا تخافين من تبعات رفضج لاخذج بطاقتج
وتحاتين الطلاق
خلاص خلي بطاقتج
بس لا تشتكين لاحد بسنينج الجاية
ولا تخلين نفسج سالفه للاخريات
بيقولون بخيله ماتعرف تكشخ مع انها مدرسة
بيقولون ويقولون بس دامج
تشوفين هالوضع اهون من غيره
خلاص اصبري واصمتي

في حل ثاني
لا للوظيفة
ع الاقل اشبعي نوم وكبري المخدة
وشوفي بيتج وعيالج

الحل الثالث وانا اميل له
الجئي لاهلج
اذا ظروفهم مناسبة
لان اشوف هالشي يمسهم قبلج
يعني شنو
بنتنا تدفع ضريبة مقابل زواجها
واشوف الزوج اللي يتخلى عن زوجته
علشان بطاقتها ماعليه حسوفة

عالاقل اخذي برايهم
زوجج حيل مستبد وشايف نفسه
يعاملج انه ضامن ماوراج ظهر

وياليته مدلعج
مقابل هذا

حبسة ولا تمشيه ولا تسوق ولا فلوس

الزبدة استخيري
وضروري اهلج يدرون
عن وضعج
هم اللي يعرفون مصلحتج

طبعا احنا نرد بناءا ع اللي قلتيه
اذا في سغلات ثانية
او مشكلات بينج وبينه
ماقلتيها ماندري

 

[BusinessLAdy]

دام المعاش رايح رايح
قدمي اجازه رعايه اسره بدون راتب ووسعي المخده ونامي

اصلا الاسلااام حرم ان الرجل ياخذ من فلوس المره الا برضاها وواجب عليه ينفق عليها لو انها مليارديره
هذي وضيفه الزوج النفقه والسكن

انتي دام معاشج ماتستفيدين منه لاتعبين روحج. بالشغل خليه يروح خصومات واجازات

لابارك الله بهالرجااال اكلونا لا شكل ولا طبع


الله يهديهم

 

[كرستاال]

الله يعيني عليه

 

[@سيدة نفسي@]

اخذي البطاقة منه تحت اي سبب وبأي طريقة

روحي بنفسج كنسلي القديمة وقولي ضاعت وطلعيلج

وحدة جديدة .. اهو قاعد يهددج بالطلااق؟!

اللي مايبيج لا تبينه وبيني له ان الله ماينسى عبيده

اذا بيتركج ربج ماراح يضيع حقج ولا انتي ضايعة من غيره

خليه يعرف قيمته الحقيقية ورجال بداله ألف رجال

هذا وانتوا ببداية الطريج عيل باجر لا عيلتي منه

بيهددج بعيالج ،، انا أنصحج ماتسكتين عن حقج

زوجج شكله مستصغرج وماراح يحترمج الا اذا خذيتي

حقج بيدج وكسرتي عينه >> لاتستغربين ياكثر نوعيته

مايحبون الا المرة القوية

 

[PuPa^^SWeeT]

ياقلبي شوفي اللي ترتاحين عليييه



بسس نصييحة

لاتصيرين مدرسة لانج مو قادرة على ابسط حقووقج



باجر شلوون ؟؟؟


30 طالبة تقدرين عليهم ؟؟؟

 

[هونها يارب]

ما ادري حيرتينا عيل يا حلوه قعدي بالبيد بدال الكاراف واخر شى تاخذين مصروف بوقيها منها

 

[!الجادل الصعب!]

حبيبتي انتي سلبيه حيل ليش ؟
دخلي اهلج بالموضوع والله والله حرام تروح سنينج وتحسفين
علا السنين الي ماتهنيتي بالراتب فيها ..!
احنا من كنا ناخذ المصروف من اهلنا ننطر اليوم الي ناخذه
ونصرفه بكيفنا مع انه مصروف مو راتب وجاينا بكل راحه
شلون راتب وجاي بعد تعب وكرف .. قعدي بالبيت اجل وخلي
الرجال العصبي ابو الحلف بالطلاق يصررف ..
لاتصيرين سلبيه وربي نرفزتينا !

 

[قمرية الفيس]

الله وكبر ياخذ المعاش كله والاعانة وكل شي شنو هذا امبيه حبيبتي هذا زوجج شكله الكلام ماراح يفيد معاه كل الي عليج انج تدعين ربج انه ييسر الامور بينكم
ونصيييييييييييحة دام شخصيتج جذي لاتوظفين والله احسن لج وقوليلة اشتغل ليش اكو احد يشتغل بدون راتب

 

[كرستاال]

بنات ابشركم زعلت عند اهلي اسبوع وحطيت شروط قبل الرجعة من ضمنها البطاقة ووافق بعد كلام مع اخواني وابوي والحمد لله عطاني الله ع قد نيتي ومشكورين وما قصرتو اا

 

[ناتشوو]

بنات ابشركم زعلت عند اهلي اسبوع وحطيت شروط قبل الرجعة من ضمنها البطاقة ووافق بعد كلام مع اخواني وابوي والحمد لله عطاني الله ع قد نيتي ومشكورين وما قصرتو اا

الله يهديه ويسخره لج
عاد تأكدي من تنفيذه هالشي
ولاتقصرين معاه بمسؤولياتج
قومتج وسنعج ونظافتج وخليج هبة ريج بالبيت
بس الصرف هذا مو شغلج
لا تدفعين فلس بالبيت الا بعد تفكير
خل يتعود مايعتمد عليج كلش
والف مبروك
الله يخلي لج اهلج الوحدة مالها غنى عنهم

 

[سنابل@]

الله يهديه يارب
تفاهمي معاه بهدوء والله يصلح الحال
أنا دائماً انصح بالحوااااااااار

 

[PuPa^^SWeeT]

زيييين ياقلبي بشرتييينا الله يبشرج بالخير





و ربي يسخرة لج


و انا مع ناتشووو