أمولة كلها أمل ! فقدت 14 كيلو ومازالت مستمرة

[Pretty Amoola]

قوة بنات ... شحالكم ؟ عساكم بخير ؟ ​

:eh_s(17)::eh_s(17)::eh_s(17):​

مثل ما شفتوا العنوان ،،، الحمد لله قدرت أفقد 14 كيلو بشهرين ​

والنظام اللي كنت ماشية عليه رجيم الدكتور حسين دشتي ...مع رياضة المشي.​

ووايد بنات لما شافوا شريط الوزن اللي بتوقيعي طرشوا لي رسايل​

على الخاص يسألوني عن تفاصيل الرجيم ، مع أن الرجيم مكتوب بالتفصيل​

في موضوع أختنا شريفة39 ، وفي مواضيع ثانية بعد اذكروا فيها عن الرجيم بالتفصيل.​

فاللي حابة تعرف عن الرجيم تسوي بحث أو تدخل على موضوع العضوة شريفة39​

وإن شاء الله تستفيدون وتجربون وتقولون لي عن تجاربكم ...​

نرجع لقصتي :​

كان وزني من شهرين 91 كيلو وهذا أعلى وزن وصلته بحياتي:eh_s(22):​

والحمد لله جاتني إرادة قوية ( ما شاء الله ) من بعد ما شفت وحدة من أهلنا​

كانت مليانة ووزنها كان فوق ال100والحين صارت غص البان :krkrkr: ​

ومازالت مستمرة عشان توصل للوزن المثالي ... لما سألتها : شلون ضعفتي يا فلانة؟​

قالت لي رجيم البروتينات ... فقلت بنفسي : ليش ما تجربين هالرجيم يا أمولة؟ ! :eh_s(10):​

ثاني يوم شريت الكتاب وكنت متحمسة، وبتاريخ 11مارس طبقت النظام...​

كان في البداية صعب لكن مع الوقت صرت أعشق هالرجيم خصوصاً إن وايد أشياء فيني صارت للأحسن مثل الإحساس بالنشاط

وتخلصت من قشرة الراس ، والشخير بالليل ، وصارت بشرتي ناعمة ، وبالنسبة للشعر كانوا يحذروني بعض الناس أن هالرجيم

يخلي الشعر ضعيف ويتساقط بس أنا شفت العكس شعري ما قام يتساقط ويمكن السبب إني آخذ فيتامينات .

اسمحوا لي قرقرت واااااايد.

بس يا بنات: ترى العيد قرب وأتوقع مافي وحدة منا ما تتمنى انها تتألق بالعيد ..

والتألق ما يستوي إلا مع الرشاقة والجسم الرشيق .​

علشان جذيه قلت ببتدي أشجع نفسي وأكتب يومياتي وأصور وجباتي​

وكل اسبوع بقول لكم كم نزلت ؟​

وإن شاء الله على عيد الفطر أكون وصلت لل65 ، لأن طولي تقريباً 166​

فأتوقع وزني راح يكون مناسب :ggdw:لطولي ....​

من باجر أبدأ أكتب يومياتي ، واللي حابة تنضم حياها الله ...​

تصبحون على خير:eh_s(8):​

 

[أم شرقية]

الف مبروك حبيبتي وان شاء الله تحققين اللي تبينه بصحه وعافيه بس أبغى أسالك وش الرياضة اللي تسوينها وبالنسبة للوزن كم معدل نزولك الشهر الاول ومعدل نزولك في الشهر الثاني واصلي والله معاك

 

[ايشوريا]

ما شاءاللهً عليج وانشاءاالله تضاعفينً بصحة وعافية ا

 

[لبنه بالزعتر]

موفقه

اب اب

 

[RicardO]

وناسه ماشاءالله تشجعين انا وياج بليز ويت يو وانا تدرين شنو مشكلتي امل بسرعا يعني اخر الاسبوع اخربط واتحسف ياربي والله ابي اضعف

 

[كريم كراااميل]

السلام عليكم ورحمة الله و بركاته
مبروووك حبيبتي ما شاء الله تبارك الرحمن
الله يوووفقج و توصلين للوزن الي تبينه
قريت كلامج وتحمست اطبق هالنظام و انا من اليووم ببلش معاج
من شهر و انا خاطري اطبق اتكنز (دشتي)
بس خلاص الحين قررت

 

[sanyoretaQ8]

موفقه

 

[shi5t al zain]

مبرووووووووووووووووووووووووووك علي كل الكيلوات اللي نزلتيهم لان هذا يعتبر احلي انجاز وكملي ولا توقفين لان الرشاقه اهيا احلي شي

 

[مهندسه "]

مبروووك

والفال لنا

انا عن نفسي قاعد اسوي رجيم من ابتكاري >> خطيررررة :-**
وربي يعين

 

[Pretty Amoola]

مشكوريييييين يا بنات على الدعوات الحلوة

وإن شاء الله اللي بتجرب الرجيم ينزل وزنها بالصحة والعافية .

وأتمنى لكم التوفيق :eh_s(7):.​

الف مبروك حبيبتي وان شاء الله تحققين اللي تبينه بصحه وعافيه بس أبغى أسالك وش الرياضة اللي تسوينها وبالنسبة للوزن كم معدل نزولك الشهر الاول ومعدل نزولك في الشهر الثاني واصلي والله معاك

هلا أختي :​

الله يبارك في عمرج ...​

بالنسبة للرياضة ، أحياناً أمشي على جهاز السير ، أحياناً أسوي رياضة​

التباتا ، أحياناً أرقص ، وأخيراً سجلت بنادي كيرفز .​

أول اسبوعين نزلت تقريباَ 9 كيلو ، بس طبعاً طبيعة الأجسام تختلف من وحدة لوحدة.​

 

[glby7sas]

الله وناسه حمستيني اني اسويه انا ابي اضعف حق العيد وخصوصا من كنت البس s صرت البس L

 

[RicardO]

كملي متابعينج

 

[فوشيهـ]

مبروووووووك ع اللي نقصتي وقووو هيد للي باقي لك


انا طولي نفس طولك ووزني حاليا 69ونص<< زايده مع الاختبارات

ووصلت لل 67 ونص مع دشتي بس حسيت لسى باقي لي وزن انزلهـ

ف اتوقع اذا وصلنا لل 60 بتكون اجسامنا احلا من ال 65 ف خلي هدفك ال60

بس اكيد يفرق من جسم لجسم


انا مشكلتي بدشتي اني انقص تقريبا من 3 كيلو الى 3ونص ب اول اسبوع

والاسبوع الثاني بالموت انزل كيلو ماعرف ليش !! هذا اللي يحبطني .. صرت عارفه راح انزل 3 وبس


اول مره جربته استمريت عليه شهر .. نقصت 5 كيلو وشوي بس ..

وثاني مره بس 8 ايام ونقصت 3 كيلو وبعدها وقف

ف من جد احتاج ارجع اسويه شهههههر كامل متواصل ع المرحله الاولى ..


عندي زواج اختي ف العيد وابغا ارتب جسمي .. الحمدالله انا مو دبببببه وما اتوهق باللبس

بس ابغا ارتب جسمي واشده اكثر شي


ابغا اوصل 60 ب شهرين ماكسيمم .. مابغا ابقى ع الدايت برمضان استغفرالله احس ماينفع ابد ..


المهم هذرت واجد بس جيتي ع الوتر الحساس ..
​

 

[majnoona]

من بديت ريجيمي و انا ابي اجرب ريجيم دشتي لكن مو فاهمته !!!

ممكن حبوبه تحطيلي بالتفصيل شنو ناكل باليوم او لمدة اسبوع.. تكسبين فيني اجر :d

 

[Pretty Amoola]

مبروووووووك ع اللي نقصتي وقووو هيد للي باقي لك​

انا طولي نفس طولك ووزني حاليا 69ونص<< زايده مع الاختبارات​

ووصلت لل 67 ونص مع دشتي بس حسيت لسى باقي لي وزن انزلهـ​

ف اتوقع اذا وصلنا لل 60 بتكون اجسامنا احلا من ال 65 ف خلي هدفك ال60​

بس اكيد يفرق من جسم لجسم​

انا مشكلتي بدشتي اني انقص تقريبا من 3 كيلو الى 3ونص ب اول اسبوع​

والاسبوع الثاني بالموت انزل كيلو ماعرف ليش !! هذا اللي يحبطني .. صرت عارفه راح انزل 3 وبس​

اول مره جربته استمريت عليه شهر .. نقصت 5 كيلو وشوي بس ..​

وثاني مره بس 8 ايام ونقصت 3 كيلو وبعدها وقف​

ف من جد احتاج ارجع اسويه شهههههر كامل متواصل ع المرحله الاولى ..​

عندي زواج اختي ف العيد وابغا ارتب جسمي .. الحمدالله انا مو دبببببه وما اتوهق باللبس​

بس ابغا ارتب جسمي واشده اكثر شي​

ابغا اوصل 60 ب شهرين ماكسيمم .. مابغا ابقى ع الدايت برمضان استغفرالله احس ماينفع ابد ..​

المهم هذرت واجد بس جيتي ع الوتر الحساس ..​

هلا فوشية ،،

أتوقع لأن وزنج قريب من المثالي فشي طبيعي يكون بطئ بالنزول ..

على عكس اللي يكون عندهم زيادة كبيرة ... أنا أوا اسبوعين أتوقع نزلت

8 كيلو وكان حافز لي اني أستمر ولما وصلت لل76 بدا يصير بطئ بالنزول :eh_s(14):

عشان جذيه قلت خل أكسره وسويت رجيم السعرات اللي للأسف زاد معاه وزني

وإذا تبين جسمج ينشد ويترتب أنصحج بالرياضة ، لأن أنا أتوقع لولا الرياضة

كان نزولي بيكون أقل .. والحمد لله في مناطق عندي انشدت وتغيرت للأحسن

مثل زغاديد الظهر تقريباً اختفت بنسبة 80% ، والكرش بنسبة 70% والويه بنسبة 40%

وهاي أحلى شي

اي نسيت بالنسبة للوزن المثالي ، أنا المدربة اللي بالجم قالت لي بعد ما خذت

مقاساتي أن 65 مناسب جداً لي . ومثل ما قلتي جسم عن جسم

​

 

[Pretty Amoola]

رجعت لكم يا بنات وسامحوني على التأخير لأني مريت بظروف صحية ​

خلتني أخرب الرجيم نوعاً ما ... كان عندي احتقان والجيوب الأنفية وااااايد تعبتني​

فاضطريت اني آكل شوربات فيها نسبة من الكربوهيدرات ... ​

أمس حسيت اني أحسن بوايد عن قبل وخلصت كورس​

المضاد فقلت خلاص ببتدي من اليوم تاريخ 1/ 6 مع دشتي ، وهو أكثر رجيم ناسبني :eh_s(1):​

وهو الوحيد اللي ينزل وزني بدون تعب ، على عكس رجيم السعرات اللي تطلع روحي​

عشان أنزل بالشهر كيلو أو بالكثير كيلوين :bbbiu:​

قرقرت وااااايد :eh_s(4): السموحة ​

المهم ،،، ​

الصبح قعدت من النوم وكلت بيضة مسلوقة مع ملعقة مايونيز قودي،​

لأن مايونيز قودي مكتوب عليه 0 كارب ​

وكلت زيتون ومسموح لكم باليوم 15 حبة + خس ​

وهاي صورة الوجبة :​

​

ومن شوي شربت نسكافية دي كاف ​

وإن شاء الله بقول لكم عن بقية اليوميات بوقت ثاني .​

 

[Pretty Amoola]

الغدا : ربع دجاجة + شوية خس + مخلل ​

العشا : همبرجر دجاج ملفوف بالخس + شوربة خضار ​

وبجذي انتهى تقريري لهاليوم .​

 

[ليش يادنيا93]

الله تشوقين ونااسه

يبيله اسوي رجيم خلاص انا من باجر ان شاء الله ببدي باكل نفسج خخخخخ

انا داشه نادي بس غبار مارحت لا امس ولا اليوم ان شاء الله بس يطيح الغبار اروح