انواع العرايس ... لا تصيرين مثلهم ومواقف مخزيه من صنع بعض العرائس واهلهم

[لمى الهاجري]

لوووووووووووول وناسة وناسة الحمد لله على كل حال

 

[الزورق222]

ههههههههههههه احلى شى الفواصل انتى متخصصة بهالمجال اول مانتحمس بالموضوع يجى الفاصل ..
هذى القصة حقيقية او من وحى الخيال ؟
اذا كانت صج والله هذا الرجال الصح تستاهل اللى يصير فيها ماله اخ نزوجه لاختها النسرة يربيها ..

 

[ALMooOooN]

هههههههههههههههههه

كمليييي بالانتضاااااااار

 

[بيادر أمل]

.
.
لا مو صج انتي عفيه انقذينا ما اقدر ع هالمغاامراات لوووووووووووووول
ان شاء الله هذا اخر فااصل ^^
.
.

 

[abiar]

we ar waitting ?

 

[! يكفيني انت !]

< اندمجت

بليز كملي

 

[لمى الهاجري]

ادعولي اتزوج حتى لو واحد نسر وشرير على الاقل اتزوج

 

[ادمنت حبه]

اووووووف ماحب انطر


كمممممممملي

 

[khawla&tito]

ادعولي اتزوج حتى لو واحد نسر وشرير على الاقل اتزوج

انتي محتاره وبصيح صح؟:eh_s(10):

 

[لمى الهاجري]

يس معاج محتارة وبصيح شخصيا مع باقة ورد هدية وكان عندي وايد نكات بعد خخخ

 

[مهههها]

صاحبة الموضووووووووووووع
وووووووووووووينج
اح برد كبدي صج

 

[مهههها]

محتارة وبصيح شخصيا مع باقة ورد هدية

شطووووله كل ذا نك
؟

 

[&'الذآهبـھ'&]

يؤؤؤؤؤؤؤؤؤؤ اإابي اعرف شصاآر :’(

حيل حييييل اندقرت المسكينه بس ولو مالها ذنب العروس الله واكبر عليه مو لهدرجه. <عزر فيها عاآد

 

[حبيبه ببي]

ادعولي اتزوج حتى لو واحد نسر وشرير على الاقل اتزوج

امبيه هذه محتاره وبصيح:eh_s(1)::eh_s(1):

 

[تبيني آرضى عليك]

كملي عفيه القصه تحمس

 

[*مطبخ الذواقة*]

____________\\\\\__. تكمله القصة /////___________


الجزء الاخير من قصة العروس ذات العين القويه

بعد ما وصولوا اهل المعرس البيت
شافوا ولدهم اقاعد يطالع التلفزيون بالصاله


قالت له امه : يا ولدي لا تفشلنا مع الحريم اصعد لمرتك تكفى -

رد: انا معطيها وقت بس تأخذ راحتها اذا تبي تبدل او شي

والحين دام وصلتو انا بطلع لها....

طلع

وطبعا كانت العروس ليما الحين مو نايمة تفكك شعرها ((والله يقوم بعونكم على كمية الماشات اللي بشعوركم ليلة العرس))

اول ما طااحت عينه عليها
طرح عليها سؤال واحد بس ؟

انت راضيه على الموقف اللي حطيتيني فيه اليوم؟


طبعا استحت و ما ردت عليه

واكتفت بالصمت

وهو بعد مارد

وما طول واقف جدامها....

راح نام على السرير

ومثل ما يقولون ((عطاها ظهره ))

ثاني يوم مر الصبح بسلام بدون إزعاج
حتى وصلت ام العروس وأخت العروس (( النسره ))

وكان الاتفاق انه ثاني يوم يكون في عشاء بس حق اهل العروس وأهل المعرس فقط
والحفلة اللي المفروض تكون ثاني يوم تم تأجيلها الى عطلة نهايه الاسبوع

لان مثل ماعرفتوا العرس كان في نص الاسبوع
...

بعد اجتماع مغلق مع الام والعروس والأخت

كانت نتيجة الاجتماع

ان العروس تحلطمت على ما يبدوا حق أمها مما فعل الزوج ومما قال

ولان ام العروس من نساء الزمن الجميل وحريم قبل...

صاحبات مبدا ان الزوج دائما على حق ...
لو يدوس في بطن مرته محد يتدخل ومحد له شغل...

يعني لو هي بالديره بالجهراء مثلا وتسمع برجل طق زوجته في وادي الدواسر في المملكة
تقول : تستأهل هي الغلطانه !

مو مثل حريم هالايام الي لو يقول لها الزوج عطيني قلاص ماي
راحت المخفر.....رفعت عليه قضيه سب وقذف وإهانة كرامة !!

بس شوفو شنو سوت ام العروس لما شافت المعرس
بالصاله وبحضور امه وخواته

قالت له :"" مبروك يا ولدي ومنك المال ومنها العيال ان شاالله
وسامحني ترى انا اللي خليتك تنطر عند الباب .
ابي اشغل القصائد اللي سويتهم بعيالي واعمام البنت وخوالها
السموحة يا ولدي ""
---����
ادري انصدمتوا

لكن كان تصرفها حكيم حطت السبب برأسها وأنها هي اللي كانت مصرة على تشغيل القصائد المغناة
مؤ العروس مثل مات وقع المعرس
...

تداركت ام المعرس الموقف وقالت :" ما صار الا الخير ان شاءالله "

وبنفس الأسلوب رد المعرس

لاتحاتين وماصار الا الخير ومن هالحجي

...

المهم خوات المعرس فهموا الحركة "الترقيعيه " للموقف وقدروا شعور الام ..

راح أخوهم الديوانيه

وترك الحريم ونزلت العروس مع أختها

(ركزوا... أختها) اللي مادرت ان أمها اعتذرت عن الموقف اللي صار والظاهر ان الام تصرفت بتلقائيه بدون تخطيط او تدبير مع بناتها ....
وهم قاعدين قبل العشاء دار حوار صغير بين أخت العروس وأخت المعرس الكبيرة تقدرون توصفونه بالحرب الباردة ..

""أخت العروس : بصراحة كانت حركة أنكم تخلون الحريم يتعشون وأختي ليما الحين على الكوشه مو حلوة حسيت سوت ربكه بنظام العرس والسيارة اللي زفت العروس والله أني تفشلت منها وقلت للمصورة لا تصورينهم وهم يركبون السيارة أخذفي هذا المشهد الله يهديه في معرس يعطي سيارته حق رفيجه ليلة العرس وهم بيزفونه فيها "

====>> ادري ودكم تقولون لها يا زينج سأكته بس ��

طبعا ردت أخت المعرس الكبيرة وهي مصدر هذه القصة لنا شخصيا بعد ما طفح بها الكيلو باعتها شوفو شنو قالت :

" تبين الصج لو ندري ان عروسنا تبي تتأخر كان خلينا البوفيه مفتوح من الساعة ٩ مايسوى منطرين الاوادم منهم حريم كبار والله ياان خالتي ام ريلي طلعت قبل العشاء، ماتعشت ورفيجاتنا بالدوام ما قدروا يصبرون بنات وما يقدرون يتأخرون واايد، اعذروني بس دام تحجيتي بصراحة واااايد تأخرت العروس كان المفروض دام تدري انه ثاني يوم العرس في دوامات ما تتاخر او على الاقل بلاها سالفة الاغاني والمعرس واقف عند الباب مع ربعة اللي وجبوه وهم بلبس الدوام وكانوا بيزفونه ،، والحين انت ناقده عليه عشان السيارة صغيره ماتصلح حق عروس ..يا بنت الحلال خليها على الله السالفة خلصت
.....
وأكملت الأخت الحوار وقالت جمله هزت خصر أخت العروس ... اقصد مشاعرها === >> لازال تأثير العرس موجود

قالت : ""الحجيه بارك الله فيها وأشرت على ام العروس ما قصرت قالت لاخوي انها هي اللي اشترطت هالشرط انه ما يدخل الا لما يخلص سي دي الاغاني ال٧"

...
طبعا

توسعت عيووووون الأخت النسرة



ازداد اتساعها
....
اكثر


واكثر. ..

مثل ما نقول بققت عيونها بأمها
بالضبط جذي ������

بدون حياء ولا مستحى ===>> خزت أمها خز تقول بنت معاها بالدوام وقالت لها جدام المراجعين مالت عليج !



المهم ...

الجزء الاخر من صالة الاستقبال لم يكن يعلم بتفاصيل الحوار بتاتا ..

لان الدي جي شغال والرقص شغال من خوات المعرس الباقيات و بنات العم وبنات الخاله والعروس معاهم ==>> ما رقصت بس قاعدة توزع ابتسامات ��

ولا تعلم بالعك اللي قاعده تعكه أختها مع حمولتها اللي ليما الحين ماصارت حمولتها فعليا !!!!


تقول أخت المعرس من هذا الموقف عرفنا ان أخت العروس هي الضلع العوج بتلك العائله وان العروس وامها لا يهشون ولاينشون والبلا كله بهالعقرب ....

انتهت الحفله الراقصة وعادت العروس لغرفتها وصعدت بصحبة اختها وامها وصار في جلسة مغلقة مدتها نص ساعة تقريبا...
ثم خرجت الام والأخت وطلعوا من البيت
==>> ماعرفت شنو اللي صار بهالجلسه لانها كانت مغلقه رفيجتنا في صاله الاستقبال

يعني لو عندها رادار مو اذون ماراح تقدر تعرف شنو اللي دار
بس أتوقع ان الأخت زفت أمها ليش اعتذرتي وليش فشلتينا وليش وليش وليش ، و ، و ===>>> وهالشي صاير موضة هالايام
وهكذا مر العشاء بسلام

وحل الليل والضلام��

ورد المعرس حق شقته والمدام

يمكن يكون صدق حجي العجوز عمته ...
او مو مصدق بس قرر يطووف ....
ويمكن عرف من امه ....
وخواته انه المشكلة في أخت العروس اللي حتى هذه اللحظة وهي تتدخل في حياة أختها (( عمال على بطال))
خصوصا انه كان شاهد بشكل شخصي على لقافة الأخت وقوااات عينها ...

وآخر نصيحة اختم فيها قصة العروس ذات العين القويه ==>> على فكرة هذا اللقب أطلقوه عليها الحريم اللي كانوا بالعرس لأنهم خذوا في ظاهر الشي وهو ان العروس هي اللي رفضت ، وهي اللي تاخرت

بينما الحق يقال ان العروس انسانه طيوبه لكن ردات حظها جعلت تللك النسرة اختاً لها
للأسف اغلب مشاكل اللي ممكن تصير بين الزوجين سببها أطراف خارجية وياكثر البنات اللي تطلقوا بسب تدخل أهلهم بشكل سلبي في حياتهم

عشان جذي نصيحة لكم من القلب :

لتكن حياتك الزوجيه شي خاااااااااااااص فيج انت وزوجج بس ..
مافي حياة رومانسية او ورديه وسعيدة ١٠٠٪

ممكن تمر فيج لحظات تقولين ياريتني ما تزوجت وتكرهين نفسك لكن هذا شي في طبع البشر مانملك تغيره
لكن نملك محاولة التعايش معاه بشكل يناسبنا

مو من اول خلاف تركضين حق امج او إخوانج وتكبرين الموضوع وبالتالي انت اللي تخسرين اكثر من الرجل في حال تطلقتي والعياذ بالله ....
مثل ماتتركين غرفتج في بيت اهلج..

حاولي تركين الغرور و التكبر وال(( انا)) و كرامتي ما تسمح لي

و ((المو بكيفه ما اطلع )) او ((مؤ بكيفه ماسافر ))...


ولا تسمعين حجي ناس ممكن ينصحونج ويشجعونج على خراب بيتج ...وانت يا غافلين لكم الله

__انتهت هذه السالفة باختصار شديد _____


واكمل الحين انواع اخرى من العرائس مثل
النوع السابع:
العروس ام علج ( او العلكة )
==>> وهي العروس اللي تدخل الصالة تتعلج
طبعا الحمرة راحت و الحلج توسع والمصيبة لو كانت الحمرة فوشياااااا


وااااااااي تصير فلم رعب

��والنوع الثامن :
العروس اللي يكون المعرس أحلى منها

وهذا موقف حصل مع وحده من البنات اللي اول ماشافها المعرس وهو بالكوشه عفس ويهه

تدرون منو اللي صاد هالحركة ؟؟


.......


........


.....
كاميرة الفيديو الخاصة بالعروس نفسها...

وكان المشهد وااااضح

وردة فعل المعرس طبيعية وتلقائيه محد قادر ينساها


لي درجة انه صار يمشي ويقول حق اللي يعرفهم لا تختارون عروسكم بأنفسكم مخاطبا الشباب من أبناء العمومه خلو أمهاتكم يخطبون لكم لأنهم يقدرون يشوفون بالعروس اللي ما تقدرون تشوفونه لا تغركم العيون المرسومه فاختيار العروس خلوه على أمهاتكم ارحم لكم
....


والعكس صحيح في حال كانت العروس جميلة والمعرس على قدر قليل من الوسامه ...


لكن كما يقول المثل الرجال مخابر ماهي مناظر

صحيح المنظر مهم لإنج راح تجابلينه مؤبد ==>> اقصد طول العمر ان الله كتب



باختصار واسي نفسك






وحتى أتذكر او أشوف نوع اخر

في أعراس يديده...


هذا اذا في وحدة عزمتني على عرسها اصلا ��









أترككم بحفظ الله ورعايته













​

 

[a7la Maryooma]

اشـوه اني قريـت الموضـوع عقـب ماكملتـي القصـه مااتحمل الفواصــل خخخخخ

بس صج اختها ماتستحي الله يعينها على نفسها قطيعه ويوفق العروس حسيتها مسكينه

وبعدين اذا دخلت الصاله انا للحين مادخلت بس اتخيل اقعد ابجي
يعني جدامي امي وخالاتي حبيباتي وبنات خالاتي ورفيجاتي وااااي ببجي
وادش والنااس كلهم عينهم عليي يووو شي طبيعي بتوتر اخاف اطيح خخخخخخ

الله يستر *

 

[[ نور عيني ]]

-


اخيراااا خلصت القصه ..
والعروس مبين ضعيفه شخصيه حرااااام
مفروض من الاساس ماتخلي اختها تتدخل ..
وزوجها عصبي ما يتحكم باعصابه بعد
ماعجبني تصرفه مهما كان ..
مفروض يكون لبق اكثر خصوصا في اول لقاء له معاها ..

 

[khawla&tito]

هههههههههههههههههههههههههههههههههههههههههههههههههههههههههههههههههه

 

[دلوعه حيل]

انا كنت متوتره توتر عرايس عادي خاصه لمن وقفت عالباب والكل يطالع تقوللي عمتي ترتجفين وايد لا ترتبكين بتندمين عهالدقايق اللي ما بتحسين فيهن بسبب توترج تقول هي لليوم خايفه لانها ما كانت تبتسم وهي تمشي من التوتر بس اول ما دخلت ومشيت رااااااااح الخوف كااااااااااااااااامل وبدات ارتاح خاصه لمن شفت كذا بنت من البنات اللي يطالعني بنص عين استقويت ..خخخخخخخخخخخخخخخخخخخخخخخخ