شخبط شخابيط .... ساعدوني

[أم بتول*]

مرحبا كيفكم
بنتي الحلوة الله يسلم ايديها شخبطت عالحيط باللون الزهري الفلوماستر مسحت الحيط رح يروح لون الدهان وما راح لون الزهري شو اعمل شو احسن طريقة لتنضيف الحيط بليز اللي عندها فكرة تساعدني

 

[متواضعة]

نفس المشكله بيتي توني نازله فيه من سنة كله مشخبط بدون مبالغه ولا طوفه ( حيطه) خايه من اللوان

قالوا لي بكلوركس وصابون بس انتي مايصير لج

 

[أم بتول*]

أب أب أب

 

[اخت شيوخ]

انا عيالي الله يصلحهم ويهديهم مشخبطين ع الطوفه
لكن مو بالفلوماستر لا بالألوان الشينيه والقلم الناشف
فجررررررربت جف الابيض البخاخ اعتقد مكتوب عليه للترسبات الجيريه
لكن عيبه شنو يترك لون اصفر ع الطوفه فكنت انظف الالوان بالاسفنجه وإيدي الثانيه فوطه مبلله بماي وديتول الوردي عشان تعقيم وريحه
والحمدلله الامور تمام

صارت الطوف كأنها جديده
وللعلم صبغ الغرف ملون عندي مو ابيض

انتي جربي على مكان واحد واذا الامور اوكي كملي

وعلمينا بالنتايج

 

[أم بتول*]

مشكورين عالحلول رح جرب الكلوركس وشوف شو بيطلع معي لوحة فنية غير شكل

 

[قموووره]

مدام الصبغ بالغسيل راح معناته صبغج مطفي او ربع لمعه لان هذا الصبغ يروح بالماي بروحه ! عيل شلون اذا حطيتي صابون او اي شي؟؟؟ حبيبتي دام صبغج من النوع الي يروح بالماي معناته لازم تصبغين الطوفه
مو شرط تصبغين الغرفه كلها اخذيلج علبه صغيره وصبغيه انتي انا اسوي جذيه اذا اختربت عندي الطوفه من اي شي وهالنوع من الصبع ربع ساعه وينشف ما يطول كلش​

 

[أم بتول*]

مشكورة قمورة عالرد

 

[@ام يوسف@]

للرفع

 

[قمر بيت أبوها]

اصبغي الغرفه بلمعه كامله بالذات اللي يدخلونها الاطفال كثير عشان تقدرين تمسحينها
واشتري اوراق بيضاء كبيره وافرشيها علي الارض كل يوم ورقه وخلي اطفالك يرسمون عليها كذا تطلع طاقتهم الشخابيط كلها

 

[أم بتول*]

اصبغي الغرفه بلمعه كامله بالذات اللي يدخلونها الاطفال كثير عشان تقدرين تمسحينها
واشتري اوراق بيضاء كبيره وافرشيها علي الارض كل يوم ورقه وخلي اطفالك يرسمون عليها كذا تطلع طاقتهم الشخابيط كلها

شكراً إلك حبيت فكرتك كتير

 

[فرح79]

والله وانا نفس المشكله ابني عمل خريطه على حيطان الغرفه وما تركت طريقه ما عملتها ياريت في حل