اللى ماتحب الزيوت والكريمات هذا ماسك مغذى مطول ومكثف ومنعم للشعررر .. بالصور .. :)

[^LILY^]

,



السلام عليكم ورحة الله وبركاته

للامانه الموضع منقول من منتدى عالم حواء - للعضوه ( عميقه جداً ) مشكوره ^^

جربته وحيـــــــل فادني + شامبو مس أنجل ( صحيح الشامبو يينشف الشعر بس ع طوول احط بلسم )




النتيجه ..
لممعه ونعوووووووووووومه وشعري صار ما يتساقط



ع فكرره قبل ما ابدي بهالماسك كنت بس استخدم شامبو انجل كات والله يابنات اقول تجربتي فيه
صحيح ينشف مثل ما قلت لان فيه صابون غار بس لااااازم احط بلسم يششهد الله ان التساقط خفف حييل وبشكل ملحووظ بس لما جات الامتحانات ما استخدمته بحكم النفسيه صرت بس ع الماشي وعشان الوقت استخدم فاتيكا
بدااا يتساااقط لدرجه المخده كلله شعر
لذا انصح اللي تعاني من التساقط تستعمله ولااااا تنسى الماسك عدا اللي شعرها دهني اظن ما تحتاج



المهم الموضوع المنقول هو

>>> السلام عليكم ورحمتة الله وبركاااتة >>>



اليوم نزلت لكم ماسك للشعرر راح تدعولى راح يخليكم مبسوطين منه

{{ فوايده }}

1 الكثااافة

2 الطول

3 النعومه

4 اللمعة

جدا سهل وبسيط والاهم مافى ريحة من جميع النواحى ممتاااز

خلينى اقولكم قصتى الاسبوع الماضى رحت الصالون وجالسة الا واشوف صديقة لى سنة ماشوفتها وجات سلمت على كان شعرها منتف يعنى من جميع النواحى حالته يرثى لها وانا اتكلم معها وسرت بس اطالع في شعرها ماشالله لا قوة الا بالله شعر هندية من جد انهبلت من جمال شعرها الله يحميها ي رب المهم هى لاحضت انى اطالع للشعر قالت اكيد بتعرفين السسسسر عاااد انا ضحكت من قلبى ماكودت يعنى ماصدقت صار وجهى كذا ي زينها من جد فرحت انها هى اللى بدت تسولف عن شعرها يلا ماابى احرق عليكم
السسسسر

القرنفل العويدى المسماار

تقول اطحنى العويدى الين يصير ناعم مرة وسوى زى الحنة وحطى على شعرك وتقول ترى بيحرق شوى بس تقول تحسين بحرارة ماعليك كم ساعة واغسليه تستخدم ثلاث مرات في الاسبوع ذا شى

سوتوا سااااارونة ماصدقت خبر لكن من جد حاااار ناااار على الشعر ماادرى كيف اتحملته ماشالله وجلست افكررر بطريقة استفيد منه من غير مايحرقنى وجاء على بالى اسوى منه ماسك باالزبادى تعرفون الزبادى يبرد واضفت عليه الخردل شوفته في موضوع الاخت حور الجنان الله يشفيها وقريت كثير عن الخردل وفوايده كثرت عليكم بالكلام بس اذكر اللى صار باالظبط


سويته ي بنااات ثلاث مرات من جد عجيب ها الماسك روووعة سويته اول مرة لاحظت نعوووومة كانى مستشورة شعرى 70% ماشالله ذاك اليوم مغير اتدلع بشعرى يما رفعته يما نزلته ورحت عند الوالدة واخواتى يقوللى خير وش عندك مستشورة شعرك لانهم عارفينى مااستشورشعرى ابدا الا باالمناسبات وانا في الاساس شعرى ناعم بس مع الماسك سار مفرود مرة وقلت خلينى اسوى مرة ثانية واشوف يمكن المرة اللى فاتت يتاهيئلى وسويته وماشالله روووعة فعلا كانه مستشور قلت مادام اتاكدت النعومة من الماسك خلينى احط للبناات شوفت كذا موضوع يدورون على شى ينعم الشعر الاجاازة والعيد على الابواب الله يبلغنا العيد واحنا في احسن حاال

يلا معى شوفوا الصوررر



زبادى + ملعقتين حلى خردل مطحون +ربع ملعقة الحلى عويدى قرنفل

وذا شكل الخردل بس مو مطحون عشان تعرفونه من العطااار

هنا الزباى وحجم الملعقة وترى انا شعرى قصير الين تحت الكتف بشوى اذا شعرك اطول زودى الكمية

وشوفوا كمية القرنفل لا تكثرون اكثر من كذا

الطريقة
زى اى ماسك او كانك تحطى حنة للشعرك خليه ساعتين واغسليه والاحلى منه مافى اى ريحة ولفيه بطرحة عشان الزبادى يسيل على الرقبة
ولا غسلتى من شعرك حطى ذا حمام الزيت ررروعة يخلى شعرك يروح ويجى من النعومة

وانا مرة وحدة في الاسبوع استخدمه واللى شعرها جاف او خشن مرتين في الاسبوع يعنى على راحتك المدة





ي رب يعجبكم موضوعى واللى تجربه وتستفيد تدعيلى دعوة صادقة من القلب


>>> محبتكم عميقه جدا <<<





ي رب يعجبكم موضوعى واللى تجربه وتستفيد تدعيلى دعوة صادقة من القلب

وبعد الشور لاتنسين البخوور

والخمريه او عطر الخاص بالشعر

نصيحه اللي تبي تعطر شعرها لا تحط اي عطر تحبه ترا يضر الشعر و يسبب جروح ودمامل :eh_s(2):

وشكرا ​

 

[بنت بني تميم]

مشكوووووووووورة وتعجبني مواضيع هالعضوة

 

[مس استي لودر]

تسلمين يالغاليه

 

[WAAAW]

مشكوره حبيبتي

 

[انثى عاشقة]

عاد انجل كات مبدعة فديت روحها
​

 

[لعبة ايام]

يعطيكي العافية

 

[عادت ذكرياتي]

يعطيج العافية %%%

 

[نبضكم]

ترا الشامبو اتوقع انه لمس انجل ؟
تاكدي يالغااليه اظن مخربطه بالاسم ؟!

والف شكر عالنقل انقذتيني مااحب الزيوت

 

[ام الحلوااات]

اااااااااااب

 

[^LILY^]

مشكورين اللي ردو

بس بلا زعل انا حللت شخصية المنتدى

نظام عضوه ماسيه او كبار شخصيات او راعية طويله بالقسم عند وجهكم يردون عليها
ويلبئ قلبچ ما قصرتي ، فديتج ، تسلمين الخ الخ



بس عضوه مثلي ومثل غير*
مسسسسستحيل نلقى رد
طيب ترا ما حطينئ شي يغضب الله لا سمح الله ما حطيت وحده متسدحه ونص الصدر طالع !*
حطيت شي فادني وحبيت افيدكم


واستغرب طبعاً من العضوات المعروفات
فلانه
وفلانه الفلانيه
والفلانيه
والخ من المعروووووفات والي معروف حق منو يردون


ما اشوف لهم رد بالمواضيع اللي مثل موضوعي




ومو يعني لج شخصيه و(لقب) وهميييييي
تكبرين عن الرد ردي ولو بدعوه


انا بس احلل اللي تقرا وماترد اللي اصابعها مشلولها بهالحاله مسكينه اكيد بحللها بس الغير لا*


يعني حتى وحده خامره بالقسم ودي اشرهه عليها بس التمس لها عذر مع ما اظن*


انا بصير تاجره عشان تلاحقوني من قسم لي قسم وتروددن

 

[^LILY^]

والله هالكلام ما طلع الا من شفت ٢٠٠ ومدري كم مشاهده و٨ ردود
هل جزا الاحسان الا الاحسان !

انا استحي ما ارد اسسسسسستحي

 

[<> إيلاف الكويت <>]

وااو خوش موضوع
تسلمين حبوبه

 

[تبيني آرضى عليك]

روووووووووووعه حبيبتي
مشكوررررره

 

[البرنسيسه77]

طيب الله يعافيج وين احصل هالشامبو وياليت تحطين صورته علشان اعرف شكله يعطيج العافيه

 

[سحيله المنتدى]

يعطيج العااافيه حبيبتي ما قصررتي

بس الروب ما يسبب خموره بالشعر؟؟

 

[^LILY^]

وااو خوش موضوع
تسلمين حبوبه

نورتي يا عمري

روووووووووووعه حبيبتي
مشكوررررره

العفووو عمري

طيب الله يعافيج وين احصل هالشامبو وياليت تحطين صورته علشان اعرف شكله يعطيج العافيه

الله يعافيج
الشامبو تلقينه عن التاجره مس انجل دشي بروفايلها تلقين الوصفه + الطريقه

يعطيج العااافيه حبيبتي ما قصررتي

بس الروب ما يسبب خموره بالشعر؟؟

عن نفسي ما سببت شي . الخموره قصدج الريحه لا فركي شعرج بشامبو مس تختفي ريحة الراس

 

[_zahra]

شكرا لج عالنقل بس ملعقة الحلي اي وحده؟ الوسك قصدج؟

 

[ذات الهمة العالية]

شكراااا

 

[^LILY^]

منورين

 

[ضنـآني الشوق]

يعطيك العافيه