ما سويت حفلة عرس وللحين بخاطري!!!

[** آية من الجمال **]

تصدقين مالوج اذا بخاطرج عرس وتبين لاني انا نفسج لمن اشوف عرس وزفه

سواء بمسلسل او العروس اللي اروح لها اتصير بخاطري واقول ليش ماسويت عرس

اصلا حتى صور ماصورت لا صوره ولا فيديو كلش ماكو شي للذكرى تنشاف حفله عائليه فقط

واللي نفسي فيه اكثر شي الصور اني اصور

انسام الكويت انت مشكلتك وااايد سهله وبسيطة

لبسي وتعدلي مع زوجك وروحي لقطات وإلا فوتوكينا وصوري وخلصنا

وإذا تبين أكثر قولي حق الوالدة والوالد الله يخليهم وخواتك يتبدلون ويصورون معاك وإذا مالهم خلق مصور صوري معاهم بالبيت وودي الصور بفلاش ميموري يركبون لك شسمه خلفيات وحركات >>> أو يبي المصوره البيت بعد أفضل ولا تحطين بخاطرك صج الصور مهمه شلون مسويه حفلة عائلية وماصورتي؟

 

[** آية من الجمال **]

صعبه جدا جدا تسوين عرس من جديد وتعزمين النآس

مآبي احبطج بس هذآ الوآقع بيضحكون عليج النآس والله [/

بس تقدرين تحتفلين بينج وبين زوجج وانتي ماتبين الشي هذا لانج سويتي

والله يخليكم لبعض وتكون اكبر همومكم color]

تسلمين إلع ـشق دلع ـهـأإ على مرورك الكريم ورآيك :eh_s(17):

صح صعب شوية عشان شذي قلت بسوي يلوه وأدخلها بزفه وإلا شلون أدخل؟ ما عتقد فيها شي والناس إللي بتتكلم ما تهمني بكرة الكلام بيرجع عليهم وإللي مايبي لا يحضر يسلم رآسه

 

[Bn0ta*anota]

اي صج حبيبتي ما الومج انا كنت مثلج تزوجت وماسويت عرس بس كان عند ريلي ظرووف انه عمي توفى (ابو ريلي) وبس كنت اروح العروس كان قلبي يعورني اقول جان زين انا مكان العروس اللبس ابيض بس بعد سنة سويت استقبال وماكان عندي بيبي وعقبها بشهر حملت الحمدالله المهم سويت شي بخاطري ولبست البدله البيضه

 

[** آية من الجمال **]

اي صج حبيبتي ما الومج انا كنت مثلج تزوجت وماسويت عرس بس كان عند ريلي ظرووف انه عمي توفى (ابو ريلي) وبس كنت اروح العروس كان قلبي يعورني اقول جان زين انا مكان العروس اللبس ابيض بس بعد سنة سويت استقبال وماكان عندي بيبي وعقبها بشهر حملت الحمدالله المهم سويت شي بخاطري ولبست البدله البيضه

بنوتا أنوتاااا قصتك وايد مؤثره حمدالله طيبتي خاطرك

بسألك دخلتي بزفه؟ وإلا عادي؟

شاكرة مرورك وعرض تجربتك :eh_s(7):

 

[Bn0ta*anota]

اي سويت زفة جنه عرس حتى خليت زوجي يدخل

 

[om MaRyooM]

ليش ماسويتي ؟؟



عموما اذا للحين بخااطرج اجريلج نفنوف وسوي شهرج ومكياجج وروحي مصورة


او تشبلين هالموضوع من بالج دامج عايشة بخير ونعمة الحمدلله

 

[** آية من الجمال **]

اي سويت زفة جنه عرس حتى خليت زوجي يدخل

هنيالك بنوتا أنوتا والله يوفقك يا رب ويسهل حملك وولادتك :eh_s(7):

 

[** آية من الجمال **]

ليش ماسويتي ؟؟



عموما اذا للحين بخااطرج اجريلج نفنوف وسوي شهرج ومكياجج وروحي مصورة


او تشبلين هالموضوع من بالج دامج عايشة بخير ونعمة الحمدلله

أم مريوم تدرين أنا وااايد أحبك وأحب طبخاتك ومشاركاتك :eh_s(17):

ماسويت بس تلبست وحطيت سي دي وصورنا وشذي حمدالله حزتها ما لقيت أي تشجيع من الأهل أو حافز وحسيت إنه أوكي ما هقيت إنه بحز بخاطري لي هالدرجة وبكل وقت أذكر زوجي إني ماسويت وأنه أبي :eh_s(2): عشان شذي نويت إن شاءالله أسوي يلوه قلت خير الأمور أوسطها بس مادري أدخل بزفه؟ وإلا عادي؟ وإلا شالسالفه؟

بالحيل أسعدني مرورك ورآيك الكريم :eh_s(7):

 

[ذكريات]

انا حاسة فيج لان انا مريت بنفس الوضع ...

ما سويت عرس و لا حتى شهر عسل على طول لي بيت ريلي و كل ما اشوف عرس اتضايق و قمت حتى ما احب اروح اعراس ...

و جم مرة اتهاوش مع زوجي على شي بس السبب الرئيسي يكون العرس

ظليت يمكن 6 سنوات على هالحال لما قلت حق نفسي ستوب خلاص يعني ما سويت عرس شي و راح ما اقدر اغيره الحين

ليش اضايق نفسي و لي متى و انا على هالحال ...

و شوي شوي قاعدة احاول انسى و الحمدلله انا احسن الحين

فاللي بقوله لج ان صج هالشي يقهر و يضايق بس بيدج انتي تغيرينه

 

[** آية من الجمال **]

انا حاسة فيج لان انا مريت بنفس الوضع ...

ما سويت عرس و لا حتى شهر عسل على طول لي بيت ريلي و كل ما اشوف عرس اتضايق و قمت حتى ما احب اروح اعراس ...

و جم مرة اتهاوش مع زوجي على شي بس السبب الرئيسي يكون العرس

ظليت يمكن 6 سنوات على هالحال لما قلت حق نفسي ستوب خلاص يعني ما سويت عرس شي و راح ما اقدر اغيره الحين

ليش اضايق نفسي و لي متى و انا على هالحال ...

و شوي شوي قاعدة احاول انسى و الحمدلله انا احسن الحين

فاللي بقوله لج ان صج هالشي يقهر و يضايق بس بيدج انتي تغيرينه

واااااي ذكريات زعلتيني عليك

انت ماسويتي حتى بالبيت لو تلبسين وتصورين؟ إذا ما سويتي سوي قبل الست سنين يصيرون عشر هذا إذا بعدها بخاطرك وهذا ولا شي مجرد جلسة تصوير أسميها يمكن تخفف إللي داخلك شوية

مادري إذا عندك عيال او لأ؟ بس أيضا تقدرين تسوين استقبال استفيدي من آراء البنات حلوة تخيري إللي يناسبك

أنا بالنسبة لي إن شاءالله عزمت أسوي يلوه أعتبرها أوسط الحلول بس مادري أدخل بزفه؟ أو لاء؟

أخاف إذا ما سويت أتحسر باقي عمري وأبجي :eh_s(11):

 

[** آية من الجمال **]

3426 مشاهدة حتى الآن

يلا بنات عطوني بعد رآيكم وسامحوني توقفت فترة كان عندي ظرف!

بانتظاركم حبيباتي

 

[انونا]

حبيبتي ليش مترردده

سوي الي بخاطرج فيه وقطي كلام الناس الي ما يهمونج

او تركيها والفلوس الي بتقطينه على الحفله سوي في اعمال خيريه علشان ربي يعوضلج ان شاء الله العرس الي يكون بالجنه

 

[كويتية بروما]

ههههههههههه انتي متزوجه تقولين جدي
عيل العوانس واللي بارو شيقولون
والله انا من رايي تحمدين ربج الله لايغير عليج والله يرزقج ببنت وتحطين كل وناستج فيها

 

[سحابة صيف12]

الغالية عادي ما فيها شي واللي تقول عندها ياهل وتبى عرس

هاي مامرت بتجربتج

شوفي الاجانب الريال فيهم يرابع وحده كمن سنه واييبون عيال وعقب يسوون العرس لا ومنو شال طرحة العروس؟ بنتها !

والله شي حلو مافي احلا منه

 

[** آية من الجمال **]

حبيبتي ليش مترردده

سوي الي بخاطرج فيه وقطي كلام الناس الي ما يهمونج

او تركيها والفلوس الي بتقطينه على الحفله سوي في اعمال خيريه علشان ربي يعوضلج ان شاء الله العرس الي يكون بالجنه

تسلمين حبيبتي نونا على مشاركتك الطيبة مثلك

وإن شاءالله أسويها لأن للحين بخاطري ... بس الفترة إللي توقفت فيها عشان ظرف وفاة والدة صديقتي فبأجل شويتين

وأيضا أتبرع بأعمال خيرية ليش لاء :eh_s(7):

 

[** آية من الجمال **]

ههههههههههه انتي متزوجه تقولين جدي
عيل العوانس واللي بارو شيقولون
والله انا من رايي تحمدين ربج الله لايغير عليج والله يرزقج ببنت وتحطين كل وناستج فيها

الحمدالله فضل الله على نعمة الزواج :yaaaaaarb:

بس ليش العوانس على رآيك شيقولون يعنى؟ أيضا الحمدالله والزواج قسمة ونصيب وإللي الله ما كتب له الزواج أكيد له حكمة سبحانه وفيه الخيرة له والأجر بس لو فكر شوية كان حمد ربه وشكر وكل وقت له أذانه

الحمدالله أولا وأخيرا والله يرزقني ببنية جزاك الله خير ع الدعوة الطيبة مثلك ...

بس عندي سؤال ولو كان ردي متأخر شوي يتين

انت سويتي حفلة؟ لو بسيطه وعزمتي الناس لو بس المقربين بالدرجة الأولى؟ إذا الجواب إي فهنيئا لك وماراح يوصلك احساسي بس إذا كان جوابك لاء ما سويتي لو حفلة بسيطة يمكن راح تحسين فيني لو شوية :eh_s(22):

أما إذا بعدك ما تزوجتي فالله يرزقك يا رب بالزوج الصالح إللي يهنيك ويسعدك ويستر عليك دنيا وآخرة ويرزق جميع بنات المسلمين بالأزواج والذرية الصالحة اللهم آمين

وشاكرة لك مرورك الكريم ومشاركتك الطيبة :eh_s(7):

 

[** آية من الجمال **]

الغالية عادي ما فيها شي واللي تقول عندها ياهل وتبى عرس

هاي مامرت بتجربتج

شوفي الاجانب الريال فيهم يرابع وحده كمن سنه واييبون عيال وعقب يسوون العرس لا ومنو شال طرحة العروس؟ بنتها !

والله شي حلو مافي احلا منه

سحابة صيف

صج كلامك مثل اسمك كأنه سحابة مسحت على قلبي في هالصيف :eh_s(7):

ما قصرتي ... وصج الأجانب ما يخلون شي بقلبهم تلقين لو يتزوجون مرة ومرتين أيضا يحتفلون

شكلي بخليها لي الله رزقني بحملة وولادة ثانية إن شاءالله ... والله يسهل علي وعالجميع يا رب

شاكرة مشاركتك الكريمة

 

[-فلانة-]

عاد والله أمس طريتي على بالي..
أرد و أقولج حبيبتي..
لا تخلين شي في خاطرج..
عزمي اللي يحبونج..ويفرحون لفرحتج..
ولبسي اللي بخاطرج..وسوي اللي يعجبج..لا تردين على أحد..
بالعكس أصلا فنتق..وشي غير مألوف و متميز..
والمعازيم ماراح يضرهم شي..
حفلة و يتلهم ببلاش..
استانسي و ونسي الناس معاج..
اعتبريها كسرة روتين..
مافيها شي..
منو قال الوحدة لازم ما تلبس أبيض و تستانس إلا في ليلة دخلتها؟؟
مو قرآن أهوا..ولا حتى قانون..
كسري حاجز العادات و طلعيلج بطلعة يديدة..
واللي بينتقد ما يشوف شر حبيبتي..
أهم شي إنتي تستانسين.
​

 

[** آية من الجمال **]

واااي حبيبتي فلانة فديتك على كلامك الطيب واني طريت على بالك ما قصرتي يالغلا

وماله داعي ألبس أبيض حمدالله لبست فستان أوف وايت وقت يا زوجي ياخذني وصورنا فضل الله

بس الحين ودي أسوي يلوه وألبس أخضر على ذهبي شذي

وفي بالي أسويها لي حملت مرة ثانية وولدت إن شاءالله يعنى يصير نفس استقبال ولادة وأكون ضربت عصفورين بحجر

وتكون دخلتي بزفة وإلا شرآيك؟

شاكرة مرورك الكريم ومشاركتك الطيبة

 

[-فلانة-]

واااي حبيبتي فلانة فديتك على كلامك الطيب واني طريت على بالك ما قصرتي يالغلا

وماله داعي ألبس أبيض حمدالله لبست فستان أوف وايت وقت يا زوجي ياخذني وصورنا فضل الله

بس الحين ودي أسوي يلوه وألبس أخضر على ذهبي شذي

وفي بالي أسويها لي حملت مرة ثانية وولدت إن شاءالله يعنى يصير نفس استقبال ولادة وأكون ضربت عصفورين بحجر

وتكون دخلتي بزفة وإلا شرآيك؟

شاكرة مرورك الكريم ومشاركتك الطيبة

اللي يريحج و يسر خاطرج سويه حبيبتي..
هم فكرتج حلوة :rerrerek:
​