تقريري عن (بوكيت) بالتفصيل الممل جدا جدا جدا

[نياره]

عليج ب1000 عافيه
متااابعه

 

[شنوووفه]

وااااي وناااسه بوككيت بس حساافه مارحت البقيات :<
انشالله ثاني مره برووح

 

[نادره الوجود]

عليج بالعافيه ياحلو بوكيت واصلي متابعين

 

[Mona Lisa]

عليج بالعافيه حبيبتي خوش تقرير روعه وانا من متابعينج كملي

 

[mngo67]

وناسة خوش تقرير..راح بنفعني لأن بسافر
انا وزوجي شهر10 ان شاءالله
بس شلون حجزتو الغندق؟؟ ماعليج امر

 

[شهر العسل]

صبااااااااااااح الخير بنات
مشكووووورين حبيباتي على متابعتكم و تشجيعكم ... بكمل لكم ألحين نطروووووني (اليوم الرابع في في ايلاند )

 

[شهر العسل]

الــــــــيــــــــوم الــــــرابــــــــع

رحلة Phi Phi island

هذي الرحلة يا بنات خياااااااااااااااااااااااااااااااااااااااااالية فوق ما تتصورين أعطيها 10/10 لأنه كانت شي يديد علينا و ممتع حيل و انا انصحكم تختارون يا جيمس بوند ايلاند أو في في ايلاند لانه اثنيناتهم رحلات بحرية و مسافتهم بعيدة شوي يعني الطريج متعب و اقترح تختارون هالرحلة و في نصايح ثانية راح احطها مع شرح الصور

بسم الله نبدي
طبعا انتو تعرفون نظام رحلات بوكيت تقعدون من الصبح تتريقون عدل عدل و تتزهبون و تنطرون الباص يمركم ياخذكم من الفندق و يوديكم مكان التجمع مال الرحلة ... هذي الرحلة بالذات لازم قعدة مبججججججر لانه الدرب طويل
نبلش بالصور



هذا المرسى اللي انطلقنا منه باليخت الكبير و كانت مدة الطريج من الفندق لي المرسى تقريبا ساااااااعة و نص


حرّكنا


و هذا سبيد بوت رايح نفس الرحلة اللي بنروحها و بناااااااااات طيعوني و سمعو نصيحتي دفعو زيادة شوي و اخذو السبيد بوت انا غللططططت والله و رحت باليخت و راح تعرفون بعد شوي ليش



وصلنا أول محطة ... شلون أوصفها ؟ شنو أقدر أقول عن هالمكان ؟ بصراحة شي مو طبيعي ...
هذي البقعة الوحيدة اللي لون الماي فيها جذي و اسمها المياه الكرستالية .... اخليكم مع بعض الصور





و شوفو معاي السبيد بوتس وين يوصلون ... يروحون عند الشاطيء و ينزلون الناس و يخلونهم يسبحون على راحتهم ... اما اليخت وااااااااايد كبير و مايقدر يوصل لي المكان اللي يوصله السبيد بوت ... وهذا الشي وايد تحسفت عليه ...








لون الماااااااااااي عجيب

وقف اليخت .... و عطونا عدة الغطس ... اللايف جاكيت و النظارة و بايب التنفس ... و قالو يلا طبو بالماي .... طبعا انا قلت شنو ؟؟ اطب بوسط البحر ؟؟؟؟؟؟ يمااااااااااااااااا !!!!! كنت خايفة اول شي بس بصراحة ما قدرت اقاااااااااااااااوم


كانت تجربة خيالية والله و لااااااااااااااااااا تطوفونها لانه هذي أحلا شي بهالسفرة ولاتخافون انا ماعرف أسبح و الوضع حدة وناسة وما يخوف كلش .... و المنظر تحت الماي شي موطبيعي و السمج اللي تشوفونه ألوان و أشكال سبحان الله ماكان ودي أطلع من الماي

نكمل
كملنا طريجنا إلى PhiPhi island







و معروف هالمكان انه عجيب للسباحة ... كلينا غدانا كان من ضمن الرحلة بوفيه و كان حلو ... أحسن من غدا جيمس بوند ايلاند
وتالي رحنا البحر..... و قالولنا لكم ساعة تقريبا اهني .... شوي جان انشوف اللي يأجرون براشوتات



و هذي آنا راكبة البراشوت .... كنت مجاااااااااااااااااازفة درجة اولى ..... و انصحكم اللي بيروح بوكت خل يجرب كل شي ... لا تقولون اخاف ... جربو والله و خصوصا البراشووووووت لأنه فعلا تجربة ما تتطوف .... تحسيين انج طاااااااااايرة و تحتج منظر عجييييييييييييييييييييييييييييييييييييييب يعني المكان كله ماراح يتكرر حتى لو تركبون براشوت بأي مكان ثاني ماراح يكون نفس هذا .....

هذي كانت الرحلة الأخيرة في بوكت ..... وايد وايد وايد استمتعنا فيها و كانت تجربة يديدة علينا .... و عقب هالرحلة ماراح تقدرون تسوون شي من التعب ... رجعنا الفندق ريحنا و نزلنا تعشينا بالمطعم كان بوفيه بحري



و تمشينا شوي بالسوق و ردينا نمنا .....

 

[شهر العسل]

niiiiiiiiiiiiiiiiiiiiiiiiiiiiiiiiice

عليك بالعافية حبيبتي
الله ذكرتيني بالفانتاسي وناااااااااااااااااااااسة والعرض رهيب ​

يامن يوديني الحين اهناك ​

يلا تزهبي ... أمرج و نروح بعد شوي خخخخ ... بس انا بروح في في ايلاند حق السنوركلنق :eh_s(11)::eh_s(11):

 

[شهر العسل]

وااااصلي وااااصلي

من حبي لبوكيت...متابعه


،

روووووووعة مشاء الله كملي حبي

روعه كملي

عليج ب1000 عافيه
متااابعه

حياكم اللله حبيبااااااااااااتي

وااااي وناااسه بوككيت بس حساافه مارحت البقيات :<
انشالله ثاني مره برووح

لا من صجج لاااااااازم البقيات وناسة وناااااااااااسة و الطريج اللي تمشين فيه حلو .... صعدات و نزلات و أكشنااااااات جربيها و ادعيلي

عليج بالعافيه ياحلو بوكيت واصلي متابعين

عليج بالعافيه حبيبتي خوش تقرير روعه وانا من متابعينج كملي

الله يعافيكم و حياكم الله يا حلواااااااات

وناسة خوش تقرير..راح بنفعني لأن بسافر
انا وزوجي شهر10 ان شاءالله
بس شلون حجزتو الغندق؟؟ ماعليج امر

حاولي تخلين سفرتج شهر 11 لانه هاي سيزن حق السياحة عندهم يبلش من شهر 11 .... و الفندق حجزناه عن طريق مكتب سفريات و في وايد طرق مثل بونكق و سايت الفندق نفسه شوفيهم و قارني الأسعار و حجزي ....

 

[katkooota]

:eh_s(3):ياحلات بوكيت توني راده منها ما شبعت منها
ونفس المطعم اللي بالمجمع انا رحتله بس كانوا يتمشون على الطوفة والكرسي

 

[شهر العسل]

:eh_s(3):ياحلات بوكيت توني راده منها ما شبعت منها
ونفس المطعم اللي بالمجمع انا رحتله بس كانوا يتمشون على الطوفة والكرسي

ويــــــــــــــــــــــع الله يلوع جبدهم على هالسالفة صج نفس اللي شفته بس كلهم كانو بالأرض يسرحون و يمرحون و عندي صورة بعد بس احتراما لمشاعر البنات ما حطيتها لوووووووول .... ما قدرت أقعد و حرمت أروح مطاعم غير فنادق ... و المشكلة انه شي عادي عندهم تذبحه و تمشي ...

 

[شهر العسل]

الــــيــــــــــــوم الـــــــــخــــــــــــامــــــــس والأخير

كنا مخلين هاليوم من غير رحلات ... راحة وسباحة بالبحر و تسوق .... لأنه اليوم اللي عقبه بنطير و نروح نكمل سفرتنا في ماليزيا .... المهم ...
قعدنا الصبح تريقنا ... خذينا غطسة سريعة بمسبح الفندق .... و رحنا المول لعبنا قيم بولنغ ...


و افترينا شوي بالمول و طلعنا نكمل فرارة بسوق الليل











افترينا لما تعبنا رحنا فندق جي دبليو ماريوت و تعشينا فيه






أكلهم كان لذيذ و عندهم شوربة الربيان الشهيرة توم يوم لذيييييييذ جنها مرقة يقدمونها مع العيش الابيض لازم تجربونها و فندق هوليدي ان يسويها احلا من ماريوت

رجعنا الفندق نلملم اغراضنا اكتشفنا انه نص هدومنا وصخة من عقب الرحلات سالنا الفندق عن الـ لندري قالو في غرفة غسيل تغسلون هدومكم فيها بروحكم و في خدمة المصبغة بس قلنا خل نروح نستكشف و نجرب نغسل هدونا بروحنا

خوش غسالات و التنشيف 100%

خلصنا و حطينا راسنا و نمنا و اليوم الأخير قعدنا من الفير و سوينا الـ جك اوت تقريبا الساعة 4 الفير و خذانا التاكسي ودانا المطار و انا خانقتني العبرة ماكان ودي اطلع من الفندق و من بوكيت و واااااااايد رحلات ما مدانا نروحها مثل رحلة التجديف بالنهر و الشلال و رحلة الخيل و سيميلان ايلاند و غيرها وايد



خلص تقرير بوكيت على خير و نطرووووووني في تقرير ماليزيا و سنغافورة ،،،، :eh_s(17):

 

[أحلى همبه كويتية]

الله الله الله
عاااااااااااااااااشت شهر العسل العسووووووووووووووووولة
:ggdw::ggdw::ggdw:
ما شاء الله عليج طلعتي احسن مني جريئة :eh_s(15):
وطبيتي بالماي :krkrkr:
انا الوحيدة اللي قعدت باليخت وكل الناس انزلوا
ما رضيت لا اطب ولا اركب القوارب المطاطية :eh_s(11):

عندي رعب كبيييييييييييييييييييييييير من الماي اخاف وايد :eh_s(11)::eh_s(11):
بالرحلات اختم القرآن على ما نوصل هههه من الخوف
وهذا اللي يخرب متعتي :eh_s(4)::eh_s(14):
واحصل زف ومساحل من ريلي عشان اطب لكن لااااااااااااا والف لا :yaaaaaarb:

لكن الهي روحي بالتصوير عشان انسي اني بوسط البحر



عليك بالعافية حبيبتي :eh_s(17)::eh_s(22):
وبووووووووووكيت يبيلها اكثر من اسبوع يالله تشبعين منها

ربي يسهل علينا ان شاء الله






ناطرين جزء ماليزيا

اشرايك منو احلي ماليزيا والا تايلند ؟؟؟؟​

 

[أحلى همبه كويتية]

ويــــــــــــــــــــــع الله يلوع جبدهم على هالسالفة صج نفس اللي شفته بس كلهم كانو بالأرض يسرحون و يمرحون و عندي صورة بعد بس احتراما لمشاعر البنات ما حطيتها لوووووووول .... ما قدرت أقعد و حرمت أروح مطاعم غير فنادق ... و المشكلة انه شي عادي عندهم تذبحه و تمشي ...

يامعودة انا عندي الزهيوي وااااااااااايد ارحم من البريعصي
اللي ليه شفته يصير عندي اكتئاب حاد :eh_s(11)::eh_s(11)::eh_s(11)::eh_s(11)::eh_s(11)::eh_s(11):
والمشكلة ان شرق اسيا كلها نفس الجو وهالزواحف عااااااااادي عندهم وحرام يقتلونهم بديانتهم

الحمد لله على نعمة الأسلام:eh_s(22):​

 

[mafio98]

كنت حاطة بوكيت فبالي بس من كلامكم ماتصلح حق يهال؟؟
انا ودي اروح مع ولدي عمره ٣ سنين ينفع؟​

 

[fofo87]

ياحلات تايلاند صج وناسه انا رحتله سنه 2009

 

[krkooora]

واااو
احب الاماكن البحريه
خصوصا بوكيت اتشوق!
بس للاسف ماقدر اروح حق هالديرة لان فقدنا فيها انسانه غاليه فيها و كرهناهاااا

عليج بالعافيه

 

[ام مهاوش]

الله وناسه عليج ب1000عافيه
وناطرين التكمله

 

[om MaRyooM]

عليج بالف عافية

ذكرتيني باحلا ايامي كانت هنااك
تقريرج مشوق

بس مارحت جزيرة raya ؟؟؟ تهبل احلا جزيرة شفتها

 

[tota-tears]

ما شاء الله عليج كفيتي ووفيتي عقبالنا