بلوق اسرار و اساسيات الفنغ شوي في تصميم البيوت خطوه بخطوه

[أناقه و ذوق]

السلام عليكم خواتي الغاليات

عساكم بخير و صحه و عافيه

من عنوان الموضوع بلوق خاص بعلم الفنغ شوي لتصميم البيت و الحدائق

خطوه بخطوه و اسرار اكشفها لكم لسعاده و انسجام يملا بيوتكم بأذن الله

تقسيم البيت

غرفة النوم و الوانها المناسبه و تصميمها

المطبخ و الوانه المناسبه و تصميمه

الحمام و انتو بكرامه و اللوانه المناسبه و تصميمه

و غيره و غيره من الاسرار بأذن الله بحطها بين يدينكم

حب لاخيك ما تحب لنفسك و يا رب اقدر افيدكم

معلوماتي كلها من دورات خاصه خارج الكويت و كتب روعه ان شاء الله ادليكم عليها

بس انا ما رح اقصر معاكم فان شاء الله ما تحتاجون للكتب و للترجمه

و غير الفنغ شوي ان شاء الله بنزلكم فيديوات تساعدكم في التنظيم و الترتيب و افكار

حلوه

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

بعد ما اشوف الردود بعطيكم البلوق

بحفظ الله حبيباتي

و اتشرف فيكم

اختكم

أناقه و ذوق

اللي حابه تشاركني و تدخل البلوق ان شاء الله

 

[الملاك المجهول]

مشكوره

 

[ذات الهمة العالية]

الله غرااااااااااااااااااااااامى حبيبتى هالشىء

ساعات اقول يا ليتنى درست دورات هندسة وديكورات وملابس مثل ارمانى لأن اهو دقيييييييق فى كل شىء مثلى لوووول


يالله ساعدينى احسن من وحدة اعرفها خيرها حق غيرنا نسأل الله العافية

 

[ذات الهمة العالية]

والحديقة وشنو اهم مستلزماتها

واحسن خامات الفرشات للسراير

وحتى المواعين

بس خليك لا تنتظرين جزاء ولا شكورا خلى اجرك على الله

 

[ذات الهمة العالية]

بعدين دلينى على الأشياء من وين نشتريهم
وشنو احسن المويلات يعنى اى صناعة

وكم اسعارهم بالتقريب


قاعدة اعطيك افكار

لا تتأخرين

 

[Janna-q8]

ناطرين

 

[بنت العقربيه]

لازم صور حبيبتي ولا بضطر احذف الموضوع لان هاذا من شروط القسم:eh_s(17):

 

[أناقه و ذوق]

بسم الله الرحمن الرحيم

هذا اهداء مني لكم و اتمنى لكم الفايده ببدي بمعلومات بسيطه و الباقي ان شاء الله بتشوفونه بالبلوق

هناك مثلث هام للحياة المنزليه له علاقه كبيره بصحة الانسان و يتكون من ثلاث عناصر

غرفة النوم

المطبخ

الحمام و انتو بكرامه

فمن غيرهم او من غير طاقه حيويه و منسجمه فيهم يتعرض الانسان لاضطرابات في علاقته مع نفسه و مع من حوله

غرفة النوم

اسرارها و تفاصيلها

موقع غرفة النوم و هي مكان الحب و الاسترخاء و الراحه يجب ان يكون في الجهه الجنوبيه الغربيه من خريطة البيت او الشقه و هذا له طريقه خاصه في الحساب على الخريطه رح احاول اقدم لكم في البلوق تفاصيل لها
فهذه المنطقه خاصه للازواج و للمحبه بينهم فتعطي طاقه رائعه سبحان الله


الالوان المستخدمه في غرفة النوم هي اللوان البشره
الابيض
البيج
البني
فعند تواجدها و رؤيتها ترجع الانسان لاصله فلا يحس بتشتت او انشغال و غربه فينسجم و يشعر بالهدوء


الاضائه
افضل الاضائات في الليل
الشموع او البلاكات التي يتحكم بدرجة اضائتها

النوافذ
من الضروري انها تتعرض لضوء الشمس و للهواء النقي بين فتره و اخرى
ليدخل فيها طاقه ايجابيه

السرير
ضروري يكون مصنوع من الخشب او من الخشب الملبس بخامات
و من الضروري وضع طاولتين على جانبي السرير ليكون هناك اتزان و لا يلصق على الجدار
ساوضح ما اقصد بالصور
يجب ان يكون السرير مركز الاهتمام اكبر ما يوجد في الغرفه لكي لا يبتعد التركيز لغيره
ابعاد التلفاز و اجهزة الكمبيوتر و الموبايلات و الاوراق و الكتب و اجهزة الرياضه
الاسباب سوف تكون واضحه بالصور

غرف رغم بساطتها الا انها رائعه للراحه و النوم و التوافق و الانسجام بين الازواج و بين النفس
(الازواج لهم تكنيكات اخرى لغرفة النوم فلن اتعرض لها )
ما هو شعوركم عند رؤية هذه الغرف اتمنى معرفته


و الان غرف اخرى لترو الفرق

في اول صوره نرى اهمية التلفاز في الغرفه و موقعه
فعند الذهاب للنوم يرسل اشعاعات ليليه ضاره تاثر على الشخص
و ان كانوا زواج ممكن ان تشغل احد الطرفين عن الاخر

الصوره الثانيه نفس الطريقه يبتعد التفكير و ينشغل بالعمل و بمواضيع اخرى بالكمبيوتر و يتم ارسال شحنات و طاقات ضاره من الجهاز لكامل الغرفه

الصوره الثالثه
سرير بلا طاولات جانبيه الاحساس عدم الاتزان و الشعور بان هناك شيء مفقود و ضعف في السرير
فالداعمان على الطرفين غائبان

الصوره الرابعه
قوه في طرف و فقر في طرف اخر فيشعر و يرسل رسائل الضعف و التوتر و عدم التوازن

الصوره الاخيره
و هي الصور على الجدار الخلفي للسرير
فتعطي شعور بعدم الاستقرار و الامان و التوتر و الخوف
فكاننا نخاف من شيء يريد السقوط

و سلامتكم
ان شاء الله في البلوق راح اعرض معلومات اكثر
على الويك اند بفتحه لكم باذن الله لان يحتاج لصور تدعم كل موضوع فمحتاج لجهد و وقت
و راحتكم و سعادتكم في بيوتكم تهمني

ما احلل نقل المعلومات فهي خاصه فيني
(عوسيه)
فدلو من يريد ان يتعلم لي
احبكم في الله
:eh_s(17)::eh_s(17):

 

[ريماا]

حيييل حلووو موضوعج ومميز استمتعت وانا اقري خصوصا سالفه مكان غرفه النوم معلومات اول مرة اعرفها
شووووقتيتي علي باجي الموضوع نااااطرة ويسلمووووو?

 

[أناقه و ذوق]

مشكورين حبيباتي على المرور و ان شاء الله ما اقصر معاكم

 

[أناقه و ذوق]

الله غرااااااااااااااااااااااامى حبيبتى هالشىء

ساعات اقول يا ليتنى درست دورات هندسة وديكورات وملابس مثل ارمانى لأن اهو دقيييييييق فى كل شىء مثلى لوووول


يالله ساعدينى احسن من وحدة اعرفها خيرها حق غيرنا نسأل الله العافية

اي يا الغاليه صح كلامج

حتى بالكويت ما عندنا دورات بهالامور

و نشوف اخطاء ماليه البيوت

ان شاء الله بساعدج

 

[أناقه و ذوق]

والحديقة وشنو اهم مستلزماتها

واحسن خامات الفرشات للسراير

وحتى المواعين

بس خليك لا تنتظرين جزاء ولا شكورا خلى اجرك على الله

ان شاء الله بعلمج الحديقه و شلون تتقسم و شنو الالوان المهمه لكل زاويه

و الماي وين ينحط باي زاويه اذا حوظ او نوافير

و الفرشات لها طريقه معينه بعلمج فيها

ابي منكم الدعاء حبيبتي

 

[أناقه و ذوق]

بعدين دلينى على الأشياء من وين نشتريهم
وشنو احسن المويلات يعنى اى صناعة

وكم اسعارهم بالتقريب


قاعدة اعطيك افكار

لا تتأخرين

ان شاء الله يا غاليه

الله يحفظج

 

[أناقه و ذوق]

لازم صور حبيبتي ولا بضطر احذف الموضوع لان هاذا من شروط القسم:eh_s(17):

هلا فيج يا غاليه نورتي الموضوع بتواجدج
حبيبتي هالموضوع بذن الله بحط فيه رابط البلوق مالي
لان مواضيعي اتعب فيهم
فما ودي يسوون لهم كوبي بيست و تنقل من منتدى لي ثاني
اذا بنات هالمنتدى ما انقلوها فالزوار وااااااايد

عشانج نزلت غرف النوم و بعض اسرارها
و الباقي بحتفظ فيه على مدونتي لكن الرابط بحطه لكم هديه بين يديكم من افتحها لاني باديه اشتغل فيها

و مشكوره
بانتظار ردج حبيبتي:eh_s(17):

 

[اسرار الغلا]

خوووش موضوع يعطيج العافيه اختي ناطرين باقي المعلومات 

 

[أناقه و ذوق]

هلا فيج يا طيبه نورتيني بتواجدج

ان شاء الله

 

[Maybe_87]

موضوع جداً مهم

خصوصا حق الي يبنون

يعطيج العافية حبوبة

اطلعت على الموضوع بشكل بسيط

من خلال كتاب واحد فقط

يا ريت تحطين لنا اسماء الكتب المختصة

وحبوبة ليش ما تنزلين الموضوع في البلوق وأهنئ

لان اللي يبي ينسخ يقدر بعد من البلوق ينسخ

ومشكورة ع المعلومات وفي ميزان أعمالج ان شاء الله

 

[أناقه و ذوق]

تسلمين حبوبه على مرورج

والله انا سامعه عن طريقه تمنع نسخ المواضيع في البلوق

فعشان جذي تأخرت شوي بفتح مواضيعي لاني جم مره جربتها و ما اضبطت

الله يتمم على خير و ان شاء الله بنزل موضوع كامل عن الكتب و لا يهمج

 

[بنت العقربيه]

هلا فيج يا غاليه نورتي الموضوع بتواجدج
حبيبتي هالموضوع بذن الله بحط فيه رابط البلوق مالي
لان مواضيعي اتعب فيهم
فما ودي يسوون لهم كوبي بيست و تنقل من منتدى لي ثاني
اذا بنات هالمنتدى ما انقلوها فالزوار وااااااايد

عشانج نزلت غرف النوم و بعض اسرارها
و الباقي بحتفظ فيه على مدونتي لكن الرابط بحطه لكم هديه بين يديكم من افتحها لاني باديه اشتغل فيها

و مشكوره
بانتظار ردج حبيبتي:eh_s(17):

اذكر اني شفت برامج في التلفزيون عن هالشي حبيت هالفنغ شوي :eh_s(7):

لكن ممنوع تحطين بلوقات او روابط ثانية حتى هالشي ممنوع وهاذا رابط شروط قسم الديكور


http://www.q8yat.com/t235665.html

 

[أناقه و ذوق]

خلاص حبيبتي و لا يهمج

ما رح احط الرابط و اسفه اذا تجاوزت شروط القسم

ممكن احطه بتوقيعي و الا شرايج