شركات التغذيه منو احسن فيهم وجم نزلنى (الجزء الثانى وبالصور)

[Pretty Amoola]

خلاااااص راح اوقف الرجيم اليوم
مع انه باجر اخر يوم

سخافه
طول هالاسبوع مانزلت شي
انقص جم جرام اليوم الثاني يزيد
واليوم اللي وراه انقص وعقبه ازيد

خراااابييط مع اني ما خربت رجيمي كلش ملتزمه حيل حيل حيل

وماراح يفرق اذا كملت اليوم ولا باجر
يعني خلاصة اشتراكي هالشهر بس ثلاث كيلوات
وهذي اقل مره خسرت فيها ثلاث بس

الشركة اللي قبل كنت اقل شي اربع كيلوات

واااي قرقت وايد وبقلبي اكثر بعد

أختي انت ليش متضايقة ؟؟​

نزولج طبيعي جدا ، أنا أمس الأخصائية قالت لي ​

حطي في بالج ترى بالشهر إذا التزمتي بتضعفين من 3- 4 كيلو !!!​

يعني تبي تنورني من البداية عشان ما أنصدم ...​

والمدربة اللي بكيرفز قالت لي بالشهر لو التزم بالدايت ​

والرياضة أضعف من 4- 5 كأقصى حد وإذا كان أكثر من جذيه​

مب زين .... فما له داعي تزعلين نفسج ، بالعكس اللي تسوينه هو الصح ...​

بس مشكلتنا احنا ما عندنا صبر ودايما نستعجل ونبي نضعف بسرعة ​

وندور على العصاية السحرية اللي تضعفنا :krkrkr:​

 

[فرااااولة]

بريتي
لاني مليت من الرجيم هذا رابع شهر لي عشان جذي مافيني صبر لووول

 

[العينآوية]

فرآولة يمكن مقاساتج نآزلة حتى لو رقم الميزآن ثاابت يعني جيكي؟

لآ تنحبطين حبيبتي ترآ كلنا نعاني من هالشي بس الصبر طيب

 

[Tamaraa]

هلا بنات انا قاعدة اطالع تعليقاتكم والصراحة وايد استفدت من وايد اشياء الصراحة انا كنت محتارة وين اسجل بفضل هذا المنتدي وقعدت فترة اطالع تعليقاتكم و الصراحة وصلت لقرار اني اسجل ب لينا ودينا الشكر لتش اخت لنوش الصراحه انا كنت موجودة بالبستان وقلت ابي اشوف شنو بتقولي الاخصائية بلينا ودينا الصراحة وايد ارتحت اول شي قالتلي لازم نساوي ان بدي عشان اعرف نسبة الدهون ونسة الماي والعضل بالجسم وعلي هذا الاساس بتمشيني علي الدايت انشالله بناء اكلي رح يوصل يوم السبت دعواتكم معاي انا وايد متفائله ادعولي بنات لوووووووول

 

[كشكش]

مساء الخير ..
للاخت اللي تشتكي ان وزنها ما نزل على الرغم من التزامها
انا صار لي شهرين وما نزلت الا اربعة كيلو والخامس يروح ويرجع !!!
وما خربطت كلش وملتزمة بالكرتون وغيره لاااااا
الصبر حبيبتي والنزول البطئ افضل عشان ما يرجع بسرعه​

 

[كشكش]

بخبرتي المتواضعه احب افيد خواتي بهالنصايح ..

انا ما اشوف الكرتون لما توصله الشركة تاخذه الخادمة وتفرغه كله بالثلاجة

وتييب لي المينيو ( قائمة الطعام ) اقراها وبس وانسى حتى مرات شنو عشاي

لنفس اليوم .. احب اتشوق واشوف شنو يايبين لي اليوم

2 ما اكل الاكل بالعلب تاخذه الخادمة وتحطه في طبق وبطريقة حلوة

3 تنظيم الوقت مهم ريوقي ما يتجاوز عن الساعة عشر وغداي الساعه وحدة
وعشاي تسع

وكل وقت وعند تناول كل وجبة عندي حلقة لمسلسل احبه

4- الماي وقته عندي مرتين الضحي وبعد المغرب احط الدولكه واشرب خمس او ست قلاصات

لحد ما اخلصها يعني باليوم عشر او اكثر باليوم

انا مشتركة مع هيلث كمبني واعتبر زبونة عندهم من زمااااااااااااان كنت معاهم ونزلت خمس وعشرين كيلو

وقطعت عنهم والحين رديت لهم وباقي اسبوع على اشتراكي ويخلص وما راح اشترك

لاني حفظت المينيو مالهم والتغيير حلو .. افكر اعتمد على نفسي بما اني خبيرة ريجيم

واذا مليت او توهقت بشترك مع كالوري كنترول​

 

[كشكش]

نسيت اقولكم هالشغلة ..

لا تخلون اهدافكم بعيدة ..!

يعني اللي وزنها 80 وهدفها 60

لاتحط في خطتها الهدف الكبير بل القريب

بعني يكون هدفها 70 ولا تفكر الا فيه عشان ما تتعب ولا تمل

والشي الثاني ..

كافئي نفسك كلما نزلت 3 او خمس كيلو بوجبة وحدة فري مو يوم فري

وبشي تشترينه لج

انا مثلاااا .. لما انزل خمس كيلو مرة رحت الصالون وقصيت شعري وصبغته

ومرة شريت لي بيجامة كيوت او قميص نوم لي استانس واحس جسمي تغير

حددي لنفسك محطات في رحلة ريجيمك وراح تحسين ان هالرحلة واااااااايد ممتعه​

 

[Day Dreamer]

اختي شنو الاكلات الحلوة بهيلث كومباني و شنو مو حلو؟
لاني ناوية اشترك و اخاف احط شي طعمه مو حلو
انا كل شي اكل سمج دياي لحم بس المهم الاكل يكون لذيذ
وبجم اشتراك الشهر؟

 

[كشكش]

اختي شنو الاكلات الحلوة بهيلث كومباني و شنو مو حلو؟
لاني ناوية اشترك و اخاف احط شي طعمه مو حلو
انا كل شي اكل سمج دياي لحم بس المهم الاكل يكون لذيذ
وبجم اشتراك الشهر؟

هلاا اختي ..

أكلهم بصراحة حلوووو ويعجبني وراح اذكرلج بعض الاطباق لاني مستحيل

بذكر المينيو كلهاا ..

احب ساندويش الموزريلا والباستا بانواعها والكشري والجريش والحلو عندهم لذيذ

انا اشتراكي معاهم رويال والاشتراك العادي ب 200

وهذي لج :eh_s(17):

 

[ضــمــاد]

قــوهـ



بنات الحين منو أفضل



لينا ودينا ولا كالوري كنترول <== جنه جذي اسم الشركه ـو هيلث كومباني


ان الله عطاني عمر حاطه في بالي بشترك برمضان



لانه نظامنا بالرمضان .. يوميا ً هالفطاير والمقليات و حلويات رمضان


بلع بلع بلع ومايخلص الشهر الا وزايده .. زياده محترمه

 

[Mademoiselle A]

هههههه انا حطيته عند عيادة تيجان فرع السالميه عند الدكتور عماد الخطيب
يهبــــــل هالدكتور محترم حيل

انا اسناني مو حيل خربانه بس الثنين اللي قدام طالعين شويه حتى التقويم مراح يطول 9 اشهر واقطه

بس الصراااحه يسااعد ع الضعف الكل يقوول خفيتي عن اول







بدينا ولينا ب9 ايام نزلت 5 كيلو حمدالله :yaaaaaarb:

شكرا عالرد:*

 

[Ms.LoL]

كشكش
مشكوورة على النصايح ..
صج صار عندج خبرة ..

----

فراولة ..
ب 4 شهور ..
شكثر نزلتي ككل .؟
بأي شركة لو فات .؟
وطول ال 4 شهور مشتركة بشركة رجيم .؟
أنا نفسج جرام زايد جرام ناقص مليييت ><"
والمشكلة محد قالي ضعفانه p; ..

-----

بنات ..
ما تحسون مع الرجيم زاد تساقط الشعر .؟
مادري شعري قاعد يطيح لأنه هذا موسم تساقط وصيف .؟
ولا من الأكل الدايت .؟


-----

الحين لخلصت اشتراكاتنا ..
شلون بنحافظ على الوزن .؟
يعني أنا الحين أكل رجيم ..
وحارمة نفسي من شغلات واايد ..
يعني معقولة كل ما شفت شي أقاوم و ما آكل !؟
وكل ما كليت لي لقمة بره المنيو تأنب ضميري جني غاشه لووول ..

 

[HDBQ8]

السلام عليكم ورحمة الله وبركاته
يعطيكم العافيه
بنات منو عندها فكره عن كالورى كنترول اذا عندهم هل فتره عروض ولا لأ

 

[Day Dreamer]

هلاا اختي ..

أكلهم بصراحة حلوووو ويعجبني وراح اذكرلج بعض الاطباق لاني مستحيل

بذكر المينيو كلهاا ..

احب ساندويش الموزريلا والباستا بانواعها والكشري والجريش والحلو عندهم لذيذ

انا اشتراكي معاهم رويال والاشتراك العادي ب 200

وهذي لج :eh_s(17):

بعد قلبي ماتقصرين
بس شالفرق بين الاشتراك العادي والرويال؟

 

[lano0osh]

اي والله صدقتي يا انت كشكش النزول البظيء احسن و حق تثبيت الوزن وايد زي
_______________________________________________
مشكور حبيبتي تامارا انشالله تنزلين بس نبي صور حق الاكل وتابعين ويانا كل يوم وانشالله تنزلين يا عمري بس حاولي ما توزنين بالبيت بس توزنين نفستش عند الاخصائية وانشالله بتنزلين عندهم انا الصراحة عند لينا ودينا وايد مرتاحة​

 

[Pretty Amoola]

أختي كشكش ،،،

بصراحة أتحفتينا بنصايحج الذهبية :ggdw:

وااااايد استانست على أفكارج وعلى خبرتج ...

وهذي مني لج :eh_s(7):

بس سؤال يالغالية ، كم المدة اللي نزلتي فيها ال25 كيلو ؟

وهل كان كله مع نظام الشركة اللي كنتي متابعتهم ؟ ولا كنتي

أحيانا تاخذين بريك وتكملين بنفسج ؟​

 

[قطوووة]

كالوري كنترول ماعندهم عروض
لان سعرهم هو الارخص بالسوق

189 اشتراك كامل + فتح ملف + متابعه


غيرهم ياخذ رسوم ع فتح الملف والمتابعه والله احنا ناهبينا نهب :bbbiu:

 

[Ms.LoL]

إي كالوري كنترول لو بجرب شركة يديدة بجربهم ..
لخلص اشتراكي مراح أجدد لأنه بنسافر ..
مادري لو أشترك برمضان و لا لأ ..
العام اشتركت برمضان ..
كان الأكل يزيد عندي ..
تخيلوا فطور و حلو وسناك و سحور ..
تاكلهم من المغرب لي وقت السحور ..
كنت أشبع ويزيد عندي ما أكمله ..
بس الحمدلله ما زاد وزني برمضان كالعادة ..
عاد عذاب لما تقاومين أكل الجيران و الطبخات اليديدة ..
وكان النزول صعب برمضان .. معني كنت أمشي كل يوم قبل الفطور 40 دقيقة ..
لكن مادري ليش ما كنت أنزل !
على الأقل ما زدت ..

 

[om MaRyooM]

كشكش
مشكورة
كلامج وايد عجبني

 

[كشكش]

بعد قلبي ماتقصرين
بس شالفرق بين الاشتراك العادي والرويال؟

اشتراك الرويال يكون فيه اختيارات اكثر وأكل بحري أكثر ..