إللي عندها أي استفسار بخصوص الديكورات والبناء تتفضل ( للفائده فقط )

[tattoma]

لو سمحتي عندي استفسار عن ورق الجدران هل ممكن ينحط علي السقف علي الديكور لاني شفته عند وحده حاطته وكان روعه وعجيب هل هي موضه واذا حطيته ما يخرب الديكور واذا بغيت اشيله بعدين سهل والا صعب
اذا بغيت احطه مثلا اشلون علي الجدران اصبغهم والا بعد احط ورق جدران ابي الاجمل والاذرب لاني قاعده اشتغل بغرف النوم ومحتاره وابي نصيحتج انا عندي غرفتي وغرفتين للبنات وغرفتين للاولاد فماني عارفه شسوي

ممكن ينحط ورق الجدران على أي سطح أملس، وطالما السقف نفس الطوفة يصير تحطينه عادي وشيلته نفس شيلة الورق على الطوفة..

أنا الصراحة ورق الجدران بشكل عام ما أحبه ولا أفضله وأفضل الصبغ وممكن الصقف تلعبين فيه بالأصباغ والألوان، بس إذا إنتي حابته بالسقف حطيه وصبغي الطوف.. بس يعتمد إذا يناسب أو لأ على لونه ونقشته.. ما أقدر أقول لج بدون لا أعرف شكله لأن فيه ألف لون ونقشة..

 

[tattoma]

,‘
يَعطيكّ العافيه هَ ..

عَ مساعدةة البنات .. }​

الله يعافيج

 

[ام عزيزان3]

السلام عليكم..جزاك الله خير علي الموضوع والنصايح الي تقدمينها..بغيت اسأل عن الاصباغ وشن الحديث وياريت يكون نوع الصبغ مع صور.لاني حاليا مرحلة الصبغ ومحتاره

 

[لهيب الثرى]

عسااااج ع القوه

ويعطيج الف عافيه

 

[مروقه على الكوفي]

اناكان ودي اسوي واجهه حجر للبيت بس للاسف وايد يكلف
موعارفين شنوالجديد في الواجهه ابي افكار؟
ولوفيه صور لواجهات عماير ياليت تعطووني

 

[أفناان]

يعطيج العااااافيه على هذه الجهود الرائعة عندي استفسار بخصوص الديكور الأسقف تكون سادة أو يرسم عليها زخارف او يحدد اطارها فقط وشكراً

 

[فرآشة]

وين ممكن القى هالمنظره ؟
سألت ميداس قالو لي ماعندنا , ولها محل خاص ب الشويخ ؟

 

[امال بهجة]

tattoma تسلمين على هالصفحه الجميله ويا رب يوفقج

عجبتني الاسئله وردودج عليها واستفدت الله لا يحرمنا منج يا كمر ​

 

[tattoma]

tattoma تسلمين على هالصفحه الجميله ويا رب يوفقج ​

عجبتني الاسئله وردودج عليها واستفدت الله لا يحرمنا منج يا كمر ​

الله يسلمج ومشكورة ما تقصرين

عسى إن شاء الله الكل يستفيد

 

[tattoma]

يعطيج العااااافيه على هذه الجهود الرائعة عندي استفسار بخصوص الديكور الأسقف تكون سادة أو يرسم عليها زخارف او يحدد اطارها فقط وشكراً

الله يعافيج

كلهم يصير ينحطون بالسقف بس السؤال: إنتي شنو تحبين؟ وحطيه

 

[Elegance Kraliç]

وين ممكن القى هالمنظره ؟
سألت ميداس قالو لي ماعندنا , ولها محل خاص ب الشويخ ؟:d

اذا عندكم بالكويت ايكيا بتلقين فيه اكيد

 

[النوالنو]

ودي اغير غرفه نوم وحابه غرف الفنادق الامريكيه ابي وين القه

 

[tattoma]

ودي اغير غرفه نوم وحابه غرف الفنادق الامريكيه ابي وين القه

حبيبتي غرف الفنادق أكو مودرن وكلاسيك وأكو أنتيك.. ممكن تحددين شنو طلبج


غرف النوم الفخمة تلقينها عند (رومانتك) و(ذي كاسل) وصناعتهم أمريكية

 

[حبي نانو]

أختي سويت مدخنه. ببيتي على ديكور ابي الاكسسوارات اللي احطها داخلها على شكل خشب وين احصلهم

 

[أفناان]

السلام عليكم الله يعافيج اشراايج بأصباغ سان ماروكو وشالفرق بينه وبين التكنيك وشكرا

 

[tattoma]

أختي سويت مدخنه. ببيتي على ديكور ابي الاكسسوارات اللي احطها داخلها على شكل خشب وين احصلهم

محلات الشويخ والضجيج

 

[tattoma]

السلام عليكم الله يعافيج اشراايج بأصباغ سان ماروكو وشالفرق بينه وبين التكنيك وشكرا

وعليكم السلام

أصباغ سان ماركو إيطالية وهي نفس التكنيك..

إنتي تختارين اللي يعجبج شكله سواء هذا أو الثاني ماكو فرق

 

[Cherry*]

انا ابا اغير اثاث غرفتي و الحين حاطه ورق جدران منقش ع كل الطوف لونه بيج فاتتح و محتااااااره ماعرف اختار اثاث شو كلاسيك ولا مودرن ولا انتيك

 

[tattoma]

انا ابا اغير اثاث غرفتي و الحين حاطه ورق جدران منقش ع كل الطوف لونه بيج فاتتح و محتااااااره ماعرف اختار اثاث شو كلاسيك ولا مودرن ولا انتيك

قبل اختيار أسلوب تصميم الغرفة لازم تشوفين البيت كامل شنو تصميمه: كلاسك أم مودرن؟

على هذا الأساس تحددين


البيج عموماً من الألوان الكلاسيكية

 

[جذابه2012]

ممكن قلبي تفيديني شو الالوان المناسبه مع التيفاني لغرفه جلوس فكرت احط كنب مودرن جهتين والجهتين الثانيه واحد فيه البلازما والثاني كرسيين منفرده وسراميكي بيج غامق
وكمان اللون اللؤلؤي للجدار يتناسب مع سراميك بيج غامق ويكون جدارين ورق حائط بين الفضي واللؤلؤي
والف شكر