السلام عليكم
شلونكم
من قبل 3 شهور متابعه موضوعكم
وايد حلو والمعلومات اللي فيه وايد فادتني
انا قصتي قصة
والتشخيص لعب دور كبير بحياتي
انا عمري الحين 32 سنه
وتوه قب 3 شهور يالا شخصوا لي انه الفك العلوي متجدم شوي
ومحتاره اروح حكومي والا خاص
قصتي الله يسلمكم انه محد كان مهتم من اهلي بالموضوع وانا انشغلت بالدراسة والشغل ولهيت عن هالموضوع
رحت سنة 2002 حق عيادة فريجينيا ع اساس بسوي تقويم
الدكتور ما ياب لي طاري تقدم الفك العلوي بس قال لي انه راح يكون في بروز باللثه
لهيت بامتحاناتي والجو ما يشجع وسكت
بعدها بفتره ياني عميل بالدوام وكان دكتور أسنان
وال لي لا تسوين تقويم تقطين 4000
انا اسوي لج أسنانج بقشرة السيراميك
انا ما اقتنعت صراحة
سألته شلون واسناني اللي جدام شلون يردون ورا؟
جان يوريني قالب أسنان قال هذا تحطينه بأسنانج بس حزة النوم واهو بيردهم لي ورى
بصراحة ما اقتنعت كلش كلش
رحت حق عيادة الحكمة
وشفت دكتورة خلع وحشوات وهالسوالف جان تقول لي فكج اللي فوق متجدم
وحولتني على دكتور هندي ونفسه بخشمه .. حط ايدينه وقعد يفقص بالعظم اللي فوق
وطلب علي نوعين من الاشعة عشان بيشوف هذا عظم والا اسنان والا شنو حسسني جني يايه من الفضاء
وعلى حظي جهاز الاشعة عندهم مخترب
فاضطريت اروح المستوصف جان يقولون لي انه ما عندهم هالنوع من الاشعه
الحاصل.. خذيتها من قاصرها على قولة المصريين ورحت مركز البدع الصحي
وأول ما دخلت ع الدكتور من عند الباب جان يقول فكج العلوي متجدم ولازم عملية
واهو مو دكتور تقويم اهو دكتور خلع وحشوات وهالسوالف نفس صاحبتنا اللي قبل
الحاصل قال لي انه دكتور التقويم لازم يشوفني
بس ما اييلهم الا كل اسبوعين
شفته نهاية شهر 4
وقال لي نفس الكلام
وقال انا ممكن اوصيلج عند دكتور شاطر اسمه هيثم اعتقد اهو موجود في عيادة بسمة
واذا بغيتي بس عطيني خبر انا اقول له من طرفي
سألته عن التأمين قال انه التأمين ما يغطيها لانه يعتبر تجميل
وبصراحة مالي قدرة ع المصاريف ومحد بيسويها أقساط
فقلت ماقو الا الحكومي
رحت حق مستوصفنا ودخلت ع الدكتور والا ألاقيه توه فطفوط من اللي متخرجين يدد ما طلع من البيضة وقلت له جذي جذي حالتي وابي تحويل حق البابطين
بقق عيونه وقال شكو انتي بتسوين أسنانج وهذاك حق حروق وتجميل
قلت له لا يبا في بنات مسوين هناك
جان يقول شدراج؟؟
قلت له لمعلوماتك روح هناك واسأل وشوف يعني انا بقص عليك ؟؟
جان يقول لا هذي مسؤولية ومن هالحجي
وقال احولج ع الفروانية جراحة وماعندي غير هالكلام اهمه يسوون هالعملية هناك
هالحجي من قبل اسبوع
وورقة التحويل عندي وللحين ما رحت
سوري طولت عليكم
بس صج ودي أسويها وأفتك
في ناس بييون بس أنا مأجله الموضوع
شكلي مو وايد سيء وفي ناس لما قلت لهم قالوا انه مو وايد مأثر عليج
بس جد تعبت
انا تأزمت نفسيا من شكل أسناني
ادعو لي خل أموري تتسهل
هلااااااا فيج حبيبتي
قبل لا تروحين البابطين لازم تروحين لدكتور جراحة وجه وفكين
صحيح هالعمليه يسوونها بالبابطين بس التشخيص ما يكون بالبابطين >> اللي يسويها بالبابطين غالبا د.عماد النجاده
بعدين في شغله >> انتي دام عندج بروز بالفك العلوي ضروووووري تحطين تقويم
العمليه علشان تضمنين نجاحها لااااااااااازم تقويم
أشوه إنج ما سويتي قشرة السيراميك ولا جان غسلتي ايدج من العمليه !! أتكلم عن حالتج إنها بروز بالفك العلوي
وخليني أقولج شغله عن الحكومه >> مادري أحبطج بس بقولها بما إني مريت بكل التجارب
وعلى فكره الدكتور الهندي اللي بعيادة الحكمه أنا رايحة له >> ما عرف حق حالتي
قالي روحي حق د.عادل العصفور
بالنسبه للحكومه .. ما يسوون حق الحالات البسيطه
يعني إذا الدكتور شاف حالتج ما تحتاج عمليه >> ما يسويلج ( إلا بواسطه طبعا)
أنا لما رحت الحكومه تهزأت عند عند دكتور أشرف الله يسامحه بالأميري .. كان معطيني تحويل له دكتور عماد النجاده على أساس كنت بسوي عمليتي عنده بالبدايه ( شغلهم مع بعض غالبا) >> أخلاقه زفت .. بجاااني والله
وفوق كل هذا قالي مستحيييييل أسويلج وأنا كنت مصرررره عالعمليه
الله لا يعيدها من أيام سوده >> بالحكومه
كنت كاتبه التفاصيل من قبل .. مابي أعيدها
تبين نصيحتي >> بدووون لويه وتعب وطوالة الحكومة
علشان ترتاحين نفسيا بسسسس
روحي استشيري د.عادل العصفور أو نائل الهزيم بمستشفى السيف
مااااااااااا ارتحت إلا معاااااااااااااااهم ومحد برد جبدي غيرهم >> خبره فوق ال 20 سنه بهالمجال
فعلا دكاتره بكل ما تحمله الكلمه من معني
فاهمين بكل شي ومرت عليهم أغلب الحالات .. كانوا يشتغلوب قبل بالحكومه الحين راحوا خاص على حظنا
أنا عمليتي كانت عندهم
صوري قبل وبعد صفحه 305 و صفحه 343 إذا حابه تشوفينهم
انتي إخذي استشاره بس >> مو شرط تسوين العمليه عندهم
إذا أكدوا لج على حاجتج للعمليه وشرحولج شنو تحتاجين بالضبط واقتنعتي بكلامهم
يا انج تجمعين فلوس وتسوينها عندهم >> من مبدأ قط فلوسك بالشمس واقعد بالظلال
أو تاخذين موعد بالحكومه >> وشوووفي متى اييج الدور عاد .. عااادي عقب سنتين أو أكثر
صايره أكرههم الحكومه
بس طبعا مثل ما قلتلج إذا عندج واسطه كل شغلج يمشي
يعني إذا تبين الحكومه وضمنتي الدكتور الزين >> حطيلج واسطه علشان تمشي أمورج
وإذا احتجتي أي شي أنا موجووووووده
ودكتور عادل إذا تبيني أكلمه .. أكلمه لج مو مشكله
أنا عندي أهم شي الرااااااااااااااحه النفسيه ولا مذلة الحكومه
وهي تسولف وترد عليكم بس تمونون علي يالبيكم :fun:
