شعر بنتي اندمر

[قمر مابين البشر]

مرحبا بنات
كيف حالكم
بدخل بالموضوع على طول
انا اعاني من شعر بنتي عمرها 8 شهور
واول ماجابتها كان شعرها ماشا الله الكل يحسدني عليه
ناعم واسود وكثيف وفروة راسها ماتبين ماشا الله
المهم الحين صار عمرها 8 شهور وحسيت اللمعه من شعرها بدت تقل
مع العلم ان شعرها من الامام ناعم جدا بس قلت لمعته اصبح باهت خصوصا بعد مااغسل شعرها
والشي الثاني
ان شعرها من ورا قل حيل حتى الفروه صارت تبان وعرفت انه عادي وان هذا شعر البطن
يطيح ويطلع غيره
بس المصيبه
ان شعرها من ورا مدري كيف اوصفه
صار جاف منكوش ومتقصف لدرجة اني املي ايدي زيت شعر للاطفال واحطه بشعرها
وماابالغ
خمس دقايق بالضبط ويمتصه ويرجع منكوش وتالف ومهما امشطه يصير فيه زي العقد
مو ملفلف لا
بس كأنه محروق وصلت لكم الصوره
ونسيت ماقلت لكم بنتي بسرعه تحتر ويبدأ راسها بالتعرق خصوصا من ورا
حتى لما تنام وتصحى
شعرها من ورى متعرق مع العلم ان برودة الغرفه حلوه مو حر يعني
وانا اتوقع ان بسبب التعرق لان العرق كله املاح اثر على شعرها
المهم زبدة الموضوع
اول شي حابه اعرف متى يبدأ شعر الاطفال بالظهور بعد مايطيح شعر البطن ؟؟
وثاني سؤال
ابي حاجه استخدمها لشعر بنتي وترجع حيويته ولمعانه وكثافته
انا متخوفه من الزيوت لاني احس انها صغيره على السوالف ويمكن فروتها ماتتحمل
سمعت عن تونك فازلين للشعر
بس بعد تخوفت استخدمها لها خفت يأثر عليها
اتمنى تساعدوني بنات وافيدوني بتجاربكم
لاني حرت و الله حيرني

انتظر تفاعلكم
تحياتي
اختكم
قمر مابين البشر

 

[قمر مابين البشر]

اب اب اب

 

[برنسيسة2007]

حبيبتي اخذيها مني والله حنا شعورنا كثيفه وناعمه وطويله وحيويه بس عندنا شي اساسي خواتي وحريم اخواني متوارثينه من امي حبيبتي بس يحتاج وحده تدوووووس علا قلبها
حلقي بنتج على الصفر بس مو تودينها حلاق مكينه لاااااا
بالبيت اذا نامت حطي شامبو مركز على راسها وحكيها بالموس
انتي تأخرتي حييييل المفروض اول ما اولدت و عقب ست شهور عشان ماتضطرين اتحلقينه واهي تمشي


بس شوفي اذا وراثتكم شعركم خشن مستحيل يطلع ناعم بس كثافه وحويويه ولمعه

وشغله ثانيه اتركي شعرها للطبيعه
يعني لاتحطين زيوت وحنا وسدر
وحذار ثم حذار ثم حذار ثم حذار من انج تنشفين شعرها بالاستشوار
الاستشوار لايجي راسها
واذا عزمتي تحلقينها عالصفر
لاتحاتين شكلها اشتري باندات وكبابيس تجنننننن اترقع فيها
وبعدين مبين ان بنتج تنام على جهه وحده وهي الجهه اللي الشعر فيها قل لاتسدحينها كثير علا هلجهه نوعي يمين يسار



وطمنينا

 

[نـعـومـه]

جنج تتكلمين عن بنتي

شعرها من ورا كله يحت قالولي اهل زوجي من قبل اقرعها باليوم السابع مارضيت خفت شكل بنتي يكون قرعه والحين بديت اتحسف لو مقرعتها جان شعرها طلع الحين بس ماكو فايده من الندم

مرات اقول ودي اقرعها يمكن يتعدل بس المشكله مابقه شي عالقرقيعان والعيد ! شكلي بعد العيد بقرعها اذا ماتعدل

والشي اللي يحير انا وزوجي لما كنا يهال كانت شعورنا حيل ثقيييييييله

 

[قمر مابين البشر]

حبيبتي برنسيسه المشكله شعرنا ناعم وكثيف وزوجي شعره زين كثيف ومتوسط النعومه
حتى اهله واهلي شعرنا زين
وشكرا عزيزتي على النصيحه ماقصرتي

 

[نـعـومـه]

حبيبتي اخذيها مني والله حنا شعورنا كثيفه وناعمه وطويله وحيويه بس عندنا شي اساسي خواتي وحريم اخواني متوارثينه من امي حبيبتي بس يحتاج وحده تدوووووس علا قلبها
حلقي بنتج على الصفر بس مو تودينها حلاق مكينه لاااااا
بالبيت اذا نامت حطي شامبو مركز على راسها وحكيها بالموس
انتي تأخرتي حييييل المفروض اول ما اولدت و عقب ست شهور عشان ماتضطرين اتحلقينه واهي تمشي


بس شوفي اذا وراثتكم شعركم خشن مستحيل يطلع ناعم بس كثافه وحويويه ولمعه

وشغله ثانيه اتركي شعرها للطبيعه
يعني لاتحطين زيوت وحنا وسدر
وحذار ثم حذار ثم حذار ثم حذار من انج تنشفين شعرها بالاستشوار
الاستشوار لايجي راسها
واذا عزمتي تحلقينها عالصفر
لاتحاتين شكلها اشتري باندات وكبابيس تجنننننن اترقع فيها
وبعدين مبين ان بنتج تنام على جهه وحده وهي الجهه اللي الشعر فيها قل لاتسدحينها كثير علا هلجهه نوعي يمين يسار



وطمنينا

ليش موعند الحلاق؟

الموس اي نوع مايعورها

 

[قمر مابين البشر]

حبيبتي نعومه والله هذا القهر
ان احنا اساسا شعرنا مو خشن
ناعم وكثيف
بس والله ماندري شالحل
وخايفه ومتردده احلق شعرها


الله يعينا

 

[إم بــــرٍآك]

انا حلقت بنتي قبل الاربعين والحين طلع لهآ بس بأماكن للحين خفيف
وكل شي بوقته حلقي شعرهآ ع الصفر وترى في نآس بطبيعه شعرهم يتغير 180 درجه في وحده اعرفهآ اول مآولدت بنتهآ شعرهآ نآعم ماشاء الله بس كبرت بنتهآ تغير 180 درجه صآر خشن وغير كلش

 

[قمر مابين البشر]

عزيزتي ام براك شكرا لمرورك

بس للحين مااحد قال لي رايه بتونك فازلين استخدمه لبنتي

 

[قمر مابين البشر]

اب اب اب

 

[يارب احفظ عيالي]

انصحكم بنات بهالشامبو شعر بنتي كان متطاير وحالته حاله وهالشامبو واااااايد حسنه ونعمه وعطاه حيويه


اتعععععععب وانا اقول يهبل يهببببل هالشامبو جربوه وبتدعون لي غير ريحته الفضيعه

 

[برنسيسة2007]

ليش موعند الحلاق؟

الموس اي نوع مايعورها

مما ادري المكينه موزينه اولادنا اللي جربناهم عند حلاق اظطرينا بعد شهر انطقه بموس
المكينه اطلعه مو قوي نفس الموس
فيه امواس الرجاليه الزرقا افضل نوع اشتريه

 

[@ام يوسف@]

انا بناتي ثنتينهم حلقتهم بعمر ٤او٥ اشهر وحلقهم ابوهم بمكينه الحلاقه مالته بالبيت

 

[@ام يوسف@]

وماشاء الله شعورهم ناعمه

 

[قمر مابين البشر]

مشكوره حبيباتي على مروركم بس بالنسبه لك اختي
انا بنتي ماناسبها جنسون ابد
ماركة جنسون كلها حتى الزيت
وانا كنت استخدم لها جنسون الاصفر
والحين اخذت لها ماركة سيباميد
قريت انه حيل ناعم على الاطفال وبجربه وانشالله يفيد

 

[swanyway]

شوفي انا من الناس اللي اهلهم حلقوا لهم شعرهم وهم صغار ( حالقين شعري وعمري سنتين الله يهديك ياابوي خخخخخخخخخ )

الزبده شعري كثيف ايه قوي ومتين ايه الحمد الله , لكن نعومه عادي نفس ماهو كيرلي ماتغير عن طبيعته ولا فرقت

ترى الموية بلاوي بلاوي اذا بتسبحينها سبحيها بموية صحة + الحين خلي عنك الكريمات والدهن توها صغيره ولا شعرها ولا الفروة تتحمل لكبرت وصار عمرها سنه ونص سنتين عوديها على الحناء مع الزيت والترطيب , ماشاء الله شعر بنت اختي يجنن ناعم وكثيف وقوي و لونه عجيب , اختها الصغيرة تعيجزوا صار شعرها خفيف ومتطاير

 

[أبله أريج]

ااب

 

[قمر مابين البشر]

مشكورين حبايبي ع المرور اي والله الماي بلاوي ويخلي الشهر باهت

 

[قمر مابين البشر]

اب...

 

[hneen2]

حتي انا جنسون ماناسب بنتي