مسلسل الدروازه ومرض الطاعون معلومات حقيقية عن فترة انتشار المرض

[النبع الصافي]

فعلا المرض منتشر بذيك الفتره

وتسولف امي الله يطول بعمرها على زمان اول

يودون ناس يعالجونهم عند المداوي الشعبي يموتون

واللي يودونهم يموتون بعد سبحان الله ابتلاء الله يكفينا شر الدنيا وماغيبت به

 

[girl_in_abottle]

عسى مايسمحون موضوعج بس لانة يتكلم عن المسلسل

المهم مشكورة على الموضوع

انا بعد يوم تابعت هل مسلسل وااايد عجبني كل شي فيه

و ماهانت علي اشوف الكويت جذي تعاني من هل وباء

بس ماشالله على الكويتيين, نفسهم عزيزة , حتى بأشد الأيام ماشفناهم ذليليين

و القصر كان يوزع ماجلة على الشعب, يعني آل الصباح هذيل اهم على مر التاريخ, سهتمون بالشعب و راحتة

المسلسل يستحق المشاهدة من مافيه من صور تاريخية عن الكويت بأشد ايامها

 

[شهدQ]

حياكم الله بنات وفعلا المسلسل مايتطوف وانا توني ادري ان هالمرض قضى على هالكم الكبير من الشعب

انا اعرف ان حاشهم الجدري ايام جدتي الله يرحمها واصابو 4 من اخوانها بالعمى بسببه

 

[حناينq8]

حبيبتي شهوده

مشكووووووووووووره على انج كتبتي عن هالمسلسل


تدرين اني ما اطوف ولا حلقة وحتى الاعاده اشوفها لووووووووووووووول

وماشالله على المخرج خلانا نعيش ايام اول ايام الغوص والفرجان القديمه

وكلمن ضابط دوره وتعجبني بالمسلسل مرت ولد سعد الفرج اللي اسمها شهد ودور منصور المنصور الي اهو ابوها واللي صار فيه يعور القلب وحارس البوايه ويا ولده عبد المحسن النمر


والله اهلنا كانوا رياييل :tek:


الف تحيه لج يا عسل​

 

[هبة الحلوة]

يعطيج العافية

 

[supermarket]

المسلسل اينن وتحجى عن حقبة محد تطرق لها

وينج يافجر السعيد تتعلمين شلون تكون المسلسلات


مشكووورة شهوودة

 

[softlady]

تسلمين يا الغاليه موضوع حلو ومهم استفدت منه

 

[Pink GirL]

مشكورة شهودة
خوش موضوع

الصراحه انا توني قبل 5 او6 حلقات تابعته
وانصدمت بالاحداث انها صجية كنت ادري عن سنة الطواعين بس ماهقيتها جذي
المسلسل بدعه وهذي المسلسلات الحلوة اللي تعلمنا عن تاريخنا ونستفيد منها
ياريت كل المسلسلات تصير جذي

 

[شهدQ]

اي والله صاجين تاريخنا عريق ومانعرف عنه شي وياليت الكاتب إسماعيل فهد إسماعيل يكرر تجربته الرائعه باعمال تعكس شخصية الشعب الكويتي الاصيل الصبور

 

[حناينq8]

اي والله صاجين تاريخنا عريق ومانعرف عنه شي وياليت الكاتب إسماعيل فهد إسماعيل يكرر تجربته الرائعه باعمال تعكس شخصية الشعب الكويتي الاصيل الصبور

حبيبتي شهد

كاتب المسلسل مو اسماعيل فهد

لا اعتقد انه ولد بودي

لان سوو معاه مقابله عقب رمضان

 

[شهدQ]

حبيبتي شهد

كاتب المسلسل مو اسماعيل فهد

لا اعتقد انه ولد بودي

لان سوو معاه مقابله عقب رمضان

اي صحيح حصل لبس

الكاتب هيثم بودي

وكاتب الحوار اهوا اسماعيل فهد عذرا

 

[SPIDER-WOMEN]

خووووش مسلسل بس يضيق الخلق ويدتي تسولف علينا انه اخر مرة المرض حاش الكويت كان يدي الي اهو زوجها ملحق مع امه واخوان وانهم نخشو بغرفة لين راح المرض

 

[نــور1]

جزاج الله كل خير على هالمعلومات

فعلا هالمرض قديما خطير واى بلد فيه هالمرض ايسافرون له وان دخل له الشخص وكان اهل الديرة فيهم طاعون مايطلع من الديرة لانه اكيد بينقل الوباء لديرته لما يرجع لها

 

[Om Sgair]

يسلمووو حبوبتي الله يكافينا وياج الشر

 

[MissChoco]

مشكوره حياتي ويعطيج العافيه ..

 

[ماما_عودا]

من اقوى المسلسلات

انا قاريه كذا كتاب عن الطاعون واستمتعت وانا اشوف المسلسل

يعطيج العافيه اختي

 

[دندونة]

للاسف ما تابعته........ بس اذا انعاد راح اتابعه مبين انه خوووووووووش مسلسل

 

[amazing_heart]

ما شا الله عليكم بنات .. صج امتابعين ..
انا ما شفته برمضان .. لكن الحين انا واختي ما انطوف حلقاته ... لا ونشوف الأعاده بعد ..
بس بقول لكم .. ما اتشوفون ان تقريبا نفس الأحداث .. صارت ايام الغزو العراقي . ؟؟ يعني .. الناس اللي اتركوا الديرة هروبا .. بحياتهم .. تواجد الناس بمنازلهم .. انعدام الحياة الاجتماعية والتواصل .. توزيع المؤونه والطعام .. وجود الدروازة كساتر وحماية للديرة ... ابصراحة الغزو كان طاعون القرن التاسع عشر ...

 

[معالي للعلا راسي عالي]

انا متابعته ولا اطوف منه حلقه
يعرض الساعه 12 ونص ليلا علي الوطن
وينعاد الساعه 6 على الوطن بلاس

 

[αlωαяdн]

حلو المسلسل

مع اني ماتابعته للأسف بس شفت لقطات منه

والله يكافينا واياكم شر الأمراض

مشكووووورة ياشهد عالموضوع الحلوو