تجمع صيف ماليزيا 2012

[الله يخليهم لي]

الهنوف كوكا وينكم نبي اخبارزييييييزا

 

[كراميلو]

سمر &شيخة الحلوين
جزاكم الله خير والله يرحم اموات المسلمين

 

[حظ من عنده انا]

بنات اللي بماليزيا الحين


جم اخذ معاي فلوس


خلو التسوق اقصد المصاريف


عشان زوجي يحسب حسابه مانبي نتوهق


وانا بتسوق جم اخذ معاي

 

[sadeem yam yam]

اي ۈ اللَّھ وانا بعد نفس السوال
ياليت يردون البنات

شكثر احتجتو ميزانيه بَـسّ حق التمشي لاتدخلون التسوق بالحسبه لانه مو مقياس لاعب بالميزانيه لعب لوووول

 

[my world]

سبحان الله الناس اذواق

ناس اطير دبي و مصر لي السما و ناس اطيح حظ ماليزيا

 

[my world]

بنات ساعدوني ماني عارفه احول فلوسي ماليزي كلها ولا اعتمد على مكاين الصرف مالت بنك التمويل الكويتي ولا اذا رحت مجمعات استخدم الكي نت ولا شنو ؟؟؟؟؟

 

[الشيرازية]

وينج الهنوف وينج كولا شكلكم نسيتو انا في ناس تنطر سوالفكم

 

[سمرq8]

ماي وورلد ...
حياي انا سمعت ان الكنت في بوق احسن لج صرفي من اهني عشان ماتتوهقين ...
وبسالفت ناس طير مصر ودبي على حسب اللي يعجبج يعني انا من الناس اللي ارتاح في هالديرتين ورحت اوربا ورحت الخليج كلها بس ماحبيت الا مصر ودبي وماليزياا حيل خايفه منه واحساسي اني ماراح ارتاح فيهااا ويمكن انتي حبيتي ماليزيا وماحبيتي دبي ومصر مو معناته انج طيحتي حظهم لا بس راحتج لقيتيهاا اهنااك انا عن نفسي راحتي بمصر ودبي الصرااحه دبي حيل روعه بشهر 2 و3 ومصر بالصيفي خياليه وكلها وناسه وسهر وعلى النيل اجوااء حلووه ومريحه بنسبه لي

وشكراً ​

 

[سمرq8]

الشرازيه ...
كولا شكلهااا مستانسا لان اخر شي كتبته ان الديره حلوه وتونس وعجيبه واهي حيل مستانسهاااا
(الله يديمهاا من وناسه)
اما
الهنووف فشكلهاا لي الحين قاعده توزع الهدياااا ههههههههههههههههه​

 

[الله يخليهم لي]

وينج الهنوف بالبداية الحمدالله السلامة نبي التقرير لا اطولين علينا

 

[الشيرازية]

اي والله سمر شكلهم جذي يالله عليهم بالعافيه والله لايغير عليهم وناستهم والفال للي ناوين يروحون

 

[ركازية]

واااااي بنات توني قريت ان السوق الصيني يخوووف وخااايس وفيه بوق ونصب

انا طيارتي الاربعاء ان شاء الله وينج كولا طمنيني

 

[نـازك الملائكة]

حتى أنا شايله السوق الصيني والليلي من الجدول ابي اختي تبيه تقول اهم شيء
الله يعينا على الزحمه فيه

 

[كوكا كولا]

هااااي بنات
اليوم اخر يوم بلنكاوي حساااااافه حبيتها حيل
تمنينا لو مطولين المدة اكثر روووووعه هالجزيره خيال وطبيعه بغض النظر عن الجو بس خيال لنكاوي عشقتها
الجو اليوم الصبح عجيب قعدت على صوت المطر ولما وقف رحنا نتريق
المنتجع بيلانقي بيتش حده عجييييييب احنا مكاننا قبال البحر وصاد الحمدلله وحلوووو حيل لدرجه اطلع من غير لا البس ملفعي وهدوم عادي
التفصخ اكثر شي صوب حمام السباحه والشاطي الي وراه اما الشاطي الي اخر شي عجيب وهدوء حيل
جو لنكاوي وايد شرح رطب شوي بس الهوا نسنااااااس عجيب احلئ من جو كوالالمبور حيل

طيارتنا بعد ٣ ساعات
لي وصلت كوالالمبور في جولات سياحية ما خذيناها وراح ابدأ بالتسوق ان شاء الله
في اماكن كنسلناها لان ما تسوى
نطروا ردتي علشان اعطيكم كل التفاصيل
التكاسي زلغتنا زلغ بّـڛ المصاريف بشكل عام مو غالية بس التكاسي

 

[كوكا كولا]

انا بروح السوق الصيني ان شاء الله
عادي مافيه خوف ترا اغلبه عرب يتسوقون فيه
بس يبيله مكاسر شوي

 

[كوكا كولا]

احلى صوره من لنكاوي رحلة المانغروف

http://i.imgur.com/2j3TS.jpg

 

[كوكا كولا]

الي عندها استفسارات تسدحها بسرعه
علشان ارد عليها لي رحت المطار بعد شوي

 

[أحلى همبه كويتية]

احلى صوره من لنكاوي رحلة المانغروف

http://i.imgur.com/2j3TS.jpg

عليكم بالف عافية حبيبتي
الصورة مو طالعة

طلعتها لج عشان البنات يشوووووووووووووفون الجمال

:eh_s(7)::eh_s(7)::eh_s(7)::rerrerek::ggdw::rerrerek::rerrerek:

 

[كوكا كولا]

تسلمييييين يا احلى همبه
اي ما اقدر احط الا رابط ساعديني لوووول
بس ترا تصوير الكاميرا احلى
هذا تصوير الايفون
خل ارد ان شاء الله واحط لكم احلى تقرير تفصيلي
عجيب مطعم مينق رين الي بجنتنق ياحللللوه لذيذ اكله بس مو غالي
تقريبا مثل اسعار مطاعم الكويت وارخص بشوي بعد بس حدددده لذيذ عجبني
انا توني واصله مطار كوالالمبور وبالدرب رايحه الفندق
راح ابدي اتسوق شوي شوي
عطيني اسامي احلى مجمعات كوالالمبور

 

[كوكا كولا]

كنسلت افاموسا مانبي حديقه حيوانات وبعد زلغونا باسعار التكاسي
بناخذ جم جوله بس كافي