رد: اصحــــوا بليز ! اعتراف خطير من جنرال امريكي باحتلال 7 دول خلال 5 سنوات !!
قتل الماسونيين لمايكل جاكسون ..
طبعا كعادتهم يقتلون المشاهير ويخلونه يبين على انه انتحار او اكتئاب او ادمان
مــــا اتخيلون شكثر شطار بهالشي ..
الطريقه الوحيده بهوليوود عشان الشخص يكون مشهور ان الماسونيه
تسمحله اول ان يكون مشهور !
والمغني اللي يرفض يغني اغاني فيها كلمات شيطانيه او رسايل بالباك جراوند
يدمرونه واللي يتكلم عنهم ويقول الصج يقتلونه بكل سهوله وبدم بارد
مايكل بالبدايه كان يغني هالاغاني
لكن
رفض ان يسوي هالشي اكثر وماكان مقتنع بهالشي ابدا
خصوصا ان معروف عنه ان جدا طيب ويعتبر " ناشط انساني "
بس بالبدايه كان يغني .. والدليل البومه المشهور حييييييل ببداياته
اللي الكل يعرفه " dangerous "
هالالبوم للاسف كله رسايل شيطانيه
صوره الالبوم
العين مع الهرم باللون الاحمر على اليمين .. ورموز واااايد غير مفهومه وغريبه
حركه الايد
بس قرر ان يطلع منهم لان مو مقنتع ولا يبي هالشي وهالتلاعب اكثر ..
ورفض ان يغني اي شي من هالنوع !
قاموا ك " تهديد " وتسببوا بمرضه الجلدي المعروف vitiligo ان تحول ابيض
غير جذي اهما يبون الناس تتذكر اسطوره كبيره مثله على ان ابيض مو اسود
وكون ان يكون ملك البوب " اسود " يتعارض مع معتقداتهم الشيطانيه ..
فالادويه اللي كان ياخذها كانت تثير المرض + اتخلينه مرن قابل للتاثير
وبمقابلته مع اوبرا قال انا مو فاهم شنو فيني ولا اقدر اسيطر على هالمرض
وبمقابله ثانيه اتهمته المذيعه ان معادي للساميه من كلمات اغنيته
" they dont care about us " او احنا مو هامينهم
Will me, thrill me. You can never kill me. Jew me, sue me. Everybody do me. Kick me, kike me. Don't you black or white me.
بما معناه صمموا علي هيجوا علي ماتقدرون تقتلوني .. هودوني قاضوني طقوني
لا اتخلوني ابيض او اسود ( ممكن قصده عن العنصريه وممكن عن مرضه )
فالمذيعه اتهمته ان كلمه هودوني عنصريه
قالها بوضوح : انا لما قلت جذي قعد اتكلم عن نفسي اني ضحيه اهني !
وبالكليب كان لابس شعار السلام وبالبدايه كان يغني
يم شكل العين مرسومه بالاحمر عالطوفه " يعني رساله وااضحه ان الكلام موجه للماسونيه "
ومن الكلمات بعد
ان لو كان مارتن لوثر كنج ( مدافع عن حقوق السود ) موجود كان ما خلا هذا يصير
اهني يصرح انهم " يكرهون السود "
كلمات هالاغنيه وايد كانت صريحه بس ماراح احطها لانها طويله .. ومايكل تكلم
شلون اهوا ضحيه وتكلم عنهم
من خلال كلمات الاغنيه " نفس الطريقه اللي يستخدمونها "
وطبعا استنفروا !
لان الاغاني اللي يقدمونها كلها تستهدف المخ وترسل موجات ترفع مستوى الدوبامين
فالعقل الباطن يرددها + انها تعطي شعور حلو
وطبعا اهما ما يبون مخ المشاهد يكرر " they dont care about us " !
الموسيقى لها تاثير كبير عالشخص
ممكن انها تتلاعب فيه .. تاثر على مزاجه .. اتخليه يسوي اشياء
او حتى اتبرمجه !
ولما طلع منهم اغانيه ماقامت اتصير بالمركز الاول بامريكا
في واحد ساله ليش !؟
قال : اغانيي بالمركز الاول بالعالم ماعدا امريكا بعدين تغير ويهاا قال
مابي اتكلم اكثر خلاص ! اصر عليه بعدين قال اهيا " مؤامره " !
وعنده فيديو كليب ثاني استفزهم فيه بعد ..
ان يطهر نفسه واصوات غريبه تصرخ عليه وبعدها يسجد بالماي
ويكسر هاللوحه " royal arms hotels "
بما معناه ايدي النخبه " الماسونيه "
الفيديو كليبات والكلمات ترى دايما متروسه رسايل بس الناس ما تنتبه ..
اهني عاد قالوا
STOP كافي
الفيديوات اللي يسويها اوفر ولازم انوقفه عند حده ..
لمده 17 سنه حاولوا يشوهون صورته بكل الطرق بس افشلوا لان عنده
ملاييين من المعجبين
يبون ياذونه
جسديا وعقليا
اتهموه بالتحرش باليهال
انتقموا منه باكثر شي اهوا يحبه واللي اهوا اليهال اللي يستقبلهم يوميا ببلاش
عنده بالملاهي وحتى ينامون يمه
يطنزون على شكله طول الوقت ..
قالوا عنه ان مينون وغريب لان يغطي ويه عياله ..
بس اهوا يدري بخبث ومرض هالفئه فقعد يحمي عياله عشان ماينعرفون وياذونهم
وعلى الرغم من كل هذا ظل يحب الناس ومعجبينه وظل " ناشط انساني "
ويقابل الناس بابتسامه وهدوء ومافقد اعصابه
وطلع بمؤتمر
وقال خلاص انا تعبت فعلا تعبت من التلاعب وتلاعب الصحافه وجذبهم
لازم اتعرفون انها مؤامره
حولوني بيوم من ليله من اشهر شخص بالموسيقى لي مينون ومتحرش باليهال
وقال بس خلاص هذا وقت التغيير
ما اقتلوه وقتها لان يدرون ان راح اتصير ضجه + يبون ينطرون الوقت المناسب
عشان يتناسب تاريخ قتله مع ال numerology .. ارقام معينه ..
تاريخ 13-5-2005 .. اهل مايكل دقوا على صديق حيل مقرب له Dick Gregory
ووصوه ان يروح يشوف مايكل لان تعبان ..
اول ماشافه مايكل قاله بليييز لا اتخليني قعد يحاولون يقتلوني !!
ساله رفيجه لان شافه تعبان من متى مو ماكل شي او شارب !؟
قاله راح يسمموني وكان حيل خايف وتعبان
وداه مستشفى قريب احقنوه سؤائل وظل يوم كامل
الدكتور قال 11 ساعه بعد وكان راح يكون ميت .. هالجفاف واصل !
يعني من هالكلام
كانت هاذي اول محاوله لقتل مايكل جاكسون
لاحظوا ان صارت بشهر 5 .. نفس الشهر اللي اقتلوه فيه !
وهذا اكبر دليل على كلامي انهم يهتمون بشكل كبير بالارقام
طبعا افشلوا ان يقتلونه ..
وبعد تخطيط قرروا يستخدمون طبيبه اللي يثق فيه
وحقنه بجرعه زايده من الدوا
الصدمه كان لقاء مع اخته بعد وفاته
قالت اول ما سمعت بالخبر من امي على طول قلت منو !؟ ماقلت ليش ولا شلون
لا منو !؟
لان كان وااايد يقول هالشي لنا ان راح يقتلونه وان راح يموت
لما سالها المذيع منو ؟
سكتت فتره بطريقه غريبه وقالت في جم واحد متورط !
وهالدكتور اهوا ويه المدفع في ناس وراه ..
شوفوا رده فعلها سحبوا الفيديو لي الدقيقه 20 : 1
Why the Illuminati killed Michael Jackson Part - 4 - YouTube
واخوه جيرمن تكلم على قناه العربيه
قال ان مايكل جدا طيب ومثالي ومهتم ان يعطي ولا ياخذ
وقتله كان مخطط من الحكومه الامريكيه
وبجى باللقاء
كان مؤثر
سحبوا الفيديو لي الدقيقه 22 : 3 ( مترجم )
Why the Illuminati killed Michael Jackson Part - 4 - YouTube
ومايكل كان على وشك ان يسلم ولو اسلم كانت راح اتكون كارثه لهم !
وهالصور لقيتها وانا ابحث بالعربي عن هالبرنامج
باختصار خبثهم واجرامهم ماله حد .. وهذا شي من لا شي
.. تسلميين بصراحه تعبت عليه من تجميع وترجمه وشرح 
