اختكم من دبي في خدمتكم

[لؤلؤة دبي]

حبيبتي بغيت اسئلج وين القى زمزميات ( دفايات القهوه و الشاي ) الجديده*في اي سؤؤق .؟

السوق القديم في الشارقة محل اسمه بر وبحر

محل سان ماركو في مركز ابن سوقات قريب من مطار دبي الدولي

 

[لؤلؤة دبي]

فيج الخير والبركة ماقصرتي

تسلمين حبيبتي

 

[صعب آلمنال]

السوق القديم في الشارقة محل اسمه بر وبحر

محل سان ماركو في مركز ابن سوقات قريب من مطار دبي الدولي

مشكؤؤره قلبؤؤؤ

المراكز التجارية مثل دبي مول وبرج خليفة والنافورة الراقصة والاماارت مول وفاستيفال سيتي ومردف سيتي سنتر وابن بطوطة

الحدائق المائية في اتلانتس والوايلد وادي

قرية البوم السياحية

مرسي دبي

سوق التنين

سوق التنين هو سوق الصيني صح .؟

 

[لؤلؤة دبي]

يعطيك العافيه حبيبتي جهد واضح تشكرين عليه

ابي اسالك عن ليديز كلوب ايش فيه غير البحر ؟

وانا رحت وايلد وادي

ايش افضل هو ولا وايلد وادي

و اي يوم تكون فيه الوايلد وادي للحريم بس ?

نادي دبي للسيدات هو نادي متخصص للسيدات فيه نادي صحي وسبا وصالون وتنظم الكثير من الفعاليات والحلقات التربوية والثقافية وتطور مهارات السيدات في مختلف المجالات من فنون ورياضة وأزياء إلى القضايا الإنسانية والخيرية.

ليلة السيدات في الوايلد وادي أيام الجمعة إلى جانب الخميس في شهر يونيو، ويوليو، وأغسطس (فيما عدا فترة شهر رمضان المبارك).

 

[لؤلؤة دبي]

مشكوووووورة عالجهد يعطيه العافيه

ابي اسأل عن المواصلات وطريقة استخدام المترو و وين مكانه ؟؟
وعالم فراري شلون أروحله بطريقة سهله يعني مايصير بالمترو من دبي الى أبوظبي
وكم المسافة بين دبي وبوظبي ؟
وأبي مدينة ملاهي بدبي على مستوى يعني تصلح للكبار

وشكرا مقدما ؛)

حبيبتي الحين كل مكان بدبي فقط تقدرين تروحينه بالمترو واول ما تدخلين المحطة شي استعلامات تقدرين تسالينهم اي شي وعقب تشترين التذاكر و أسعار تذاكر المترو معقولة للغاية وتبدأ من 1.80 درهماً لكل رحلة

وتتألف شبكة المترو من خطين: الخط الأحمر والخط الأخضر واللذين يغطيان مسارات ووجهات متعددة.. توجد أيضاً مقصورة خاصة للنساء والأطفال ورحلات بالدرجة الفضية والذهبية.


والمسافة بين دبي وابوظبي تقريبا ساعتين بالسيارة وماشي مترو لين ابوظبي

وملاهي بدبي انصحج اتروحين اتلانتس

 

[لؤلؤة دبي]

مشكؤؤره قلبؤؤؤ



سوق التنين هو سوق الصيني صح .؟

هي حبيبتي

 

[لؤلؤة دبي]

لولوة حبيبتي تعرفين حريم يصممون عبايات وجلابيات راقية في البيت في دبي والشارجة؟؟ انشالله انا رايحة الاسبوع الياي ابي اسوي للعيد والجامعة مرة وحدة
ويعطيج الف عافية

دار الوعد في الشارقة
دار المزري في الشارقة
جوري الكويت في الشارقة
ميسون الاميري في مردف
مها خان في منطقة ند الحمر
دار البدور للازياء في منطقة البرشاء
دار نون هوت كوتور بالقرب من سوق التينين
فريال البستكي
البيت البحريني
اليشمك

 

[نسرين شام]

انشاالله تروحو وتيجو بالسلامة حبيباتي وانشاءالله تكونوا مبسوطين دوم ياحسرة علينا الحصار محاصرنا في كل مكان مو باقي غير الهوا يمنعوة عنا والله انا مني حاسدكم لانكم اخواتي والله يهنيكم ويسعدكم وما شاء الله عليكم

 

[غارقة بأحزانها]

السلام عليكم
الله يعطيج العافية

حبيبتي انا راح اكون في دبي ان شاء الله يوم الخميس
وبصراحة مو ياية اتسوق فترة اقامتي راح تكون يومين
انا وزوجي (( تجديد شهر عسل))
ابي اماكن تكون هادية ورومنسية يعني عندكم كروز ( عشا بالبحر ) بس مو الخشب اللي بحديقة الخور
ابي شي فخم والمكان يكون بارد وبنفس الوقت عائلي مو يعني عفوا رقاصة ومشروب وجي لا

طبعا راح ندش سينما والمجمعات الحلوة احنا حافظينها ( وايد اروح دبي)
وطبعا ودي اشوف النافورة ماشفتها اهي بدبي مول ؟؟

ويعني عطيني اقتراحاتج
زوجي يحب المطاعم الهندية
شنو احسن مطعم هندي راقي يصلح حق مناسبتنا

ومشكورة يالغلا

 

[غـــــلاM]

السلام عليكم
الله يجزاج خير ع المجهود الطيب

انا بجي عندكم ع الاحد الجاي ان شالله
بقعد لي الخميس
بنسكن بفندق كمبنسكي مول الامارات انا وزوجي

1- ابي صالون نسائي حلوووووو يكون يم الفندق
2- ابي محلات عبايات وملافع كشخه للدوام لاني مدرسه
3- ابي محلات تبيع خام حرير قطن اماراتي مطرز شوارفسكي
4- ابي مكان رومانسي وحلو عشان عيد ميلادي
5- احلا مول لدخول السينما

وشكرا يالغلا

 

[صعب آلمنال]

حبيبتي الاوتلت مول وين مكانه ...؟

 

[لؤلؤة دبي]

السلام عليكم
الله يعطيج العافية

حبيبتي انا راح اكون في دبي ان شاء الله يوم الخميس
وبصراحة مو ياية اتسوق فترة اقامتي راح تكون يومين
انا وزوجي (( تجديد شهر عسل))
ابي اماكن تكون هادية ورومنسية يعني عندكم كروز ( عشا بالبحر ) بس مو الخشب اللي بحديقة الخور
ابي شي فخم والمكان يكون بارد وبنفس الوقت عائلي مو يعني عفوا رقاصة ومشروب وجي لا

طبعا راح ندش سينما والمجمعات الحلوة احنا حافظينها ( وايد اروح دبي)
وطبعا ودي اشوف النافورة ماشفتها اهي بدبي مول ؟؟

ويعني عطيني اقتراحاتج
زوجي يحب المطاعم الهندية
شنو احسن مطعم هندي راقي يصلح حق مناسبتنا

ومشكورة يالغلا

النافورة الراقصة موجودة في دبي مول
والمطاعم الهندية انصحج بقصر الهند
المطعم الهندي إللي في فندق أرماني دبي

المطاعم الرومانسية

مطعم ماكولات بحريه في marina walk
مطعم اماسينا في الريتز كارلتون في ممشى جميرا
مطعم الدوار في حياة ريجنسي
مطعم صدف
مطعم فندق حياة جراند
مطاعم وافي سيتي
مطاعم فاستيفال سيتي الخارجية
مطاعم فندق اتنلانتس
مطاعم برج العرب
مطاعم برج خليفة
مطعم البر والبحر في الشارقة

 

[لؤلؤة دبي]

السلام عليكم
الله يجزاج خير ع المجهود الطيب

انا بجي عندكم ع الاحد الجاي ان شالله
بقعد لي الخميس
بنسكن بفندق كمبنسكي مول الامارات انا وزوجي

1- ابي صالون نسائي حلوووووو يكون يم الفندق
2- ابي محلات عبايات وملافع كشخه للدوام لاني مدرسه
3- ابي محلات تبيع خام حرير قطن اماراتي مطرز شوارفسكي
4- ابي مكان رومانسي وحلو عشان عيد ميلادي
5- احلا مول لدخول السينما

وشكرا يالغلا

هلا فيج اختي

صالون نسائي انصحج اتروحين جدراند فلورا في جميرا
ومحلات عبايات سيري مركز ابوهيل او العبايا مول في مردف
ومحلات للحرير روحي سوق الوصل ونايف او سوق القديم في الشارقة
والاماكن الرومانسية انصحج اتروحين فندق برج العرب او فندق ميناء السلام او فندق رويال ميراج
واحلى مول من وجهه نظري دبي مول او مردف سيتي سنتر واختاري قاعات vip

 

[لؤلؤة دبي]

حبيبتي الاوتلت مول وين مكانه ...؟

موجود في بداية شارع دبي والعين بعد جامعة زايد

 

[صعب آلمنال]

موجود في بداية شارع دبي والعين بعد جامعة زايد

تسلمين ي بععدي

 

[زدجالية و افتخر]

هلا حبيبتي موضووعج روعة

انا الاثنين انشالله رايحة دبي

ابي استفسر عن سوق الكرامة ووين موقعه بالضبط ؟؟ وشنو بضاعته و هل ييستاهل اني اروحله لأني ابي شنط تقليد و جواتي و جذي بس ما عندي وقت اروح التنين و انا بقعد ليلتين بس يعني 3 ايام ؟؟
اذا ما يستاهل وين تنصحين اروح ؟؟ من وين اخذ شنط تقليد و جواتي ؟؟ ابي هرمز تقليد .. واب جواتي كعب حلوووة و كشخة و بعد فلاتات راقية وانيقة .....

مساعدتج

 

[لؤلؤة دبي]

هلا حبيبتي موضووعج روعة

انا الاثنين انشالله رايحة دبي

ابي استفسر عن سوق الكرامة ووين موقعه بالضبط ؟؟ وشنو بضاعته و هل ييستاهل اني اروحله لأني ابي شنط تقليد و جواتي و جذي بس ما عندي وقت اروح التنين و انا بقعد ليلتين بس يعني 3 ايام ؟؟
اذا ما يستاهل وين تنصحين اروح ؟؟ من وين اخذ شنط تقليد و جواتي ؟؟ ابي هرمز تقليد .. واب جواتي كعب حلوووة و كشخة و بعد فلاتات راقية وانيقة .....

مساعدتج

هلا اختي سوق الكرامة بعد مركز لامسي بلازا وفيه العديد من محلات الملابس والاحذية والشنط والساعات بمختلف الاشكال والالوان

 

[صعب آلمنال]

السلامـ .. حبيبتي بغيت لبس حلؤ للعيد حق البنات كبار و صغار في اي مجمع القى لبس ذرب و حلؤ .؟

 

[محبه الهآشمي]

لبس اليهال دبي مول - امارتس مول ولا مردف ^^

 

[صعب آلمنال]

^^^


تسسلمممين ي قلبي