روايتي الأولي ( صدفـــــــــــــــــــــة )

[asoom al3eesa]

بسم الله الرحمن الرحيم
الجزء الثالث

​

اسماء ( هيييييييي شـ شنو هـ هذا ؟)​

​

اسماء : منو انت ؟​

ساهر (عامل في المزرعه من اصول عربية ) : انا اسف ما كنت ادري انه في احد​

اسماء : وانت شعندك بالمزرعه ؟​

ساهر : انا اشتغل بالمزرعه .. انتي منو ؟ وشعندج هني ؟​

اسماء : انا طالبة بالمدرسه معاقبه وراح اقعد بالمزرعه اسبوع واشتغل معاكم​

ساهر بخبث : اسبووع .. هممم اوك​

اسماء ما ارتاحت له : عن اذنك​

وفي المطبخ اسماء قاعده تتريق​

دخل عليها شخص طوووويل وعريييض وصاحب بشره سمراء .. ملامحه ما تطمن وبلحظه حست انه سفاح هههههه​

جيمس بحده : قومي​

اسماء فزت من مكانها ( صوته بروحه فلم رعب ) : نـ نعم​

جيمس : انا جيمس المشرف على المزرعه و راح تشتغلين تحت امرتي​

اسماء بلعت ريجها : اوك​

جيمس : تعال اقولج شنو تسوين​

اسماء مشت وراه وحست انها قزمه بالنسبه له​

جيمس : برنامجج اليومي راح يكون | اول شي تنظفين حضيره البقر والاحصنه وبعدها للدياي تعطينهم اكل وتاخذين البيض​

ولما تخلصين تروحين للحقول وتشتغلين بالارض وبعدها عندج استراحه الغدا نص ساعه وبعدها تحلبين البقر​

اسماء بغت تحوشها جلطه ( ماحب الحيوانات ماحب الحيوانات )​

وبعدها تغسلين الاحصنه واخيرا تنظفين البيت كله غرفه غرفه واذا شفت تمرد منج او تقصير راح ازيد الشغل ولا تنسين انج راح تطبخين الغدا والعشا لكل العاملين​

اسماء ( لي هني وبس عاد ) : انت شنو ناوي تذبحني !!​

جيمس : انتي هني عشان تنفذين مو تتشرطين و اي كلمه زياده راح ازيد عليج​

بدر قاعد من الصبح و ضميره يأنبه​

سالم : شفيك بدير ؟​

بدر مهموم : مافيني شي​

سسالم : تحاتي البنت صح ؟​

بدر مايقدر يجذب .. سالم فاهمه : اي​

سالم : ترا تقدر تروح وتكلم الرئيس يعفو عنها​

بدر بحقد : لاا خلها تولي​

سالم هز راسه بأسى .. يعرف بدر مستحيل يتراجع عن شي او يعترف بغلطه​

اسماء في حضيره البقر : ويييع ويييع شهالريحه ياربي​

....: جم يوم واتعودين​

اسماء لفت تشوف صاحب الصوت : ساهر !!​

ساهر : اي شفيج​

اسماء : شتبي ؟​

ساهر : جيمس كلفني اتابع شغلج​

اسماء : مو لازم​

ساهر : اشتغلي اشتغلي ولا والله كلمة وحده اقولها عنج تروحين ورا الشمس​

اسماء سكتت ماتقدر تعارض واندمجت بالشغل​

(اوف اوف ماحب احد يخزني .. عسى عيونك البط .. نظراته توترني ماقدر اشتغل )​

اسماء : ممكن ما تطالعني جذي​

ساهر بنص ابتسامه : انا اشوف اللي ابي وبالطريقة اللي ابي​

اسماء : بس انا ماعرف اشتغل واحد يشوفني​

ساهر قرب منها واااايد : لو تبين اشتغل عنج ماعندي مانع​

اسماء توترت من قربه : لا لا مشكور بس وخر عني​

ساهر قرب اكثر ومسك ايدها : ان شاء كل اسبوع اتعاقبين عشان نصبح ونمسي بهالويه الحسن​

اسماء حاولت تسحب ايدها بس ماكو فايده ساهر كان اقوى منها : وخر عني يا حقير​

ساهر : كل شي منج عسل يا عسل​

اسماء دزت بأقوى من عندها : وخرررررررررر​

ساهر وخر عنها : اليوم سماح بس مره ثانية انسي (وراح )​

اسماء : شنو شيقصد !!​

مر الاسبوع على اسماء بطييييييييييييئ وماكنت تنام .. كان نومها مقطع من الخوف​

تخاف باي لحظه شخص يدخل عليها .. غير ساهر اللي مسود عيشتها وجيمس اللي مافي بقلبه رحمه وشكثر صارت لها مواقف ومنها .........​

كانت بالمطبخ تشرب ماي ودخل عليها ساهر واهي ماتحب تقعد معاه بمكان واحد ومشت تبي تطلع بس ساهر اعترض طريجها​

لفت يمين لف يمين لفت يسار لف يسار​

اسماء : وخر​

ساهر : بس بقولج شي​

اسماء : شنو​

ساهر قرب منها حييييل لدرجه انه مايفصل بينهم شي​

ساهر : انا ابي منج شي واحد بس اذا نفذتيه ماراح تشوفين ويهي​

اسماء تبي تخلص : شنو شتبي​

ساهر قرب منها وهمس باذنها : ابي ..........​

اسماء جنه احد معطيها كف : مستحيييييييل وخر عني​

ساهر : انا باخذه منج فخليها برضاج احسن​

اسماء : باحلامك​

ساهر ما انتظر اكثر وثبتها بأيده بقوه​

اسماء تصرخ : وخررر جييييمس جيييييييمس​

ساهر ولا جنه يسمع​

اسماء تعبت من الصراخ و داست على ريله بقوووه​

ساهر صرخ : ااااخ يالـ ....​

اسماء استغلت الفرصه وانحاشت​

دخلت غرفتها وقفلت الباب مرتين وانهارت​

​

​

بدر متردد يقول لسالم ولا لا​

سالم :بدر فيك شي​

بدر : لا لا مافيني شي​

وبعد دقايق​

بدر : سلوم​

سالم : انا قايل فيك شي .. قول قول​

بدر : ودي اتطمن عليها​

سالم : منو​

بدر : اسماء​

سالم : منو اسماء ؟​

بدر : البنت اللي شفناها​

سالم : اهااا .. تطمن عليها احد ماسكك​

بدر : لا لا خلاص مابي​

سالم : اي ليييييش عاد .. انت مو قلت انها يتيمه وانت ماقصرت فيها​

بدر: ااه عاد اليوم يصير لها اسبوع ويخلص العقاب​

سالم : حلوو روح المدرسه وتطمن عليها​

بدر : لا خلها باجر احسن​

سالم : باجر باجر​

 

[asoom al3eesa]

اسماء رجعت للمدرسه ودخلت غرفتها وشافت لانا تكتب واجباتها​

اسماء : لاااااااااااناااااااااااااااااااا​

لانا : اسووووم​

اسماء راحت وحضنت لانا وانفجرت بجي​

لانا : اسماء اسم الله عليج شفيج ؟​

اسماء : بغيت امووووت​

لانا : اسماء فهميني شصاير​

اسماء قالت لها كل شي من اول ماركبت مع بدر بالسياره الى اخر يوم بالمزرعه​

لانا عصبت : صج هالبدر حقير والله احقر منه ساهر​

اسماء مازالت تبجي بدون توقف وشكلها يعور القلب​

دخلت اقنس عالبنات : اسماء الرئيس يبيج​

اسماء مسحت دموعها وراحت مع اقنس​

الرئيس : اسماء انا بدخل بالموضوع على طول بدون مقدمات​

اسماء حطت ايدها على قلبها​

الرئيس : انتي تعرفين قصتج وشلون وصلتي لدار الرعاية ؟​

اسماء : اي اعرفها​

الرئيس نزل راسه : بس اللي ماتعرفينه انه لما استلموج دار الرعاية كان معاج صندوق من امج​

اسماء بصدمه : امي !!!!!!!!!!​

الرئيس : اي امج وكانت طالبه انج ماتستلمين هالصندوق الا لما تكبرين​

اسماء : وينه هالصندوق ؟​

الرئيس : هذا اللي جدامج​

اسماء من طاحت عينها عليه حست باحساس غريب يمكن الانتماء​

الرئيس : انا مقدر صدمتج .. تقدرين تاخذين الصندوق وتتفضلين لغرفتج​

اسماء ماصدقت على طوووول خذت الصندوق وانطلقت لغرفتها وقالت لـ لانا الحوار اللي تم بينها وبين الرئيس​

لانا : يلا فتحيه عاد​

اسماء : خايفة​

لانا : شنو بياكلج الصندوق​

اسماء شافتها وشافت نظره التشجيع من لانا​

اسماء : بسم الله​

فتحت الصندوق وعلى طول طاحت عينها على ظرف .. فتحته ولقت رسالة​

الى بنتي الغالية اسماء​

لما تقرين هالرسالة راح اكون فارقت هالحياه .. ابيج تعرفين انج مو بنت حرام .. انا كنت متزوجه ابوج بعقد صحيح وحلمت منه .. بس ابوج تزوجني بدون علم اهله .. ولما عرف اني حامل سافر وقال بيعلم اهله عن زواجنا بس انصدمت انه مارجعت و وصلني تهديد من عايلته اني ماعترف بهالزواج .. واهل ابوج ناس لهم نفوذ واسمهم يجبر اي شخص يخاف منهم .. قررت انفي هالزواج وشاع خبر اني حملت من شخص كويتي بدون لا اتزوج .. حتى اهلي ما صدقوني .. سكنت بروحي لين ولدت وبعدها اكتشفت اني مصابه بالسرطان .. مالقيت الا اني احطج عن باب المستشفى يمكن حظج يصير احسن من حظي​

اسماء بنتي انا احبج وكنت اتمنى اربيج و اوقف جدام الكل بس المرض كان اقوى مني وانا اعرف اني قاعده اموت كل يوم وخفت عليج من بعدي .. خفت عليج من الناس وما كان جدامي الا اني احطج عند باب المستشفى​

اسماء .. مهما صاار تأكدي انج بنت شرعية وانج كويتية الجنسية .. حطي هالكلام براسج ولا تنسينه ابد​

احبج .... امج سوزان​

بدر بالطريج لمدرسه اسماء​

وصلت وطلب مقابله اسماء​

اقنس دخلت غرفة البنات وشافت اسماء بأسوء حاالاتها .. كانت تصارخ وتبجي بشكل هستيري​

ولانا تبجي معاها​

اقنس : شفيكم ؟​

لا رد​

اقنس : عالعموم السيد بدر طالب يقابل اسماء​

اسماء من سمعت اسمه جنه طارين لها ابليس​

طلعت من الغرفه لا اراديا متجهه لغرفه الرئيس .. فتحت الباب بقوة و وقفت قلوب الموجودين من صوت الباب​

اسماء معصبة وتصارخ : انت شتبي ؟؟ ياي تتشمت فيني ؟؟ ياي تشوف نتيجة شغلك؟؟ انتوا كلكم مافي بقلوبكم رحمه .. كلكم مثل بعض .. كلكم حقيرين وماتحبون الا نفسكم وما يهمكم الا مصلحتكم ولو كانت على حساب غيركم ​

طبعا صوت اسماء جمع البنات والاساتذه كلهم بثواني​

وحده من البنات اللي تكره اسماء : والله وعرفتي تدافعين عن نفسج هذا وانتي مو شرعية وابوج وامج قاطينج مايبونج عيل لو كان عندج ام وابو شراح تسوين​

بدر كانت فاتح حلجه وكل كلمه كانت تصدمه اكثر من اللي قبلها​

اسماء بصراخ وعصبيه واهي تبجي : انا بنت شرعية غصب عن الكل ​

البنت : لا تجذبين ترا كلنا نعرف الحقيقة وساكتين يا بنت الفاجره​

اسماء : انتي الفاجره .. انا بنت شرعية غصب عنج وغصب عن الكل​

وتعالت اصوات البنات وكل وحده تقط كلمه اكبر من الثانية​

اسماء حست انها وحيده وصوتها على كثر ما صارخت حست انه غير مسموع .. تعبت وتعب قلبها خلاص ماتقدر تتحمل اكثر .. الموقف اكبر منها .. الصدمات قويه على قلبها .. الصدمات لو انحط على جبل جان انهد .. شلون على بنت مراهقه ضعيفه مالها سند ضايعه بهالدنيا​

بدر كان يسمع الكلام اللي ينقال عن اسماء وكان يقول ( كل هذا صار لهالبنت .. الدنيا قست عليها واااايد .. حرمتها من كل شي )​

كان وده يساعدها بس مايدري شيقول .. الكلام ضاع منه .. فضل انه ينسحب بهدوء​

اما اسماء ماقدرت تتحمل اكثر و راحت لغرفتها تكمل مسلسل الدموع اللي ماوقفت(ليش ابوي مايبيني وامي لما بغتني ماتركها المرض واهل ابوي مايدرون انه بقرارهم هذا يمكن ريحوا ابوي وامي بس محد كلاها غيري .. غيري انا .. مافكروا فيني ؟!مافكروا بحياتي؟!بمستقبلي؟! واه لامي اللي طردوا امي وطردوني .. ليش الدنيا تمشي بعكس ما نبيها ؟ وين المشكله لو الانسان اختار الانسانه اللي يبيها وقرر يعيش حياته معاها .. لا لا اهل ابوي مالهم شغل .. ابوي اهو اللي مايبيني .. ابوي اكيد خذاها فرصه يستانس لين يرجع لاهله .. اي اي صح )​

نامت واهي تبجي قهر تبجي ظلم تبجي قدرها تبجي حالها تبجي على امها​

​

وصل بدر للشقه ولازالت اثار الصدمه عليه​

دخل ولا حتى فكر يسلم​

سالم : بدر شفيك ؟ شصار هناك​

بدر قال له كل شي​

سالم متأثر : لا حول ولا قوه الا بالله .. والله مسكينه هالبنت​

بدر : انت لو شفتها شلون كانت تتكلم والله تعور القلب​

سالم : بس الحين شنو الحقيقه كلام البنت ولا كلام الناس​

بدر يتنهد : مادري يا سالم والله مادري​

سالم : الله يكون بعونها​

بدر : بس انا ماراح اخليها .. لازم اعرف قصتهاا​

سالم : وانت شعلاقتك فيها ؟؟!!!!!!​

بدر : الفضول بيذبحني .. احس هالبنت وراها لغز كبييييير ولازم اعرفه​

سالم ماحب يناقشه لانه يعرف بدر اذا حط شي براسه يسويه يسويه : وشلون بتعرف قصتها ؟​

بدر بمكر : عاد هذي خلها علي​

سالم : الله يهديك​

....: انت متأكد من قرارك​

بدر : متاكد ومابذني ماي​

استاذ بدر : بس فكرتك صعبه حييل وما اتوقع الاداره راح توافق خصوصا انها مكلفه​

بدر : لا تخاف الاداره اذا عررفت انه انا اللي بدفع التكاليف ماراح تعارض​

الاستاذ : انت حر​

وبالفعل حصل بدر على موافقه الاداره على فكرته بس باقي المهمه الاصعب (اداره مدرسه البنات )​

الرئيس : دام انه المصاريف عليك .. احنا ما عندنا مانع​

بدر ابتسم : شكرا​

الرئيس : انا اقترح عليك تاخذ العشرين الاوائل ​

بدر تلعثم : امم .. هـ ها ؟​

الرئيس : انت طلبت بحدود العشرين وانا اقول لو تاخذ العشرين الاوائل احسن خصوصا انه بحثك للجامعه و راح تاخذ عليها درجات​

بدر ( والله شدراني اذا اهي منهم ): بــ ..​

الرئيس قاطعه : بس عندي مشكله وحده اني ماقدر اجبر البنات .. يعني يمكن في بنات ما يوافقون او اهلهم مايتقبلون سفر بناتهم او يمكن يرجع لحالتهم النفسية واكبر مثال اسماء من ذاك اليوم قافله الباب ورافضه تقابل اي شخص حتى الدروس ماتحظرهم​

بدر منصدم: اسماء من العشرين الاوائل ؟؟!!!!!​

الرئيس : من الخمس الاوائل بعد .. اسماء طالبه مجتهده .. عالعموم انا بعطي البنات خبر واشوف رايهم​

بدر وقف : شكرا وانا مقدر لك الجهود اللي تبذلها​

انتشره خبر البحث اللي بيسويه بدر عن السياحة في العالم واسسها وعرف الكل البنات اللي بيسافرون معاه لدبي عشان بحثه وخصوصا ان راي المراهقين بهالشغلات مهم عشان يدعم مواد البحث العلمي​

​

الكل تقريبا وافق وكان متحمس للرحله الا وحده​

اسماء : بس يا لانا عورتي راسي .. قلت لج ماراح اروح معاه​

لانا : اسووومتي والله هذي فرصه عشان تعدلين نفسيتج​

اسماء : قلت لا يعني لا .. وهالبدر حسابه معاي والله لاخليه يندم قد شعر راسه​

لانا بخوف : اسماء شراح تسوين​

اسماء قالت لـ لانا خطتها للانتقام من بدر​

لانا : لا لا انتي اكيد مينونه​

اسماء : اذا خايفه ترا مو ملزومه تساعديني​

لانا : لا اكيد بكون معاج بس عبالج بدر بيسكت لج​

اسماء : اولا ماراح يعرف انه انا ورا هالسالفه وثانيا حتى لو عرف احسن .. عشان يعرف انه انا اقدر اسوي اللي ابيه​

لانا : بس يا اسماء بدر هذا شكله عنيييد و راعي مشاكل​

اسماء : انا ماعندي شي اخسره .. انا خسرت كل شي بحياتي( وخنقتها العبره ) كل شي كل شي.. يعني ماراح يضرني اللي بيسويه​

يوم تنفيــــــــــــــــــــــــــــــــذ الخطـــــــــــــــــــــــــــــــــــــــــــــــــــــة​

لانا صرخت : كاهو كاهوووو​

اسماء حطت ايدها على حلج لانا : بس بس فضحتينااا​

واشرت للبنت اللي متعاونين معاها​

البنت : هلووووو​

بدر مستغرب : هلو​

البنت قربت حييييييييل من بدر ومسكت ايده​

لانا : يلا يلا صوري​

واسماء ماصدقت​

البنت صارت تتقرب من بدر وبدر مستغرب منها​

واسماء خذت لهم صور بكل الحالات​

بدر عصب من وقاحة البنت : انتي هييي شتبين​

البنت وبعد ما خلص شغلها : مابي شي ... باااي​

بدر لازال مستغرب ( في شي غريب يصير )​

اسماء تطق لانا كف​

اسماء : يسسسسسس​

لانا : ارتحتي الحين ؟​

اسماء : لا ما ارتحت .. وما راح ارتاح لين اكمل الخطة​

​

بعـــــــــــــــــــــــد يوميـــــــــــــــــــــــــــن​

طبعوا الصور وانطلقوا لجامعة بدر ينطرون ( نـــــــــــــــــدى )​

اسماء : لانوووه شوفي مو جنه هذي ندى ؟​

لانا : وانا شعرفني فيها​

اسماء : امبلا امبلا هذي اهي​

راحت اسماء لندى​

اسماء : اتمنى انج تشوفين هالظرف ​

وراحت وسط ذهول ندى ( هذي اخت رفيج بدر اللي كانت بالحفلة .. انزين شنو ممكن يكون بهالظرف وليش تعطيني اياه )​

فتحت ندى الظرف ( لا لا مستحيييل مستحييل .. بدر يخوني!!!! لا لا هذي جذاابه وتبي تخرب بيني وبين بدر .. بس مستحيل اجذب عيوني )​

بدر يتنهد : ااااااااااااااااااه​

سالم : ورا هالتنهيده شي .. اعترف اعترف​

بدر : اكيييد اسماء بترفض تسافر معاي ... قاعد افكر بخطه تخليها غصب توافق​

سالم : انت ما لوعت جبدي بهالبنت​

بدر : هالبنت لغز ولازم اعرفه​

...: انته ني ياللي ماتستحي على ويهك​

بدر وسالم انصدمووووا !!​

بدر : ندى حبيبتي شفيج​

ندى معصصبه حدها : لا تقولي حبيبتي​

بدر مو فاهم شي : شفييييج ؟​

ندى حذفت الظرف جدام بدر : وتسألني شفيني ؟؟ بعد سواد ويهك​

بدر عصب من اسلوبها : عدلي اسلوبج احسن .. وبعدين شنو سواد الويه اللي تتكلمين عنه ؟​

ندى بجت : شووف شوف وتعرف​

بدر فتحت الظرف وانصصصصصدم​

بدر : ندى واللــ​

ندى : ولا كلمه مابي اسمع صووتك يالخاين يالنذل يالجبان .. انا تخوني انا !!شنو سويت لك عشان تخوني​

بدر : ندى خليني افهمج​

ندى : مابيك تفهمني ( وقفت ) ورجاء لا عاد تكلمي (وراحت )​

بدر مايدري شيقول ولا شلون يدافع عن نفسه .. اهو فعلا بريئ بس التهمه لابسته لابسته​

وقف ولحق ندى : ندى بس دقيقه تكفين​

ندى : رووح لها ليش لي الحين واقف​

بدر عصب : سمعيني شوووي​

ندى خافت وسكتت​

بدر يكمل : انا ما خنتج .. هالبنت قبل جم يوم اهي قربت مني واكيد في شخص مطرشها علي لاني والله ماعرفها واول مره اشوفها​

ندى : انت اصلا جذاب .. قصيت علي وعلى هالبنت واكيد الثالثه اخت رفيجك​

بدر بغباء : اخت رفيجي ؟​

ندى : اي اخت رفيجك .. ولا تحاول تبرر لانها مالها مصلحه انها تييب لي صورك .. فـ اكيد انه بينكم شي​

بدر انصدم صدمة حياته(اسمااااء!!)​

ندى تكمل : والله يا بدر ان شفتك تكلمني مره ثانية لا تلوم الا نفسك ( وراحت بعد ما شبت النار داخله )​

 

[asoom al3eesa]

بدر رجع لسالم وقال له السالفه​

بدر وينون الدنيا كله براسه : اوريها انا اوريها والله لتندم​

سالم يعرف رفيجه وخايف على البنت : بدر اذكر الله​

بدر : لا اله الا الله​

وبنفس اللحظه دق موبايل بدر​

بدر بدون نفس : الوووو​

الرئيس : اهلا سيد خالد معاك رئيس مدرسه الــ ...​

بدر : اهلا سعاده الرئيس​

الرئيس : والله يا سيد مادري شقول لك .. كل البنات موافقين ماعدا وحده​

بدر عرفها : اسمعني .. المدرسه لما تكون عاجزه على التحكم بطالباتها ما تستحق تستمر​

الرئيس خايف من لهجه بدر : بس انا ماقدر اجبرها​

بدر بحزم : بس ما اظن يا سيد انه راح يعجبك تصرفي اذا رفضت البنت .. انا دافع لكم مقدم والفلوس اللي بدفعها تعادل ميزانية المدرسه لسنه كامله​

الرئيس خااااايف يفقد المبلغ : والحل ؟​

بدر : انا ماحب افرض رايي(اي مبين هههه)بس اذا ماوافقت هالبنت اعتبر الشراكه اللي بينا انتهت وانا بدور لي على مدرسه ثانية ​

الرئيس مايبي يفقد الشراكه بينه وبين هالجامعه : لا ماراح يصير الا كل خير واعتبر البنت موافقه​

بدر : اوكي .. ترا الرحله بعد ثلاث ايام ​

الرئيس : اوكي واسف على ازعاجك​

اسماء تصرخ : شنوووووووو؟؟؟ وبكيف منوا روح​

اقنس : انا يايه اعطيج خبر مو اخذ رايج​

اسماء : بس انا قلت ماراح اروح​

اقنس : اذا صار القرار بايدج قرري على كيفج .. والرحله بعد ثلاث ايام ( وراحت )​

اسماء ( اكيد هالبدر له ايد بالموضوع )​

يوم الرحلـــــــــــــــــــــــــــــــــــــــة (في المطار)​

البنات يودعون اهلهم الا اسماء واقفه بروحها وتشوفهم​

بدر كان طول الوقت عينه على اسماء​

المسافرين ( بدر+العشرين بنت+استاذين من المدرسه)​

ركبوا الطياره والكل متحمس الا اسماء​

بدر كان اخر واحد ركب الطياره​

اسماء قعدت وشافت الكرسي اللي يمها فاضي ( يارب محد يقعد فيه عشان اخذ راحتي )​

...: يا محاسن الصدف​

اسماء لفت تشوف صاحب الصوت : انت !!!!!!!!!!!!!!!!!!!!!!!​

بدر مبتسم ابتسامه تطيح الطير من السما : انتي !!(يمثل الصدمه ولا اهو اللي متعمد تكون يمه )​

اسماء(ليييييييييييش ؟؟ شهالحظ اووف )​

اعلن الكابتن عن استعداده للاقلاع و امرهم بربط حزام الامان​

اسماء تحس بخوف مو طبيعي لانها اول مره تسافر بطياره او بالاحرى او مره تسافر!!​

بدر يراقب حركاتها بطرف عينه .. كانت مسكره عيونها حيييل ومشدده قبضة ايدها​

طااااارت الطياره بسلامة وفتحوا احزمه الامان​

بعد ساعتين من الاقلاع نامت اسماء من التعب ومن غير لا تحس طاح راسها على جتف (كتف ) بدر ​

بدر يتأمل ملامحها الهاااادية وفكر هل يرفع راسها ولا يخليه ؟؟​

بس بالنهاية مارفعه وكمل قراءه الكتاب اللي بايده​

مرت الطياره بمطبات هوائية قويه وصحت اسماء وانصدمممممت و رفعت راسها بسرعه​

بدر ماسك ضحكته : شفيج جنج شايفه يني​

اسماء ماردت عليه انقص ويهها​

وحرمت تنام مره ثانية ​

بدر بهدووووووء وبدون ما يلف عليها : برافوو عليج.. عجبتني فكرتج بالانتقام​

اسماء بلعت ريجها وماردت​

بدر : اممم بس اللي ماراح يعجبج فكرتي انا بالانتقام​

اسماء (انتقام !! اي اي قال انتقام انا متأكده .. ياويلي ): شراح تسوي يعني​

بدر بنفس الهدوء : كل شي بوقته حلو .. وانا اوعدج راح يكون انتقام مميز وعلى حجم غلطتج .. هممم انتي فرقتي بيني وبين حبيبتي وكسرتي قلبي .. يعني لا تخافين بتوصى فيج بالانتقام​

اسماء لو بايدها تحذف نفسها من الطياره وتفتك منه شكله مو ناوي على خير​

اسماء (ااااه وينج يا لانا تشوفين حالي ): احب اقولك اني ماراح اخسر شي ولا راح انضر لاني جربت كل انواع الحرمان وخسرت كل شي يعني انتقامك ماراح يأثر فيني​

بدر كلامه ياب نتيجه : ليش انتي شنو خسرتي ؟​

اسماء: كل شي ممكن يطري على بالك​

بدر : امممم بس انا قاعد اشوفج بصحه وعافية وتدرسين ومن الاوائل يعني حالج احسن من غيرج​

اسماء : انا خسرت ابوي قبل لا اطلع على هالدنيا وانولدت وانحرمت من امي واهي عايشه و.... ( حست بغبائها .. كان يسحب منها الحجي واهي مثل الهبله )​

بدر : شفيج سكتي ؟​

اسماء : مافيني شي ورجاء لا تكلمني​

بدر : اممم ماقدر ما اكلمج​

اسماء بغباء : ليش​

بدر : لانه الكلام جزء من الانتقام ​

مر الوقت عليهم واغلبه كانوا ساكتين وماكان بينهم حديث يذكر​

وقـــــــــــــــــــــــــــــــــــت الهبوط​

اسماء رجعت لها حالة الخوف من جديد ولا شعوريا تمسكت بالكرسي بس ...!!!!!!!!!!!!​

​

نهاية الجزء الثالث​

 

[zhoorQ8]

تسلمين حياتي مشكورة لا طولين

 

[مـزيونهـ]

رواايتج عجيييبه
اكسرت خاطري اسماء و عجبتني يوم تنتقم من بدر
وانا خلاص حقدة على بدر والله يستر من اتنقامه
تكفين لا طولين نزلي البارت بسسرعه

 

[asoom al3eesa]

Thanks 3la elrdod el7lwa :*****

Allah la y7rmny mnkm​

 

[❤لحد يشوفك❤]

روااايتج رووووعه
متااابعه يديده كمملي لا يووقف

 

[روحين في رـوح]

آآآآبـ
آآآآآآآبـ

 

[مـزيونهـ]

اب اب اب اب

 

[asoom al3eesa]

تسلموون على تواصلكم​

انا كل ما اخلص من جزء انزله على طووول​

واسمحولي اذا تأخرت​

واليوم اكو بارت لعيونكم:eh_s(7):​

 

[asoom al3eesa]

بسم الله الرحمن الرحيم

الجزء الرابع​

اسماء رجعت لها حالة الخوف من جديد ولا شعوريا تمسكت بالكرسي بس ...!!!!!!!!!!!​

بدر حس بايد مسكت ايده ولف على اسماء​

اسماء بهاللحظه دوروا ما تلاقونها ماتت من الفشله وسحبت ايدها بسرعه​

بس بدر ماشال عينه عنها وعلى ويهه نص ابتسامه بس اتدوووووووووووخ​

اسماء غطت ويهها بايدها ماتبي تشوفه .. نظراته تحرقها تدمرها​

​

​

نزلوا من الطياره وخلصوا اجراءات الدخول ​

وعنـــــــــــــــــــــد باب المطار ينطروا الباص​

بدر قرب من اسماء وهمس باذنها : اهلا فيج باحلى تجربه بحياتج اللي راح تعجزين عن نسيانها .. واتمنى انج تستمتعين بالرحلة​

اسماء ماقدرت تتحرك او تنطق بكلمة .. الصدمه شلتها !! معقوله ينفذ تهديده​

​

​

​

وصل الكل للفندق .. توزعوا البنات على ثلاث سويتات وبدر والاستاذين في سويت​

والكل راح بساابع نومه​

​

​

​

صباااح اول يوم بدبي​

بدر قاعد يفكر بينه وبين نفسه ( لو اسوي فيها العجب هم ماراح استفيد لانها كلها اسبوع وبنرجع لندن وينتهي كل شي .. اووووف وقف مخي وينك يا سلوم تفكر معااي .. انا اضرب عصفورين بحجر واحد يعني منها انتقم منها ومنها اعرف قصتها لاني متأكد انه وراها لغز كبيييييييييييييييييييير )​

مرت ايام دبي سريعه عالكل الا على اسماء اللي حست انهم سنين​

بدر لقى فكره حلوه وقرر ينفذها اذا رجعوا لندن واكتفى بتكليف اسماء بشغل اضافي .. يعني بمعنى اخر كرفها !!​

اما اسماء فكانت مستغربه انه بدر ماسوى لها شي وهالشي فرحها وبنفس الوقت يخوفها هدوء بدر وقالت انه اكيد ناوي على شي كبييييييييييييييييييييييييييييير​

​

​

​

رجعوا لندن و رجع الكل لحياته الطبيعيه .. اسماء ماسمعت خبر عن بدر من ثلاث شهور ولا صادفته​

بدر انشغل بدراسته (والبحث اللي سواه حصل على الفل مارك والكل اعجب بشغله )​

وما هي الا فتره قصيره حتى بدأت اختبارات نهاية العام الدراسي​

اسماء ولانا شادين حيلهم عشان يتخرجون ويفتكون من المدرسه​

وبالفعل انتهت الامتحانات والبنات نجحوا واسماء طلعت الرابعه على دفعتها​

​

​

​

وفي حفلـــــــــــــــــــــــــــــــــــــــــــــــــــــة التخرج​

اسماء : لنوو واااي موو مصدقه خلصنا من المدرسه​

لانا بحالميه : وبندخل الجامعه ونتحرر من سجن المدرسه​

اسماء : وبسااااافر وبلف العالم كله ( وبدت تدور على نفسها )وبلف عالم ديره ديره​

لانا تلف معاها : بنروح اليابان وماليزيا وتايلند والصين والهند​

اسماء تكمل : والمالديف واستراليا وتركيا ولبنان​

لانا : ومصر والمغرب واسبانيا وايطاليا وفرنسا​

اسماء : المانيا والنمسا وسويسرا وهولندا​

لانا : السوووويد واليونان​

اسماء : وامريكاااااااااااااا بنلفها ولايه ولايه​

لانا : ولا تنسين البرازيل​

اسماء عيونها صارت قلوب حب: ايييي عشان اشوف رونالدينيو وبعدها ناخذ جوله عالارجنتين والاورغواي​

​

​

سالم : يالله واخيرا خلصنا وبنرجع لاهلنا​

بدر : ياااني مشتاق للديره .. والله لو نلف الدنيا كلها ماراح نلقى احلى من الكويت واهلها​

سالم : ايي والله .. لو علي اركب اول طياره وارجع لاهلي​

بدر : يالله هانت يومين وتروح لهم​

سالم : وانت ماراح تيي معاي ؟​

بدر بتفكير : لا .. بلحقك بعد جم يوم​

سالم يعرف رفييييجه : بدر قولي شنو براسك​

بدر يوقف : كل شي بوقته حلو .. يلا انا عندي شغل بااي ​

​

​

اسماء : اوووووف هذا من وين طلع لي بعد هالوقت​

اقنس : يلا الريال ينطر لا تتأخرين​

و راحت اسماء تقابل بدر واهي خايفه من اللي ينطرها​

بدر : ممكن نطلع بالحديقة ؟​

اسماء : عندك شي قوله هني​

بدر : محد كلمج .. مس اقنس ممكن اكلمها بالحديقة على انفراد​

اقنس : طبعا .. عن اذنكم​

راح بدر مع اسماء للحديقة​

بدر بحزم : سمعيني انا ماراح الف وادور بقولج من الاخر .. انا بتزوجج​

اسماء جنه احد معطيها كف : شنووووووووو ؟!!!!!!!!​

بدر : اللي سمعتيه​

اسماء بعصبيه : ومنو قالك اني بوافق​

بدر بهدوووووء يذبح : محد طلب موافقج لانج بتوافقين غصب عليج​

اسماء بنفس العصبية : انت عبالك الدنيا فوضى !​

بدر : شوفي .. اممم اذا ما وافقتي انسي انه عندج صديقه اسمها لانا​

اسماء ماتدري شتقول .. كل الكلام ضااع منها ( لا لا لا ياربي مووو لانا .. انا مابقالي بهالدنيا الا لانا اهي امي واختي وابوي وصديقتي وكل دنيتي )​

بدر يكمل :..... وعلى ما اعتقد انها تحمل تدرس اعلام .. وانتي برفضج لي راح تحرمينها انها من انها تكمل دراستها .. ودار الرعايه اللي متكفله فيها راح تتخلى عنها .. امممم وشنو بعد ؟ ايي اقدر الفق لها تهمه واخليها تقضي باقي حياتها بالسجن​

اسماء ماتتكلم لانه دموعها كفيله انها تتكلم عنها​

بدر : انا بعطيج فتره تفكرين .. وهذا كرتي ابي اسمع منج الرد اليوم باليل ( و وقف ) ولا تتغافليني وتقولين للكل عن الحجي اللي دار بينا .. لانج والله مو قدي .. انا بلحظه اقدر ادمر حياتج ( وراح )​

​

​

اسماااء كانت حالتها حالة .. خلاص اهو ما قدم لها اي خيار ثاني (اااه يا لانا والله كل اللي بسويه عشانج احبج يا اختي ومابي حياتج اتدمر بسببي )​

لانا ماتدري شالسالفه .. كانت تشوف اسماء تبجي بس اسماء مارضت تقول لها​

​

اسماء انطرت لانا تنام عشان تدق (تتصل ) على بدر​

بدر شاف الرقم غريب وقال اكيد هذي اسماء : الوووو​

اسماء صوتها رايح من البجي : انا موافقه​

بدر يسحب بنشوه الانتصار : عيل جهزي نفسج باجر بمرج عشان نملج​

اسماء حست انه دمعتها بتخونها وتنزل : اوك باي​

​

وقعدت تداري دمعتها ( مابي ابجي .. مو لازم ابجي مووو لازم.. المفروض اكون اقوى من جذي .. هين يا بدر .. والله لاخليك تندم .. وهذا وعد )​

​

​

بدر بالمطار يودع سالم : يلا ان شاء الله يومين وانا لاحقك​

سالم شاك فيه : بس لو اعرف شعنك​

بدر بخبث واهو يتذكر اسماء : عن قريب ان شاء الله بتعرف كل شي​

سالم ودع بدر واهو مو متطمن وحاس انه في شي راح يصير وشي كبيرر بعد​

اما بدر ودع سالم وانطلق لمدرسه اسماء​

الرئيس منصدم : انت تبي تتزوج اسماء !! واسماء موافقه !! وبتاخذها الحين !!​

بدر مقدر صدمه الرئيس : اي احنا متفقين من زمان​

الرئيس يسأل اسماء : وانتي موافقه؟​

اسماء نزلت راسها : اي موافقه​

وبدت بالفعل اجراءات نقل الوصايه من المدرسه الى بدر​

وتم كل شي بسرعه وملجوا وصـــــــــــــــــار وقت الوداع​

لانا تبجي : يعني بتخليني ؟​

اسماء تبجي معاها : لولو حياتي انا بكلمج كل يوم وعد​

لانا : اسوم والله احس فيج شي .. اذا ماتبين بدر ترا محد بيجبرج​

اسماء (ماتدرين يا لانا ماتدرييييييييييين ): لا حبيبتي محد اجبرني .. انا ابي بدر وبدر يبيني​

وبالفعل ودعوا بعض واسماء ودعت حياتهاااا كلها لانها متأكده انه حياتها انتهت من هاللحظه وصارت جسد بدون روح​

​

راحوا المطار متجهين للكويت​

بدر : بعد ثلاث ساعات رحلتنا للكويت​

اسماء (الكويت!!!انا بروح الكويت..بس شلون انا مابي اروح هناك مااابي )​

بدر : شفيج ساكته مو من عوايدج ؟ العاده تاكليني بلسانج​

اسماء عطته نظره بمعنى مو فاضيه ارد عليك​

وبعد فتــــــــــــــــــــره صمت​

اسماء : بدر ..​

بدر مستغرب اول مره تناديه باسمه (ياحلو اسمي على لسانج .. انا شفيني ينيت ) :نعم​

اسماء بتردد : اهلك يدرون عن زواجنا​

بدر يمثل البرود : اي​

اسماء : وشرايهم ؟​

بدر : عصبوا وقلبوا الدنيا فوق تحت​

اسماء : وشراح تسوي معاهم​

بدر : انا قلت لهم اني ياي اليوم ويايب زوجتي معاي واكيد عصبوا بس مع الوقت بيرضون​

​

طـــــــــــــــــــــــــــــارت الطياره بسلام​

وبعـــــد فترة صمت​

اسماء بتردد : بــ بدر ؟​

بدر رفع راسه : نعم​

اسماء : ممكن اطلب طلب​

بدر مستغرب وبنفس الوقت مستانس لانها كلمته : شنو​

اسماء (عمى .. ماكو اسلوب ) : احم .. ممكن قبل لا نروح البيت ناخذ فره​

بدر مو فاهم : ناخذ فره وين ؟​

اسماء بخجل : يعني ناخذ فره بالشوارع​

بدر بقسوه : مسرع اشتقتي للشوارع .. بس بو طبيع ما ايوز عن طبعه​

اسماء بعصبية : انــ​

بدر يقاطعها : بس بس سكتي رفعتي ضغطي​

اسماء : بس انت فاهم غلط​

بدر بحزم : خلاص انتهى النقاش​

اسماء تتحلطم بصوت واطي : مالت عليك .. تفكيرك اسود مثل قلبك​

بدر سمعها : من اسود من قلبج​

اسماء انصدمت ( لا اكيد يني .. شلون سمعني !! )​

​

​

وصلوا الكويت وخلصوا اجراءات الوصول​

وفـــــــــــــــــــــي الشارع ينطرون تاكسي​

اسماء تشم هواء بكل قوتها​

بدر يتطنز : شوي شوي شفطتي الهوا كله​

اسماء ماردت لانها ماتبي تخرب هاللحظات​

اسماء مسكره عيونها ومبتسمه : تصدق بدر .. اكو شعور غريب احس فيه لثاني مره​

بدر : ومتى كانت اول مره ؟​

اسماء على نفس وضعها : لمن استلمت الصندوق اللي من امي​

بدر : صندوق من امج !!​

اسماء جنها ماسمعت : مادري شنو اسم هالشعور .. اممم يمكن الانتماء​

​

بالتاكــــــــــــــــــــــــــــــسي​

اسماء : بدر تكفى ابي اشوف شوارع الكويت​

بدر : بعدين بعدين الايام وايد​

اسماء مسكت طرف قميصه بعفوية : الله يخليك الله يخليك​

بدر توتر من حركتها : اسماء عن حركات اليهال​

اسماء باسلوب طفولي : ما احبك​

بدر حب اسلوبها الطفولي بس بسرعه ابعد هالفكره من راسه​

​

​

وصلوا للبيت او بالاحرى قصـــــــــــــر​

اسماء فاجه حلجها عالاخر .. ولا بعمرها حلمت تسكن بـ بيت بهالجمال​

بدر : هي هي انتي صكي حلجج فضحتينا .. انتي بتصيرين حرم بدر الــ ...​

اسماء الود ودها تصرخ بويها وتقول على شنوووو شاااااااايف نفسسسسك​

داخــــــــــــــل البيت​

ام بدر موصله معاها : متى بيشرف الاخ ؟​

بو بدر : طولي بالج .. واذا وصل لا تغثينه بكلمه مني ولا مناك​

ام بدر بعصبية : لااا تبيني ابارك له واخذه بالاحضان​

بو بدر هز راسه بأسى​

....: سلااااااااااااااااااااااااااااااااااااااااااااام​

الكل التفت صوب الباب​

بو بدر : هلا والله عليكم السلام والرحمه .. الحمد لله على السلامة​

بدر يبوس راس ابوه : الله يسلمك يالغالي​

ام بدر من شافت بدر حبيب قلبها نست الزعل مؤقتا : هلا بعيون امك​

بدر يسلم على امه : هلا فيج يالغالية​

ام بدر تذكرت انها زعلانه ههههه : وخر عني انا زعلانه عليك​

بدر : افاااا حبيبتي زعلانه !!​

ام بدر تموووت على كلام بدر: ا ياي قص علي بهالكلمتين​

بدر عارف لامه : ماعاش منو يزعلج .. اووه نسيت هذي اسماء زوجتي​

اسماء ( عمى بعينك توك تتذكرني )​

ام بدر مبهوره بجمالها(والله وعرفت تختار) : هذي اللي فضلتها على فجر بنت اختي​

اسماء ( بديناا عاد)​

بدر : يمااه انا قايل لج من زمان فجر مابيه وحتى لو ماخذيت اسماء .. فجر اخر وحدده افكر فيها​

بو بدر بطيبة : يا هلا والله بزوجة الغالي حياج الله يبا​

اسماء ماتدري ليش دخل قلبها بو بدر : هلا فيك عمي​

بو بدر : وليش واقفه بعيد .. تعالي سلمي علي ولا ما ودج ؟​

اسماء تفشلت : سوري .. ( وباست راسه مثل بدر مع انها ماتدري ليش )​

بشاير عالدري(الدرج) : بدر اخوي عندنا يا مرحبا يا مرحبا​

بدر : مراحب تعالي بسلم عليج​

بشاير وبدر علاقتهم سطحية واااايد والسبب اكيد شخصية بدر .. وما ابالغ لو قلت بشاير تخاف من بدر​

بشاير تسلم على اخوها : الحمدلله عالسلامة ومبروك الزواج منك المال ومنها العيال​

بدر : الله يسلمج ويبارك فيج​

بشاير تشوف اسماء : واكيييد انتي زوجه اخوي​

اسماء بابتسامة : اي ​

بشاير بطبعها الطيب تتقبل الكل (طالعه على ابوها ) :يا هلااا فيج حبيبتي الحمدلله على السلامة ومبروووووووووووك ​

اسماء تقبلت بشاير: الله يبارك فيج​

بشاير تشوف اسماء : ماشاء الله قمر قمر .. والله طلعت مو هين يا بدر​

اسماء صبغ ويهها احمر : ههههه شدعوه مو لهالدرجة​

بشاير ناويه عليها : واااي تهبل تهبل مرت اخوي .. الا انتي جم عمرج ؟​

اسماء : انا 17​

بشاير نطت عليها : وناااسه كبري كبري .. العمر كله يا ...​

اسماء : .. اسماء​

بشاير: العمر كله يا اسماء​

 

[asoom al3eesa]

​

اسماء توهقت ماتعرف شيردون : ثانكس​

بدر وقف : يلا عن اذنكم بنروح نرتاح​

اسماء وقف قلبها ( انا بقعد معاه بمكان واحد )​

الكل : تصبحون على خير​

مشى بدر و وراه اسماء و وصلوا لجناحهم​

بدر يتطنز : دشي بريلج اليمين​

اسماء ماكانت تدري انه يتطنز : اوك​

بدر ماقدر يمسك نفسه : هههههههههههههههههههههههههههههههههههههههههههههههههههههههههههههههههههه​

اسماء رفعت حاجبها اليمين : شالمضحك بالموضوع ؟​

بدر : هههههههه دشي دشي هههههههه لا اموت ههههههههههههههه من الضحك​

اسماء مو فاهمه شالسالفه​

​

​

​

كان جناحهم عباره عن غرفتين و صالة وحمام ومطبخ​

اسماء ( اشوه فيه غرفتين وانا كنت حاطه ابالي بنام بالصالة )​

دخلت غرفة النوم ( وااااااااااو خيالية .. مثل غرف الاميرات .. خلاص انا ابي هذي حقي )​

دخل عليها بدر : كل واحد بيكون بغرفة​

اسماء : ههههههههههه​

بدر : ليش تضحكين​

اسماء ( مصدق عمرك بنام وياك بنفس الغرفة ) : لا ولا شي هههههههه​

بدر : مينونه ماعليها شرهه​

اسماء ( خل ابدا بالهجوم احسن ) : يلا اطلع ابي ابدل وانام​

بدر فتحت حلجه : نعمممم!! انتي اللي طلعي هذي غرفتي​

اسماء باسلوب طفولي : لا انا ييت قبلك​

بدر يموووت على هالاسلوب : بس هذا بيتنااا​

اسماء :بس انا ابيها​

بدر رجع للجمود : قلت لج هذي غرفتي ويلا برا​

اسماء (توك شزينك ) : اوف ااوووف اوووووووف​

وطلعت​

​

​

ثاني يوم الصبح ​

.....: اييي يا ظهري مو متعوده انام عالارض .. اكيد السفاح (بدر ) مااخذ راحته عالسرير​

وطلعت للحمام تغسل وبعدها قعدت بالصالة تفرفر بالقنوات : اووف ملل ​

سمعت صوت الباب ينفتح ويطلع منه بدر بس .... هذا شلابس .. امبييييه عيب عيب​

ولفـــــــت الصوب الثاني عشان ما تشوفه​

بدر بصوت ثقيل : متى قعدتي ؟​

اسماء معطيته ظهرها : قبل شوي​

بدر قعد عالغنفه : وليش معطتني ظهرج !!​

اسماء (شقولك الله يفضحك ) : مـ ماكو شي عادي​

بدر : انزين سمعيني بقولج شي​

اسماء : اسمعك​

بدر تنرفز : مو حاله .. لما اكلمج تلفين وتطالعيني​

اسماء (شهالورطه ) ولفت : قول شبغيت​

بدر : محد يدري بعلاقتنا .. احنا جدامهم احسن زوجين ​

اسماء : اوك ( واااي واااي يهبلللل حتى واهو توه قاعد من النوم )​

بدر : وبعد شوي بننزل نتريق مع اهلي ​

اسماء راحت بخبر كان من شكله : اوك​

​

​

على طاولـــــــــــــــة الطعام​

(بو بدر + ام بدر + بدر + اسماء + بشاير )​

خالد بروحه الحلوه : هاااااااااااااااااااااااااي قايز​

اسماء ابتسمت على شكله : هاي​

بشاير: هايات​

اما الباجي ساكتين​

بدر : اخوي العود عندنا .. وانا اشوف بيتنا مولع اقصد منور​

اسماء حبته الولد مع انها ماتعرف عنه الا انه اخو بدر​

بدر : كافي نورك ( وسلم عليه )​

خالد : مبرووك معرسنا .. واكيد هالحلوه عروستنا​

اسماء انحرجت منه ​

بدر بجمود : اي هذي اسماء​

خالد راح صوبها : how are you asma ?​

اسماء كانت بتسلم عليه مثل قبل ماتعودت بس انصدمت انه ماد ايده يصافحها : I am fine .. what about you ?​

خالد : انا بخيييييييييييييييييييييييييييييييير​

اسماء ( كنت بعفس الدنيا ههههه بس والله عايلتهم ينحبون ماعدا السفاح وامه )​

بدر : الخميس الياي العرس​

الكل بوقت واحد : شنوووووووو!!!!!​

بدر بنفس الهدوء : اللي سمعتوه​

ام بدر بعصبية : موعلى بالك رضيت تاخذ بنت الشوارع بتخليني ارضى تفشلني بين الله وخلقه​

اسماء عصبت بس سكتت احتراما للموجوودين​

بدر اللي عارف لامه : يمااا اللي صار صار واظن مايرضيج ولد البجر يتزوج بدون عرس .. وانتي اللي تقولين عرس بدر بيخلي الناس تتحجى عنه سنين جدام​

ام بدر شبه اقتنعت : بس لما تكون العروس اللي ابيها مو هذي ( ووتأشر على اسماء باحتقار)​

اسماء ( كفي شرج عني احسن لج !! هذي اخر مره والله المره اليايه ماراح اسكت )​

بدر يتنهد :ويا يماا ترا اسماء من مواليد بريطانيا وعايشه طول عمرها هناك .. يعني تناسب منصبج الاجتماعي​

ام بدر ( هالبنت جمال ودلال وفوق هذا عايشه ببريطاانيا يعني ماعليها كلام واقدر اتشيحط فيها بس انا ابي بنت اختي لك ) : اللي تشوفه مع انه هالاشكال ( تأشر على اسماء )مو كفو الواحد يحتفل فيهم​

اسماء عصبت : لي هين وبس عاد .. شنو شايفتني ماعندي لسان ارد عليج​

ام بدر : هيي انتي احترمي نفسج​

اسماء : انا ما احترم الا المحترمين​

بدر و وصلت معاه .. كل شي الا امه : اسمااااااااااااااااااااااااااااااااااااااااااااااااء​

اسماء وقف قلبها ​

بدر : قووومي صعدي فوق ​

اسماء صعدت فوق واهي ترجف من الخوف​

بدر : يماا سامحيها ياهل​

بو بدر : لا البنت معاها حق .. امك ماقصرت فيها​

ام بدر : هي من اولها جذي .. والله ماني شايفه فيها شي زود عن فجر بنت اختي​

بدر وقف : فجر شيليها من راسج .. لو كانت اخر وحده بالدنيا ماراح اخذها يعني ماراح اخذها​

​

​

​

​

ودخلت الجناح ​

بدر بعصبية : انتي شلون ترفعين صوتج على امي ؟​

اسماء : والله عاد اهي الغلطانه​

بدر : لووو مهما تسوي فيج .. تاكلين تبن وتسكتين​

اسماء : لا حبيبي انا ماسكت عن حقي​

بدر مسكها من شعرها ورفعها لمستواه : امي لو تقطعج قطعه قطعه ما ترفعين صوتج عليها​

اسماء : ايي ايي هد شعري عورتني​

بدر يكمل : لو سمعت انج مضايقتها بشي والله ما تلومين الا نفسج​

اسماء تبجي : هد شعري عورتني​

بدر هدها وراح​

​

​

و مروا جم يوم على نفس الروتين .. اسماء بغرفه وبدر بغرفه .. والعايله تجتمع عالوجبات كل يوم​

وفــــــــــــــــــــــــــــي يوم​

بدر واسماء قاعدين بالصالة وكل واحد بحاله​

بدر : جهزي نفسج اليوم بنروح السوق​

اسماء طاارت من الفرحة من وصلت الكويت ماطلعت من البيت : صجججججج ؟​

بدر : لا جذب عليج​

اسماء بوزت : لا تتطنز علي والله مليت من البيت​

بدر : ايي مو انتي متعوده عالهياته​

اسماء ( ودي مره نسولف بدون لا تجرحني ) : انزين شطاري عليك توديني​

بدر : بنروح نشتري نفوف العرس​

اسماء : اوك​

​

وطلعوا للسوق​

واسماء يننت بدر وطلعت الشيب براسه​

بدر : ترا انا تعبت وافتر مخي وانتي ماعجبج شي​

اسماء : شسوي ماكو شي حلو​

بدر : وكل هالمحلات وماعجبج شي .. شوفي هذا اخر محل وانتي كيفج​

اسماء بعفويه : بدر بدور بدووري لا تصير جذي بلييييز​

بدر : الله طولك يا روح​

​

​

واخيرا عجب اسماء نفنوف وراحت تجربه وبدر ينطرها​

طلعت واهي لابسه النفنوف : هاا شرايك ؟​

بدر ( قمر قمر الا ملاااااااك .. شفيني قمت اخربط ) : حلو​

اسماء بوزت : بس !!​

بدر رجع لطبعه : تبينه ولا لأ ؟​

اسماء : اوف ابيه ابيه خلاص​

​

​

​

المهم .. انتشر خبر عرس بدر والكل لاهي بالسوق​

يـــــــــــــــــــــــــــــــــــــــــوووم العرس​

الساعة سبع الصبح .. صوت الباب​

اسماء : اووف منو ياي هالحزه .. بعدين انا عروس اليوم خلوني ارتاح .. ههههههه ص جاني خبله وماخذه بنفسي مقلب والاخ هذا متى يفتح الباب​

بدر صوته ثقييل : منووووووووووو​

بشاير بلعت ريجها : انا بشاير​

بدر: شتبين​

بشاير: ابي اسماء .. ادخل ؟؟​

بدر فز من مكانه .. شراح تقول اذا شافت كل واحد بغرفه : لا لا لا لا لحظه​

بشاير تفكيرها راح بعيييييييييييييد \\ مراهقه ههههههه​

بدر بسرعه فتحت الباب على اسماء اللي نطت من فتحه الباب​

بدر : قومي بسرعه روحي غرفتي​

 

[asoom al3eesa]

اسماء تنحت : هاا ؟​

بدر ما عنده وقت وخصوصا انه باب الجناح مو مقفول يعني يمكن تدخل بشاي رباي لحظه​

بدر : خلصي قوومي​

اسماء مازالت متنحه : ليش ؟على اي اساس اروح غرفتك؟​

بدر راح عندها وشالها ​

اسماء : نزلني​

بدر : انطمي لا تسمعنا بشاير ​

وبحركه سريعه دخلها غرفته وحطها على السرير عشان تنضبط الجذبه​

وراح يفتح الباب : نعععم​

بشاير: ابي اسماء​

بدر : اسماء نايمة​

بشاير : اوكي قعدها عشان يمديها تتسبح وتتريق عشان نروح للصالون​

بدر : تعالي بعد ساعه ( وسكر الباب )​

و رجع يكمل نومته بس شاف الاخت راحت بسابع نومه​

بدر يهمس عند راسها : اسماء اسماء​

اسماء كانت تسمعه بس معطيته اكبر طاااااف​

بدر يحركها : اسماء قومي روحي غرفتج​

اسماء ( هاهاي على قص رقبتي .. عالاقل خل ابرد حرتي وانام بالسرير لو مره وحده وانت روح نام عالارض )​

بدر يأس منها ( حشى مو نوم عليها )​

ومافكر الاخ ولا حط اباله راح للسرير وحط راسه وناااااام​

اسماء ( هذا من صجه !! يويلي يويلي وانا قلت الحين بينام بالصاله ولا بغرفتي .. شسوي اقوم ..؟ بس اخاف يشك اني قاعده وحزتها يغسل شراعي )​

بدر كان معطيها ظهره ونااااااااااايم الاخ وفجأه لف عليها وقرب منها حييييييل ولف ذراعه عليها ​

اسماء حست جسمها مثل البركان ( هذا الظاهر نسى نفسه .. خل اقوم قبل لا ياخذ راحته اكثر )​

وبسرعه شالت ذراعت وانحاشت واول ماوصلت للباب​

.......: ههههههههههههههههه عشان مره ثانية تضبطين الدور ولا عبالج بهالحركه بميل لج ههههههههههه​

​

اسماء كل شعره بجسمها وقف !! فتحت الباب وانطلقت لغرفتهاا ​

​

وبعد ساعتين قعد بدر من النوم وراح ياخذ شاور ( اليوم معرس من قده لووووول )​

اما اسماء ما ياها نوم​

​

علــــــــــــــــــــــــى طاولة الاكل​

بشاير تخز بدر واسماء بخبث​

بدر : خير يالاخت مضيعه شي ؟​

بشاير قلبها طاح ابطنها : هـ ها ؟ لا ولا شي​

بدر عطاها نظره خلتها ماترفع عينها عن الصحن​

اسماء ( اعووذ بالله مو ادمي حتى اخته ماسلمت منه )​

​

​

​

​

وبعد الريوق راحت اسماء وبشاير للصالون وعلى الساعه تسع صارت اسماء جاهزه​

ركبت السياره اللي كانت هديه من خالد للمعاريس وراحت لقاعه الحفل​

وصار وقــــــــــــــــــــت دخولها للقاعه​

بدت الاغنية بموسيقى هاااادية اللي دخلت على انغامها اسماء جنها ملاك بهيئة بشر الكل لما شاف صار يسمي ويذكر الله عليها .. جمالها اللي غطى على كل الحضور​

وام بدر اول ماشافتها وشافت نظرات الاعجاب في عيون الناس .. نفشلت ريشها مفتخره بمرت ولدها​

​

​

​

...: تهبللل تهبلللللللل طلع بدر مو هين​

فجر بعصبية : هند بلعي العافية احسن لج​

هند : وانتي ليش ما تتقبلين الهزيمة ​

فجر: هندووووه ترا ان ما سكتي بهفج بالكعب هذا على راسج​

​

​

​

سالم : افاا والله يا بوناصر .. انا اخر واحد يعرف بسالفه عرسك​

بدر : سلوووم لا تزعل لانه كل شي صار بسرعه والله​

سالم : وين الي يقول اكرها واكرها .. اثاريت طلعت غرقان​

بدر يضحك : هههههه اسكت فضحتنا​

​

انزف بدر لداخل وطبعا ماكان اقل من اسماء بالجمال ولا الرزه​

قعد يم اسماء بعد ما طلع ابوه واخوه وعمامه​

...: مبرووك يا ولد خالتي .. مبروك عليك بنت الشوارع اللي فضلتها علي​

اسماء فتحت عيونها عالاخر (انا اللي اعرفه انه مهني يتغطون وما يلبسون مثل هاللبس جدام الرياييل .. مثل ما غطوني اول ما دخلوا ابوه واخوه وعمامه .. هذي باي حق واقفه وتسبني )​

بدر نزل راسه لانه لبسها وااايد عاري : الله يبارك فيج يا فجر .. وهذي الدنيا قسمة ونصيب​

اسماء ( يعني هذي فجر اللي كانوا يبونها حقه )​

​

​

اسماء تراقب نظرات فجر لها ولبدر وقررت تقهرها​

اسماء بكل جرأه مسكت ايده بدر اللي بدوره انصدمممم منها ولف عليها شافها راسه احلى ابتسامه اللي خلته يددوووخ هههههههه​

بس بدر ما تطوف عليه هالحركات وعرف انها تسوي جذي عشان تقهر فجر،، وعجبته لانها تدافع عن الشي اللي عندها حتى لو كانت ماتبيه ولو جدام الناس​

وبدر بتهور باس ايدها وبشاير تصفر : ماقدر ماقدر ماعبر​

اسماء استحت (الحبيب لا يكون صدق .. ياويلي شكلي باكلها عدل الليلة اهانات )​

​

​

​

​

​

طلعوا من القاعه وراحوا لغرفه برا عشان يصورون .. طبعا الطرفين ما قدروا يعترضون على اللقطات اللي تطلبها المصوره بوجود امه واخته​

بدر من ناحيته كان فرحااااااااااااااان لانه اسماء متوتره وعلى اعصابها وبنفس الوقت مستحية وحاول يطبق كل اللي تقوله المصوره ويمكن يزيد هههههه​

اما اسماء وصلت معاها وهمست باذنه : قول للمصوره خلاص كافي صور​

بدر : لو سمحتي العروسة تقول تبي صور زياده( وابتسم )​

اسسماء : ................

نهاية الجزء الرابع


تــقــبــلــوا تــحــيــاتــي​

 

[مـزيونهـ]

ههههههههههههه
البارت كان حده عجيييييب
اما بدر شنوو خبيييث بس اشوي ينبلع
ودي أخذ فجر للمقبره وأقوله بكره انتي معاهم اقهرتني هع
بشااير اكسرت خاطري كانت خايفه حيييييل من بدر
ام بدر تقث هي صج الي مؤ قادره اتقبلها بالروايا

 

[مـزيونهـ]

اي صح

متى بتنزلين البات الي بعد ؟؟!!؟

انطررج

 

[asoom al3eesa]

ههههههههههههه
البارت كان حده عجيييييب
اما بدر شنوو خبيييث بس اشوي ينبلع
ودي أخذ فجر للمقبره وأقوله بكره انتي معاهم اقهرتني هع
بشااير اكسرت خاطري كانت خايفه حيييييل من بدر
ام بدر تقث هي صج الي مؤ قادره اتقبلها بالروايا

ههههههههههههههه ام بدر هذي مسويتها على وحده اكرها ههههههههه

 

[asoom al3eesa]

اي صح

متى بتنزلين البات الي بعد ؟؟!!؟

انطررج

البارت يمكن اليوم العصر او باجر

 

[روحين في رـوح]

ههههههههـ آمــآآ بدر يابؤؤي عليه رجـآآآآآآآآآل

واسؤؤؤم يا ويلي آنوووووثهـ


ووشسمهـ البارت يجننننن


يلا ناطر ين مو تتاخرين


بدنا شويه رؤوونسيه من بدر وخجل من اسووؤؤؤم
واكشن من فجر
وسالم ولانا يحبوون بعض
وشنو كمان مدري
ي


يلا يلا

 

[zhoorQ8]

تسلمين حبيبتي لا طولين

 

[قلبي سلمته لك]

روايـــــــــــــــــة جناان وروعه قليل بحقهــاا وربي
قصة مشوقة اكثر من الازم ..

تســــــــــلم الانامل ويعطيج العافية .. وانا باكون من المتابعين لج بل اول المتابعين

ناطرينج بالبارت الياااي