☼ ☼ الهنوف في ربوع ماليزيا 2012 ☼ ☼

[*الهنوف*]

اليوم الثالث والاخير بجنتنق
7/6/2012

قعدنا علي الراحه
رحت تريقت واخيرا انقشعت الغيوم وبينت الجبال

الباجي تريقوا ستار بكس ..


رحنا حجزنا باص لرحلة باجر لمنطقة بيننق بجر بنروح لها ونقيم 4 ايام
مكتب الحجز تحت يم ستار بكس



بعدها اخذنا تكسي عشان بنروح لمنتزهه (بيكت تنجي) يبعد عن جنتنق ٤٥ دقيقه
هالمنتزه فيه المدينه الفرنسيه واليابانيه
وحديقة الارانب

لمحه بسيطه عن المكان:-

مخطط للمنزه


المدينه اليابانيه فيها بيت تتصورون فيه ويلبسونكم ياباني
وسبا ومحل سوفونير وبقاله ومطعم بسيط
وشلال ونهر صغير فيه سمج وتوكلونه
والباقي كله نباتات
حلوه اذا ماكان معاكم صغار لانها متعبه بالصعود


اما المدينه الفرنسيه روووووعه
فيها فنادق علي مباني ريفيه
ومطاعم والعاب جيمز والعاب اطفال ومحلات سوفونير ودراجات هوائيه وعروض رقص فلكلوري وشرقي


ببدي معاكم الرحله..


خذينا تكسي لرحله مدتها ٤ ساعات ب ٢٠٠ رنجنت
راعي التكسي شايب فكاهي ويونس صيني معاه الجنسيه الماليزيه
طول الطريق يضحك معانا واحنا فطسانين ضحك



قصينا تذكره لدخول المنتزه (بوكت تنجي)
ودشينا في محطه الاولي جنبها المدينه الفرنسيه بس اليابانيه لازم ننطر فيها باص سياحي ياخذنا لمحطه ثانيه
وله مواعيد


بالبدايه ركبنا الباص السياحي ورحنا لليابانيه
اهيا متعبه شوي لان تصعدون فيها وجوها رطوبه




،،قطنا علي بداية المدينه بالمحطه الثانيه ونزلنا نتمشى فيها
اول ماوصلنا لقينا كانتين وحمامات عزكم الله





لقطات من المدينه اليابانيه





بحيره











​

يتبع...​

​

 

[*الهنوف*]

تابع اليوم الثالث والاخير بجنتنق​

مازلنا بالمدينيه اليابنيه
بعض النباتات والزهور​

​

​

​

​

​

​

​

​

​

​

​

اناناسه صغيرونه
ياخراشي
​

​

خلصنا ردينا للمحطه الثانيه اللي ياخذنا الباص منها ويرجعنا للمحطه الاولى​

​

يتبع....
​

​

 

[*الهنوف*]

تابع اليوم الثالث والاخير بجنتنق​

دشينا المدينه الفرنسه اللي بجانب المحطه الاولي ولا يطق مطر
والجوغريب عندهم معن المدينتين جمب بعض بس جو كل وحده غير
الصينيه رطوبه وشوي حر والفرنسيه براد ومطر
رووووعه شوفو الغيم اسود​

​

​

​

​

​

​

​

هذي فنادق كلاسيكيه
​

​

​

​

​

​

​

​

يتبع...​

 

[*الهنوف*]

تابع اليوم الثالث والاخير بجنتنق

​

شريت شمسيه لان فجاه طق مطر غزير​

​

تمشينا وتغدينا ..الغدا هناك مو شي
اكلهم لازم بارد وماصخ
​

طلعنا للقلعه​

​

منظر من فوق​

​

بعض النشاطات
​

​

​

بعدها اجرنا قواري(دراجات هوائيه)
شخبااااااري من زمان ما ركبتهم​

​

​

قزينا بره المدينه
بعدها بدى عرض رقص الفلكلوري والشرقي
وقفنا نتطمش
​

​

مامدانا نروح لحديقة الارانب لان الباص السياحي انترس ناس وكنا مطرين ننطر واحد ثاني وقلنا مو شرط نروح لها.​

خلص وقتنا وردينا لجنتنق
لان رحلتنا مدتها 4 ساعات باتفاق مع التكسي​

​

طلعت غرفتي اريح واضبط غراضي لسفرة باجر
واخييييييييرا انقشعت الغيوم وبينت اطلالة غرفتي وشفت الجبال والغيوم





طولنا بالنومه من ارهاق الايام اللي طافت
قعدنا ٩:٤٠ م
لقيت هذول عند مدخل الفندق







رحت تسوقت بمحلات الملاهي الداخليه​

شريت جناط بونيا وسوو لي خصم وعطونوا عضويه لمدة ٤ سنوات ​

خذينا عشا من بيتزا وكملنا السهره بستار بكس​

الجو بديع وبراد فقعدت لحظة صفاء وتمشيت بليل الجو يخوف بس حلو

انتهي اليوم الاخير
وباجر رحلة انتقالنا لبيننق المتعبه
تفضلوا استفساراتكم​

 

[*الهنوف*]

هنوف انا مخططة علي ماليزيا بس معاي بناتي ٩ و٨ سنين برايج جنتنج احسن ناخذ فيها فندق ؟؟ وجم يكفيها ؟يومين ثلاثة؟

اي كبار ويتحملون مشي وطلعه ونزله
يومين حلوين
اليوم الاول تخلينه مدينة النباتات والفراوله وتلفريك ومدينة العاب داخليه وخارجيه
واليوم الثاني مدينة الفرنسيه واليابانيه واذا تبين تروحين مرتفعات الكاميرون

 

[*الهنوف*]

بس اعذروني تعبت اكمل لكم باقرب وقت

خل اروح اقابل شوس الانستقرام

 

[نياره]

يعطيج العافيه

 

[الله يخليهم لي]

يعطيج العافية الهنوف متابعينج

 

[** آية من الجمال **]

الله يفتحها عليك يا رب يالهنوف ويرزقك من أوسع أبوابه ... واإللي يقرى يقول آمييين

ويوفقك بالدارين وكل البنات الطيبين اللهم آمين

أشكرك على ردك الكريم وتعليماتك فور جنتنج!

الليلة سفرتي إن شاءالله ع العمانية والله يسهل علينا يا رب

حبيبتي ميخالف أقول حق كراميلو عن الزحمة إللي حاشتك في أوتيل فيرست ورولد؟

 

[*الهنوف*]

الله يعافيكم حبايبي

تسلمين (ايه )بعد عمري علي هالدعوه
اللهم امين

حبيبتي تروحين وتردين بالسلامه
واذا تبين رقمي دزي عالخاص وكلميني واتس اساعدج لان باقي ٨ ايام للحين مانزلت عنهم تقرير
ببيننق وكوالمبور

 

[** آية من الجمال **]

حبيبتي.... رايحه الحين المطار بإذن الله

وراح أدعيلك بالطيارة بعد إن شاءالله

أستودعكم الله الذي لا تضيع ودائعه

 

[*الهنوف*]

الله ييسر سفركم
مشكوره حبيبتي علي
ادعي لي بالزوج الصالح وتنفك ضيقتي الماليه

 

[كارلوفي فاري]

حمدالله علي السلامه وعليج بالف عافيه
انا الاسبوع الجاي باذن الله رايحه كنت باسال عن :
المدن اليابانيه والفرنسيه وين مكانهم وشنو اسم المنطقه لانه حييييل اجبوني. واذا باطلع لهم من كوالامبور يصير وارجع بالليل.
وضاق خلقي من فندق جنتج وطريقتهم لانه احنا حاجزين فيه وشكله يضيع. بساتفسر عن اللغه اللي تتفاهمون معاهم انجليزي ولا تلقون احد يتكلم عربي.
واسفه اذا كثرت عليج
ويعطيييج الف عافيه على هالتقرير المرتب والحلو

 

[نياره]

اب اب

 

[مـ ع ـزوفة حز*ن]

،،،


متآآبعتتج هنوووفه


.............

.....

..

 

[أم حمودي**MALL**]

عليكم بالعافية

 

[كارلوفي فاري]

اب اب

 

[*الهنوف*]

حمدالله علي السلامه وعليج بالف عافيه
انا الاسبوع الجاي باذن الله رايحه كنت باسال عن :
المدن اليابانيه والفرنسيه وين مكانهم وشنو اسم المنطقه لانه حييييل اجبوني. واذا باطلع لهم من كوالامبور يصير وارجع بالليل.
وضاق خلقي من فندق جنتج وطريقتهم لانه احنا حاجزين فيه وشكله يضيع. بساتفسر عن اللغه اللي تتفاهمون معاهم انجليزي ولا تلقون احد يتكلم عربي.
واسفه اذا كثرت عليج
ويعطيييج الف عافيه على هالتقرير المرتب والحلو

اب اب

حبيبتي ذكرت ان المدينه الفرنسه بجنتنق
اي يصير تطلعين من كوالمبور الطريق ساعتين اعتقد مو متاكده يمكن اكثر
لا انتم روحو للفندق مبجر عشان يمشي دوركم بسرعه..الفندق حلو بس عادي يعني ظليمته شينه
تعاملو مع سواق هنود يعرفون عربي بس الصينيين والماليزيين اغلبه انجليزي
لاتحاتين عادي تقدرون تقزون اللغه

لا ولو اخذي راحتج بالاسئله مابي غير الدعوه

 

[نياره]

كملي حبوبه

 

[مـ ع ـزوفة حز*ن]

،،،،


كملي هنوووف بإنتظآآآرج



..........
.....
..