تجمع البنات الي ماخذين اجازة دراسية من الوزارات

[!الجادل الصعب!]

طيوف الشوق

تسآلون .. بالتنميه والتطوير ومكآنهم بالجآبريه ..
مآيقصرون هنآك يقولون لج الشروط وشنو لج وشنو عليج ..

للآسف مآعرف اوصف

تآريخ تقديم طلبآت التفرغ الدرآسي شهر 3 ..

والقبول يطلع شهر 7 او 8


ام نونآ ..
المعآش الحمدلله حلو وزين معاشات الدبلوم ..
بس بالنسبه لي طموح ..
لآن مو معقوله كل هالسنين درست ودخلت كليه آخرتي اصير امينة مخزن لين اتقآعد ..
والسلم الوظيفي ثآبت ماكو حوآفز او اي شي ..

 

[عسليشن]

السلام عليكم
بنات عفيه ممكن سؤال؟؟؟

ماتدرون الكليه تعطي جم يوم اجازه حق الطالبة الوالده ؟؟؟

( كلية التربية الاساسية )

 

[العصامية]

السلام عليكم
بنات عفيه ممكن سؤال؟؟؟

ماتدرون الكليه تعطي جم يوم اجازه حق الطالبة الوالده ؟؟؟

( كلية التربية الاساسية )

اسبوعيييييييييييين بس

 

[عسليشن]

العصاميه مشكوره حياتي

جزاج الله خير

طيب متى اقدم لهم العذر ؟

 

[كويتية بالخارج]

هلا حبيبتي راح أسألج مستشار بيشتغل بالوزارة وأقولج
الله يوفقج
​

 

[مملوحة_الوصايف]

بناااااات منو فيكم جرب يغير تخصصه بعد ما طلع تفرغ صج ما اقدر اغيره خلاص لان من الاساس الوزاره وافقتلي على هالتخصص من الأول ؟؟

 

[n-h-m]

اب اب وينكم

 

[طالبه مصدومه]

تقدرين عن طريق واسطه او تراكظين تسالين شرط مايطلع التخصص من النشره للي طالبتها الوزاره

 

[أم الغزلان]

مرحبا بنات,,اشلونكم؟

انا سنة ثالثه اجازة دراسيه وللحين ماخذيت البدل!!!

*بغيت أسأل اللي تخرجوا إشلون ارجعوا دوامهم؟ وكم يزيدونهم؟

*هل اخذتوا مكافأة ميداني؟

*لما كنت بقدم ع الاساية اطلبوا توقيع كفاله,واخوي هو اللي وقع ؟ هل بعد التخرج لازم يسوي براءة؟

*ابي معلومات اكثر عن اللي تخرجوا؟؟

الله يوفقكم يارب ويسهل عليكم..آميييييييييين

 

[Al-sal7ea]

السلام عليكم
أنا ثاني سنه لي بالتربيه الاساسيه
كنت موظفه بالتربيه واخذت تفرغ على راتب كامل
طبعا الراتب الكامل( الاساسي+١٧٠) بس الحمدالله

 

[ريان s]

مرحبا
بنات انا صارلي 10 سنين بالتربيه ومعاي ثانويه عامه وودي اكمل دبلوم ياليت تفيدوني

 

[سراااب]

ممككن تساعدوني منو منكم بالجامعه الاستراليه تتواصل معاي بليز همتكم ياموظفات ...........................

 

[maryam_q8]

انا قدمت اوراقي يعني اضمن قبولي بكلية التربية الاساسية ولا لأ؟؟

 

[AROORA]

السلام
شلونكم بنات ؟
بنات عندي استفسار بس بعيد عن موضوع التجمع
انا عندي بكالوريوس علم اجتماع وودي اكمل دبلوم عالي اداره عامه او تمويل اسلامي ؟ لان دراستهم بس سنه اعتقد علما بان هالتخصصين مو تخصصي ولا مساندي وشكلهم تخصص قوي ((((لوووول تعقدت من تخصصي اللي ولا وظيفه تبيه سوري قرقت راسكم
المهم السؤال هل اذا خذيت دبلوم عالي في احد هالتخصصين راح يفيديني بالتوظيف
مثلا في بيت الزكاة او التامينات الاجتماعيه يعني مثل هالاماكن

 

[ذكرى الفراق]

اب اب

خوش موضوع

 

[ذكرى الفراق]

بنات للاسف هذي رابع سنة لي اقدم اجازة وماقبلوني �� لان دبلومي جيد بس هالسنة عدت رابعه علمي وجبت ٨٣ بس شلفايده مادام ماقبلوني اجازة مادري شسوي !!!
زوجي يقولي سجلي جامعة وحاولي تاخذين تفرغ كورس الثاني بس هم ماظمن يقبلوني تربية اساسية ��

الحين انا موظفة بالتربية لي عشر سنين وكان ودي اغير تخصص البنوك من زماان المهم الحين اقدر اقدم عالجامعة وانا موظفة ؟؟

 

[يا كويتنا]

هاي بنات خووووش تجمع



انا اخذت موافقه مبدأيه من الجامعه المفتوحه


قالولي التفرغ سهالات لاني موظفه من 2008



ما ادري عن التربيه انا وزارتي الاوقاف



بس تعالوا بنات اللي كلمني اليوم قالي لازم اتردين اتداومين سنوات الدراسه عندنا مو تدرسين واتخرجين واتروحين وزاره ثانيه



اللي تخرجوا يفيدوني

 

[طالبه مصدومه]

من شروط صرف بدل الكتب تجاوز ٣٦ وحده وتصرف بعد شهرين. هذا الي سمعته صح هالمعلومه؟

 

[طالبه مصدومه]

بنات للاسف هذي رابع سنة لي اقدم اجازة وماقبلوني ? لان دبلومي جيد بس هالسنة عدت رابعه علمي وجبت 83 بس شلفايده مادام ماقبلوني اجازة مادري شسوي !!!
زوجي يقولي سجلي جامعة وحاولي تاخذين تفرغ كورس الثاني بس هم ماظمن يقبلوني تربية اساسية ?

الحين انا موظفة بالتربية لي عشر سنين وكان ودي اغير تخصص البنوك من زماان المهم الحين اقدر اقدم عالجامعة وانا موظفة ؟؟

حبيبتي قدمي الاجازه الدراسيه علي شهاده الثانويه مو الدبلوم وان شالله يوافقوون

 

[ذكرى الفراق]

يعطيج العافية عالرد حبيبتي ....بحاول اقدم عالكورس الثاني ان شالله يقبلوني وارتااح