نسبتي 93 ادش حقوق ولا اصير مدرسة روضه؟؟؟؟

[MiSs.Fshla=pP]

بنات نسبتي 93 ادش حقوق ولا اصير مدرسة روضه ؟؟؟



السلام عليكم

بنات انا نسبتي 93 ومحتاره الصراحه وين ادش


من وانا صغيره وانا ودي اصير مدرسة روضه وحيل حابه هالشغله بس الصراحه تحبطت لما قريت ردود بعض البنات بموضوع يذمون هالوظيفه ويقولون تعب وفيه لاصفي كل يوم ونروح كل اسبوع مكتبات يعني حتى لما نطلع من الدوام بنقعد نشتغل بالبيت ونفكر شنسوي كل يوم؟؟؟!! بس انا احب اليهال واحب اتعامل معاهم وجذي فا عشان جذي احس ودي اصير مدرسة روضه ..

اما حقوق الكل قالي حرام يايبه هالنسبه واخر شي ادش تربيه!!؛s

وقالو الحقوق منصب واذا خلصنا دراسه نقعد على مكتب وماكو تعب بس دراستها صعبه يقولون 600 صفحه على امتحان وانا ماقدر ادرس هالكميه حتى 40 صفحه بلياله ادرسهم واحس نفسي ما اميل حق هالكليه بس اذا صج طلع رياض الاطفال متعبه وتملل الواحد يمكن افكر اغير رايي واذا على الدراسه يعني بتكون صعبه اقدر ان شاء الله اتأقلم اذا بتكون الوظيفه تسوا واذادشيت حقوق شنو راح اصير غير محاميه طبعا يعني باحثه قانونيه وجذي وشلون بتكون طبيعة شغلها يعني على مكتب واوراق وجذي؟ وجم ساعه الدوام والمعاش وجذي

بليز ساعدوني باجريبدي تسجيلي ابي تقولولي بالتفصيل الممل الله يخليكم مو تقولولي دشي او لا تدشين وبس

ويعطيكم العافيه ..

 

[أدووويا]

نصيحه دشي حسب ميولج

 

[^^طالبه^^]

شوفي حبيبتي اذا دشيتي التربيه راح تحسين انج عضو فعال بالمجتمع و يبي يرتفع صيتج عن الحريم ماشاءالله عليها مدرسه مدرسه والا اله الا الله والله يوفقها ومعاشج 1000 دينار ولمي تشتغلين علشان اليهال مو خساره او تعب اذا انتي تحبين تشتغلين لان باين من اسلوبج عن اسآلة كلية الحقوق ماتحبين القعده علي المكتب تحبين الحركه ماشاءالله عليج

انا اشوف افضل لج الشيء الي تحبينه تعطين من قلبج شيء ماتحبين يمكن تصبرين سنه ولا سنتين علي دراسه الصعبه بس مراح تقدرين تكملين بالحقوق لان حييل حيييل صعبه بنسبه حق شخص مايهتم بآمور اصلن اصلن تحسينها حق رياييل مو حق حريم هالاشياء والناس الي حولج مايقدرون شنو تخصصج يعني شنو حقوق ؟؟؟ بذمه عند عيوز كبيره شنو يعني حقوق ؟؟؟؟؟؟ اما عند عيوز كبيره شنو يعني مدرسه اكيد تعني كلمه وحده شاطره تشتغل بجد وعمل اما حقوق وحده قاعده ورا مكتب و بالاسبوع ييلها معامله وحده او توضيح قانوني علي اقتراح او شيء من جذي حبيبتي خلي نفسج تحكممم وعقلج يقرر انتي شنو تبين انتي شنو حابه لا تقولين يبت هالنسبه خلااص ملكت الكوون انتي بآمكانج تدشين الطب اطفال بس انتي تحبين مدرسة رياض الاطفال دشي وتوكلي علي الله واذا بتدشين رياض الاطفال دشي التربيه بالجامعه مو الاساسيه لاان جامعة الكويت تسمح لج تكملين بععديين ماجستير و دكتوراه بالتربيه انصحج قرري بنفسج واحنا مجرد نعطيج الراي لآ اكثر ولا اقل

قرري وانصفي نفسج وشوفي شنو تحبين

ادري سويت قرقر كتير لووووول بس سامحيني

 

[حنطاويه عسل]

حبيبتي دشي الي انتي تحبيينه مالج شغل بكلام الناس

 

[MayOumii~]

الي تحبينه وبس دخليه
ان شاء الله نسبتج 99.9 دشي رياض اطفال اذا انتي حآبته
الي يذمون بالشغلة نآس مو حآبة هالشغلة
انتي مدآم حآبتها دشيها وانتي مغمضة لآنج بتبدعين فيه

 

[جلي احمر]

مبين من. كلامك حابة الاطفال والتدريس ورح تحبين الكلية ومالج شغل بكلام الناس ماتخلصين من الحين لي بأجر ريحي بالج وشوفي ميولج موفقة

 

[أحلى البشر]

دشي اللي تحبينه

انا عن نفسي اكره مجابل اليهال واعتبر ابلة الروضه = بيبي ستر !

 

[.. Purple ..]

من كلامج واضح انج تميلين انه تكونين مدرسة روضة انتي سوي اللي يريحج
حتى لو نسبتج عالية ما عليج من الناس وادخلي المجال اللي انتي حابته وتحسين انج راح تبدعين فيه

 

[انسام الكويت]

انتي مالج شغل بغيرج تلقينها اللي تذم التدريس موحابه هالشغله بس انجبربت تدرس هالشي لانه معروف التدريس ماكو فيها

اختلاط فأنتي شوفي ميولج والتخصص اللي تحبينه دشيه لانه راح يكون سهل عليج وحددي خيارات وايد غير رياض الاطفال والحقوق

وشوفي اللي متقبلته وحابته سجلي فيه موفقه

 

[عسل سل]

عددددل كلام الي قااالووو دشي الي ترتاحين له وشغلة المدرسة حيييل مرغوووبه
لكن سمعت الرووضه متعععععب بس اكيد اذا تبين الشغل هذا شي ثااني
وترى كلها نفس الشهاده بكالريووس التربيه راح يسمونها جامعة جابر جنه
عمووما استخيريييي نصيييحه عشان ترتاحين

 

[MiSs.Fshla=pP]

مشكورين حبايبي ماقصرتو

والله وايد استفدت من كلامكم

يعطيكم العافيه ؛*

 

[مسألة وقت ~]

حقوووووووووووووووق

 

[Engineer A]

مدرسه روضه ؟ ونسبتج 93 ؟ حرام عليج جد !!
والله هالشغله اتعب واصلا معاشهم ضعيف وكله يروح عالزينه وخرابيط الصف وكل يوم تفكرين شتسوين حق باجر
ومسابقات وهدايا
يعني معاشج كله يطير عالسوالف
انا مرت خالي مدرسه روضه ومتأذيه معاشها كله على هالسوالف

حقوق مستقبل وهيبه ورزه

وانتي كيفج

 

[قدساوية 99]

انا مع راي البنات دشي المجال اللي انتي حابته مو اللي الناس واهلج حابينه بالنهاية انتي راح تدرسين وتتعبين مو اهم

 

[sunshine22]

بخصوص الهيبه والصيت

شجاب التربيه للحقوق

فرق شاسع


الحقوق

تصيرين

محاميه
مستشاره قانونيه
محققه
==========


شوفي الاسامي بس رزه وكلها تفتخرين فيها

وفيها شغل بس الراحه اكثر ما يتعبون بالتخرج

عكس التربيه ياكلون هواااااا من التدريس لانه كراف
اللهم ابلات الرسم (( هم اللي قايم حظهم بانضمامهم للهيئه التدريسيه والا ما عندهم غير قعدت الكرسي ))

 

[أحلى البشر]

بخصوص الهيبه والصيت

شجاب التربيه للحقوق

فرق شاسع


الحقوق

تصيرين

محاميه
مستشاره قانونيه
محققه
==========


شوفي الاسامي بس رزه وكلها تفتخرين فيها

وفيها شغل بس الراحه اكثر ما يتعبون بالتخرج

عكس التربيه ياكلون هواااااا من التدريس لانه كراف
اللهم ابلات الرسم (( هم اللي قايم حظهم بانضمامهم للهيئه التدريسيه والا ما عندهم غير قعدت الكرسي ))

عاد تصدقين انا رفيجتي ابلة رسم بسسس تتحلطم مادري شسالفتها صج بني ادم مايعجبه شي

 

[ملاااك نفسهـ]

كدراسة انت مو حابة تدرسين مستحييل راح تمشين لان اذا ماحبيتي الكلية ماراح تمشين فيها
بعدين مدرسة رياض اطفال جامعه الكويت معاشج قوي عقب الكادر ,,
وانا اقول دشي تربية وتوكلي على الله !!
بس هم الحقوق حلوة وكل وزارات الدولة تقبلج
الله يوفقج ان شاءالله

 

[شوق والدمعه]

استخيري حبيبتي ماشاء الله انتي مبين عليج فاهمه بالمجالين

الحقوق يبيلها مجابل مو سهله بس اكيد مو مستحيله بس ماشاءالله نسبتج حلوه واشوف الي بدياض الاطفال يتحلطمون ان معاشنا طاي علي اللوحات وهالسوالف

انتي شوفي الي تحبينه واستخيري وتوكلي علي ربج

 

[عادت ذكرياتي]

نصيحة مني لج شوفي ميولج وخلي عنج حجي الناس وخلي قرارج تتخذينه بعد تفكير عميق مع نفسج ووعي بجميع التخصصات ^_^


وهالامور هذي لا تاخذين راي احد فيها %%


بس آنا لو شنو ما ادرس يهال لوووول لأنهم يبجون وطلباتهم وايد وآنا مو قد هالشي %%


بس توكلي على الله ودخلي المكان اللي يعجبج ويرضي ميولج ..


مووووفقة

 

[(رنين)]

حبيبتي أنتي شنو تحبين هذا أهم شي
و أنا أشوف إن مدرسه إبتدائي أفضل من الرياض حسب بحثي المضني ....لووول
تخيلي روحج بالمستقبل مع الزواج و العيال أحس المحاميه شغلها صعب فيه أختلاط
أهم شي استخيري و ما خاب من إستخار
الله يوفق الجميع