- إنضم
- 25 أبريل 2011
- المشاركات
- 184
- مستوى التفاعل
- 0
- النقاط
- 0
محمد : راح اتقدملج ان شاء الله يا نور
نور مو مصدقه : متى !!
محمد : توني مسكره من ابوج نور الخميس بزوركم
نور مو قادره تحمل الكلام : صج محمد
محمد : اي صج حبيبتي صج لا مابيج تحاتين بعد اليوم
نور تلم محمد حيل و دموعه على خدها : الله يتمم علي خير ياربي
محمد : امين امين
نور : احبك
محمد : وانا اموت فيج يا عيون حبيبج
--------------------
ام نور: شنو بتسون
بو خالد : حجزت اليوم طياره لي امريكا
ام نور تبجي : يالله ياربي تردلي ولدي يا رب
بو خالد : ان شاء الله برد لا تحاتين حبيبتي
ام نور : ان شاء الله
بو خالد : توصين على شي
ان نور : سلامتك ابي ولدي بس
بو خالد ك برد باذن الله برده
-------------------
شريفه : صباح الخير حبيبتي
فرح : صباح النور
شريفه : شلون نفسيتج اليوم
فرح : احسن شوي
شريفه : انا بروح شوي و ارد اوكي
فرح : اوكي
فرح قامت راحت الحمام غسلت شافت نفسها بالجامه حسيت روحها وصخه تبجي و تغسل ويها تبجي و تغسل ويها (دخلت شريفه عليها و شافت روان تبجي )
شريفه : شفيج
فرح تبجي و تغسل ويها : انا وصخه شريفه مو نظيفه شوفي ويهي اسود في بقع سودشوفي
شريفه اخترعت : اسم الله عليج ما فيج شي بس شفيج
فرح تمسح ويها بالماء : شوفي البقع شريفه ما تروح
شريفه تسكر الماي و تمسك فرح : بس حبيبتي بس لا تعورين قلبي بس هدي
خذتها ودتها السرير هدت شوي دقت عله روان و قالت روان شوي واتي لهم
---------------------
لبست روان و نزلت السياره تدق علي جاسم ما يرد بعد شوي دق عليها
روان : ليش ما ترد
جاسم : توني طالع من البيت
روان : وين رايح
جاسم : بتمشى شوي
روان : اي معاك ؟
جاسم : لا وراج جامعه
روان : عادي مابي اروح انا اصلا
جاسم باستغراب : عيل وين رايحه من الصبح
روان : حق شريفه
جاسم : اها
روان : ما قتلي اي ولا لا
جاسم : لا روحي حق شريفه قعدي معاها حرام
روان : يعني ما تبيني
جاسم : لا شكو روان شهالحجي
روان : عيل بشوفك
جاسم : اوكي تعالي البحر
روان : اوكي
-------------------------
اسما : يا خايسه انتي وينج
شهد : موجوده
اسما : ملجته صالح الخميس
شهد : الله يوفقه
اسما : امين
شهد : بتسون حفله
اسما : اي
شهد : اوكي اسوم اخليج الحين
اسما : على وين
شهد : بنام سهرانه
اشما : تصبحين علي خير حبي
شهد : وانتي من اهله
تنسدح على الفراش ياربي ساعدني ياربي لا تحمليني فق طاقتي ياربي اللهم امين يا ربي ساعدني
-----------------------
بايام الشتا احلى جو الغيم و البراد الخفيف روان و جاسم قاعدين
روان : احبك جسوم احبك احبك
جاسم يشوف البحر و ساكت
روان : الووو نحن هنا مو هناك حجي
جاسم التفت عليها و ابتسم : ههه
روان : يمه علي هالابتسامه اللي تسوى الكون كله احبك
جاسم : خذيتي دواج روان الليوم
روان : اي الحمدالله
جاسم طلع تلفونه وقعد يتعبث فيه : انزين لو سالتج سوال تردين علي بالصج
روان مخترعه : اي اكيد
جاسم : بعد السالفه اللي بقولها انا راح اوصلج البيت اوكي
روان استانست حسبالها انه بفاتحها بموضوع الزواج ابتسمت و قربت صوبه ومستحيه : اوكي
جاسم استغرب : شفيج مبتسمه و مستحيه
روان نزلت راسها : ما فيني شي قول
جاسم وراها صورتها مع فهد
روان بهاللحظه كل شي فيها وقف وقف التفكير وقف عقلها دموعها بروحها تنزل
جاسم : انصدمتي صح
روان تمسح دموعها ومنصدمه ما تدري شتسوي
جاسم : عندي سال واحد يا روان بس و بعدها ان كنت انا الغلطان ابوس ايدج و اتسامح منج
روان يتها دوخه بسيطه تسندت علي الكرسي و خرت شعرها عن ويها تطالع جاسم و ماهي قادره تحط عينها بعينه
جاسم : بس ابي اعرف ليش انا بشنو قصرت ؟؟
روان : ....
جاسم دموعه تنزل : بس ابي اعرف انا بشنو قصرت عليج بس ابي اعرف ليش خنتيني مع واحد حقير
روان :
جاسم : هل لانج انتي حقيره و ما تسوين شي ولا متربيه ولا عندج ذرت احساس ؟ او هل لانج خاينه ؟. او هل لانج انتي ما تستحين على ويهج ؟ او هل لانج زباله و تحبين الزباله اللي نفسج
روان تبجي و ساكته لانها تستاهل اكثر من هالكلام
جاسم : ما تردين ولا لسانج كلته القطوه طول الايام وانا اسمع منج الجذب طول هالايام وانا ودي امسكج من رقبتج و اخنقج لانج لويتي ايدي لانه ذبحتيني يا روان ذبحتيني
روان : بس جاسم بس
جاسم : ليش بس كلامي وايد اجرحج انزين شرايج فيني اني حتى اللحين وقتي اللي قاعد اكلمج فيه مستخسره عليج مابي اي شي بس ابي اعرف ليش
روان : اسفه
جاسم : هههههه اسفه صج اللي قاعده اسمعه ولا تضحكين ( تنزل دموعه مسك ايدها وحطها على قلبه )هذا شسوي فيه شلون يكرهج قوليلي ( ويطق قلبه ) هالقلب حبج و صانج و حطيتج علي عيني و على راسي و بقلبي خليتج الوحيده كنتي بتكونين ام عيالي و شرفي و عرضي و هذا يزاتي هذا اللي جنيته منج وفيت يا روان و ما توقعت الخيانه و الخيانه منج انتي الله يا روان انصدمت فيج انصدمت فيج قوليلي يا روان بس ليش ليش ابي افهم مابي شي منج شلي سويته يا روان تكلمي قولي شي لا تسكتين تكلمي يالخاينه تكلمي تكليمي
روان تسحب ايدها وتنزل راسها : عورتني جاسم ايدي
جاسم : باسج مسك ايدج لمج حبج ها روان وانا كنت واقف بعيد و اشوفج انتي و اهو مثل ما تضحكين له تضحكيلي مثل ما تمسكين ايده كنتي تمسكين ايدي مثل ما كنتي قريبه مني كنتي قرييه منه
روان : سامحني جاسم
جاسم : كل شي طلبيه مني روان الا المسامحه يا روان مستحيل اعطيج اياها
روان : جاسم انا احبك يا جاسم
جاسم : ماكو ياران شي اسمه حب بهالزمن
روان : جاسم
جاسم : انتهي كل شي بينه يا روان انتهى
روان : لا جاسم بليز لا لا تخليني اموت يا جاسم اموت
جاسم : الموت اهون لج من انج تكونين معاي ياروان لاني كرهتج كرهتج
روان : تكرهني
جاسم مسكها من ويها حيل: اي اكرهج اكرهج وخليتني اكره كل البنات
روان : ايييي جاسم عورتني عورتني
جاسم هد روان وراح يدخن : شنو اسوي الحين فيج ابي حل
روان : انساني وانسى اللي سويته فيك
جاسم : ههههه بهسهوله عندج الحب
روان : لا
جاسم : ودي يوم اللي شفتج فيه كنت ميت ولااني اعيش معاج
روان تبجي و منزله راسها
جاسم : ياليتني ما عرفتج ياليتني ما حبيتج يا ليتني ما شفتج يا ليتني يا روان
روان : جاسم
جاسم : نعم
روان : قلبي يعورني
جاسم اخترع وقام وراح صوبها : هدي بالج روان تنفسي عدل ( وتنزل دموعه مو قادر يمسكها يحس انه شي حيل يكره ) روان هدي
روان تبجي وساكته و ماسكه ايده حيل لانها تدري بعد دقايق ماراح تمسك ايده كلش : اذبحني جاسم
جاسم : روان تنفسي لا تعبين روحج بليز
روان : انا اسفه جاسم اسفه على اللي سويته اسفه 0 توخر عنه 0 ابي اروح وانسى روان الخاينه روان
جاسم : راح انساج بس طلبتج اخر طلب ياروان لا ترديني
روان : امر تدلل
جاسم : ابيج توعديني انج تنسيني وتذكرني بالخير و مابيج تبجين علي ولا ابي قلبج يعورج ولاتعبين نفسج وابي اوصلج لي بيتكم طلبتج يا روان لا تنسين هالشي واهم شي اذكريني بخير
روان : انت شي بحياتي ماراح انساه لو اموت اوكي ان شاء الله ابي اروح بيت شريفه
جاسم : وابيج تقولين للكل اني انا اللي خنتج وانا ما استاهلج و اني حقير وخاين و خسيس مو انتي
روان تدمع عينها و تشوف جاسم الريال يبجي و حالته اللي كلش ما تطمن بخير : ان شاء الله
ركب جاسم السياره و روان ..
هدوء قوي من كل الطرفين روان مسنده راسها على الباب تتذكر كل الكلام و تبجي بسكوت جاسم كان يسمعها لكن ما بيده اي شي شغل الراديو
ياما خبيت بعيني ..
دمعي و همي اللي ساكين فيني
وما اخليك تحس فيني
اداويك و قلبي موجوع
اذا كنت بعذابي راضي
وجاي عشان ترجعني
انا يا حبيي جرح الماضي بعده يوجعني
اذا شايفني مو قاعد ابجي
ليش انت خليت فيني دموع
اذا شايفني مو قاعد اشكي
فكرك يعني مو موجوع
ضيعني حبك ضيعني
ياما اشكي وما تسمعني
حتى الاه بتوجعني
صوتها عندك مو مسموع
روان : ككافي جاسم سكر الراديو بس مافيني حيل
جاسم : انا اسف
روان تبجي و تسكر ويها بيدها الثنتين : سامحني جاسم مو الا انك ترد لي المهم انك مسامحني
جاسم يشوفها و صعب ينطق الكلمه لكن : مسامحج محلله روان
روان : هذا البيت
جاسم وقف
روان : احبك
جاسم لف ويه عليها و ابتسم لها
روان : قولي احبج لاخر مره جاسم ابي اسمعها منك و بمشي ماراح تسمع اسم روان
جاسم : ياليت الفعل سهل مثل الكلام ياروان ياليت اقدر انساج
روان : قولي جاسم
جاسم يشوفها لحظات اخر لحظات تنزل من عينه دموع حاره حيل : احبج
روان تبجي و تمسح دموعها وتنزل : الله يوفقك جاسم باي
جاسم : روا...
سكرت الباب روان و نزلت البيت نزلت وريلها تحيس مو شيلتها من التعب و الفكر والالم
جاسم : روان لا تخليني روان انا احيج يا رووان ليش يا روان
ليه يادنيا .. يازمن .. كل شي وله ثمن
حتى أشواقي نسيت .. مدري هي صارت لمن
ليه في عز المحبة .. خذتي مني اللي أحبه
وافترق دربي ودربه .. وليه يادنيا المحبة
من يسليني بيومي .. منهو أحكيله همومي
ليه تبي تزودي .. ليه يادنيا همومي
شاللي سويته بعمري .. ودي أفهم ودي أدري
من سواتك فيني والله .. شيبت والعمرباقي
ليه يادنيا المحبة .. خذتي مني اللي أحبه
وافترق دربي ودربه .. وليه يادنيا المحبة
كافي شري وكافي خيري .. حتى مدري وش مصيري
شوفي غيري عذبيه .. ولا هو مافيه غيري
ماشفت بك أي راحة .. مليت وبكل صراحة
أنا أول شخص يتعب .. وتمل منه جراحه
ليه يادنيا المحبة .. خذتي مني اللي أحبه
وافترق دربي ودربه .. وليه يادنيا المحبة
حتى أشواقي نسيت .. مدري هي صارت لمن
ليه في عز المحبة .. خذتي مني اللي أحبه
وافترق دربي ودربه .. وليه يادنيا المحبة
من يسليني بيومي .. منهو أحكيله همومي
ليه تبي تزودي .. ليه يادنيا همومي
شاللي سويته بعمري .. ودي أفهم ودي أدري
من سواتك فيني والله .. شيبت والعمرباقي
ليه يادنيا المحبة .. خذتي مني اللي أحبه
وافترق دربي ودربه .. وليه يادنيا المحبة
كافي شري وكافي خيري .. حتى مدري وش مصيري
شوفي غيري عذبيه .. ولا هو مافيه غيري
ماشفت بك أي راحة .. مليت وبكل صراحة
أنا أول شخص يتعب .. وتمل منه جراحه
ليه يادنيا المحبة .. خذتي مني اللي أحبه
وافترق دربي ودربه .. وليه يادنيا المحبة
---------------
