تجربتي الحلوة لفندق^Missoni^ و لونوتر البحر ومياس البدع ..حياكم

[om MaRyooM]

الســـــــــــــــلام عليكم



حبيت اعرضلكم تجربتي مع فندق ميســـوني Missoni اللي يم مجمع سيمفوني مقابل المركز العلمي



مع الصور بالتفصيل


حجزنا ليوم30-6 مسوين عرض بدل 85 دينار لليلة مسوينها 56 عشان الصيف خوووووش سعر



سوينا check-in الساعه3 اهو يبلش من 2 الظهر


هذا اللوبي والرسبشن



































الالوااان مريحة .. عجيييبة











غرفتنا الدور الخامس






صعدنا فوووق وهذا شكل الغرفة









الحمام اكرمكم الله




أهممم شي التلفوون .. يمكن تصير حالة طواارئ







الشاوررر



















الستارة توماتيك تتصكر اذا زاعجتكم الشمس ... تاكنوولوووجيا ياعمي





التجوووري عشان تحطون ملايينكم وجيكاتكم







^^^
يحلييلهم مرحبين فينا بالتلفون حاطين اسم العايلة
(موعايلتي طبعا عايلة زوجي الكريم)






التلفزيون شي شي .. شاشته مووطبيعية من الوضوح





والمطل ..
اااااااخ ياقلبي











منظر البحر عجييييييييب
لوهلة حسيت اني مو بالديرة <<<ياللي مامثل اهلها ديرة خخخخ





في ناس تحت عايشين حيااتهم طبعا ..
انتو غضوو البصر كاااك





وبعديييييين بدلنا وطالعنا تلفزيون الى ان حان موعد العشااااء


تابعــــــــــــــووونيـ ،،،،،

 

[om MaRyooM]

نكممممممل حبايبي



رحنا تعشينا مطـــعم لونــــوتر مطعمي المفضل














خذينا كابين فووق



المنظر روااق وعجيبة القعدة


http://www.q8yat.com













خلصنا وردينا فندقنا العجيب





صورة الفندق واحنا رادين بالطريج



وصلنا بالسلاامة


*******










ثاني يوم


طبعا مايبيله

ريووووووق هههه


ريوقهم كان عجيب عجيب
بمطعم Cuccina













حياكم





جاي وحليييييييب يم يم



عجبني قلاصهم
كان ودي اخذه معاي هههههههههه








شراايكم بس باللقطة خخخخخ
مفشلة ريلي وين ماروح اصور واجكجك هههه



























وبعدين رحنا غرفتنا وطلعنا نتسوق ..

وتغدينا بمطعم ميــاس اللي بالبدع .. يععععجبني اكله لازم تجربونه


يلا اختارو طاولة








تفضلووووو

هاي الطاولة .. وهادا المطل







وهيدا الغدا ..
صحة وهنا











سمج هامووور ويا عيش وزعفران
يممممي




ولازم الجااي ورا الاكل .. لزوم التهضيم هههه





وسلاااامتكم



**رايي بالفندق :

يستحق التجربة
وعجبني اهتمام الموظفين ونظافة المكان .. والفندق مرييييح وعجيب


المايك لكمممم

 

[انوثتي غير وياك]

تتهنين ام مريوووووم

تستااااهلين

ومشكوووره

 

[ام نيوفي]

عليج بالعافيه
و توني ادري ان لونوتر في كباين​

 

[❀مـξـآنـﮯ ﮜـثـﭝﺮە❀]

تتهـنيين حبيبتي

وعلـيكم بـ الف عـآفيه خـوووش تقريير

 

[ديزاينر الكويت]

خوش تقرير

عليكم بألف عافيه

الكل يمدحه يبيله.

 

[الغضى]

نايس
عليج بالعافية
يا حلوج أم مريوم وانتي تجكجكين بالصور ههههههههه

 

[farasha7]

تتهنين حبيبتي ميسوني وايد حلو بس عيبهم ان الحمام ما فيه هوز حق التشطيف عشان الطهارة والصلاة مادري ليش فندق في بلد مسلمين وما يهتمون بهالموضوع كأن ضيوفهم كلهم اجانب:bbbiu:

 

[بنت الاحلام]

شي روعه

 

[شقاوتي غير]

اي والله خووووووش تقرير

بالعافيه

 

[نووورر]

رررروعه
بس بسالج كباين لونوتر مسكره

 

[أحلى من الخيال]

عليج بالعافية
بس أنا لو منج ما أطلع من الفندق دام ليلة
أو ليلتين عشان ما أحس إني بالديرة
ما فيه سبا ؟​

 

[(TigerWoman)]

علييييج بالف عافيييييه يااااااارب

خوووووش تقرير يعطييج العافيه يااارب :*​

 

[قاهره عذالي]

عليج بالعافيه

طلعه حلوه

 

[ديزاينر الكويت]

تتهنين حبيبتي ميسوني وايد حلو بس عيبهم ان الحمام ما فيه هوز حق التشطيف عشان الطهارة والصلاة مادري ليش فندق في بلد مسلمين وما يهتمون بهالموضوع كأن ضيوفهم كلهم اجانب:bbbiu:

عاد بغيت اسال ام مريوم علي عل شغله بس استحيت :eh_s(22):

ليش جذي صاجه والله انا ريلي ما يحب يروح فنادق و السبب مافي شي حق التشطيف :eh_s(4):

حتي فندق السفير مافي كنا نطلع نروح مطاعم و نروح الحمام :eh_s(1):
:eh_s(2):

 

[om MaRyooM]

هلا حبااايبي


مشكورين على طلتكم الحلوة والله ونستوووني فديتكم

 

[om MaRyooM]

اللي سألو عن الحمام اكرمكم الله
اي صج هذي السلبية الوحيدة بالغرف

مافي هوز بس في شطافة يسمونها ههههه الي تشابه المرحاض بس فيها حنفية من ورا

اتتتتعب ع الوصف ههههههههه

 

[om MaRyooM]

كباين لونوتر بنات اهما كلهم كبينتين حاطينهم فوق
وعلى فكرة المنيو مالتهم غير .. اغلبه ستيكات واطباق دسمه


ومسكرة من الجوانب والصوت مقموت ماينسمع ... بس مافيهم باب يتسكر

 

[ام سعود ديكسون]

يا مال العافية ام مريوم
الله يهنيج عمري

 

[أخاف اجرح]

ام مريوم حبيبتي الحجز مو شامل الوجبات ولا شنو
انا ان شاء الله ناوية عليه من لغلقة والله الي فيني وبعزم ريلي بس مو عارفة جم احط معاي خفت اتوهق هالمره العزيمة علي