مشاركة في حملة رشيقات العيد

[إقدام]

السلام عليكم ورحمة الله وبركاته

حبيباتي زميلاتي طلاب الرشاقة ..

اني مشاركة في حملة قطووووة لرشيقات العيد ..

وزني 70
طولي 158

و حابة لو ان احنا نسوي قرووب نطبق فيه نفس الرجيم ..

نعين بعضنا .. نوجه بعضنا .. نزف بعضنا ( إذا خربناها ) .. والاهم ان احنا نشجع بعضنا ,,

فالي تحب ان تجوف ليها زميلة .. تكتب وزنها وطولها والرجيم إلي تفضله ..
وبعدين تختار اي من الرجيمات يناسبها ,, ومن من البنات تحب انها تكون وياها ..

( ادري ما اعرف اشرح خخخ )


الدبة ... إقدام

 

[إقدام]

بالنسبة لي .. كان عندي فكرة رجيم .. بحيث انه يكون ممتع وبعيد عن الرتابة وفي نفس الوقت متوازن وهي كالتالي :

كل اسبوع نطبق رجيم نتفق عليه بحيث ان احنا ما نتعدى عدد معين من السعرات نحدده
مثلا :
الاسبوع الأول / رجيم اللقيمات .. 1000 سعرة حرارية
الاسبوع الثاني / رجيم دشتي ( المرحلة الثانية أو الثالثة ) .. 1000 سعرة حرارية
الاسبوع الثالث / رجيم الموز .. 1000 سعرة حرارية
.
.
.

وهكذا نتفق كل اسبوع باسبوعه ..
خلال الاسبوع نفسه .. عشان نبتعد عن الملل في التطبيق .. نخلي يوم مثلا :
رجيم الفواكه
رجيم السوائل
رجيم التمر واللبن
.. بس يوم او يومين .. عشان نكسر الروتين .. بس هي يعني مو نظام قائم بذاته ( نرصعه بين ايام الرجيم )


تقريبا عندنا 7 اسابيع قبل العيد لا يجيبنا .. شدو الهمة
واكتبوا ويش راح تسووون

 

[modern]

انشالله تضعفين بصحة و عافية و الله يثبت الإرادة عندك

 

[إقدام]

تسلميين

 

[نوفآ]

معااااج ان شاء الله

 

[دهن_العود]

أنا معاج توني اليوم باديه رجيم وانا معاج بس عندي استفسار أنا اليوم بدئت استخدم حبوب سليمنيق الخضراء وحدي خايفه مالي غيركم آرائكم فيها وآسفه. ع الاطئله

 

[إقدام]

أهلا بيكم نوفاا و دهن العوود .. فرحتوني .. الله يفرحكم

خلاص عجل .. بداية الاسبوع مالينا بيكون من باجر ( ليش التأجيل )
اقترح يكون رجيم هذا الاسبوع رجيم اللقيمات .. للدكتور الهاشمي ..

خلال هذا الاسبوع لزما نستهلك ما لا يزيد عن 7000 سعرة حرارية موزعة بشكل غير متساوي على الايام ..
نموذج أولي الاربعاء 1000خمس لقيمات + الوجبة المرحة

الخميس 800سبع لقيمات بدون الوجبة
المرحة

الجمعة 1000خمس لقيمات + الوجبة المرحة

السبت 700رجيم الفواكه

الاحد1000عشر لقيمات

الاثنين 1500يوم مفتوح

الثلثاء1000رجيم السوائل



هذا نموذج أولي للبرنامج .. شنو تحبون تضيفون أو تغيرون أو تنقصون .. على راحتكم ما هو من السماء

 

[إقدام]

أنا معاج توني اليوم باديه رجيم وانا معاج بس عندي استفسار أنا اليوم بدئت استخدم حبوب سليمنيق الخضراء وحدي خايفه مالي غيركم آرائكم فيها وآسفه. ع الاطئله

بصراحة ما اعرف عن الحبوب اي شي .. لكن الي اعرفه ان الي يجي بالساهل يروح بالساهل ..

قولي وكرري في عقلش وبالش وقلبش .. وبصوت عالي .. بخسر وزني بالطريقة الصعبة وللأبد
أكبر سلاح خليه عقلش الباطن .. والله ما يضيع عمل عامل ..
الرجيم والرياضة .. بس تجوفين احد وياش يشاركش همومش ومعاناتش وياهم بتصير حليو وبتتشجعين ..

من فترة صار لي استخدم بذرة الكتان .. قريت عنها يمدحونها .. وحتى احس ليها مفعول حلو .. جربي .. طبيعي وما تضر ان شاء الله


كأني القيت خطبة عصماء << :eh_s(7): تقبلي يا احلى دهن عود

 

[دهن_العود]

كلامج حيل حلو أنا كانوزني١٢٠والحين٩٩بس للأسف ملئت والإرادة مؤ نفس اول أخاف تعب سنه يروح بشهر ومدرب شيسوي

 

[أحلى عيون]

ينقل الي قسم اليوميات


موفقين خواتي

 

[بروؤنـ..ـزيةة]

اناا بعد بضععف ملجت قبل اسبوع ولازم اضعف قبل عرسي
وزني 76 وطولي 158
><"​

 

[إقدام]

كلامج حيل حلو أنا كانوزني120والحين99بس للأسف ملئت والإرادة مؤ نفس اول أخاف تعب سنه يروح بشهر ومدرب شيسوي

انتين الاحلى حبيبتي

اول شي مبروك النزول ..

احس فيش يا قلبي .. لان عندي هالمشكلة .. لكن توصلت الى قناعة اني ما اقدر اواصل بروحي

لهذا السبب بالذات سجلت في هذا المنتدى .. ادور لي صحبة حلوة اكمل معاها طريقي اعينها وتعيني

ويا خيه الي سويتيه حليو وما بيضع باذن الله.. اهم شي الارادة والصبر

 

[إقدام]

ينقل الي قسم اليوميات


موفقين خواتي

طول عمري مضيعة
تسلمييين

 

[إقدام]

اناا بعد بضععف ملجت قبل اسبوع ولازم اضعف قبل عرسي
وزني 76 وطولي 158
><"​

الف الف مبروك .. تتهنون ان شاء الله

ويش في بالش تسوين ؟!