عمري 16 سنة و اسوي الذ باستا " موضوعي الاول "

[زدجالية و افتخر]

هلا :eh_s(8):

شخباااركم ؟؟؟ عساكم بخير :ggdw:

بصرااحة هذا اول موضوع لي بهالقسم من اعدادي و انشالله يعجبكم :eh_s(7):

انا للحين ببدايتي بالطبخ و قاعدة اتعلم بعدي 16 سنة

بس هالباستا الي سويتها ضبطت و طلعت واااايد لذيذة فقلت انزلها لكم و تعطوني ارائكم ... :eh_s(17)::eh_s(17):

ببدأ بالمقادير



مكرونة النوع الي تحبونه + 3 صدور دجاج مسلوقة + بصلة كبيرة مقطعة + ثوم + طماطم مقطعة + مشروم معلب مقطع + كوب قشطة + جبن شيدر مبروش + جبن موزاريلا + سكر + اعشاب مطحونه + معجون طماط + بهارات مشكلة + كزبرة مطحونه

الطريقة :

اول شي نحط الماي في الطنجرة و نضيف لها شوي كركم او تقدرون تحطون صبغة زعفران بس انا استخدمت كركم و شوية ملح و تخلونه لحد ما يبدا الماي يغلي شوي مو وايد ..


نحط الطماط المقطع مع شوية معجون طماط مع زعتر مطحون و شوية سكر و ماي و نخلطه بالخلاط لحد ما يصير سائل




لحد يرد بكمل

 

[زدجالية و افتخر]

بعدين نضيف المكرونة للماء المغلي و نخليها لحد ما تنضج



نشوح البصل و الثوم في الزيت



بعدها نضيف البهارات المشكلة


البهار المشكل هاي صورته مع الكزبرة بس م صورتها


انا حطيت هالبهار بعد تلقونه بالسوق


على صوب تخلطون في الخلاط كوب الكريمة مع شوية كزبرة مفرومة وراح تحصلون على صوص اخضر

نحطه ع صوب لان راح نستخدمه بعدين

نضيف الدياي على البصل و صلصة الطماط الي سويناها


ونقلب و بعدين نضيف الاعشاب المجففة ونخليه شوية ع النار لحد ما ينخلط مع بعض زين و عقب نطفي النار



نجيب صينية الفرن و نجط طبقة من الباستا و فوقها طبقة من خلطة الدياي



وجبن شيدر و نكرر العلمية لحد ما تخلص الكمية



بعدين نضيف صلصة القشطة الخضرا ونسكبها فوق الصينية



نغطي الصينية بجبن الشيدر و الموزريلا



نحطها بالفرن " طبعا مو انا الي شغلته " لحد ما يتحمر الوجه ونقدمها

وهاذي الصور النهائية





رايكم ؟؟ واذا لقيت في تفاعل راح اطبخ اطباق ثانية وراح انزلها

انشالله يعجبكم الطبق

 

[ضحكة الدنيا]

ماشاء الله
تسلم ايدج
والعمر كله ان شاء الله

 

[زدجالية و افتخر]

ماشاء الله
تسلم ايدج
والعمر كله ان شاء الله

ثاانكس حبيبتي :eh_s(7):

 

[جارة القمر]

العمر كله




وتسلم ايدك حبيبتي



وبالعافييييييييييييييييييييية

 

[زدجالية و افتخر]

ثانكسس جارة القمر

 

[UniqueBoutique]

يعطييييييييييج العافيه
شكلها يمي يمي

 

[beauty rose]

ما شاء الله عليج اي هذي البنات السنعه :d
تسلم ايدج و شكلها حده يشوووق

 

[-فلانة-]

عجييييييبة..لج مستقبل باهر بالطبخ إن شاء الله..​

 

[زدجالية و افتخر]

شكراا ع التشجيع بصراحة شجعتوني استمر

 

[توتا حمرا]

ماشاءالله تسلم الأيادي

ننتظر جديدج

 

[قطوووة]

شكلها واو تسلم ايدج




سنعه

 

[دنيا أبوها]

تسلم الأيادي شكلها يشهي

 

[قدساووويه]

اسم الله عليييج تسلم ايدج


والعمر كله


الله يحفظج انشاءالله

 

[مذهلة 78]

العمر كله وتسلم ا يدج حبيبتي

 

[أحلى غزالة]

ماشاء الله
شكلها يشهي
بدايه مشجعه حيييل​

 

[اميره1980]

اسم الله عليج حبيبتي تبارك الرحمن
زين سويتي تتعلمين الطبخ من الحين و ان شاء الله شوي شوي تتعلمين شغلات اكبر بالطبخ
تسلم ايدج و ان شاء الله نشوف لج مواضيع ثانية بالقسم
موفففففففقة

 

[hajer81]

تسلم الايادي

 

[زدجالية و افتخر]

انشالله اسوي مواضيعع يديدة وشكرا لكل من رد

 

[شريت ديني ونفسي]

تسلم ايدج حبيبتي والعمر كله انشاء الله
والله ونستيني عمرج 16 وتبين تتعلمين ذكرتيني في نفسي
انشالله نشوفج في تجارب يديده وموفقه