مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[كويتيه سبيشل]

كل عام وانتي بخير مريومه

عقبال ١٠٠٠٠٠ سنه

 

[مـريومه]

كل عام وانتي بخير مريومه

عقبال ١٠٠٠٠٠ سنه

وانتي بخير وصحه وسلامه
بعد عمرري تسلمين وياكم يارب :$

 

[ضــمــاد]

باجر 7-7 باخذه اوف عشان عيد ميلادي :$ وادري راح اخبص كيك وحلو :$

بس راح احاول قد ما اقدر اني اتحكم بالاكل :$

كــل عـام وأنتــــــــي بخيـــــر مــرايــــــــــــم



:eh_s(7):​

 

[مـريومه]

كــل عـام وأنتــــــــي بخيـــــر مــرايــــــــــــم ​

:eh_s(7):​

وانتي بخير وصحه وسلامه :$

بعد عمرري مشكووره :$

 

[MISS_RIOOM]

بنات انا مامشيت عدل خبصتت اعترف بس والله من باجر مية مية
والله
بنات وينكم
وين حماسكم؟؟

 

[كتكوته نورة]

هلا بالميزان هلا :ggdw:

بنات اليوم نأخذ الأوزان يأرب يكون خففنا من اوزانا


فريقي اذا ما تقدرون ادزون عالخاص .. حطوا بهالموضوع اسمي و و زنكم عشان أنزلهم بالجدول وأشوف من اللي ما التزمت

 

[قطوووة]

صباح الخير
حتى لو مخبصين
حتى لو زايدين

اهم شي الالتزام بالحملة ،، تونا بأول اسبوع

عموما جاري ارسال الوزن

 

[أإأم روويم]

كتكوته نوورة

احاول ارسل لج رسالة خاصة بس ماتوصل في خلل في المنتدى​

 

[ضــمــاد]

مادري شنو أكل عالغدا


ودي أطلب من دايت كير بس مليت منه


بنات منو تعرف مطاعم من طقة دايت كير عندهم خدمة توصيل


مالي خلق اطلع بهالغبار والحروره

 

[قطوووة]

ارشح لج إيت سمارت اكلهم يهبل

بس مايوصلون الا ب 9 دنانير وفوق ،، او ع حسب المنطقة
انا كنت اطلب منهم اكل حق يومين ،،

2 سندويتج + 2غدا +2 حلو

تحصلينه بموقع طلبات ،،
مطعم إيت سمارت. حولى - الجابرية العنوان: الدائري الرابع.
للاتصال: 25315662 - 55533909

 

[قطوووة]

مريوم

العمر كله
ديري بالج لاتكثرين حلو وتخربين تعب اسبوع

 

[ضــمــاد]

تسلميــــــــن قطـو و و و و و هــ

 

[كتكوته نورة]

مادري شنو أكل عالغدا


ودي أطلب من دايت كير بس مليت منه


بنات منو تعرف مطاعم من طقة دايت كير عندهم خدمة توصيل


مالي خلق اطلع بهالغبار والحروره

هيليث كومباني ولو فات من موقع طلبات يوصلون وفي كافيه health stop

 

[كتكوته نورة]

كتكوته نوورة

احاول ارسل لج رسالة خاصة بس ماتوصل في خلل في المنتدى​

حطي وزنج بهالموضوع وانا اسجله

 

[أحلى عيون]

السلام عليكم اخواتي جميعااا


المنتدي صاير يغث مايفتح معاي



انا امس حدي تعبانه كنت بالمستشفي ذبحتني الحراره هدت حيلي والله واي شي اكله مر وماله طعم وكرهت الاكل وعطوني مغذي وابره والبلاعيم ياكبرهم مسكرين علي بعض



الحمدلله اليوم احسن شوي

بنات اليوم الميزان وراضيه عن نفسي ولله الحمد وعقبال مااوصل علي الاقل ٧٩ اكون راضيه اكثر


ودي اطلع من الثمانينات زهقني

المهم جاري ارسال وزني الي صاحبه قروبنااااا وعسي انشالله باقي البنات الي معاي في قروبي مقدمين احسن ونازل وزنهم اكثر

 

[كويتيه سبيشل]

صبااح الخير بنااات

اليوم الميزان
ونااااسه


بنات مجموعتي
عفيه ارسلو لي اوزانكم قبل الساعه 11 بليل

 

[أحلى عيون]

بنات انا مامشيت عدل خبصتت اعترف بس والله من باجر مية مية
والله
بنات وينكم
وين حماسكم؟؟

تطلبين من البنات وين حماسكم نبي حماسك انتي بالاول


وتدرين بعد الكلمه الي خبصت ومن بكرا ابتدي هذي الكلمه تسوي لي غثي ولوعه جبد ههههههه

ياقلبي تو هذا اول الميزان جذي


تدرين والله اذا اكلت شي افكر بنات القروب اقول تلحين الكل ناقص وزنه ويسبقوني وخاصه الي وزنهم قريب عند وزني وانا للحين


شدي حيلج وخلينا كلنا منافسين لج وحاولي تمنعين نفسج اكثر واذا جعتي والله بس اكلي تفاحه حتي ماتعطيج مجال تاكلين

وسوي نفسي بعد كل ميزان اليوم الي وراه يكون كله اكلج تفاح بالبدايه تتعبين بس روعه مايخلي وزنج ثابت وينقي جسمج من السموم ويهيئه لرجيم


واالله يثبتنا ويقوينا يارب علي الاكل وبيجينا رمضان والله يعيناااااااا

 

[أحلى عيون]

بنات شرايكم بحبوب ايزي لاكس
اللي عند طالب الشمري ؟؟

اخذهم ولا ما فيهم فااايده؟؟

هلا كويتيه حلوين الحبوب وطريقتهم قبل الاكل بربع ساعه تاكلين حبتين


وانا اكلتهم ونزلت عليهم بالشهر 8 كيلووو يسببون اسهال تكرمين وكلهم اعشاب مايضرون

 

[Mademoiselle A]

السلام عليكم ..

سلامات (أحلى عيون )ماتشوفين شر

وكل عام وانتي بخير (مريومة )

وأخيراً الميزان ..

مانزلت الا 100 او 200 غرام مادري بالضبط جم لأن ميزاني مو رقمي

بس الحمدلله على كل حال المهم تحرك الميزان

جاري إرسال الوزن

 

[googoosh]

صارلي ساعه بدز وزني على الخاص حق اريام بس ما يصير مادري ليش معلق الخاص

المهم بحطه هني لان بطلع و اخاف ما يمديني انزله بعدين

ويهكم خير علي يا احلى تجمع لووول انا متفائلة الصراحه

الحمد الله رب العالمين نزلت 2 كيلو على فكره انا باديه قبل 1 -7
ذبحني الميزان طلعت روحي على ما شفت وزني لوول قلت حق ريلي يشتري ميزان و شاريلي هذا يقول احسن من الالكتروني المهم اخر شي صورت عشان اشوف وزني و كبرت الصوره لوول

المهم وزني الحين
55
فيني بجيه لووول هييييييييييييااااااااااا