انا وجسمي ..مذكرات مسلسل فكاهي p:

[Black_witch2]

helooo girlzzz
اعرفكم بنفسي اول شي :eh_s(8):

witch :93 kg
high:165
bmi:34.6
age:27

باجر يعتبر اليوم الاول من تغير .. نظامي بلاكل : نو وجبات سريعه .. نو مشروبات غازيه .. نو حلويات وجوكليت وكوكيز .. لاءءءءءء حق اي شي ابيض .. توست ابيض عيش ابيض معكرونه بيضا .. نو لدسومه
نهيييي هي لاي شئ كامل دسم وقليل دسم .. نو للاكل والشرب مع بعض .. نو للاكل قبل النوم ب 3 ساغات

نعم : للخضروات .. الحبوب والبقوليات .. فاكهه .. عصائر .. مشويات ..السوائل

النشاط : السهر بولكج نهي هي .. الرقص يس بليززززز .. ايروبك نص ساعه .. نط 100 مره .. المشي ( متوقف بالوقت راهن لطبيعه شغلي فامعادلته برقص والايروبك ونط )

مواد مساعده : حبوب بروتين .. اومغا 3 .. اعشاب ( كمون ملعقه صغيره-زنجبيل نص ملعقه -قرفه ربع ملعقه -شرائح ليمون 2 بالقشر - جاي اخضر ) كلهم مع بعض تحطينهم بكوب ماي مغلي وتخلينهم 10 دقايق يبردون وشربيهم قبل الاكل بثلث ساعه وياحبذا بهثلث ساعه تحركين شوي .. وتشربينهم قبل كل وجبه

عادات : شفط مستمر للبطن بكل فرصه سانحه .. لبس ملابس ضيجه عشان اكحل عيني بكرشي وماانسي اشفطها .. المشي بقامه مستقيمه .. كعببببببب لان يساعدج حيييل بشد وشفط ويقوي عضلاتج (عن تجربه ) .. محاوله لبس كورسيه من اي نوع لان بيدشش البطن ويعتبر بروحه رياضه من غير قصد حاله حال الشفط

تعريف سريع بقلب الحدث :eh_s(17):


بما ان انا كسوله بموضوع متابعه بشي فا كله ماالحق علي اي تجمع او مسابقه ,, نحس ,, شكرا ماتقصرون :bbbiu:

فا قلت بما ان انا بروحي مسلسل فكاهي .. فاا افيد الشعب من مقالب حياتي .. وبما ان انا ناويه ناويه انزل الوزن الحلو فا اللي بتابعني وانشاءالله افيدها .. وباخذ الاجر من وراها لاء جد لان انا متاكده في واحده ثانيه بمكان ما تتكرر معاها نفس قصتي .. فا lets go to change our life:eh_s(10):

الانسه الفاضله اللي اهي انا وزني المبجل كان .. الحمدالله ان ماضي بيكون فعل حرف جر كيفكم كنت فاشله بالعربي .. فا لكم برحله المعاناه

بلشت بتجربه جميع تقريبا انواع الحبوب .. الرجيم المتقطع .. الرياضه الخربوطيه .. البجي ّّ تري رياضه هذي بعد لاحد يستهزاء:rgewrg:

واتهت بالعمليه للاسف .. التكميم :eh_s(16): .. لان انا من البشريه اللي جسمهم ماستحمل العمليه وصارات مضاعفات وطارت من السنه الذهبيه لنزول .. اللي ماعرفني من نكي عرفني من سالفتي خخخخخخخ

المهم .. نزل من الوزن .. بس مو كله .. صارلي جريب 3 سنين ولازلت بتسعينات ورديت 105 :eh_s(11):

فا ياحبايبي العمليات مووووو حل اذا ماتبعتي بنظام واسلوب حياه صحي ,, بتردينه وجنج العسل .. عرفت هالحقيقه المره من بعد معاناه

فااا ياقلبي انتي وياها نزلت من 105 الي 93 بجهد جهيد لان معدتي الحلوه ردت طبيعي وشكرا جزيلا لكم :eh_s(15):

فا قلت اهني ستوووووووووووووووووووووب بغير كل شي



ببلش معاكم بحقائق تكررت وايد بس مو مهتمين احنا فيها وساعدتني انزل هال12 كيلو

1_المااااااااي .. كثرت ماشربتي ماي غسلتي دهون وطردتي سموم .. ومانبي نتحجي عن فايدته للانسجه والبشره وعن الجفاف وعن وعن .




2_ النووووم : سهر الليل يالهوووووي ديري بالج منه اذا بخاطرج مرتين بلاسبوع ياحبي .. السبب بتقولين ليش انا اقولج : بجذبين علي نفسج ولا علي واحده نفس حالتج .. الليل يعني يوووووع كااااافر .. عمليات الايض هبوط فيها .. الحرق بطئئئئئئئئئئئئئ .. يعني تخيلي اليي مفروض تحرقينه بنهار خنقول 500 برياضه .. اذا هرياضه سويتيها بالليل قولي تقريبا نصها مع ان نفس المجهود .. يعني لا طبنا ولا غدا شر .. نصيحتي لج .. خمدي



3_ شوفي نفسج من برا بعين الناس ,, ومن داخل بعينج .. والاهم من داخل حبي .. نفسج هذي ختكون اهي صديقتج وحبج الازلي .. يوم انتي تحبينها ودلعينها وماترضين عليها بتقدرينها اكثر اكثر.. ماراح ترضين لها بشينه .. خلج متمسكه بهنقطه .. وبسترسلج فيها بعدين _____ ياجماعه انا لازم انزل كتاب خخخخخ
[/COLOR]
[/SIZE]



4- الرجيم : يعني ممنوعات هذي اول كلمه طرت علي بالج صح ,, دام جذي يعني انتي متيييييييينه لانج مو فاهمه شنو لازم تسوين واثر فيج الحجي العام


.. نقاط عامه وببلش اسلولف معاكم اللحين .. ماراح اقولكم مالكم بطويله ... لانها طويله سوري :eh_s(22)::eh_s(22):[/SIZE]

 

[Black_witch2]

اللحين انتي قررتي انج بتغيرين نفسج صح .. جان مادشيتي وحستي بمنتديات ودورتي رجيمات انا متاكده انج بينج وبين نفسج حتي لو ماعترفتي حق احد .. ان نظرتج حق نفسج مو اهي اللي تمنينها .. تشوفين نفسج اقل .. حتي لو بينتي ان لاء والله شفيني مافيني شي .. بخاطرج تركضين او تتنطين بمكان عام مثلا .. انتي طالعه مع رفيجاتج .. وفجاءه صار شي وركضو انتي بتكونين المشهد الفكاهي بسبب الارتجاج .... خنتحجي بصراحه جم مره وانتي بسوق او مكان عام وحصلتي تعليق صج بجاج .. عني حدث ولا حرج .. او يوم تروحين مطعم .. ياللللللله تخافين تطلبين وتستحين .. يقولون البطه بتاكلنا وبتخرسنا .. صارت فيني :23_asmilies-com:
بلشي من داخل اعتقداتج وتفكيرج وقناعاتج .. بتقولين شهالخربطه .. لاء هذي النقطه الاولي والاساسيه لانها بتستمر معاج لنهايه عمرج .. بعد عمر مديد طبعا .. وبتساعدج بكل جوانب حياتج شخصيه والاجتماعيه .. لانج بتغيرين تفكيررررررر oster_av1:




كرري هالكلمه لين تصير جزء من نفسج .. انتي اذا حبيتي ولدج او اين كان .. بتعطينه رعياه الاهتمام .. وبتيبيله من كل شي واحسن شي .. وماتسمحين حق احد يقول عنه كلمه او شكله يكون اقل من غيره او ينحرم من شي .. فا شلون اذا كان هالولد اهو نفسج .. شلون تقولين انا احبه وانتي طقينه .. تمنعينه ان يلعب ويستانس ويسوي بكل خاطره ..هذي اهي نفسج ..اوقفي وقفه صراحه وشوفي انتي شلون تعاملينها :gr4uu:
معاملتج لها دل علي الحب او الكره .. شلون ..خنبلش من جسمج : يوم اليي تحطين فيه وجبه هارديز واللي كلها دسوم ومواد مهدرجه .. وتيبين البيبسي اللي اهو شكر محروق وتحطينه فيه ... وجوكلت ووووو مانخلص .. انتي جذي تحسين انتي عطيته اهتمام ورعايه .. انتي بساطه زدتي عليه دهن وحطمتي بشرتج ودمرتي انسجتج وزدتي هم الكبد والكليه من هالسموم .. وناهيج عن الرئه والقلب المساكين اللي يزيدون ضخ وتوسع بس عشان حضرتج تستمرين بتنفس والحركه .. تخيلي حال هالمساكين شنو ذنبهم لانهم موجودين داخل جسمج انتي .. وبنهايه توقفين وبعين قويه تقولين انا احب نفسي
طبعا غير جريمتج حق عقلج من مخه الي مخيخه الي كل شئ موجود فيه .. زياده دهون والكلويسترول والسكر تتوقعين بتعدين منها لاء .. قدرتج العقليه تركيزج استيعابج كلها اقل من معدلها وكل ماكبرتي ازداد الامر صعوبه ..كلام يجرح .. لازم تنجرحين لان انا جرحت نفسي عشان اوصل حق هالحقيقه اني كنت اكره نفسي :nocommint:

اوقفي جدام المنظره وسوري يعني بس كلنا خوات .. فصخي ملابسج وشوفي نفسج .. تاملي نفسج عدل وقرري بتمين علي هالحال .. او بتغيرين وتبدين .. انا يديده .. اذا اي كملي معاي اذا لاء .. فرصه سعيده



قررتي تغيرين حلووو كملي معاي :eh_s(20)::




1- عطيني نفسج وعد انج تحبينها وبتعتنين فيها :friends::33_1185028183:


2_ كرري انا ملكه واستحق الافضل .. انا ديفا سوبر ستار .. لازم اكون من داخل وبرا انسانه تلتفت لها كل رؤوس الناس وينطرونها علي احر من الجمر:wqedqw:


3- انا احب نفسي وانا متينه نفس ماراح احبها وانا ضعيفه لان هذي انا .. ماراح اخش صوري القديمه راح اعلقها وافتخر فيها لان هالقديمه اهيا اللي اتعبت عشان تبني صوره يديده لها بس اهي للحين موجوده بكل شي حلو فيها لانها اهي نفسها بس بصوره الحقيقه لها:eh_s(21)::


4-لا تهتمين بحجي اي انسان يقولج مانزلتي بسرعه .. وي غبرا صارلج اسبوع ومو نازله الا كيلو .. اي نزول سريع يعني تدهور بصحتج وحرمان شعرج وخلاياج وبشرتج من انها تاخذ كل اللي تحتاجه .. انتي بتكونين ديفا وماكو ديفا بشره باهته تعبانه خايسه وشعر مقصف ونصه طايح بلارض وجلد مترهل :flower:


5_ بلشي تغير شامل .. بشخصيتج وبمظهرج طوري نفسج بكل النواحي .. خارجيا اهتمي برجيم بس بنفس الوقت بشعرج وبشرتج لانها جزء منج:eh_s(4):


6-كل شي ماسويتيه والمفروض تسوينه بلشي فيه .. اذا ماتصلين بلشي صلي لانها بدايه يديده بحياتج .. وصلاه تقويج وتنظم قعدتج ونومج والرياضهه سبحان الله بروحها رياضه :yaaaaaarb:



7- تثقفي خلج جميله اخلاق مو بس خلق .. كوني مثقفه ..لاء تكونين وعاء فاضي .. صدقيني اكثر كلمه واكيد سامعتها .. ياحلوها لو بس مسكره حلجها ماتعرف تسولف .. :eh_s(10):

8_ التواضع .. مو يعني انتي بلشتي تصيرين احلي من اول بشكل وبالمظهر من كل جوانبه ان ترفعين خشمج علي ناس .. وايد ناس نشوفهم صج جمال سبحان الخالق بس اول ماتحتكين فيهم وتشوفين اخلاقهم وتسمعين حجيهم وتنصدمين بافكارهم والغررور اللي فيهم جمالهم يبهت بعينج ومايكون له معني .. وسبحان الله ناس من حلو حجيهم واخلاقهم وعشرتهم تزادا جاذبيتهم وتحسينهم جملييييين :eh_s(22):

9- خيكون حبج لناس مثل حبج للخير حق نفسج والله بيعطيج ويقويج اكثر واكثر


هذي اول صفحه من مذكراتي وبكمل معاكم كل يوم حلقه من مسلسل حياتي الفكاهي.. وخيكون باجر يوم يديد لكم بعد نفس ماراح يكون يوم يديد بالنسبه لي .. لاني اشوف كل يوم اهو مناسبه سعيده اعيشها :eh_s(7):

 

[سنابل@]

بصراااااحه كلااااامج ابدااااااع حلوو ومرتب والاهم ان مقنع جداااااا
يلاااا اناااا معااااج واشجعج بأذن الله وحالي من حالج

حسستيني ان اللي داخلي اهوو يتكلم

تحيااااااتي لج والي الأماااااااااااااااام

 

[فواصل]

بداية موفقة ومتميزة

 

[<miss botamba>]

هههههه انا عن نفسي مو قاعده اضعف لاني احب نفسي باسوأ حالاتي واحب كرشي واحب عيوبي

اعتقد لازم ابدي اكره نفسي علشان اضعف


المهم اذا تبين رجيمات وتمارين عندج بموضوعي بالقسم هههه بصيرلي شهر و بس ضعفت 3 مادري 4 ولا جنه رديت كيلو


ضروري ابدي رياضه عنيفه

 

[احترت وياك]

موفقه حبيبتي ,
انا صار لي اسبوع او اكثر بديت اسوي رياضه بس اكلي ماغيرته اكل دسم وكل شي
بس اليوم بديت الرجيم الصج رجيم التمر والحليب وان شاء الله اقدر استمر عليه واضعف وكل ما اقدر راح ادخل واقول شصار معاي اذا قدرت اكمل او لا واذا ضعفت بعد
معاً نحو الرشااااااقه

 

[طير الحب]

موفقه الله يعينا عالرجيم

 

[Black_witch2]

بصراااااحه كلااااامج ابدااااااع حلوو ومرتب والاهم ان مقنع جداااااا
يلاااا اناااا معااااج واشجعج بأذن الله وحالي من حالج

حسستيني ان اللي داخلي اهوو يتكلم

تحيااااااتي لج والي الأماااااااااااااااام

بعد جبدي والله :eh_s(22): عاااد اخ عالتشجيع اهو اكثر شي يساعد انا اكثر شي كان يكسر فيني كلمه وانتي للحين مانزلتي .. انزين جسمي عاجبه وضعه هالفتره شلون يعني:bbbiu:

يالله يالله مع بعض الي الامااااااااااااااااااااااام :eh_s(9):

 

[Black_witch2]

موفقه حبيبتي ,
انا صار لي اسبوع او اكثر بديت اسوي رياضه بس اكلي ماغيرته اكل دسم وكل شي
بس اليوم بديت الرجيم الصج رجيم التمر والحليب وان شاء الله اقدر استمر عليه واضعف وكل ما اقدر راح ادخل واقول شصار معاي اذا قدرت اكمل او لا واذا ضعفت بعد
معاً نحو الرشااااااقه

يارب يسهلها عليج اهم شي انيه .. بس في غلططططط وايد كبير بحق نفسج انتي قاعد تسوينه وبسولفلج عنه اللحين .. بس بعد ماقولج بنطرج وتقوليلي شنو صار معاج تري انا اركز علي النكات :eh_s(10): مو تنوين اليوم وباجر اشوف شرمبي يوط وط يم باب بيتكم:eh_s(11):

 

[Black_witch2]

هههههه انا عن نفسي مو قاعده اضعف لاني احب نفسي باسوأ حالاتي واحب كرشي واحب عيوبي

اعتقد لازم ابدي اكره نفسي علشان اضعف


المهم اذا تبين رجيمات وتمارين عندج بموضوعي بالقسم هههه بصيرلي شهر و بس ضعفت 3 مادري 4 ولا جنه رديت كيلو


ضروري ابدي رياضه عنيفه

باي ابووووي هذا الحجي احب نفسي والله انتي فل علي فل :eh_s(7): بس نهييي هي .. انتي باديه صح بحبج حق نفسج وهذا اللي بيساعدج ,, شوفي انا اول مانزلت عن 120 ووصلت 88 وكان هذا اقلوزن اوصله .. قلت اوف خلاص بس جذي زين بعد اذبح نفسي مو راضي ينزل خلاص جذي الحمدالله .. مع ان الكرش مدزوزه عشر متر جدام والزند يسلم علي الخصر برايحه وراده يوم رضيت بالقليل حق نفسي وماكملت حق هدفي اهني انا قل حبي .. لان يوم رحت زارا (وطبعا كانت اول مره :eh_s(11) ان بشتري نقيت توب الله لاء يوريج صرت مصخره .. غرفت ان للحين باجي علي الحب حبه .. فبما انج تحبينها ياعيووووني :rerrerek: قوليلها هين ان مادلعتج وضبطي الخصر شوي وهلم جره ولج بقولج عن رياضه العنيفه انتي بعد فاصل ونواصل :eh_s(7):

 

[Black_witch2]

طير الحب وفواصل : بعد جبدي والله خواتي تسلمووون والله يحقق مطالبكم باسرع من لمحه البصر
ونسيت <miss botamba> حجيه يارب تحجين وانا ويمج اذا مو حاجه عطيني لنك موضوعج خنخيل احد ينطنط معااي

 

[Black_witch2]

اوكي ونقول بسم الله حق الصفحه الثانيه
اليوم برقرامي : ياناس احس اني مهمه والله خخخخخخخ:eh_s(22):
بحاول اعطيكم يومي باختصار طبعا مايهمكم ان تعرفون اني مثلا تعرجبت وطحت من فوق دري .. او حبست اليهال بالحمام عشان يوزون مايلعبون بصابون




بدايه اليوم : قلاص الخلطه اللي قلت لكم عنه .. تري جد بنات سحررر .. خو عاد مو توقعون من اول مره صبرو شوي عليه بس جد يسد شهيه ويساعد يحرق الدهون واهو الهدف الاول لنا وتحسين بطنج ياجماعه تختلف وتصغر والله جد دشت مو غشمره من صوب القفص صدري صار في حفره وارتفعت شوي وقل دورانها الحلوه :eh_s(10):

الريوق : عباره عن بيضتين مفيوحين مع خس .. قطعه توست اسمر .. قلاص جاي مع شكر خالي دسم حبه واحده ... مع الايام بتعودون علي نسبه الشكر لين تقطعونه بالمره

بعد ساعتين : تفاحه خضرا

الغدا : صدر دياي منزوع الجلد _ سلطه (خس بقدونس جرير خيار شوي طماط فلفل اخضر واحمر وبصل ابيض فوقهم شويه زيت زيتون وليمون )

بعد ساعتين : برتقاله

العشاء: كان سلطه خضرا وعصير كيوي باليمون .. للحين قاعده اشربه وانا اكتب لكم :eh_s(9):



رياضتي كانت يا محفوظين السلامه غير الطردي ورا اليهال :rgewrg:
100 نطه .. شوفو انا حبيت نط ليش في مغني بفرقه سوبر جونيور نزل وزنه لان كان ينط 1000 نطه باليوم .. بما اني مو مولوده كنغر نفسه في شيلو صفر لو سمحتو خخخخخ اهو اللي قاعد علي اليمين اول واحد سبحان الله



ولعبت شويه مع مدربه باليوتيوب عجيييييييييييييييبه والله 10 دقايق بس حاشتني جلطه قلبيه هذي اللي راح طير زنودي وانا اشهد

10 Minute Mountain Climber workout, Burn Fat to the Max! - YouTube

وبما اني احب الرقص الشرقي .. وبنات جد من ايام انا متينه بس خصري داش حيل لان هذا الشي الوحيد اللي ماوقفت عنه يرسم جسمج رسم وفوق ان ضعف انوثه ويشيل زوائد ويقوي الجسم انه متتتتعه
هذي رقاصه طلعت برنامج اوكرانين قت تالنت مموووو صج هذي النسااااء واما فلا

Ukraine's Got Talant: Alla Kushnir (Leila) - YouTube

هذي انا وايد تعجبني صرت امشي بالبيت واسويها سهله حيل مع الايام بتعودين عليها بس تشيل البطن شيييييييييل كرروها هرقصه اكثر من مره وشوفي قياس خصرج بعدين

Camel move - Belly Dance - How to do the Camel moves step by step - YouTube

والحدث الاهم



ياني فضول جذي اشوف الميزان شغال او لاء جان اوقف عليه :krkrkr:

جان خويتكم تلقي نفسها نازله نص كيلو :ggdw: يالله من فضلك .. وبس هذا برنامجي اللي كان اليوم سولفولي عنكم وشنو صار معاكم :rerrerek:[/COLOR]

 

[Black_witch2]

بردود البنات عطوني سالفتين حلوين اسولف فيهم ... ياحبي حق القرقر :eh_s(22):
نبلش مع <miss botamba> قالت بتبلش رياضه عنيفه



كلنا نروح النادي ونظن كثر ماركضنا وكثر ماعرقنا وطلعت عيونا وقعدنا بساعات صلخ بنفسنا بننزل اسرع :eh_s(9):

همممم سوري بس غلططططططط
:bbbiu:

انا كنت بنادي برا وقالي المدرب الشخصي اللي كانت بتحوشه صدمه نفسيه مني وانا شوي انجلط من كثر لعب رياضه ,, ان هذا غلطططط .. لان بمرحله من مراحل جسمج راح يوقف ويقووول ستووووووووووب خلاص يرحم امج وراسج كلوري واحد بعد ماراح احرقلج لان بس وصل ماكسيموم من الجهد .. :eh_s(16):
سالته عن المعدل الصحيح قال : بما ان ناس مشغوله معدل من ساعه الي ساعتين باليوم وااايد كافي .. وعطي جسمج راحه يوم الي يومين بلاسبوع عشان يوصل الي الحد الاقصي من الحرق وهذا امطلووووب بعد جبدي :eh_s(15): .. لانج انتي اساسا طول اليوم قاعد تحركين من مشي داخل البيت او تسوقين او تكتبين .. والنوم بعد .. وانتي تشوفين تلفزيون .. فا بكل حركه حرق سعرات .. فلا تحطين بمخج كثر ماصعبت او زدت الموضوع مشقه علي نفسي وعنف بضعف نوب .. بتكملين اسبوع شهررررر حد اقصي ,, بس بعده بنشوفج بزاويه وتقولين .. وحياه نبي مش هعيدها .. وخنقول انج وصلتي حق وزنج المثالي من تعب اللي شفتيه بطخين لانج وصلتي وبتملين رياضه:ch12:
فا الاعتدال اهو الحل :rerrerek:

انشاءالله بصفحه ثانيه من مذكراتي بسولفلكم عن طريقه صحيحه لرياضه وشنو السر اللي تسوينه برياضه ويخليج وانتي قاعده ماتسوين شي بعد رياضه جسمج يستمر بالحرق بمعدل اسرع :eh_s(4): بس نكتفي بهالحد اللحين

 

[Black_witch2]

الرد الثاني وصراحه بصميم ياني من احترت وياك
قالت بتبلش رجيم التمر .. وانها سوت رياضه بس كانت تاكل دسم :eh_s(10):
بصراحه موضوع مطول حيل بس بحاول اغطي بصوره موجزه عن نقطتين فيه



هذي اختنا احترت وياك .. بعد جبدي شحلوها :eh_s(22):
منعت نفسها من كل شي وتمشي بس علي التمر والحليب او اللبن بس :eh_s(10):



ماراح اتحجي اللحين عن حصص الاكل المفروض تكون موجوده بصحنج ,, بنااجل هالموضوع حق وقت ثاني ... بس صوره توضح شنو المفروض يكون بصنج كل مااكلتي عشان صحه ورشاقه وجمال وعافيه :eh_s(7):
اللحين الحليب موجود حلو ,, تمر موجود تمام .. باجي صحن وين اختفي :eh_s(16):
عقلج بيرسل اشارات ان ياجسمي يا حبيبي انت قاعد تمر بمجاعه .. خزززززززززن يا حبي خززن بيطقنا ظيم وبنقلبها افريقيا .. ومنو اللي راح يخزنه الجسم .. الدهوووووون .. عيل شنو هذا اللي نزل الوزن منه .. بجاوبج .. انتي صح راح تحرقين دهن لانج وصلتي حد المجاعه بس بعد شنو ,, اول شي يبلش يحرقه الجسم عشان تمين عايشه لان الاكل اللي تاكلينه ولا شئ .. راح يبلش بالعضلات ,, اللي انتي لازم تبنينها عشان جسمج يشد ويتانسق .. وكل مازادت العضلات زاد عندج كميه الحرق .. فااكله الجسم وحرقه .. ترهل نقصان وزن .. بس للحين في مجاعه .. نروح دهن .. طار دهن ,, وين نروح .. الاعضاء الداخليه ,, وهلم جره اللي النهايه كحال اخوانا بافريقيا اللع يعينهم انروكسيا بعدها توفاه الله .. بعد عمر طويل مااقاول انا :eh_s(2)::eh_s(11):

.. انزين شنو نسوي عشان يطير الدهن .. اجابه اكل صحي رياضه صحيه .. واليوم بنمسك ايد الاكل شوي :ggdw:



بختصررها عليكم .. شنو هصوره .. هذا الاخ الانسولين واخ منه بس اخ .. هذا الملعون اهو المسؤول عن تخزين الدهن تخيلو .. ركزو معاي اهني .. اللحين انتي شربتي قلاص جاي وتارسته شكر .. دش الجسم ,, اول مايدش سكر اللي الدم يفرز هرمون الانسولين .. السكر من صوره الجلكوز .. المهم ان بعض الخلايا العضليه والدهنيه تحتاج هالجلكوز عشان جذي افرزت الانسلوين عشان تمتصه .. حلووو يعني عندنا عضلات راح تشتغل وخلايا دهنيه راح تشتغل وراح طير ,, انزين وين المشكله ... يوم انتي طيرين وتحطين وراها قولي بساعه وجبه ماكدونالدز ,, مو عن بس البيبسي لاء كل شي ناكله في نسبه سكر .. اوكي .. انفرز الانسولين مامداه من ساعه انفرز عشان يطير شكر الجاي .. دش عليه شكر الوجبه الخلايا العضليه والدهنيه انصدمت ويصير بدل الامتصاص مقاومه مايبي.. يرتفع مستوي جلكوز بدم ويرتفع افراز الانسولين .. خنروح عند الخلايا الدهنيه قاعد تقاوم ماتبي فيقل امتصاص الدهون المنتشره ويصير عمليات تخزين وتصير طبقات متراكمه من الدهن :bbbiu:

الزبده .. زياده الانسولين بدم = زياده تخزين دهون

فاانتبهو حق السكر مو بس اللي ناكله بصورته النهائيه اللي اهي الشكر الابيض .. لاء تري له صور وايد .. فااي شي تشوفينه شوفي نسبه السكريات فيه ,, مو معناه هذا انج لاء هذا في نسبه اختاري نسب القليل يعني 2% احسن من 14% وهلم جرا

اتمني ماصدعت روسكم ولنا باجر لقاء مع ماده بتساعدنا بالحرق اسرع احسن من الانسولين اللي يخلينا نخزن ونحرق اقل

 

[<miss botamba>]

لا انا عندي سيستم امشي عليه لرياضه واذا التزمت فيه اضعف

بس انا وايد اعطيه طاف

وانا احسب الكالوري والمسافه اذا امشي او اركض

ما اشوف شكثر عرقت لان انا بالاساس ما اعرق اوفر

وكل انواع التمارين اسوي

ونفس ماقلتي في تمارين تخليج تحرقين ومو بس وانتي قاعده بدون شغل لا حتى وانتي نايمه

مثل الاوزان وهم تكلمت بهالشي بموضوعي ونصحتهم يشيلون اوزان ووضحت لهم ان مو شرط تشيلين اوزان تصيرين معضله لا مجرد تون للعضله

 

[تووته البسكوته]

واااي موضوعج حلووو ماشالله ...انا بتابعج لان وزوني قريب من وزنج احم احم ...وبضعف معاج والله يوفقما
طبعا انا غرامي الاكل وابي البس واضعف مادري شلووووووون
ماعندي اراده ههههه كللللللللش ساعات امسك روحي يومين وبعدها اخب الدنيا بس لمن التزم التزم صح
احس اذا قطعت الخبز اضعف بحاول اسكر حلجي واكل بالمعقوووووول والحين انا مشاركه مع بنات بحمله رشيقات العيد والله يوفقنا

 

[ضــمــاد]

عـ ـجـ ـيـ ـبـ ـه


أحــب هالمواضيع وهالسوالف حيل تشدني


بإذن الله أنا من متابعين الموضوع



وان شاء الله ننزل ونوصل للوزن المثالي وأحنا بصحه وسلامه


عندي سؤال .. شنو افضل نوع لـ بودرة البروتين و افضل نوع فيتامين


مشكلتي ما أكل لحوم .. اكل اجبان اكل بيض بس مو وايد


اشرب حليب بين فتره وفتره .. احيانا تمر اشهر ما أشربه


فحابه اعوض بالبروتين البودر .. فـ ااذا عندج معلومات عن هالشي ياليت تفيدينا

 

[exanon]

موضوعك حلووووووووو و أسلوبك يهبل ماشالله
الله يوفقج و تضعفين و انت بصحة وعافية و يارب توصلي للوزن اللي خاطرك فيه

 

[<miss botamba>]

يومياتي مع رجيم د. أحمد الخولي

 

[yummy]

كلامج يهبل وتشجعين ماشاءالله عليج الله يوفقج ويجزيج كل خير

بس حبيت انوه عن موضوع رجيم التمر والحليب .. ترى سبحان الله التمر في يعتبر وجبة كامله لانه في فيتامينات ..والخ بس مافيه بروتين ف يعوضونه بالحليب
وبس ياقلبي