مسافره مع طفل ...استفسارات؟؟

[لموية العسولة]

السلام عليكم

الله يعافيكم بغيت أسأل وين أحصل غلاية لرضاعات البيبي تصلح للسفر ...واذا ماحصلت شلون أغلي المميات بالسفر ؟؟ وبالنسبة للي سافرت مع طفل ياليت تبلغني شنو احتاج اخذ معاي بالجنطة للطيارة علما ان مدة الرحلة 11 ساعة ..وهل يسمحون لي اني ادخل بالطيارة مطارة ماي للبيبي والحليب ؟؟وأهم سؤال شلون تغيرون للبيبي بالطيارة ؟؟وهل في دوا يساعد البيبي عالنوم بالطيارة ومايضره ان شاءالله ؟؟

وجزاكم الله خير الجزاء

 

[LaBella]

وعليكم السلام

نفس اسألتي بالضبط ربي ييسر امورج

جم عمر ولدج ؟؟

 

[لموية العسولة]

وعليكم السلام

نفس اسألتي بالضبط ربي ييسر امورج

جم عمر ولدج ؟؟

هلا حبيبتي يزاج الله خير ...عمره سنه الله يحفظه:yaaaaaarb:

 

[LaBella]

ربي يحفظه ويخليه لج

في وحده تقول انها استخدمت دوا للطياره وفعلا تقول طووول الطريج نايم رحلتها كانت 13 ساعه تقول اخر 4 ساعات من الرحله قعد ما مداه يأذيها


بس للاسف ماعرف اسم الدوا :\

 

[لموية العسولة]

ربي يحفظه ويخليه لج

في وحده تقول انها استخدمت دوا للطياره وفعلا تقول طووول الطريج نايم رحلتها كانت 13 ساعه تقول اخر 4 ساعات من الرحله قعد ما مداه يأذيها


بس للاسف ماعرف اسم الدوا :\

آمييين ويحفظلج غالينج ...انا بعد قريت عن هالدوا بس ناسيه الاسم ..ان شاءالله يفيدونا الخوات

 

[المكسيكيه]

انا بنتي سافرت معاي مرتين مره عمرها5 شهور ومره سبع شهور
عادي بكل الرحلتين ما شاء الله نايمه واي فديتها عسولتي

 

[المكسيكيه]

شوفي انا اشتريت معقمة اليهال من هناك من مذركير اخذي معاج الفرشه من الكويت مالت البطول فرشيهم وغسليهم هناك بماي حار مغلي طبعا وعقب قطيهم بالمعقمه
\وعلى الطياره اخذي جنطه حطي فيها جم حفاظه وغرشة اكل اطفال وبسكوت فارلز وحسب جم رضعه انا بنتي ثلاث رضعات والله لان ماتنام الا على الحليب بسم الله عليها ورحلتنا كانت طويله وابيها تنام ماتقوم تاذيني
واي حطي بالجنطه ادول للضروره لا قدر الله للحراره ونصيحه مني لج لبسيولدج بجامه ماله داعي بدله وما ادري شنو اي دوله بتروحين اذا بره اوربا لازم معاج جاكيت خفيف اول ماتنزلين من الطياره لبسيه دفيه واذا شرق اسيا عادي ما يحتاي
وبالنسبه للماي الحار اي يدخلونه معاج قولي حق حليب البيبي مايقولون شي\اي استفسار انا حاضره

 

[ام رينـاد]

انا توني يايه من لندن

وماخذه بنتي عمرها سنتين

الحمدالله ماتعبتني وكانت بالطياره نايمه

بس قعدت باوقات متفرقه

اغراض جنطتها ,,
اللي بالطياره معاها

بامبرز+ كمبلها+ الايباد + وجهاز دفي دي + طين (تحب تلعب بالطين ) + كراسه والوان + حلاو كاكاو وبفك


الاغراض اللي دخلتهم الشحن

شرشفها وجيس مخدتها + ملابس الطلعه + بجامات + الادويه + مقياس حراره ضروري +كريم حفاضات + دلاقات + جوتي زياده واحد + داخلي شتوي واحد احتياط + هليلهوب ابيض واحد + جاكيت + فوطتها وشامبوها وفرشتها ومعجونها

وبس
​

 

[نعوووووومه]

اااب ااااب

 

[توحه1]

الوى ماي غريب

 

[لموية العسولة]

انا بنتي سافرت معاي مرتين مره عمرها5 شهور ومره سبع شهور
عادي بكل الرحلتين ما شاء الله نايمه واي فديتها عسولتي

حبيبتي الله يحفظها لج والله يرزق وليدي نومة هنية ان شالله بالطيارة:yaaaaaarb::yaaaaaarb:

 

[لموية العسولة]

شوفي انا اشتريت معقمة اليهال من هناك من مذركير اخذي معاج الفرشه من الكويت مالت البطول فرشيهم وغسليهم هناك بماي حار مغلي طبعا وعقب قطيهم بالمعقمه
\وعلى الطياره اخذي جنطه حطي فيها جم حفاظه وغرشة اكل اطفال وبسكوت فارلز وحسب جم رضعه انا بنتي ثلاث رضعات والله لان ماتنام الا على الحليب بسم الله عليها ورحلتنا كانت طويله وابيها تنام ماتقوم تاذيني
واي حطي بالجنطه ادول للضروره لا قدر الله للحراره ونصيحه مني لج لبسيولدج بجامه ماله داعي بدله وما ادري شنو اي دوله بتروحين اذا بره اوربا لازم معاج جاكيت خفيف اول ماتنزلين من الطياره لبسيه دفيه واذا شرق اسيا عادي ما يحتاي
وبالنسبه للماي الحار اي يدخلونه معاج قولي حق حليب البيبي مايقولون شي\اي استفسار انا حاضره

ماقصرتي ويزاج الله خير عالرد الوافي ...انا رحت اليوم مذركير وماحصلت عندهم جهاز تعقيم صغير للسفر بس عطاني مثل أقراص مدورة للتعقيم بس ماشريتهم حسيت انهم مضرين لان القرص الواحد لازم اخليه بالمميه نص ساعه ...بشوف بوتس وبروي يمكن احصل جهاز تعقيم صغير

 

[(*ام عهــــد *)]

ماي غريب
حلو ويهدي الجاهل

 

[لموية العسولة]

انا توني يايه من لندن​

وماخذه بنتي عمرها سنتين​

الحمدالله ماتعبتني وكانت بالطياره نايمه​

بس قعدت باوقات متفرقه ​

اغراض جنطتها ,,
اللي بالطياره معاها ​

بامبرز+ كمبلها+ الايباد + وجهاز دفي دي + طين (تحب تلعب بالطين ) + كراسه والوان + حلاو كاكاو وبفك ​

الاغراض اللي دخلتهم الشحن​

شرشفها وجيس مخدتها + ملابس الطلعه + بجامات + الادويه + مقياس حراره ضروري +كريم حفاضات + دلاقات + جوتي زياده واحد + داخلي شتوي واحد احتياط + هليلهوب ابيض واحد + جاكيت + فوطتها وشامبوها وفرشتها ومعجونها ​

وبس ​

حياتي الله يجزيج خير والله يخليلج بنيتج ...وان شاءالله بسوي اللي قلتي عنه:eh_s(8):واهم شي ذكرتيني بالكمبل لان حبيبي ماينام الا بكمبله

 

[لموية العسولة]

ماي غريب
حلو ويهدي الجاهل

شكرا عالمشاركة ...اي يمدحونه بسأل الطبيب عنه

 

[PinkLulu]

في ماعون بلاستيك ينباع في مذركير تحطين فيه ماي ويغلي بالمايكروويف بس ماعرف الطريقة بالضبط

أنا استخدمت نفس الماعون مع حبوب الكلور...تنقعين الممية وبعدين تغسلينها بماي مغلي (بس تنطرين على الماي لين يفتر)


تغيير البيبي بحمام الطيارة...صج المكان ضيج خصوصاً إذا ولدج عمره سنة...بس أحسن عشان لا يحوس ويتقلب

لبسيه شي مريح...مريح حقه خلال الرحلة...ومريح لج لما تبدلين له البامبرز


ما جربت رحلة طويلة بالطيارة...بس اخذي معاج حليب وعصير وروب وأي شي يحب ياكله


وما جربت الدوا...بس إذا ولدج ماشي على نظام معين بوقت النوم...إن شاء الله وقت نومته راح ينام بالطيارة

اخذي معاج بالطيارة....ألعابه اللي يحبهم ومتعود عليهم...آيباد أو آيبود يشوف فيديو

مقياس حرارة وأدول وبخاخ الأنف

لا تعتمدين إنج تشترين بامبرز من الدولة اللي رايحتها...اخذي بامبرز معاج من اهني يكفيج طول الرحلة

لا تنسين تاخذين عدة تنظيف المميات...الصابون والاسفنج والفرشة

اخذي معاج صدريات disposable ينباعون في مذركير

و حاولي تزهبين أغراض ولدج قبل فترة من السفر...وكل ما سويتي شي تأكدي إنه موجود

لأنه مرات صعب تلقين أغراض ولدج اللي متعود عليهم بالدولة الثانية

 

[لموية العسولة]

في ماعون بلاستيك ينباع في مذركير تحطين فيه ماي ويغلي بالمايكروويف بس ماعرف الطريقة بالضبط

أنا استخدمت نفس الماعون مع حبوب الكلور...تنقعين الممية وبعدين تغسلينها بماي مغلي (بس تنطرين على الماي لين يفتر)


تغيير البيبي بحمام الطيارة...صج المكان ضيج خصوصاً إذا ولدج عمره سنة...بس أحسن عشان لا يحوس ويتقلب

لبسيه شي مريح...مريح حقه خلال الرحلة...ومريح لج لما تبدلين له البامبرز


ما جربت رحلة طويلة بالطيارة...بس اخذي معاج حليب وعصير وروب وأي شي يحب ياكله


وما جربت الدوا...بس إذا ولدج ماشي على نظام معين بوقت النوم...إن شاء الله وقت نومته راح ينام بالطيارة

اخذي معاج بالطيارة....ألعابه اللي يحبهم ومتعود عليهم...آيباد أو آيبود يشوف فيديو

مقياس حرارة وأدول وبخاخ الأنف

لا تعتمدين إنج تشترين بامبرز من الدولة اللي رايحتها...اخذي بامبرز معاج من اهني يكفيج طول الرحلة

لا تنسين تاخذين عدة تنظيف المميات...الصابون والاسفنج والفرشة

اخذي معاج صدريات disposable ينباعون في مذركير

و حاولي تزهبين أغراض ولدج قبل فترة من السفر...وكل ما سويتي شي تأكدي إنه موجود

لأنه مرات صعب تلقين أغراض ولدج اللي متعود عليهم بالدولة الثانية

يابعد قلبي يزاج الله خير كفيتي ووفيتي ...انا رحت مذركير وقالي ماعندهم الماعون اللي قلتي عنه بس عطاني الحبوب وبشوفه في مكان ثاني ان شاءالله ...وانا ماخذتله الصدريات ومزهبه كل اللي قلتي عنه بس ذكرتيني بالايباد ان شاءالله آخذله ...ماقصرتي حبيبيتي:eh_s(7):

 

[شوكلاتة سويسرية]

اخر مرة سافرت مع ولدي كان عمره 3 شهور وكانت الرحله ساعه يعني قصيرة المهم اول ماوصلنا بعدساعه ونص انفجر صياح قوي لدرجه وديته الطوراى بالبجامه حتى ماغيرت له خفت يصير فيه شي بسم الله عليه من قوه الصياح
يوم وديته الا كان فيه دكتور اطفال وقالي اذانه ملتهبه وشكلها توها ملتهبة اليوم لان لو من زمان كان اليوم فيه حراره قلت له ايه توني واصله من المطار
وقالي انه كان مزكم وانتي مالاحظتي وماقطرتي بخشمة عشان يقدر يتنفس فالتهبت اذانه مع الضغط
وقالي الطفل وانتي بتسافرين معاه بطياره لازم تفتحين خشمة بقطره المويا والملح عشان مع الضغط لو كان مزكم ماتلتهب اذانه ويتبهذل المسكين .
*نقطة حرصوا عليها احتياط.

 

[pink chiffon]

مابزيد عن كلام الخوات

بس اذا رحلتج طويلة اخذي دوا الكحة ينوم البيبي

انا رحلتي كانت 13 ساعة عطيت بنتي الدوا قبل لاندخل الطيارة وبعد ماطارت بشوي نامت ويوم قعدت كانت دايخة من الدوا ماسوت لي سوالف

اذا ولدج ينشد مع التلفزيون وافلام الكرتون من يقعد حطيها له والرحلات الطويله مليانة بهالافلام