اللي بيضعفوون حق العييد حيااكم مع الرجيم الفرنسي دوكاان

[Lyal]

بنات وينكم حرام عليكم المشاهدات ١٢٤ وجم رد بس !!

عالعمووم بكمل حق اللي ودها تستفيد

 

[Lyal]

اليوم رحت النادي
هم مااخذت القياسات لان الكلينك مسكره

عالجهاز اللي يحرك الفخوذ ١٠ دقايق
مشي بالممشى ٢٠ دقيقه
مشيت على جهاز المشي ٣٠ دقيقه تقريبا
بعدين رحت حمام السباحه تقريبا ساعه

 

[Lyal]

بالنسبه ليوومي مع الاكل


قعدت متاخر لححقت عالغدا صدر دياي و روب فواكهه
صراحه خفت ادوخ بالنادي فاخذت معاي كركرز مكتوب عليه اورجانيك و كالسيوم و ان ٣ جياس منه يساوي كوب حليب
ادري مايصير بس انا مااخذ الشوفان لان محد جاوبني شنو اهو :/
وبعدين مالقيت شي اقدر اخذه معاي هناك

المهم اكلت جيس كركرز مع حيب كي دي دي

ولما رديت سويت شوربة ماجي حتى ماقدرت اكملها اكلت شوي و خليتها


مرات راح ادخل اشياء ممنوعه لان صج ماقدر التزم بالبروتين بس لان مو متوفر عندنا اصناف متنوعه وهم انا اللي اطبخ فابي شي سريع

ماحسيت بدوخه او جوع ولكن مغص ببطني و امسااك يمكن اخذ ملين باجر

 

[Lyal]

ان شالله باجر راح اخذ القياسات و احطها والمفروض حسب الدايت راح انزل كيلوين
ومثل ماقلتلكم اني مااخذت وزني باول يوم دايت و لكن قبل اسبوع تقريبا كان ٧٠-٧١
فان شالله باجر اكوون دخلت الستينات باذن الله

 

[Pretty Amoola]

الله يوفقج ياااارب وتضعفين بالصحة والعافية.

أنا متابعتج وبشوف تجربتج ...

بصراحة ودي أسويه بس مادري ينفع أسويه برمضان

أو لا :eh_s(10):​

 

[حبي أماراتي]

ابي اضعف انزل 70 وارد 75 لازم اوصل 68 بليييييييز المتن فوووق في الصدر

 

[Lyal]

الله يوفقج ياااارب وتضعفين بالصحة والعافية.

أنا متابعتج وبشوف تجربتج ...

بصراحة ودي أسويه بس مادري ينفع أسويه برمضان

أو لا :eh_s(10):​

حبيبتي اشكرج عالتشجيع
بصراحه انا حسبتها اذا سويته 5 ايام قبل الرمضان بروتين
وبعدين على بداية الرمضان بلشت ادخل مجموعة الخضرا فكل شي اوكي
عالقطور مثلا شوربة كبة لحم بروتين طبعا صينية خضار و دياي يعني امشي حالي ب3 وجبات خفيفه فطور عشا سحور

وان شالله مع الرياضه اقدر انزل الوزن اللي ابيه قبل نهاية الرمضان فاقدر ادش المرحلة الثالثه على العشر الاواخر

 

[Lyal]

ابي اضعف انزل 70 وارد 75 لازم اوصل 68 بليييييييز المتن فوووق في الصدر

احتمال تسوين رجيم سرييع و اول ماتضعفيين تردين تاكلين
المفروض تحافظين عالوزن اللي وصلتيله

 

[Lyal]

امس بالليل صراحة ازمة الكل بايده ككاو و بطاط بغييت امووت لدرجة قلت قطعه وحده ماتضر بس قلت لا لا ٥ ايام و تعدي على خيير ان شالله مابي اخربط
رحت اخذلي قطعة جبن سلايز و لبن اكتيفيا و نمت

قبل شوي اكلت بيضتين و حده منهم شلت الصفار وفوقهم جبن واكلتهم بروحه بس للاسف نسيييت و قليتهم
ومرتديلا وحده و قلاص ماي و اكلت حبتي

وان شالله بعد شوي بروح النادي

وبقيييس وزني المفرووض الحين انا بالستينات ان شالله ياارب

 

[FDET NFSY]

موفققققققه

 

[Lyal]

السلام عليكم و رحمة الله و بركاته

امس ماكتبت شي لان كنت متضاايقه حييل

رحت النادي عشان اخذ القياسات
اول شي
طولي ١٦٦
وبعدين قالت ليااقتج ممتازه و كل شي اوكي

بس الطاااامه الكبرى
لما وزنت ولا ٧١ وااااي تحبببببطت
قلتلها انا ضروري اضعف هالشهر جان تقول ليش عرسج لوووول
المهم قالت كلمي الترينر كلمتها جان تقول ماقدر احطلج سترونق بروقرم لان انا قلتلهم مامارست رياضه من قبل صراحه انا كنت اسوي بس من فتره لي فتره بحكم دراستي

المهم جان تقولي اليوم كبداية امشي بالممشى ٤٥ دقيقه و عالجهاز مال الفخوذ ١٥ دقيقه و بعدين روحي حمام السباحة

 

[Lyal]

بديت امشي وعند ٢٥ دقيقه بطنييي قتم يعوورني مغص موطبيعي و رحت الحمام تكرمون و اشوا مشا بطني لان كان حايشني امساك
ورديت اكمل مشي و لا كلاس الرقص بدا قلت بروح معاهم
ودشيت واااااي تعب تعب ماقدرت اكمل العرق قام ينقط وويهي قلب احممممر و اصابعي معرقه
قلت بس ماقدر اكمل بروح اتسبح بحمام السباحة

رديت البيت نفسيتي تعبانه عقب الميزان
صراحه غلطتي ماوزنت قبل الرجيم بالضبط بس هم مو معقوله من اخر مره وزنت قبل اسبوعين اكون زدت اخر مره كان ٧٢
يعني المفروض وزني يكون ٦٩ ٧٠ بالكثييير

طبعا رديت البيت قلت عطوووني من هريستكم اليوم شفتها عالغدا و مشتهيتهااا بس عشان الرجيم مااكلت
وعقب الميزان صراحه تحبطت

وبعدين طلبو سندويجات بيني و بين ونقسي اقوول لا لا اخخخر شي رحتلهم قلت زيدولي وحده زهره بطاط

وبالليل اكلت صمون و جببن و مرتديلا

والصبح تريقت خبز و بيض و حليب جاي

صصصصج خررربتهااا

 

[Lyal]

صراحه بيني و بين نفسي
مرات اقوول استممممر و ان شالله انزل

و مرااات اقول ليش احرم نفسي من الاكل و هم راح ياثر علي من داخل خصوصا ان الرجيم مو متكامل و الرياضه تكفي

وااااي حديييي غلقت عقب الميزاان

 

[((قاهرتهم))]

لا تخربين ابدي من الاول ولا تخلين شي يحبطج

 

[دلوعه كندا]

موفقه يارب وانشالله ينزل وزنج بصحه وعافيه

 

[*MANOY*]

حيااتي انا معااج انشاء الله
وزني الحين 74 وانشاء الله انزل معاج للوزن يارب​

 

[اموووله96]

بالتوفيق راح اطبق هالرجيم

 

[سلاسل الذهب]

الرجيم ما في عيش ولو كوب واحد بس والله يعطيج العافيه

 

[لانا البوسطة]

موفقة حبوبة
عسى توصلين للوزن اللي تبينه
ولا تنحبطين
انا احبطت وكنت نازلة 15 كيلة وثبت وزني
ومو راضي ينزل
ومن الاحباط بدلما ابذل مجهود رجعت ال15 والحين