متى علمتي اهلج ورفيجاتج عن ملجتج او عرسج ....؟؟

[*مطبخ الذواقة*]

مساء الورد لاحلى العرايس

السؤال مثل ما قريتوا بالعنوان :


متى صرحتي بخبر الملجة وموعد العرس ؟

حق بنات عمج وبنات العايله ؟؟؟ وحق رفيجاتج ؟؟؟


واذا بلغتيهم متاخر ؟؟ شنو السبب اللي خلاج تسوين جذي ؟؟



سالت وحدة من البنات قالت ان بنت خالتها وبنت عمها بنفس الوقت عطتهم خبر ان عرسها عقب سبوعيييين !!!!


والله سبوعييين بس وشنو تقول لهم لما دقت عليهم :


يمديكم سبوعييين وااااايد !!!!!!!!!!!!

في محلات بالمجمع الفلاني تبيع بدل جاهزة اذا لكم خاطر تيووون !!!!:eh_s(1):


بصراحة هذي وقاحة ...



طيب واذا كنت مكان بنت الخاله هذي هل تحضرين العرس ولا تعطينهم طاف ؟؟؟





اترك المايك لكم ...:eh_s(17):









ومبارك عليكم الشهر مقدما ....




​

 

[عزتي مااهي غرور]

شددعوة لااا
هو بسس رفيجتي الحييييل معاها وبنت خالي هذي توأمي الي قلتلهم قبل لا املج قلتلهم لما كنت بسوي فحص الزواج
اما الباقي دروا لما ملجت بالواتس التباريك يعني الخبر انتشر
وماحبيت اقووول لان خاايفه لا سمح الله مايكتب النصيب وبس مو كككل شي اقوله للناس
وقضوا اعمالكم بالكتمان

 

[In pinK]

رفيجاتي القراب مني حيل وبنات عمتي هم حيل حيل غاليين على قلبي وحسبة خواتي من ردينا بالموافقة قلتلهم يعني قبل الملجة،

باقي الناس دروا بعد ما ملجت، اما العرس اللي سألوا متى علمناهم، وعادي الموضوع مافيه شي اذا الوحده علمت اهلها وجماعتها

بتاريخ عرسها يستعدون ويحسبون حسابهم، أنا بنت عمي اجلت عرس ولدها بعدي بأسبوعين ولا كانت ناوية تحطة بنفس تاريخ عرسي..


وهاذي اللي بلغت جماعتها قبل عرسها بأسبوعين صراحه ماتستحي ولا تستاهل احد يوجبها ويحضر..

 

[ياربي انا دلوعه]

بصراحه انا حتى رفيجاتي الللي حيل معاي ما علمتهم بشي خفت يصير شي او شي لاني سمعت بهالسالفه وماتمت الخطبه والسبب عيون البنات
واهلي وجذي دروا عن طريق التوبكات موفرة علينا

 

[Sa7rt al9looop]

امبيه مؤ من صجها هاذي واضح خايفه من الحسد

الحمد لله عالعقل أنا لو مكانهم ما اروح أهي اشكرا ما تبيهم تقول اذا لكم خاطر !!!!!!! اي شي مؤ كفؤ احد يوجبهم

أنا بلغت بنات خالتي قبل الملجه والباقي علمتهم أمي لأني استحي صراحه

 

[نبض شرياني]

شوفي اهلي المقربين مثل خالاتي يدرون من انخطب

واذا ملجت بالنفس اليوم امي تبلغهم

واذا انا مكان البنت اروح بس لخاطر خالتي
والبس واكشخ واقعد :dddds:

 

[عسى الله يهديني]

سالفه الخطبه محد عرف الا خالاتي عماتي فققققققططططط


وقبل الملجه بسبوع علمت بنات خالاتي وخالتي وعمي اني بملج


وبالملجه عاد علمتنا الكل

 

[عسى الله يهديني]

اي ونسيت اقول اني احبج في الله وخوش تاجره

مو مثل بعض التاجرات اعوذ بالله عبالهم كلش الحين ؟!!








































ومواضيعج تهبلللللللللللل

 

[white**angel]

الخطبه خالاتي وخوالي اللي دروا فيها ومو كلهم بس خالي العود والصغير عشان يسئلون عن الولد وخالاتي ثنتين هم وبسسس محد يدري لمن دقوا انه موافقين واحنا قلنالهم موافقين مني امي دقت على خالاتي وعماتي وبلغتهم وابوي دق على الباجي من اهلنا القرااااااااب
والملجه انا كنت مسويه حفله يوم اللي يملج في فالكل كاااان يدري قبل الملجه باسبوعين لانه اساسا صار كل شي سريع سريع اول ما حددنا متى بتكون الملجه دزينا مسجات حق كل المعزوميييين الاهل والحبايب والاصدقااااء
وبس ماله داعي كل شي بالخش والدس اذا الله كاتبلج في نصيب محد بيقدر يوقفه

 

[A7la-3roosa]

انا من وافقت على الخطبة الكل درا ولما سويت الفحص قلت حق بنت خالتي اللي معاي بالجامعه و الملجة الكل عرف بعد لازم عشان يباركون
اممممم اي و تحديد العرس من عطونا التاريخ الاكيد علمت بنات خالاتي اللي معاي بالبيبي وامي علمت الباقي :$

 

[قوس قزح]

انا قبل الملجة كنت معلمة صديقتي وخوالي وعمامي يدرون
ومن ملجت انتشر الخبر الله يسلم الواتس يعلم الدول المجاورة
ههههههههعع
بالنسبة للي ماعلمت بعرسها الا قبل اسبوعين هذي مو كفو احد يقدرها
يعني اشكرة مابيكم تحضرون*

 

[شذونه]

بعدي طموشه


ولوكنت بمكان البنات للي علمتهم صديقتهم قبل العرس بسبوعين مراح اروح وبطقااق
ويسلمووو ع الموضوع

 

[اميره^_^بحلآها]

اب


اب

 

[لمى الهاجري]

بصراحة هالايام الحسد والعين صار بكثرة الود ودي محد يدري الا عقب الملجة بس طبعا الا عمامي يدرون قبل الملجة عشان يسالون عن الولد بس انه ينشرون الخبر نو وري لان ماتدرين يمكن هلي يرفضون المعرس يمكن الملجة تخترب بصراحة انا اخوي عصبي وممكن ما تم الملجة على خير فحالتي غير عنكم

 

[Angel_store]

اب اب اب

 

[*مطبخ الذواقة*]

اي ونسيت اقول اني احبج في الله وخوش تاجره

مو مثل بعض التاجرات اعوذ بالله عبالهم كلش الحين ؟!!








































ومواضيعج تهبلللللللللللل

مشكووووووووووووورة فديتج على ذوقج وباجي التاجرات مامنهم قصور اكيد

و

لاني احبكم في الله واعدكم خواتي احب اطرح لكم مواضيع تفيدكم وتساعدكم ..

اما بالنسبة للموضوع :


فبصراحة شديدة ومثل مايقول المثل حط راسك بين رجليك واشهد على والديك :

احنا مجمتمع نخاااااااااااف من الحسد بشكل كبيررررررررر


لدرجة ان الخوف من الحسد تسبب بانقطااع علاقات اهل ومزق ترابط ارحام:eh_s(11):






لكن ولو حنا فعلا الايمان اللي عندنا بالله عز وجل قووووي جان ماخفنا

يقول الحبيب المصطفى عليه افضل الصلاةوالسلام وعلى اله وصحبه :

واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك ,







لكن الخوف من الحسد فينا فينا ولكن يختلف بالدرجات في ناس قليل وفي ناس اووووووووووفر




والله قالوا انهم ما راح يحضرون عرس وحده من هذيل اصحاب العزيمة قبل باسبوعين

اقولكم :


وانا بعد وياكم
:eh_s(15):



واخيرا اقول كم ..

ام يوسف

*مطبخ الذواقة *
بيبي زون





​

 

[عن النسآ أفرق ~]

-




القراب مني يدرون مع الفحص ..
وخالاتي من الخطبه ..
و رفيجتي القريبه من البداييه

و البااجي عقب الملجه
و العرس اللي يسال نقووله ..
اكيد هذي فرحه والكل بيدري ..​

 

[*مطبخ الذواقة*]

صاجه واالله حلاة الفرح الكل يشارك فيه

​

 

[امـل لاينتهي]

بنات ترى في حالات العكس الاحظ اكثر من وحدة كانت فرحانة بتملج ونشرت الخبر وتفركش كل شي ! يعني قضاء الامور بالكتمان احسن لين ملجو يصير خير طبعا ماعدا المقربين

عيل لو تدرون عن حالة رفيجتي الي كلش كللوز قالت لي ان ملجتها بتصير عقب 3 ايام ! بالبداية زعلت منها لاني كنت معاها وماتكلمت ولاقالت متقدمين حتى لكن بعدين فهمت منها السالفة وعرفت انها كانت اصلا موحاطة الشي ببالها وكانت مو موافقة اساسا لان رفيجتي كانت متعقدة من الزواج وتقول مابي اتزوج حتى يوم يتقدم قالت لبيتهم لااا ماابي وتمو جم يووم يقنعون فيها لين اقتنعت حتى الفحص راحت وهي على امل تكنسل بس النصيب

اما وحدة ثانية من صديقاتي صج بطت جبدي مطرشة لي مسج نص الليل معزومين ع ملجتي باجر ! قلت مستحييل اروح واصلا كنت مشغولة بالجامعة ارجع متاخر ولارحت

 

[.. روحي تحبه ..]

..

طبعا خالتي وبناتها دروا من بداية الخطبة لانهم اقرااب لنا حيييل ..

وبعد خطبة الرياجيل اعرفوا عماتي وبناتهم وانتشر الخبر لانها صارت في بيت جدي وعادي ماكنت متضايقة لأنهم أهلي واعرفهم راح يفرحون لي ويتمنون لي الخير ..

ورفيجاتي القراب دروا بوقت الخطبة ..

أما الباجي بعد الملجة ..

وسلامتكم

..