الكوليسترول عندي عالي شنو الحل؟؟؟

[ام سعود ديكسون]

اليوم طلعت نتائج تحاليلي الكوليسترول عالي وااااي صدمة !!!'
و الدكتور يقول لي سوي نص ساعة رياضة و قللي دهون

المشكلة ان الدكتور نصحني و اهو ما يدري صار لي اسبوع داشة نادي
و ما احب البيض و مو حيل مع الربيان !!!!

عيل من وين طلع لي هالمتسلط اللي اسمه كوليسترول!!!!
تهقون هرمونات !! لان صج ملخبطة عندي

و بليز ابي حل غذائي !!! شنو أخذ مكمل غذائي او مصدر طبيعي يخفض الكوليسترول؟؟؟ بعد أنا مو ناقصة انسداد شرايين الله لا يقوله لان ساعات تحوشني نغزات بصدري اول مرة من شهر

منو مرت بهالشغلة!!!

 

[أم حورية]

يقولون تبلعين حبة ثوم يوميا جنها حبة تخفض الكولسترول

او اذا مو حابة اخذي حبوب الثوم من الصيدلية وايد يمدحونهم

واذا عندج احد ايبلج اياهم من ايران يطلع ارخص

ودكتور التغذية بكليتي يقول كان مسوي دراسة عن البربير ع قولتهم بالمصري الرجلة

يقول جربهم ع الفيران واكتشف ان يخفض الكولسترول يعني دخخليه باكلج يوميا تاكلينه جذي او بالسلطات وشوفي النتيجة

واللي قلته اذا ما نفع ما يضر لانه طبيعي بس كل اللي قلته مجرب يعني بإذن الله نافع

واذا تحسنتي ادعيلي دعوة حلوة

وما تشوفين شر يااارب

 

[ام سعود ديكسون]

الشر ما اييلج حبي

داعيتلج بالخير كافي ردج اللي يبرد القلب
اي شكلي ب دخل البربير علي نظامي الغذائي بسوي عليه فتوش 
الثوم >>> حبوب ارحم للمتزوجةعشان الريحة

 

[أم حورية]

تسلمين يا قلبي ?

بس حبة الثوم راح تبلعينها على طول جنها حبة مع الماي ماراح تطلع ريحة كلش بالعكس يقولون تنظف المعدة

بس في ناس مو بالعة الفكرة بكبرها

عشان جذي حبوب الثوم احسن ووايد يمدحونهم

 

[الحب لك وحدك]

عشبة معجزة الشفاء خلال شهر تحرق لج الكليسترول الضار عن تجربه اخذيها من عسل المعجزه وادعيلي

 

[@محبه الرحمن@]

زيت الزيتون ممتاز فى تقليل الكوليسترول بطريقه صحيه
وفيه حبوب اسمها كريستور 10 وفيه 20 حبه واحده قبل النوم .......... هذا علاج الكوليسترول اكيد الدكتور وصفه لك

 

[MiSS B.K]

سمعت تشربين ملعقة خل التفاح كل يوم والله يشفي كل مريض

 

[ام سعود ديكسون]

فديتكم حبايبي كلكم ما تقصرون

 

[Mona Lisa]

انا بعد سمعت حبيبتي عن الثوم وايد يمدحونه وما تشوفين شر

 

[صادقة بكلمتي]

عسى الله يشفيج ويبعد عنج شر الامراض حبيبتي في فيديو نزلته وحدة جزاها الله خير الحين اشوفه لج وارد انزله امشي عليه وان شاء الله تستفيدين وتبشرينا بشفاج والله يبيلنا نروح نسوي فحوصات شاملة وبالنسبة لحبة الثوم والله ريل خالتي ياخذها من عمر ما شاء الله ما فيه الا العافيه لا دهون لا سكر لا ضغط لا اي شي من امراض العصر حبة وحدة مع قلاص ماي الصبح على الريق وقبل لا ينام حتى عياله مثله وما تنفخ البطن ولا لها ريحة كاش يقولون انا جربتها فتره قصيرة والملل ذبحني

 

[صادقة بكلمتي]

‫الكوليسترول والطب البديل-الدكتور رضا العواد‬‎ - YouTube

 

[ام سعود ديكسون]

صادقة بكلمتي عساها بميزان اعمالج شفت الفيديو و سيفته بالمفضلة عندي
لا خلا و لا عدم

 

[صادقة بكلمتي]

صادقة بكلمتي عساها بميزان اعمالج شفت الفيديو و سيفته بالمفضلة عندي
لا خلا و لا عدم

افا عليج حبيبتي ان شاء الله تستفيدين حاضرة ان شاء الله دوم بلي اقدر عليه:eh_s(7):

 

[جذابه بنت ذيابه]

حبوبه لازم تكثرين من الزيوت
زيت زيتوز وزيت كبد الحوت وتشربين ماي قبل الاكل بساعتين و بعد الاكل بعد ساعتين