** تجمع الي مسوين جراحة الفك**

[راجيه رضى الله]

اختي اسراء وحياتج هو موعد واحد و اول مادخل عندي الغرفه شاف فكي وقالي قبل التقويم و العمليه الكبيره يبالج عمليه توسيع الفك العلوي
عمليه صغيره 45 دقيقه و اتفقنا على موعد وماخذت الا صور اشعه مع السستر وماعتقد انه شافها اصلا ! وهو تركي


للامانه الدكتور سمعته سابقته وهو مسوي العمليه لخالتي قبل خمس ست سنين و شفت بنات
بالموضوع مسويين عنده وشفت صور عنده بالكميوتر ،

ويمكن هالشي خلاني مغمضه بالشهرين اللي طافو ومريحه بالي حتى مارحتله بس الحين يوم قرب
موعد العمليه بديت اخااف احس مابغي اتهور

عايشه عذاب نفسي هالايام كل اشوي اقول مابسويها و اخبر اهلي وبعدها ارجع اقول بسويها وبتوكل
على الله كل شوي برايي ماعرف شو اسوي ؟؟؟؟

هلا الهاجرية انتي من الامارات ؟؟ ممكن اعرف اسم الدكتور ؟

انا من دبي ومن ومتى ابا ادخل على الدكتور ميشيل في مستشفى خليفه قالولي لازم تحويله من دكتور عام او طبيب اسنان وانا اصلا الدكتور اللي نصحني اني اشوف جراح فك كان في لندن على ايام دراستي وما عندي ملفي ولا اوراقي ..

كيف اتصرف وياهم لو حد يعرف ؟


حد مجرب دكاترة في دبي على الاقل اخذ منهم استشارة ؟


هيه صح نسيت اقول الهاجرية يمكن كل دكتور عنده طريقة خاصه فيه , انا مادري هو شو سوالج بس كلميه ما فيها شي هذي عملية ومب شي سهل ولازم تتبدد هالمخاوف عندج وتكون عندج ثقة بالدكتور .

الله يسر لج يارب

 

[راجيه رضى الله]

بنات بسالكم اللي يعرف فيكم .. اذا العملية بس عملية حنج مب فك, احتاج تقويم قبل العملية وبعد ولا مب لازم ؟

 

[خوووخه 1]

حبيبتي عيون الدوحه انا قلت لك لاتشوفين لانها مررره صعبه وتحسين انك مو بالمستشفى تحسين انك بالصناعيه والله صعبه لااني ندمت يوم شفت طريقتها وهي مدة اليوتيوب 15 دقيقه كذا انا ترددت بعمليتي كل ماتذكرت الفيديو اما بالنسبه للاحساس احيان يكون غصب عن الجراح فيكون جزء بسيط بالمره الي تفقدي فيه الاحساس هذا من كلام الدكاتره الي انا شفتهم

 

[خوووخه 1]

شوفو بنات جايبه لكم مقاطع فيديوو قبل وبعد العمليه اتمنى افيدكم Endless Beauty

 

[خوووخه 1]

عيون الدوحه جبت لك مقطع اذا تبينه علميني واحطه لك بس اذا كان قلبك قوي شوفيه استنى ردك

 

[عيون الدوحة]

عيون الدوحه جبت لك مقطع اذا تبينه علميني واحطه لك بس اذا كان قلبك قوي شوفيه استنى ردك

الصور والفيديوهات وااااااااااااااااااااو..

الكل ظلع احلى بعد العملية ... بس شكلها صعبه :eh_s(16)::eh_s(16)::eh_s(16):


حطي الفيديو خووووووووخه باشوفه لاني انا احب اعرف كل شيء قبل لا اقدم على هالشيء ....

هاي عملية مب شيء بسيط :yaaaaaarb::yaaaaaarb:

 

[الـهاجريه]

نصيحة لك يالهاجرية من كلللل اعماق قلبي لا تلغينها والله راح تندمين اذا فيه مشاكل او ظروف مالية تمنعك من انك تسوين العملية معك عذرك لكن تلغينها لانك خايفة وكذا لا والله عني انا ما ارضى سويها وتوكلي على الله واهم شئ استخيري قبل


اسراء ممكن طليب بسيط

ابغى اللي نزلت لك صورك تنزللي صوري اذا ماعندها مانع :eh_s(22):


ومبارك عليكم الشهر والله يجعلنا من صوامه وقوامه:eh_s(8):

اختي حبيبه الحسن العمليه بمستشفى حكومي يعني ماعند مشكله بالفلوس عادي ، بس كنت خايفه من العمليه :yaaaaaarb:

وبنفس الوقت سجلت بكورس وببدا بعد كمن يوم فحسيت اخلي العمليه ع الصيف الياي احسن ، بس خلاص بتوكل على الله وبسويها في موعدها الاول

احسن اخلص من الحين و اركب التقويم و ابدا العلاج بدون تاخير زياده :eh_s(7):


اختي راجيه رضا الله هيه انا مع دكتور ميشيل في خليفه وعادي تدخلين عليه بس قبل خلي دكتور تقويم بالامارات يعطيح تحويل عنده اذا انتي حالتج صعبه على طول بيعطونج التحويل

و اذا ماطاعو لانج من اماره ثانيه تعالي بوظبي عند دكتور تقويم ويفضل فطيم وبعطيج تحويل

الا بنات انا مثل ماذكرت بكون عندي كورس تنصحوني اخليه ع الشهر الياي او اخليه بنفس موعده ؟ يعني كم يوم يكفيني الركفري ؟ و نا بس توسيع فك يعني تعتقدون يكفون يومين ؟

 

[خوووخه 1]

السلام عليكم
كيفكم اخواتي عيون الدوحه جبت لك الفيديوبس ياليت الي تخاف او ماتحب هاي المقاطع ماتشوفها وخاصه اذا هي مقبله على العمليه http://endlessbeauty-ksa.blogspot.com/search?updated-min=2011-01-01T00:00:00%2B03:00&updated-max=2012-01-01T00:00:00%2B03:00&max-results=16
وادعي لي معك يااختي عيون الدوحه :eh_s(17)::eh_s(17)::eh_s(17):

 

[عيون الدوحة]

مشكوره خووووخه على الفيديو بس لحد الان ماشفته ، والله يعيننا انا وانتي وتعدي هالعمليه بخير وانشوف نتايجها جميله ان شاء الله

وارجوا من البنات الموجودين يحاولون يجاوبون على اسئلتي الي في الصفحه 389 ،، لاني حابة اعرف المعلومات هذه قبل لا اسوي العمليه

 

[خوووخه 1]

:080402ask_prv::080402ask_prv: وين البنااات ليه محد يدخل بس انا وعيون الدوحه نبي تجاربكم :eh_s(2):

 

[راجيه رضى الله]

مشكورة اختي الهاجرية ,, بس انتي قلتي دكتورج تركي وانا اللي اعرفه ميشيل في خليفة كندي الجنسية ولا يمكن عندهم أكثر من دكتور اسمه ميشيل ؟


ممكن تعطيني اسم عيادة التقويم بالكامل وعنوانهم ومشكورة حبيبتي بتعبج وياي

 

[راجيه رضى الله]

ومبارك عليكم الشهر يا بنات

 

[الـهاجريه]

مشكورة اختي الهاجرية ,, بس انتي قلتي دكتورج تركي وانا اللي اعرفه ميشيل في خليفة كندي الجنسية ولا يمكن عندهم أكثر من دكتور اسمه ميشيل ؟


ممكن تعطيني اسم عيادة التقويم بالكامل وعنوانهم ومشكورة حبيبتي بتعبج وياي

لا لا هو دكتور واحد لجراحه الفك ميشيل يمكن انا مغلطه بس اذكر قالولي انه تركي ويمكن يكون كندي بس من اصل تركي مادري

عياده التقويم المحيط خاصه صوب الخالديه بس وين بالضبط مذكر ناسيه انتي دقي ع 181 وبيعطونج الرقم و لاعادي ماشي تعب انتي شوفي وخبريني شو يستوي وياج

 

[خوووخه 1]

نداء الى اختي اسراااء فديتك دخلي ابيك

 

[خوووخه 1]

علينا وعليك الله يجعلنا من قوامه وصوامه

 

[عيون الدوحة]

منتظرين تجارب البنات بالاخص اذا موجودين الي مسويينها في قطر عن الدكتور مصطفى الخليل ، واجبوتهم على اسئلتي ..

وجزاكم الله خير

 

[خوووخه 1]

لـــــــــــــــيه مافيه احد يرد علينا :eh_s(2): وينكم بنااااات

 

[Esraa.a]

السلااااااااااااااااااااام عليكم ورحمة الله وبركاته


مباااااااارك عليكم الشهر

آسفه ما دخلت المنتدى حقكم علي .. انشغلت كثير هالفتره

 

[Esraa.a]

نداء الى اختي اسراااء فديتك دخلي ابيك

هلاااااااا يا حبي


آمريني :eh_s(17):

 

[Esraa.a]

بنات بسالكم اللي يعرف فيكم .. اذا العملية بس عملية حنج مب فك, احتاج تقويم قبل العملية وبعد ولا مب لازم ؟

إذا بس حنج ما تحتاجين تقويم


والعمليه سهله بإذن الله مدتها ساعه لى ساعتين بالكثييير

تقدرين تطلعين بنفس اليوم من المستشفى أو عالأقل ليله وحده للاطمئنان عليج


وورم خفيف بالجزء السفلي من الوجه .. تقدرين تغطينه بالشيله



عملية الحنج بشكل عام ماااااااا تتقارن نهائيا بعمليه الفك

الأولى أسهل بوااااااااااااااايد من جميع الجوانب وفي الأغلب ناجحه 100% ونتايجها روعه