أسألتكم واستفساراتكم - حياكم الله

[الصابرة المحتسبة]

هلا اختي

نعم تستحق الام التي ترعى زوج معاق راتب ٣٠٠دينار
ويستحق خادم او سايق تروحون النادي الرياضي للمعاقين بحولي وتقدمون على الطلب.
المنحة ١٠الاف دينار بعد موافقة اللجنة الطبية.


http://www.q8yat.com/t1046396.html

http://www.q8yat.com/t1055792.html

 

[مباركيه]

السلام عليكم ورحمة الله وبركاته


الله يعطيج العافية يالصابرة على المجهود الأكثر من الرائع

وعندي سؤال وان شاء الله ألقى الاجابة


ودي أعرف ..



رواتب الذين تحت سن 18 والذين فوق ال 18


اعاقه شديده كم يستلم؟

اعاقه متوسطه كم يستلم؟

اعاقه بسيطه كم يستلم؟



ولج جزيل الشكر

 

[الصابرة المحتسبة]

وعليكم السلام
هلا وغلا بشيخة القسم

تفضلي


http://www.q8yat.com/t1066421.html#post30788101

 

[بنت الكويت 25]

الصابرة المحتسبة يعجز اللسان عن شكرك الله يجعل كل حرف تكتبينة في ميزان اعمالك اللهم امين

اختي ما عليك امر بالنسبة حق وحدة الارشاد النفسي تقولون في الهيئة تقصدين في المجلس الاعلي للمعاقين الي بالشعب او

بمكان ثاني اتمني الافادة بارك الله فيك

 

[الصابرة المحتسبة]

الله يعافيج ويسلمج
والورقة مو ضرورية خلاص مايبونها.

 

[مباركيه]

مشكوووووورة ما قصرتي والله صج انج عين السيح

مشكووووورة على الشرح الوافي

 

[الصابرة المحتسبة]

العفو ماسويت شي
وحق وواجب

 

[العنقا77]

السلام عليكم
حبيبتي الصابره بسألج سؤال
الطفل اللي على كليه وحده والثانيه مشيوله((((عسى الله يخليه لي كان فيها أورام وشيلناها))))
بدت في الكليه هذي الحين تكيسات
رفيجتي تاخذ من المعاقين لولدها عشان كليه وحده راتب له
وقالتلي روحي وقدمي الأوراق
ويوم رحت سألت هناك بصراحه ماعطوني وجهه وقالوو مايصير
وصعدت فوق وسألت والله جني أطر يقوولي مافيه مافيه

السؤال صج له حق ولدي ولا لأ

مع أنه رفيجتي حطوه إعاقه متوسطه ولدها

والله يعينكم المكان يضيق الخلق والنفسية الله يهديهم

 

[الصابرة المحتسبة]

وعليكم السلام

هلا اختي

وعسى ربي يشافي لج وليدج


اللي عليج انج تاخذين تقاريره الطبية كلها وتروحين السرداب تطلبين فتح ملف ولا تسالينهم ولاشي قولي لهم بغيت افتح لولدي ملف طبي لشهادة الاعاقة

 

[دانة الدنيا@]

السلام عليكم
اختي الصابره انا ولدي لما رحت اجدد اوراقه بالشعب قالو تروحين تجددين عند الاعاقات الجسديه وتجددين الاوراق كلها ليش ماني عارفه اهو اعاقته وراثيه شديده ودائمه يقولون اهو موتابع الطب التطوري

 

[الصابرة المحتسبة]

وعليكم السلام

هلا اختي:

التجديد لازم اذا كانت شهادة اثبات الاعاقة قديمة وتحمل اسم مجلس المعاقين

انزين الاعاقات الجسدية بالهيئة نفسها ولا لاوين؟؟؟ اول مرة اسمع

 

[nurse m]

أختي العزيزة الصابره جزاكي الله كل خير على سعة صدرك وردودكي على الخوات وانشالله في ميزان حسناتك ،أنا إعاقتي بسيطه مسويه عمليات في العمود الفقري واحتاج لعمليه فهل تعرفين إذا ينفع لي التقاعد الطبي علما إن خدمتي 13سنه وباقيلي سنتين الى سن الاربعين وانا من ضمن المهن الشاقه وممكن اعرف شنو حقوق الإعاقات البسيطة وجزاكي الله كل خير?

 

[الصابرة المحتسبة]

أجمعين يارب

وعسى ربي يشافيج ويعافيج

قدمي أوراقج للمجلس الطبي وان شاء الله يقبلون.

ومميزات الإعاقة البسيطة:

مادة 32: يستحق الاشخاص ذوو الاعاقة او ذووهم ممن تنطبق عليهم شروط التمتع بالرعاية السكنية منحة مقدارها عشرة آلاف دينار زيادة على قيمة القرض الاسكاني المخصص لاقرانهم من غير ذوي الاعاقة حتى يتم بناء السكن وفقا لما يحتاجونه من مواصفات خاصة، وذلك طبقا للشروط والضوابط التي يصدر بها قرار من الهيئة بالاتفاق مع بنك التسليف والادخار.
كما يمنح الاشخاص ذوو الاعاقة البسيطة او ذووهم مبلغ خمسة آلاف دينار.

 

[katalee]

اختي الصايرو جزاج الله خير بغيت اسال متى ينزل راتب اللي ترعى المعاق صحيح بعد سنة ?
عندي سؤال امب واخوي رفضوا اعاقتهم في البداية اخوي عطوه نسبه عقب رفصوه مع انه تعبان ايضا امي رفضوها شنو الحل نقدم تظلم او نعيد اللجنة

 

[الديمومه]

السلام عليكم​

اختي صابره مشكوره على سعة صدرج للكم الكبير من الاسئله عسى الله تكون في ميزان حسناتج يا رب
اختي انا بنتي اعاقتها شديدة تطوريه هي غير كويتية ولكن امها كويتيه لما راجعتهم ما عطوني ولا شي مع انهم سوولها هوية اعاقه لكن بدون اي فايده منها ما عدا التعليم توهم وافقوا عليها , الحين انا محتاره ما ادري المدارس التابعه للهيئه شنو افضل المدارس فيها افيديني الله يرضى عليج​

 

[الصابرة المحتسبة]

اختي الصايرو جزاج الله خير بغيت اسال متى ينزل راتب اللي ترعى المعاق صحيح بعد سنة ?
عندي سؤال امب واخوي رفضوا اعاقتهم في البداية اخوي عطوه نسبه عقب رفصوه مع انه تعبان ايضا امي رفضوها شنو الحل نقدم تظلم او نعيد اللجنة

يجازيج ربي يالغالية
تقدرون تطلبون كتاب تظلم ويدخل على اللجنة مرة ثانية والله يسهل الامور.

 

[الصابرة المحتسبة]

السلام عليكم​

اختي صابره مشكوره على سعة صدرج للكم الكبير من الاسئله عسى الله تكون في ميزان حسناتج يا رب
اختي انا بنتي اعاقتها شديدة تطوريه هي غير كويتية ولكن امها كويتيه لما راجعتهم ما عطوني ولا شي مع انهم سوولها هوية اعاقه لكن بدون اي فايده منها ما عدا التعليم توهم وافقوا عليها , الحين انا محتاره ما ادري المدارس التابعه للهيئه شنو افضل المدارس فيها افيديني الله يرضى عليج​

وعليكم السلام
هلا وغلا أختي
اذا الام كويتية تستحق راتب ام المعاق اذا كانت غير موظفة
بدل خادم او سايق اذا كانت الإعاقة شديدة او متوسطة

 

[سنع ومنع]

السلام عليكم ..
يعطيج العافيه أختي .. حبيت أسأل شنو الأوراق المطلوبه والمستندات حق تجديد معاش المعاق ؟؟ وشكرا

 

[الصابرة المحتسبة]

وعليكم السلام
هلا وغلا بسنع شلونج وين هالغيبة
بشريني عن وليدج
الاوراق المطلوبة:

شهادة إثبات إعاقة جديدة
تحويل من البنك مبين فيه رقم الحساب
بطاقة مدنية المعاق +مقدم الطلب
استمرارية زواج حديثة
كتاب دور الرعاية حديثة بان المعاق غير مسجل عندهم

 

[سنع ومنع]

وعليكم السلام
هلا وغلا بسنع شلونج وين هالغيبة
بشريني عن وليدج
الاوراق المطلوبة:

شهادة إثبات إعاقة جديدة
تحويل من البنك مبين فيه رقم الحساب
بطاقة مدنية المعاق +مقدم الطلب
استمرارية زواج حديثة
كتاب دور الرعاية حديثة بان المعاق غير مسجل عندهم

هلا فيج حبيبتي ..
الحمدلله حمودي بخير ..
مشكوووووره وما قصرتي على الافاده عسي الله يجعله في ميزانج يا رب