- إنضم
- 18 مارس 2008
- المشاركات
- 5,915
- مستوى التفاعل
- 1
- النقاط
- 0
عدنا
السلام عليكم يا حلوين
ادري وحشتكم انا ووصفاتي الصاروخية *_*
اليوم يبتلكم وصفة ... مممممم نفس العنوان ( من حلاوتها كلت نفسها) ... يعني ماراح تلاقين الصحن بعدين
يبتلكم وصفة القطايف مع صور الخطوات وحده وحده
طبعا حطيتها من سنه بالانستقرام بعدين حسيت بالذنب اني ما حطيتها اهني وانتوا اولا
شلكم بالطوييييييله
اول شي شوفوها
حلوه؟ اكيد؟
تقدرون تسوونها اصغر او اكبر .. بالحجم اللي تبونه .. اللي عندنا يحبون الاكس اكس لارج
وبعد تقدرون تتحكمون بلونها فاتحه غامجه حسب ما تشتهين ...( حطي في بالج الشيره تغمجها شوي فا سويها بين البينين مجرد تحمر شوي شيليها من الصاج او التيفال
المقادير :
المقادير: في الخلاط قلاصين طحين ونص قلاص سميد ناعم وقفشة شاي بيكنج باودر وقفشة شاي خميرة جاهزة ونص قفشة صغيرة ملح وثلاث قفاش اكل سكر وقفشة شاي ماي زهر ) وسلامتكم
الطريقة بالصور
سخني التيفال وبالقفشه مالت الشوربه صبي دوائر .. المقدار للحجم اللي تبينه ... راح تتكون عالويه فقاعات تونس نطري بو نص دقيقه الى دقيقه رفعي طرفها بالشوكه لقيتيها تحمرت جذي من تحت
هالصوره من النت للتوضيح
ومن فوق نشفت شوي ... خلاص شيليها وحطها في صحن كبير وغطيها بفوطه او سماط علشان ما تنشف وتتكسر مع الحشو
وحشوتي كانت قشطة : حليب ونشا ( او كسترد حسب ذوقج ) وماي ورد
ونصهم حشيتهم حق ماماتي حلوة اللبن هالخلطه( جوز هند- فستق- سكر-يوز)
احشيييييها - قلييييييييها - غطيها بشيره بارده ورقعيها بسرعه
اكو ناس تحب تسكرها بهالطريقه وتحشيها قشطه بدون قلي
او تسكر نصها وتقليها وبعدين تحشيها جذي
جني طولتها ؟
بالعافيه يا حلوين :eh_s(7):
التعديل الأخير:
