.@.¤,¸¸,¤السلام¨¤¨عليكم¨°¨ورحمة¨°¨الله¨¤¨وبركاته¤,¸¸,¤
اول شي اتمنى لكم التوفق وتجيبون الدرجات اللي تحلمون فيها يارب
انا راح اكلمكم عن ماده ماده من وجهة نضري
اولا : العربي ماده حلوه وسهله ومافي قصائد حفظ واجد بس اللي كان يغث فيها
اهو البلاغة كان حفظ حفظ اهو اللي ضيعني لاني ماكنت ادرسه اول باول والله يابنات نصيحه لوجه الْلــًُّ☝ٓـــِهٌٍَٓ لا تضيعون درجاته
ولا تعتمدون على المذكرات علبونه مختصر ترى ما ينفع ادرسي من دفتر الابله والبلاغه مايجي عليها الا سؤالين او ثلاث فحرام تضيعين درجاتهم
ثانيا : الانجليزي طبعا احنا اول سنه لنا لما حطو نظام اسالت القصه وكانت حايستنا حوس بس انتو يعني تعودتو على هالشي قصة الكورس الاول اسهل من
قصة الكورس الثاني الاساله ماكانت واااجد يعني والقواعد اغلبها مكرره
ثالثا : الدين من ناحية التربيه الاسلاميه مو ذاكره عدل بس الاسلاميه سهالات والقران بعد التجويد ماكو دروس واجد واذكر كان في امتحان فيه تعريف واحد بس
اللي هو الوقف والبنات كنت اشوفهم والله يشهد علي من ثاني يوم من بلشنا دراسه راحو سمعو الايات والاحاديث جان اسوي نفسهم
رابعا : الدستور كله حفظ الابله كانت تعطينا جم سؤال وتقول هذا اللي يجي منه الامتحان يعني انتي وحضج بس تقدرين تضمنين فيه الدرجات خاصتا بنات الادبي
خامسا : الرياضات يوه عاد هذي الماده صديقتي الصدوقه غصبن عنج تحبينها
بالكورس الاول راح تواجهون شوية صعوبات اما الكورس الثاني تاخذين درجات وانتي مغمضه
سادسا : الاحصاء ..... لا تعليق
سابعا : الفيزياء كل ما اتذكره تلوع جبدي بس الفيزيا ان ما درستيها اول باول انسي تجيبين درجه حلوه فيها لانها راح تراكم عليج الدروس فحرام انتي شوراج كلها سنه اتعبي كل يوم عليج فيزياء برمجي نفسج تردين البيت تراجعين على كلام الابله عشان يثبت بمخج او اي شي مو فاهمته تسالينها فيه مو لا جا وقت الامتحان تكون عندج كومت اساله و دوري عاد على اللي اجاوب عليها
ثامنا : الكيماء نفس الشي تقريبا بس الكيمياء الكورس الاول كان سهل سهل على حسب ابلتج اللي ادرسج اذا تفهم ولا لا
اما الكورس الثاني بس الفصل الاول اللي كان صعب لانه كله معادلات وحفظ ومادري شنو هم يبله اول باول
تاسعا : الاحياء يمه يمه يمه شحلاااته مع اني ما كنت اجيب تدرجات كامله فيه ب 11 بس ب 12 اجنن
صج انه الكورس الاول ممالك ومادوي شنو بس حلو اما الكورس الثاني اذا انتبهتي مع الابله باول حصتين وفهمتي عدل خلاص الباجي راح يسهل معاج
اهو الكورس الثاني اربع فصول كل الفصول سهله ماعدا الفصل الثاني اللي كان بشكون منه البنات بس بنسه لي كان سهل لان الابله لما تشرح مساله تعطينا واجب ونرجع البيت نحل يعني مثل المراجعه عشان جذي سهل علي
واخر شي اتمنى اني ما نسيت ولا ماده واتمني اني فدتكم واي سؤال انا حاضره
ومابي منكم غير انكم تدعون لأبوي بالرحمه والمغفره وجميع موتى المسلمين
.@.¤,¸¸,¤السلام¨¤¨عليكم¨°¨ورحمة¨°¨الله¨¤¨وبركاته¤,¸¸,¤
