لووووول احرجتيني مريوم xx
امين يارب
اي والله جان زين تكتبين لنا عن المواد وجذي
ارتاح من كلامج
اول شى يعطيكم العافية على التجمع وثانيا شكرا على ردج حييل مريح وصج سمعت من وايد ناس بس انتي اكثر وحدة ريحتني عن الكيما العضوية والله يعطيج العافيةيآختي لج معزة والله:eh_s(17):
ثآني عآشر
من أجمل أجمل أجمل أجمل أجمل أجمل أجمل أجمل سنوآت حيآتي
صدقوني عمركم مآ رآح تستانسون بسنة كثر هالسنة صج صج أحلى سنة بتمر عليكم بالثآنوي كلهآ
اهيا المنآهج سهلة اهيآ الوناسة والفرحة كونكم خريجآت كل شي فيهآ حلوووو
وحتى لمن خلصت اول مرة ازعل لآن المدرسة خلصت صج من قلبي زعلــت
عيشو هالسنة بكل لحظآتهآ ولآ تخلون للحزن مكآن فيها لان صج أحلى سنة
بكلمكم عن تفآصيل هالمرحلة الي لهآ وقع نفسي واجتماعي وعآطفي بقلبي
وكل مآدة فيهآ :
الريآضيآت
الحب ... أحلى ريآضيآت بيمر عليكم بالكورس الاول يمكن تحسون كيميته كبيــرة شوي بس سهل حيييل عشآن جذي يبيله اول بأول وحطو قآعدة ابآلكم ان الامتحآن الفترة الثآنية " الفاينل الاول " دياما ييبونه شقآقي كل سنة اييبونه صعب بس يمشووون حييل بالتصليح حيييل فلا تحاتون كلش..اما الكورس الثآني كآآآآآآآن حددده سهل وحلووو خاصة الفصل الثآني بالكتاب الكورس الثآني حدده تآفه تآفه امبي يضحك اصلا مآل يهآلو بس تعويض .. اما الفصل الاخير والي الكل سوو لوية وخايفين منه وخرعوني منه لي درجة حسيت اني رآح اسقط فيه..
اكتشفت انه سهل سهل سهل سهل بس يبيله فهم فهم فهم فهم فهم لآزم تفهمونه عدل انسو النحشات انسو كل شي بس جآبلوه وبالفاينل كل يوم اخذو مسآلة اقروها مو تحفظونها لا بس اقروها وفهموهآ..
والاحصاء تافه تافه تافه مو نفس 11 لا اسهل بوآآآآآآآآآآآآآآآآآآآآآآآيد ادرسله قبل الامتحان بساعة حده سهل ويضحك بعد كنا نسأل الابلة من صجهم يعطونآ جذي !!! .. لا وبالفاينل اخر السنة يحطون لكم القوانين بس حطي وعوضي
باختصآر اسهــــــــــل من 11 بس يبيله مجابل لان اسمه ريآضيات:eh_s(15):
-الكيميا
وآآآآآآآآآآآآآي أتعب وانا اقول عنه حلوووو خآصة الكيميا العضوية جد جد عجييييب جنه ألغآز وتحلينه يشغل المخ بطريقة حيييييييييييل حلوة حييل وممتعة...اول كورس بتحسون انكم مو فاهمين بس مع الايام بتتعودون..الكورس الاول مافيه كيميا عضوية الا اخر شي وادري بتحسون انكم مو فآهمينه بس الكورس الثآني فصل كآمل عنه ورآح تتعمقون فيه حدددددددددددددده حلو عمري مآ حبيت الكيميا كثر حبي للكيميا العضوية :eh_s(22):..رآح تصآدفون وآيد بنآت يقولون لكم صعب بس هذيل يكونون مقزرينها نحشات انتو بس فهموه ورآح تعشقونه ..بس عموما الكورس الثآني اسهل من الأول من وجهة نظري بس في بنآت يشوفون العكس عشآن الكيميا العضوية !..اما الكيميا التحليلة فسهلة نوعا ما بس مسائلها شوي عبيطة بس تنحل بسهولة ان شاء الله مع التدريب
وبشآرة الكورس الثآني فصل كآمل محذوف واهوا اصعب فصل
-الفيزيآ
تآآآآفه حده جدآم مآل 11 حده تآفه والكورس الاول أصعب من الثآني ..:eh_s(9):
الكورس الاول نصيحة اي سؤال بالاختبار اييلكم ما العوامل اول شي كتبو "نوع الوسط" لآن ثآبت حق أغلب الاسئلة وتضمن لكم درجات .. الكورس الثآني سهل حدددده عن الموآد العازلة والموصلة واشياء سهـــــــــــلة تافهه حدهآ
-الاحياء
اول كورس عن الممآلك الخمس بس هالمرة رآح تتعمقون فيه كله حفظ × حفظ مآفيه فهم الا نتفة..ويمشي حاله يعني الي يحفظ يصير عنده سهل والي يكشت يصير صعب ومآ يندرس
الكورس الثآني مآآآآآآآآآآآآآآآآآآآآآي وكله مسائل وراثية شلون الريآل الاصلع اذا تزوج مرة عندها شعر شنو اييبون..واذا ابوج فصيلة دمه b و امج o شنو اتييبون...حددده حلووو وسهل سهل سهل..لي يومكم هذآ لو تعطونه مسألة احلها عآدي لآن حدده سهل ضمنو درجاتكم فيه
-الانجليزي
كالعادة مآفيه شي يديد اللهم قصة الكورس الثاني اسهل من الاول
الاولى تتحجى عن امير وحرب وخرابيط والثانية عن يتيم ويبي يصير جنتل مآن
-العربي
كالعادة بس في شي يديد عليكم
البلاغة انسو التشبيهات والاساليب و..الخ لااااا غير غير غير كلش خآآآآآآآآآآآآآيس
يعطونكم عن المسرحية والشعر والشاعر شنو صفاته وتعاليل وتعاريف كله حفظ بحفظ وحفظ خآيس مو مثل الاحياء كله اشياء ادبية .. كنت احب البلاغة بس كرهته منه استغفر الله..المشكلة بالامتحان قسم كآمل حقه..يعني حفظو لان عليه درجات كبيرة بس ترى الاسئلة ما تطلع من الكتاب كلللش كللش فكنت احفظ واضمن درجتي فيه..
-الاسلامية
عآدي مآفيه شي يديد ..بس الكورس الثآني في زيآدة درس بالفاينل ماتدرسون 14 درس لا تدرسون 15 درس ويتقسمون جذي " الفترة الثالثة 9 دروس والفترة الرابعة 15 درس " بس الكورس الثاني سههل واسهل من الكورس الاول مع انه كميته اكبر بس دروسه اسهل
-دستور
هالمآدة الوحيدة الي ما شاء الله ما نقصت فيها ولآ درجة طول 12 لان الامتحآنآت كلش مآ تطلع من الكتاب ويكون من المدرسة حتى الفاينل و بس حفظي كله حفظ نفس الاجتماعيات بس الكورس الثآني عن حقوق الانسان حدددددددددددددددددددده سهل..يعني حفظو لا تستهينون
-حاسوب
رآح يعطونكم برنآمج شلون تسوون برنآمج .. اغلب البنآت مستصعبينه مآدري ليش مع انه اذا فهمتيه حددده بيكون سهل وحلو..والي تحبه خل تدش هندسة كمبيوتر لآن يتعمقون فيه اكثر والي تشوفه صعب وكل شي ختوخر عن هندسة الكمبيوتر ولا تفكر فيها لان هذا مايسوى نقطة ابحر هندسة الكمبيوتر..اهوا تعليمات برمجية وجذي فمادري انا كآن عندي حلوو وممتع مآدري بالنسبة لكم شنو بيكون
-العاب
الكورس الاول عن التنس مو الريشة لا الثانية العودة الثقيلة ..والثاني عن الكراتيه حلوو وخفيف
عمومآ عقب القرقة اختصار الحجي
( رآح تحسون بفرق كبييير بين 11 و12 حيل حيل كبير .. رآح تحسون انكم تتنفسون وكل حيآتكم سعاد × سعادة خخخ p; ):eh_s(9):
موفقين كلكم ان شاء الله واي سؤال انا حآضرة
:eh_s(8):
