ساعات العروس... لستة الاسعار ... تحديث؟؟!!

[طالبة1990]

السلام عليكم ورحمة الله وبركاته

ادري الموضوع شبه مكرر

بس بما ان القسم قسم عرايس فنحتاج تحديث دائم للاسعار

وحبيت بعد استفسر عن فرق السعر بالدول الثانية


بالمختصر اي عروس تروح السوق وتدش محل ساعات وتستفسر عن السعر

ياليت تحط لنا السعر


او اللي لها خبرة باسعار الساعات ياليت تفيدنا فيها

وياليت بعد توضح اذا السعر بالالماس ولا بدون
ومن اي كوليكشن

 

[الصاابره]

يعطيج العافيه
فعلا موضوع مهم وبوقته

انا شريت امس ساعة فالنتينو
مسوين خصومات 50%

واتمنى البنات يفيدونا بعد

 

[موكا لاتيه]

تينن فالنتينو
وحتا ديور روووعه وتجذب

 

[اميره^_^بحلآها]

صاجة والله اللي فوقي ديور رووعه عند اختي تهبل حيل تبارگ الرحمن

 

[طالبة1990]

حياكم الله

وعليكم بالف الف عافية

بس ماقلتوا لنا عن الاسعار

اهم شي بهالموضوع ذكر الاسعار

يعني يكون مثل المرجع


واذا مافيها كلافة حطوا لنا صورة الساعة من النت

حطوا ب قوقل للصور اسم الماركة بالانجلش وانسخوا رابط الصورة

<<< كثر طلباااتج



اسعدني مروركم حبايب قلبي

 

[ألجادل]

شروتي 200​

 

[طالبة1990]

يسلموو الجادل ع الافادة

باحاول هاليومين اروح اشوف اسعار رولكس واوميغا

حيل عاجبيني

بس خبري باسعارهم من زمااان

وارتفاع الاسعار صار بشكل كبيير

 

[بسكوته ذايبه]

حبيبتي الاسعاار فعلااا زادت بشكل كبير

شوبارد هابي سبورت بدون الماس من بره ( ذهبي وفضي ) كنت ماخذتها لعرسي خذيتها ب ٢٨٠٠ سالت من قبل جم يووم انصدمت بالسعررر قالي ٤٠٠٠ نفسهااا اهي اهي تخيلي وقال ممكن تصير ٣٨٠٠ او ٣٩٠٠ صدمهههههه قالي الحين كل شي ارتفع سعرره !!!!

شوبارد اللي توها نازله الفضيه بدون اي شي تبدي من ١٦٠٠ وانتي طالعه حسب فضيه ملتي او ذهبيه مع او بدون المااس وتوصل الذهبيه ٩٠٠٠


الديور كلها الماس ب ٢٠٠٠ وهذا سععرها ماتغير وممكن اخر شي ١٨٠٠ حلوووه وراقيه هم في وحده توها ناازله اللي تعرضها الممثله الجنوب الافريقيه راح عن بالي اسمهاا هم حلووه بس اسبور اكثر وجنه بدون الماااس بس اعتقد نفس السعر اممم بس مو متاكده انا نسااااااايه​

 

[بسكوته ذايبه]

اوميغاااا شفتها قبل جم شهر اخر كولكشن ملتي ب ٨٠٠٠ وشي صدمه !!! شدعوه اشتري سياره ثاانيه ابرك طبعاا في اسعار مناسبه بس دايماا زوجي يقولي انتي ما يعجبج و تروح عينج الا على الغااالي


والله يوفقكم عرااااايس​

 

[بسكوته ذايبه]

فرزاتشي عمليه وحلوه برونزي على ذهبي ب 450 اذا مو نااااسيه بس تقريباا ماخذتها من 3 سنين الحين نزلت كولكشنااات احلى بس اسعااارهم الله اعلم وسلاامتكم اذا حابين تشوفونهم قولولي احط صورهم

 

[لمى الهاجري]

الرولكس تقريبا 40000 ريال قطري وصلت روحي الخبر والدمام هناك ارخص

 

[omaseel]

الاسعار ارتفعت الضعف

 

[طالبة1990]

صدمتيني بسكوتة ذايبة

صج اني قديمممة

بس يعطيييج الف الف عافية ع الافادة

معلومات مفيدة ودقيقة

عاد الشوبارد كانت من ضمن مخططاتي


وصاجة في ساعات حلوة ورخيصة مثل الفرزاتشي

بس فعلا عينا ع الغالي

 

[طالبة1990]

الرولكس تقريبا 40000 ريال قطري وصلت روحي الخبر والدمام هناك ارخص

ايييه هذا اللي ابي اتأكد منه

قالوا لي بالخبر والاحساء الساعات اررخص

بس السؤال اللي بسأله هل الفرق يسوا العنوة؟؟!!

اذا الفرق يسوا ليش لا مو من بعد الخبر



بس المشكلة وين بالضبط

يعنس بوتيك رولكس وشوبارد واوميغا وين احصلهم


لان مرة دشيت موقع الرولكس باشوف الافرع بالشرقية

وحصلت الكوهجي فاتوقع هذا وكيله او الموزع بس مو معقولة ماكو بوتيك ل رولكس بالخبر



بليييز يا اهل الخبرة فيدونا

 

[طالبة1990]

صاجة ام اسيل

الارتفاع وصل الضعف اذا مو اكثر

والمصيبة احيانا بسنة وحدة يزيدون الاسعار اكثر من مرة

الله يعيين




المصيبة الاكبر كل شي ارتفع بالحياة حتى قرض الزواج

ماعدا شي واحد مو راضي يرتفع كلللش

٧
٧
٧
٧

المهههر



هذا هو من سنة الطواعين

 

[فجر الخجول]

اللي تسأل عن الرولكس
انا رايحة خبر وشايفه بنفسي اسعارهم ارخص بوايد
الرولكس الروز قولد بدون الماس بالكوبت بوكيلها لقيتها2800دينار اما في الخبر٢٢٠٠ دينار فرق ٦٠٠ دينار
الكوهجي هو وكيل الرولكس في الشرقيه موجود في الظهران مول
وفي فنسيا مول.
اما شوبارد جلد بدون الماس مينتها كبيره ١٤٠٠ دينار بالكويت لقيتها والصغيرة ستيل اللي داخلها حبات الماس ع قولته حقت عرايس١٧٠٠دينار

 

[كويتية بروما]

انا مو عروس بس اموووت بالساعات قلت ادش افيدكم واستفيد
شوفي كل الساعات بالكويت اغلا ليش مادري وما حط بدمتي يمكن بعد تقليد مو اصليات
افضل ان عندج احد مسافر وصيه ييب لج من برا اضمن وارخص
انا سمت الاوميغا غولد روز بدون دايمند الصغيره
بالكويت 1350
وخدتها من ايطاليا بالف الكبيره لانها اتي مني وكبيره

ناعمه وسعرها معقول

ما شاء الله
صورتها والتصوير ظالمها باللبس احلااا
شريتها للعيد ان شاء الله






وعندج الرادو
rado
موقعهم
Rado: Unique Swiss designer watches

انا شلريه منهم سوده ب 500 دينار من ايطاليا
وركبت معاها خاتم بولقري الاسود بدهبي رووووعه
الصوره من النت تقريبا نفس هالموديل بس المينا غير
ع العبي تطلع امممم روووعه




والاقنر حلوووووه شاريه وحده منهم ب 200 من روائع جنيف
صوره من النت
اللي منسدحه نفس مالتي



وعندي بعد وايد من قس شروتي الفيرو مارتيني ربرتو كفالي مايكل كورس اسبرت مسكينو وماركات وايد للاستعمال اليومي


بنات موشرط كل ساعاتكم بالاف اهم شي تكون مناسبه ايديج وناعمه
يعني اللي مهرها خمس الاف ولا سته
تشتري ساعه بالفين والدهب والجهاز والصالون تكفه شنو بيكفي

في ماركات اسعارها معقوله
اخدي لج وحده شوي غاليه بحدود ال 500
والباجي عاديات
اهم شي وحده تطيح ع الدهبي ووحده فضيه عشان تناسب كل اكسسواراتج

حتى نينا ريتشي اسعارها معقوله
قوتشي

الله يوفقكم

 

[طالبة1990]

اليوم كنت بالصالحية

صج الاسعار حيل مرتفعة

الشوبرد اللي بدون اطار الماس حصلتها ب ٣ وشي

 

[طالبة1990]

والرولكس الديت جست بدون الماس

ب 2700 وعليها خصم 15% فتصير ب 2300

 

[طالبة1990]

والكارتير حبيت ال baignoire

الصغيرة سعرها ب ٧ وشي